李奧廚房

營業中

休息中

尋日夜晚6點幾，去買飯，付款時，收錢阿姐話八達通付款每盒要加$1，果時已有問號？但果時無錢係身，現金係車度，費事出去攞，咪話是但啦照俾。今日同同事講開，佢哋話係唔可以咁加附加費。今日已打去八達通公司投訴。

近排番荃灣，人生路不熟第一次係荃灣買三餸飯，想食魚加一個餸45$價錢合理但餐具要比錢講聲咪得，咪比你囉拎走外賣行到一半望一望先見到無餐具，行番去問佢拎，話要比一蚊，唉真係吾好甘肉酸啦，外賣要餐具收錢咪一早講啦，吾通我用手拿黎食咩🙄味道普普通通，但吾會有下次

店舖係比左錢先叫飯叫餸的。第一餸要西蘭花魷魚，阿姐夾左好多西蘭花落最大個格先再夾兩舊魷魚擺西蘭花上面。開聲問阿姐，靜係得兩舊魷魚？阿姐表示主菜係得兩舊。我話下，唔係阿嘛。OK，再叫牛筋薯仔，牛筋都係夾得兩舊。可能係我出聲令阿姐唔開心，連個豆腐都係特別小。食個三餸的確唔係貴，45蚊，但都唔係每樣得兩舊阿？之前食過既其他兩餸飯店份量唔會咁小，亦都無咁樣既分配。建議店鋪可以寫明此店專食配菜，大餸只有兩舊。

做完嘢已經6點幾，乜堂食都冇…2餸飯算係唯一快靚正嘅選擇食物 $36兩個餸咕嚕肉、黑椒薯仔炆雞肉 個咕嚕肉麻麻哋…唔夠脆，不過勁多舊都有軟骨！但我啲牙唔夠力，啲軟骨都硬。個咕嚕汁酸酸甜甜個薯仔心係硬啲，啲雞肉就好滑一個盒裝兩個餸，另外一盒裝飯個份量超級飽酸菜豬肚、蘿蔔牛筋個豬肚勁入味！我本身都唔係好鐘意豬肚，老公格硬要我試🤣真係好食喎…又冧，又唔難𡁻啲酸菜冇岀面個啲嗱👅感覺，有驚喜不過最大驚喜係超多牛筋，有4大舊，超冧，入口即融咁🤣🤣🤣環境超多人排隊…要先買飛，後排隊唔洗一陣間排到去蛋糕店有勁多款餸原本想要茄子架😭😭😭但排到我就冇哂，拎完飯就岀盤茄子~~~

疫情嘅影響，6:00後禁止堂食就衍生咗好多呢類只買兩餸、三餸飯嘅飯店，今次同🤴🏻試試呢間先😝😝先比錢後點餸，我同🤴🏻一人一個3餸飯每人$45，再喺出邊排隊，目測都有10幾款菜式選擇，菜式沒有名牌，除咗一啲一睇就知嘅餸，其他一概手指指，指邊樣比店員要咩餸😆😆，店員亦不手軟，大大碗飯，多多嘅餸🥳🥳～～～咕嚕肉～～～酸酸甜甜，肥瘦適中😁😁～～～麻婆豆腐～～～豆腐大大嚿，但未夠入味🥲🥲～～～煎豬扒～～～雖然唔大塊，但係都有4-5塊😊😊食完真係好飽，兩個飯盒絕對夠三個人食