杜記茶餐廳

今日專程坐車入上水去呢間位於上水新健街既杜記茶餐廳，去一試佢地呢個腐乳豬扒飯。由上水火車站行5分鐘到就到，唔難揾。店舖唔大，舊式茶餐廳格局，找了個卡位坐低，就即點個腐乳豬扒飯，其實係一碟豬扒飯加一碟腐乳醬比你點豬扒食咁簡單啫。落完單就即上例湯一碗同一碟腐乳醬，ok有味道的，不一會就到碟豬扒飯。個豬扒半厚切，點腐乳醬異常好食，好夾，炒飯底，餸腐乳醬又好味，真係啱哂我地呢d重口味既人，滿分！[米饭]口味：🥚🥚🥚🥚🥚[薄荷]环境：🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

午飯時間，身處上水有咩食好？喺石湖墟行一陣，見到橫街有間茶餐廳……杜記茶餐廳，被有歷史嘅門面吸引咗，門口顯示有圍村盆菜，入到去的確係有啲舊式味道，在木椅卡位坐下，張枱好特別，上面係玻璃，下面有一格空間要嚟放餐牌同餐具。咕嚕雞球飯，酸甜味配搭剛剛好，唔太甜 唔太酸，雞炸過係脆，粉有啲厚但唔過分，有好多件雞，菠蘿都似是新鮮的，午餐嚟講算有啲誠意。例湯紅蘿蔔白菜湯，夠晒火候，個湯好味，仲好過出面好多收費餐湯。凍奶茶夠香濃夠滑。午餐性價比高。…查看更多

傳統地道街坊茶餐廳，叫咗個南乳雞扒飯，炸雞扒薄身脆口不油膩，南乳汁鹹香但不過火。奶茶係傳統口味，有奶味又有茶味，口感算滑口，比起市區茶餐廳嚟講已經係十分唔錯，最緊要係久違嘅人情味，人哋預備緊盆菜，竟然請我哋食少少試吓。#上水杜記茶餐廳…查看更多

喂！我嚟到一家老字號茶餐廳，嗌咗碗魚湯米線，一試正中我個味👌。話說這碗米線，湯頭就已經攞足分，係那種深得你心既鮮甜，每啖都令人回味無窮嗰隻。跟住，講吓啲料呀！豬軟骨嫩滑又夠哂嚼勁，咬落嘎吱嘎吱，叫人有種滿足感。至於家常既魚蛋，啊！彈牙得嚟彈到開心，款款都係咁飽滿，叫人一係再來一啖。而家講講啲豆卜同菜，無厘頭咁簡單但卻都可以食出幸福嘅滋味。 最正既係，雖然環境古舊，係咁一來就知道呢度講求既係味道而唔係花哨。坐低，聞吓周圍飄來既各種香味，咪叫人食指大動？咁好味既食物喺這種有歷史感既地方，擺落真係倍嘅過癮。下次再黎試吓其他嘅招牌菜，話唔定又有新驚喜喎！🥢🍲😋…查看更多

差不多年年農曆新年都會訂購的杜記盆菜😋今年訂了大盆菜 $1250+$50按金，共$1300💰$50按金只要洗乾淨個盤就可以退回～只限自取，店家亦可以代你電召送貨，但相信也是較方便北區人訂購😀材料很足，常見的豬皮、腐竹、豆卜、芋頭蘿蔔都非常入味👍🏼另外白魚蛋非常彈牙，很好吃！看起來與是一般坊間零售可以買到的不一樣，如果可以單獨購買就好了🤤🤤白切雞的雞味十足，肉質嫰滑👍🏼另外也有一般盆菜較少見的門鱔乾，大家都爭著吃😆家人說豬腩肉也很好吃，入味之餘十分軟淋鬆化🤤整體調味不會太鹹或過濃，吃完也不會特別口渴😋大盆菜應是預12人份量，我們九人也K.O.了😆希望有更多北區友會發現此隱世高質盆菜💚…查看更多

呢間杜記，我見無論上網同朋友間都冇乜人提，同佢的店舖位置一樣咁隱蔽。咁又係，依家世代一般人寫食評都唔會揀間荼記嚟寫啦。我反而相反，因為係香港由細食到大，眼見香港水吧由師傅轉做阿姐沖奶荼，乾抄牛河由色香味俱全變成豉油老抽顏色唔協調，河粉痴鑊變漿糊。老早已將荼記等同劣食或者頹飯充飢掛勾。不過呢間杜記，我覺得係上水之中算最好食的荼記之一。我食過佢的南乳雞扒同腐乳豬扒飯，初頭都諗，吓腐乳夾豬扒？夾唔夾架，食落又出奇咁夾。我諗係其他荼餐廳應該好少可以食到呢個飯，個人認為腐乳豬扒比南乳雞扒好食，佢中午仲有羊腩飯，新年又會有盤菜飯，荼記之中都算有自已的特色，而且價錢45-60蚊不等。所以比個好評。…查看更多

生日飯又唔想出街食，因為人太多，所以都係係屋企食好！盆菜就係最好選擇！食咁多次杜記係最好食嘅一間！訂左盆茶準時去取，超正呀！一打開！個個都嘩嘩聲，賣相已經好吸引喇！非常足料！見到都開心🥳，魚蛋彈牙、雞又唔會好老、豬腩肉正睇佢肥但入口溶化甘香，無得頂呀！樣樣野都好食😋！食到中途比我見到有門鱔乾，真係手快有手慢無呀！💪🏻個個食得好開心🥳呢個價錢值得呀！最緊要係食完唔洗洗碗又唔會失禮人！值得推薦🥰…查看更多

做冬～屋企人加加埋埋20幾個,叫一個盆菜可以煮少幾個餸😆咁我哋就嗌左大盤，份量可以夠8至12人食，我哋打電話去預訂，然後要預先入數，之後先去拎，做節應該比平時貴少少，我哋揀咗有鮑魚同蠔豉個款，蠔豉炆得好入味，佢嘅汁真係好好食，個汁好食令到樣樣嘢都好食，佢有白魚蛋喺盆菜裏面，呢隻魚蛋彈牙到不得了，同屋企人搶住嚟食😅芋頭又夠晒淋，我覺得盆菜裏面嘅豬皮同腐竹簡直就係靈魂，兩樣都入晒味，真係好好味😋…查看更多

今年食咗4個盆菜，呢個最好食😍。12人盆菜🤗，除咗大路鮑魚，雞，西蘭花, 豬皮……外，有啲平時少見嘅食材，如木耳，鱔乾……。芋頭好香好粉😊，蘿蔔好入味👍，魚蛋彈牙，豬腩肉亦炆得恰到好處，整體都幾高質又足料，賣相亦都唔錯，值得encore. …查看更多

平時屋企人都鍾意食盆菜，今次有朋友介紹我地試食呢間「杜記」，就訂左一個大盆菜，連埋個盆嘅按金$1300。去到門口見到原來係一間細細間嘅茶餐廳，當下仲有啲擔心唔知個盆菜掂唔掂😅但係攞到返屋企打開一睇就知道我地嘅擔心係多餘嘅！😆😌個賣相已經夠曬吸引，而且非常足料，夠我地十幾個人食👨‍👩‍👧‍👧👨‍👩‍👧‍👧雞肉好滑，魚蛋彈牙，豬腩肉同冬菇炆得好稔好入味😋蝦同門鱔乾非常搶手🥢🥢蘿蔔、豆卜、枝竹同木耳索曬啲湯汁但係又唔會太鹹，食完亦都唔覺有好多味精口乾嘅感覺。摷到落最底仲有芋頭有驚喜，不過有幾塊豬皮就麻麻地。呢個價錢係包埋碗筷餐具，咁多人食完都唔洗洗碗，非常之方便😆…查看更多

又係一間舊區小店，賣點係椒鹽豬排飯同咸魚肉餅飯小店定期會送素菜俾有需要嘅人食，值得欣賞。一黎會送例湯，飲落唔會太濃味，冇落味精，清清地。奶茶有水準，始終得老式茶餐廳先整到個隻味。肉餅飯，有落到咸魚，有一種咸香味，食開清淡嘅朋友可能會覺得油左少少。自己衡量啦。椒鹽豬排飯，係比較濕身個種，食落唔會覺得好熱氣。份量充味道濃，唔會得個咸同辣。如果叫埋炒底就會變肥仔。價錢方面，唔記得左，應該係一個餐四十幾蚊。四十幾蚊有飯有湯有野飲，仲要好食，足夠啦。如果係要搵野黎講就係油左少少，不過你叫得呢味送就預左。佢仲有個腐乳豬排飯，今次冇試，下次經過會再試下。…查看更多

間鋪係舊墟再入啲，可能你會食落覺得同平日其他茶記冇咩分別，味道都差唔多。咁老實講煮個麵係屋企整都一樣。主要係呢到布人情味！當日我係朝早行嚟行去咁啱見到呢間，本身仲猶豫咗陣，跟住有個呀姨係側邊話呢間好味架，就入咗去。裝潢同舊式茶餐廳一樣叫咗側蕃茄薯仔湯底豬扒餐肉公仔麵湯底南係好夠料，冇hea到你豬扒大大件，仲多肉過午餐肉佢個奶茶好濃奶，我個人就中意多茶d，所以中吾中意就見仁見智。最後埋單係一個婆婆，相信呢間老店係佢青春換嚟…查看更多

出外抖抖氣，搵D嘢食下，而家係咪要係新界區先吸到新鮮空氣，出去抖下氣，周圍行下，搵間餐廳食下嘢，不知不覺中，見到有間餐廳仔，門囗細細，我哋企係門口望下，老板娘（我估）話入去試下，甘就入去試下☺️☺️入到去，見到好多盆菜係到整更，望到盆菜好吸引，真係好想食😜熱🍋檸檬茶☕️——苯味濃郁凍檸茶——夠凍又渴鮮茄牛肉飯——即炒鮮茄🍅，牛肉夠滑。紅腸、荷包蛋🥚、炸菜肉絲通粉🍜⋯⋯熱辣辣好味道⋯⋯😋😋（佢地整更盆菜期間，仲請我地食左個南乳炆腩肉）味道好好味，又入味又夠腍，腩肉又爽口，👍👍👍👍第日想食盆菜可以係到預訂，價錢又合理，材料又夠多，下次同屋企人又可以試下👏👏見到佢地D盆菜好靚，所以就影低左😊😊望見就已經好想食😂😂😂😂…查看更多

新年就是朋友相眾的一個好時候，我這次邀請朋友到家。好多朋友都知道上水有好幾間盆菜很好的小店，這次推介新年品嘗過的杜記！好記得當日去，杜記剛好半開門，原本打算當日不營業，結果很熱情地招待我入去訂盆菜~~還細心跟我解釋！ 今次我訂大盆($1200) 另外加$400有秘製大魚蛋和原隻鮑魚。為了大家都開心過一個豐富的新一年，所以我都加了~~ 盆菜用錫紙包好！再用膠袋袋好！膠袋用紙皮墊底！打開同店家照片好似(其實根本一樣樣)！食材好多而且難得地很入味！因為這麼多料要做得咁好是很難！ 冬菇，豆卜，豬皮~~土魷片好好味~我好喜歡，鴨肉味很濃。最重要係朋友所說：樣樣都是喜歡吃的！難得。另外加秘製大魚蛋和原隻鮑魚都好好味！朋友一吃大魚蛋立即讚不絕口，彈牙非常！鮑魚也很入味~~好好味！ 另外，原來包餐具~~好細心！以往的盆菜都總有不足的地方，這個超正的盆菜正正告訴我們有時美食都是在民間~~YEAHHHH！…查看更多

走入杜記茶餐廳，有額外一份親切感。坐在門口收銀處的老闆娘，很有禮的跟食客講句早安，非常和藹可親。說到早餐，除了跟普通的茶餐廳款式外，還有少數餐廳才有的 --- 番茄薯仔通粉！而且，即叫即煮，所以需時5~10分鐘的等候呀！雖然味道偏咸了一點，但有種家庭式的煮法，那種無型的味道，難以用筆墨書寫出來的啊！至於熱檸茶方面，茶味清淡，但少見茶記的檸茶，送到上食客台上，仍有水滾的水泡，可見茶算是即叫即沖呢！另外，每月一號，這家餐廳都會發行粥券，免費為上水區內的老人家派粥！可見，杜記老闆做生意的同時，不忘回饋社會！ 讓食客給茶餐廳賺錢都賺得舒服呀！ 由 香港愛玩生 iplayhk 提供…查看更多