37
19
13
營業時間
星期一至六
07:30 - 00:00
星期日
11:00 - 00:00
公眾假期
11:00 - 00:00
付款方式
現金
其他資料
電話訂座
外賣服務
食評 (77)
等級3 2011-12-04
1336 瀏覽
好耐無試過,今晚無咩IDEA食咩,同老公就決定去返呢間食....仲要係特登搵路搵返出來....哇,失望到呢...見到餐牌D價錢都幾恐怖,都明白食材加左價,加價好正常,亦預左部份係同佢交租,也無可厚非,但成個MENU貼D新價錢搞到一岩一忽咁,好肉酸!好明顯好多價錢改過,好心出份新既MENU啦!跟MENU叫左2個套餐,43蚊,一碟送加一個菜飯,WELL,菜飯水準沒下降到,算係安慰....但碟送...嚇親,得3舊鎮江骨,汁就多,可能怕D客唔夠送都有汁你撈下掛,我好辛苦先分配到4舊仔點送一大碗飯...份量少到呢..大佬,話哂你收人43蚊,乜其他野都無囉!另一套餐係金落菇肥牛卷,難食到....葵涌廣場小食店9蚊串有4舊都好味過佢100倍囉!但佢又係賣43蚊,得4條短CHI CHI,我老公比我辛苦D,因為要將4舊超難食的肥牛卷分配一碗飯度囉!根本唔想再叫野飲了,侍應態度亦超差,對遊客都係粗聲粗氣,人地話埋單,佢在收銀處只係粗聲粗氣講2個字: 這裏.....示意遊客自己拎單去埋....真係嚇親好彩我食哂D鎮江骨先飛隻蚊仔落左D汁度,拿拿臨爬完碗飯走人,同枱對面2個遊客叫左梅菜扣肉同炸唔知咩魚,扣肉肥到呢....根本LUR多過食囉!見2個女仔食得苦口苦面,唉....唔明點解呢度咁多好評,今時今日咁既價錢,可以話貼錢買難受!無再下次了!(實在太嚇人,無理由拎得出部相機影相,走都走唔切了) 繼續閱讀
(以上食評乃用戶個人意見 , 並不代表OpenRice之觀點。)
等級4 2011-11-14
714 瀏覽
逛過崇光,大家都又渴又累,決定去最近的甜品舖吃甜品,懶得等升降機到iSquare樓上,便去了對面的杏花樓甜品。晚上約十時,沒有五人的吉位,我們唯有分兩桌,等待別人結帳離開。我們吃了~鮮芒果西米露:份量少,西米煮得過久,以致黏成一塊,質感差。楊枝甘露:同樣地,份量少,芒果很酸,差。凍冰花炖雞蛋:唯一正常水平的食物,雞蛋很滑。整體而言,今次吃的甜品比以往遜色,食物質素欠佳,價錢亦不算廉宜,坐得頗擠迫,加上仍不斷有食客出現,不宜坐得太久,感覺匆匆忙忙的,我以後寧願多走幾步,不會再光顧杏花樓甜品了。 繼續閱讀
(以上食評乃用戶個人意見 , 並不代表OpenRice之觀點。)
等級3 2011-02-26
387 瀏覽
晚上去尖沙咀行街,想搵間少去0既餐廳食野,見到杏花樓,諗起四年前食過一次之後就冇再試過,今次一於幫襯下我果餐係要埋甜品,所以就$55,唔飲野一路食一路都感覺不到太多蕃茄味= =''越食越冇味,最後再上埋個甜品 好奇怪....開頭食...一0的甜味都冇,食到中間...0的糖水積埋嚮中間...= =''中間甜都死....點解會咁架...下次會諗下先再0黎食lu...不過..服務方面是不錯的!!! 繼續閱讀
(以上食評乃用戶個人意見 , 並不代表OpenRice之觀點。)
等級4 2010-12-26
254 瀏覽
之前於海港城的滿記食過令人失望的芝麻糊豆花,是次到尖沙咀又想食,附近方便的選擇不多,便到杏花樓碰碰運氣。芝麻糊是傳統中式糖水店的穩陣之作,芝麻味頗香濃,夠幼滑,可見米漿和芝麻混合得不錯,食得出是生磨的,總算不欺場。豆花與滿記同樣的較人工,其實用肉眼便分得出其與豆品店的豆花的分別,杏花樓和滿記的看上去有點似稀身的馬豆糕,較公整,而前者更沒後者的幼滑。下次來這家,應該不要貪心,單食糊會較好~ 繼續閱讀
(以上食評乃用戶個人意見 , 並不代表OpenRice之觀點。)
等級3 2010-12-21
183 瀏覽
一行7人晚上10點幾去到, 見佢好落力幫我地執檯,就好逼咁坐晌其一圓檯, 勉強ok.阿姐話唔知咩機壞左, 冇得打汁, 聽極都唔明,結果叫左下面野食:-凍雙皮奶- 正常味 (我食呢個)熱雙皮奶- 麻麻地海底椰涼粉- 出面果d好味d, 食剩左芒果椰汁黑糯米- 芒果酸到喊, 食剩左雜果涼粉- 芒果酸到似super lemon!楊枝甘露- 有粉狀圍邊好似沖劑, 偏酸, 加多碗糖水好d西米皮湯圓2碗share- 第一round, d湯同湯圓都係微暖, 換過之後湯熱但湯圓都只係微暖... 我實在覺得連正常都不如...總結係, 幫襯呢度應該食飯而唔係甜品, 冇下次. 繼續閱讀
(以上食評乃用戶個人意見 , 並不代表OpenRice之觀點。)