65
15
11
港鐵銅鑼灣站 C 出口 繼續閱讀
電話號碼
28987001
28987717
開飯介紹
朴將軍始創於1992年,其後取得商標專利,歷史悠久。 至今,以獨家皇牌招牌菜"SIOYAKKI"在韓國當地開設三十多間特許專營餐廳。 "SIOYAKKI"不論烹調方法,自製醬料和食譜都在韓國取得專利權,別無他選。 朴將軍除招牌菜外,更提供多款韓國小菜,炸雞,鍋物和十多種韓國酒類給顧客享用。 繼續閱讀
特色
適合大夥人
慶祝紀念日
飲o野傾計
營業時間
星期一至日
12:00 - 00:00
付款方式
Visa Master 現金 銀聯
其他資料
酒精飲品
電話訂座
加一服務費
食評 (98)
專利芝士飯 焦點食評
等級4 2017-05-31
4364 瀏覽
早前係網上見到有朋友去韓國食過呢間"朴將軍", 一Search之下原來香港都有分店, 同屋企人就難夾時間去韓國旅行, 但至少都可以一家人相約去銅鑼灣朴將軍食餐韓國菜吧!平日晚上8點多, 店內都唔太多食客。打開menu看看, 呢度既Signature Dish當然係芝士飯啦, 另外更有炸雞、小食、部隊鍋、韓式湯等等...先來一碟前菜我地order左三款菜式, 每份既份量都幾多, 呢度都足夠四個人食到飽~【辣味朴將軍鐵板秘製黑豚肉配芝士飯】HK$298"朴將軍"早已為呢個芝士飯買左專利,  所以味道一定係跟韓國既一樣啊! 芝士飯有辣同唔辣選擇, 如果平時唔食得辣既人, 最好都係揀返原味唔辣既比較好, 因為我平時都食得幾辣, 但食耐左, 辣味係口中既辣度更加加劇!極度邪惡既芝士伴住被併成心形既炒飯上檯, 側邊更有大量既芽菜、蔥、薄切豚肉、蔬菜。爐面設計為微斜擺放, 目的將油流至一個位置, 係慢食既時候食材唔會索左d油。火爐慢慢令爐面芝士熱溶 (本意為有待應協助炒飯,原來是閣下自理的)炒飯中早已混入辣椒粉、紫菜、蔥同埋韓式辣醬, 將炒飯跟芝士撈埋一齊時, 可見明顯既拉絲!!!芝士好足, 每啖都可以食到淡淡芝士味! 整個飯味道幾濃, 初時食辣辣地好開胃, 食到最後, 口中既辣辣到幾乎噴火~ 夾埋薄切豚肉同埋大量爽脆蔬菜一齊食, 很有韓國的多菜少肉風味, 既增添口感, 更可吃得健康!【香辣五花腩醬爆鮮魷】HK$128雖然呢款都係辣, 不過辣既程度以香港人黎講都可以接受, 比芝士飯既辣度淡少少。呢個醬比較杰, 而蔬菜、五花腩、魷魚都相當入味, 辣辣地, 又開胃又惹味。魷魚好爽口, 部分五花腩仲連住少少軟骨位, 間中會有趙口。【蜜糖 雞】HK$180呢款雞唔算好脆, 外皮半林, 索左少少蜜糖, 甜甜地, 不過肉質唔太juicy, 反而突顯蜜糖為主角。【荔枝梳打】HK$48好甜, 解渴、解辣既好選擇! 繼續閱讀
(以上食評乃用戶個人意見 , 並不代表OpenRice之觀點。)
韓國美食 焦點食評
等級4 2017-05-09
2120 瀏覽
最近在銅鑼灣找到一間味道不錯的韓國餐廳, 這裏剛好在鬧市中的樓上舖, 可說地點相當合適.餐廳間隔簡潔, 牆壁上一直投影著韓國歌手MV, 使現場很有韓國氣氛, 而且每張餐枱有一定距離, 空間感舒服, 聊天一流!👍🏻 原味朴將軍板秘製黑豚肉 配芝士炒飯 ($298)Sioyakki Original 150g + cheese rice份量十足, 濃郁芝士味道, 配上韓式秘製醬汁煮成的黑豚肉, 入口嫩滑細密, 加上鐵板上炒飯混入了芝士, 香氣四射、一吃停不了口!餐廳更採用斜形鐵板, 使多餘的油順流至碟的最角落, 讓食客可更健康食用!👍🏻😋😋 韓式醬炒餃子 ($128)香脆外皮包含著少許菜和肉, 配搭得宜, 再加上金黃色的酥薯條, 如果襯托一杯冰凍啤酒就真是絕配了, 可惜今天要開車。今晚就點了一杯沒酒精飲料, 藍莓特飲 ($48)酸酸甜甜、冰冰涼涼, 感覺醒胃可口。😘牛肉什菜炒粉絲 ($88)牛肉, 香滑富有牛味, 配備膠質黏感的粉絲和什菜炒製而成, 醬汁清香、韓風味極濃。 想不到今天收穫大勝將軍! 😆 繼續閱讀
(以上食評乃用戶個人意見 , 並不代表OpenRice之觀點。)
等級4 2017-12-21
652 瀏覽
星期五放早,特登訂5:30檯食$88(有加一)任食炸雞。地方方便就腳易搵。不論大廈外牆丶地下大堂或電梯內皆有商店廣告指引,好難搵吾到。5:30到只有一檯情侶,韓國侍應只懂極有限英語,另一操廣東話女侍應就長期在洗手間或伸縮在暗角落,只是上餐豪不積極。仲有個地下超滑,感覺似街市地下。個女厠 ....衛生不合格。頭一輪話只準叫4種口味,每款都有4一5隻。足足等了半小時オ上雞!右上方是三重芝士味,超伏!只是普通雪雞拎去番炸,有雪味丶個心凍嘅丶無預先調味丶仲有水流出來丶所謂三重芝士,只系上面灑了疑似芝士粉,芝士粉又吾融吾癡雞肉上,咩叫三重真系不得而知,超hea超伏!比KFC差!最期望,點知冇芝士咪,冇芝士,超失望,系虛假陳述!左上方是蜜糖味,但竟然是有蒜蓉調味,再灑蜜糖,蒜蓉和蜜糖也配搭得好,味道過關啦。應譯作蒜蜜味honey n garlic chicken.左下方是甜辣味,食到系甜酸味,吾系甜辣,但都OK好味,系咕嚕味,討人喜歡。應譯作甜酸雞sweet n sour chicken.右下方是BBQ chicken.正中BBQ 醬和味,可惜部份雞肉心是凍的!番炸時間吾夠。其實D雞炸得好脆,同時又好乾好嚡,食到界咀,吾緊要,精萃在於醬汁,D醬好惹味,只要番炸得透D,灑上醬汁,可以加分不少!敗筆在於火喉吾夠+懶惰!第二輪叫原味和醬油味,睇個樣就知伏X3。$100到兩小時任食,如果當KFC一桶雞咁嘅角度睇,系抵嘅。質素就吾好講,叫食飽你,你又叫做試過。走嘅時候730,叫做多番D人。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-05-06
138 瀏覽
近排睇得韓劇太多 對住韓國情有獨鍾 所以決定同家人們去食韓國菜 就去了銅鑼灣既朴將軍。位置十分方便 一出地鐵口就系 上到餐廳 有餐廳既oppa講韓文歡迎 感覺好似去了韓國一樣XD!!!地方闊落 坐得好舒服 仲有個大screen播韓國歌手mv..I see JayPark!!!!!!!!!前菜味道同韓國一樣辣味朴將軍鐵板秘製黑豚肉配芝士炒飯:心心型既飯 超級靚!周邊圍住大量既芝士 十分罪惡~將飯同芝士混埋一齊 可以做到拉司既效果 味道方面 辣度因為有芝士可以減低少少 令我可以食到 但餸菜方面比正常既辣 食到辣既朋友可以一試!蜜糖。雞:依味菜式甜甜地 又可以解辣。而且全雞件上 方便食用 但雞肉方面比較乾身 但外皮脆身 也是味道不錯的一味雞!仲有薯條同薯角 加晒分!香辣五花腩醬爆鮮魷:必食!必食!五花腩非常香口 加上數量亦吾少 另外鮮魷完全吾硬 細細舊易於入口 仲有爽口既口感~辣度無心型既黑豚肉甘辣的 適合香港人味道!藍梅梳打:第一次飲既藍梅飲品 感覺期待!外表果然紫紫地色 味道好甜 好適合我!而且可以幫食吾到太辣既我解辣值得推介! 繼續閱讀
(以上食評乃用戶個人意見 , 並不代表OpenRice之觀點。)
新派韓菜 焦點食評
等級4 2017-05-05
2848 瀏覽
最近越來越喜歡吃韓國菜,今晚來到銅鑼灣搵食, 給我無意中發現這間新派韓菜。 餐廳裝修簡約, 開揚舒服,還有一部大大的投影燈,不斷播放韓國流行音樂video, 邊吃邊看超滿足!必點貼心招牌菜: 原味朴將軍板秘製黑豚肉配芝士炒飯 ($298)Sioyakki Original 150g + cheese rice單單看賣相已看出餐廳花的心思,大大個心型飯已令相機閃不停。火爐更是特別的傾斜設計,隔離多出的油份,減少腻滯感,值得一讚。香氣四溢兼輕盈幼滑的芝士炒飯配上惹味黑豚肉,口感豐富,停不了口!蜜糖炸雞翼 ($180) ~ 份量驚人,大大碟共有14隻雞翼,並配上香脆薯條。雞翼外脆內嫩,惹味香口, 風味濃厚,每一口都充滿脆嫩滋味! 牛肉什菜炒粉絲 ($88) ~ 味道濃淡得宜,粉絲質感輕盈軟綿,牛肉肉腍入味。 酸酸甜甜的西柚特飲 ($48)和柚子茶 ($55) 令人食慾大增,又可中和油腻感,為味蕾帶來清新感覺。 值得一提的是9點後有韓國啤酒燒酒任飲兩小時,只需$88, 還送燒雞呢,認真超值,下次一定再來! 繼續閱讀
(以上食評乃用戶個人意見 , 並不代表OpenRice之觀點。)