45
1
0
港鐵銅鑼灣站 A 出口, 步行約13分鐘 繼續閱讀
電話號碼
26380177
營業時間
今日營業
11:00 - 00:00
星期一至日
11:00 - 00:00
*最後落單: 23:30
付款方式
現金
食評 (46)
等級4 2019-07-11
1823 瀏覽
有晚早收工,同事就話灣仔附近新開左一間樓上大排擋,不如大家去試下~ 呢間大排檔係懷舊香港的主題,裝潢好特別,同埋十分乾淨!和大家對屋村大排擋有既印象好不同~<椒鹽鮮魷 $98>要叫左大排檔個「前菜」過口癮? 緊係叫一個「椒鹽鮮魷」啦!,呢個椒鹽鮮魷好有水準,爽脆香口,加埋個喼汁,無得彈! <鹽焗馬友 $188>再叫左個「杜老誌推介」入面既「鹽焗馬友」!而果真無推介錯,個馬友焗完後,個肉仲係十分滑嫩;而鹽焗味唔會好濃,剛剛好,個味道配搭一流<豉油皇蝦碌 $188>然後就係呢個「豉油皇蝦碌」,一上菜果一刻就覺得賣相相當吸引佢應該係連殼咁炒,炒到啲蝦殼沾黏鼓油後,就上菜~ 所以就連個蝦殼都有陣陣鼓油味(^-^) 十分香口,十分推介!<椒絲腐乳通菜 $68>咁要叫下菜既,呢個椒絲腐乳通菜份量唔錯,味道亦幾好,抵食<炸鮮奶 $98>小妹平時就好鍾意食「炸鮮奶」,見到有就緊係叫黎試下啦! 佢唔算好油,但外皮炸到好脆,裡面個餡就仲有些甜甜地,溶溶地既口感~ 10分裡我俾7.5分! <龍鳳可樂 & 柚子蜜 $23 & $21> 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-09
1462 瀏覽
大排檔小炒鑊氣十足,但大熱天時,熱力迫人,非一般人可以忍受。杜老誌大飯店枱櫈筷子座水壺十足大排檔風味,再加上五光十色的霓虹招牌,桑拿浴室、麻雀館就在面前,很有昔日香港風味,不少食客都襯機打卡。餐牌食物種類不少,以香口菜式為主,感覺上較受男士歡迎。豉椒炒蜆配煎米餅侍應極力推介此菜式,豉椒炒蜆新鮮熱辣有肉地,不會有殼無肉。豉汁流入煎米餅內,外面煎得香脆但吸收豉汁後入口不會太硬。鐵板T骨薯仔鐵板T骨很有港式西餐風味,T骨起肉後,原條T骨放回鐵板上。T骨肉味不太濃但軟硬適中,有咬口再加上黑椒汁味道,很像兒時食港式鐵板牛扒的味道。此菜式尚有炸薯塊及大量彩椒,不至於啖啖肉,有蔬菜平衡一下。鹽燒鮑魚煲鮑魚煲內有六隻鮑魚,全部花去殼再放回殼內。鮑魚鹽燒後風味與清蒸完全不同,變得香口惹味,鮑魚外皮帶有略略燒焦的烙印,賣相吸引。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-07
1393 瀏覽
呢度好似時光倒流咁 充滿八九十年代嘅香港味道🇭🇰私心覺得非常適合想體會老香港情懷嘅朋友嚟影相打卡 因為大排檔、麻雀館、夜總會嘅場景都有 成個攝影棚咁😳唔止裝修 連Menu都好有大排檔風味😧 我哋兩個人叫咗四樣嘢加甜品 $500都唔使一眼睇晒叫咗啲乜先介紹兩款小食 沙薑雞腳同椒鹽白飯魚 兩個都係幾地道 而味道偏重嘅前菜😂 雖然話係前菜 但份量比我想像中大好多 大件夾抵食😱沙薑雞腳好入味 但略嫌唔夠腍 椒鹽白飯魚就真係好惹味 好適合佐酒 我同朋友都食唔停🙊紅燒乳鴿 又係一道好廣東嘅菜💁🏻‍♀️細個每次去酒樓我都會扭計要嗌 貪佢夠香脆又多汁 小朋友一定啱食🤓鐵板T骨薯仔 牛肉非常之腍 好似無筋咁 調味亦恰到好處 論味道係我全晚最鍾意幾一道菜🤭壓軸嘅甜品係菠蘿皮西米布甸 本來我哋想叫一客嘅 點知店員提醒我哋 原來可以點人頭份量$28😧 仲好因為我哋眼闊肚窄 點一份一定食唔晒🙊 菠蘿皮嘅西米布甸 其實連我都未試過 味道大家都想像到 係幾夾嘅 而且我鍾意佢個西米布甸唔會太甜 幾啱香港人口味👍🏻👍🏻👍🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-04
627 瀏覽
灣仔嘢食方面不嬲都要捐窿捐啦先至搵到好嘢食😗😗今日就喺銅鑼灣同灣仔中間搵到一間樓上新式大排檔風味嘅餐廳😎😎😎一入到去比佢個裝修嚇一嚇😯😯😯真係好靚!!完全有老香港嘅味道😎😎唔同嘅房間都用唔同嘅主題裝飾👍🏻👍🏻有機舖,酒樓,連門口都裝飾成為桑拿😂😂😂真係笑死我😂😂洗手間都整到成部舊式電梯咁😂😂喺裝修方面真係好有心思👍🏻👍🏻👍🏻嘢食方面,大排檔小炒有嘅嘢佢都有👍🏻由於今次淨係同男朋友兩個人黎食,所以都係只有叫咗兩個主菜同埋一個炒飯🤔🤔值得一提嘅係佢啲啤酒都唔貴👏🏻👏🏻👏🏻所以都忍唔住叫咗一支😬😬第一個上枱嘅係鐵板豬手🤓🤓上枱嘅時候仲熱辣辣😍😍吱吱聲好香😍😍豬手又大嚿🤓切落去啲肉好林👍🏻👍🏻豬手嘅香味出晒嚟😋😋😋豬手嘅皮咬落去好邪惡🤤🤤🤤軟林林但係又好好食🤤🤤🤤好香配埋黑椒汁呢個餸簡直一流絕對抵食👍🏻👍🏻第二個上枱嘅係厚切龍王鱔煲🤤🤤就係熱辣辣咁樣上枱😎😎裏面有好多蒜頭同埋洋蔥,調味之餘又吸晒鱔嘅精華😋😋個鱔勁有咬口👍🏻👍🏻好彈牙好爽口🤤🤤而且份量好足,連啲蒜頭都整到好好味😬😬所以都忍唔住食咗好多粒😬😬最後上枱嘅係招牌杜老誌炒飯😋😋見佢賣得比其他炒飯貴,原來係因為有鮑魚粒😯😯😯個飯炒到乾身一粒粒好分明👏🏻👏🏻👏🏻而且有好多韭菜😋😋所以食得特別滋味👍🏻又食海鮮又食豬手埋單都只係六百真係超抵食! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-02
922 瀏覽
星期日family day,夜晚一齊出街食飯,爸媽總是中菜的支持者😂所以就揀咗呢間新開嘅中菜廳食晚飯🤔估唔到餐廳嘅設計又幾用心,採用左懷舊香港主題,有唔少燈牌,反映了老式香港的繁華,充滿年代嘅味道,爸媽見到都話勾起了不少回憶🤭炸鮮奶😋餐廳都有唔少懷舊菜式,有比較少見嘅炸鮮奶,炸鮮奶似係啱啱炸起,色澤金黃,外皮都炸得夠酥脆,但係內裏則係香滑嘅牛奶,甜甜嘅奶香味好濃郁,係一道幾可口嘅菜式。紅燒乳鴿😋估唔到乳鴿都幾大隻,外皮都幾香脆,肉質則較為結實,不過肉味都尚算香濃,咬落都有肉汁,食落又唔係話好油膩,一隻半隻放縱下都唔緊要啦🤭瑤柱蛋白炒飯😋瑤柱蛋白炒飯係個人最喜愛嘅菜式,因為返粒炒得夠乾身,而且每一粒都夠分明,菜粒切得均勻,食落有口感。瑤柱香氣濃郁,飯粒吸收左瑤柱嘅鮮味,而且蛋白炒得都夠嫩滑。花蛤蒸水蛋😋賣相最靚,花蛤整齊排列好似一朵花,口感煙韌,食唔到沙,鮮味濃郁。蒸蛋吸收左花蛤既鮮味,加上本身夠嫩滑,成為咗送飯之選🤤炸子雞😋味道最好。原隻炸子雞賣相好靚,外皮金黃色的而且夠薄,咬開肉汁就流出來了,好juicy🤤雞肉肉質夠鮮嫩,富油香,肉味濃郁,質素不錯。 繼續閱讀
(以上食評乃用戶個人意見 , 並不代表OpenRice之觀點。)