17
5
0
電話號碼
24120328
營業時間
今日營業
全日休息
星期一至二
07:00 - 21:30
星期三
全日休息
星期四至日
07:00 - 21:30
付款方式
AlipayHK 支付寶 現金
其他資料
當面支付
食評 (25)
疫情前,久不久便到元朗文化康樂大樓附近覓食,每每必看到一家食店門外用餐的食客不稀,有次我們待不住,於是走到空桌、拿起餐牌查看,原來是家粥麵店!疫情第三波,平日早餐和晚餐自煮,星期六、日列作休息日。不堂食,覓食模式遂演變成為人肉外賣或網上外賣,因而有更多機會接觸以往沒到訪過的食肆。有天機緣巧合,在網上選擇了前述的粥麵店 — 「朱兆記」。麵與粥之間,我倆也偏愛麵食!就如大多數麵食外賣,「朱兆記」將湯與麵分裝,這碗上湯淡黃、帶有蒜粒和蔥粒,光喝稍為過鹹,不過放麵內,濃淡便配合得剛好!我點的自家製酸辣牛腩米線 HK$56,面層牛腩排得整齊,配上唐生菜、酸菜和肉醬,再泛出橙紅的辣油,賣相極為誘人,肚子在呱呱大叫,我的口水更不斷湧出!牛腩看似平平無奇,可是當入口後,味蕾卻被鬆軟的肉感、溢出的脂香、肉香、還有從牛腩淡淡滲出的醬香打動,帶出預料以外的靚牛腩收獲!近看一點,可見腩肉與牛脂夾雜的層層紋理,兩者來得非常融合,不見得過度肥膩,反之譜出脂香與潤澤合而為一的美妙口感,十分稱心美味!肉醬不似預期,卻富有自家特色!肉碎既沒有叫人難受的肥脂,又完全不柴,特色直接來自郁香而不過濃的醬味, 雖然不辣且帶點甜,但不失令人喜悅的元素!酸菜爽口,可是不酸、亦帶甜,可說是與我喜歡的味道有點落差!米線並不彈牙,有點軟腍,又不至於軟乎乎,還可接受!由於肉醬和酸菜也不辣,味蕾感受不到其他酸辣的味元,整體脫離了我對酸辣米線的認知,我稱它為一碗充滿「朱兆記」自家特色的米線。不過,老實說我並沒有因此而失望,因為出色的牛腩和特色的肉醬,已令我十分陶醉!客家鹹雞米粉 HK$55老公選擇了雙拼的米粉 — 牛腩與客家鹹雞。挾起厚身、呈長方體的牛腩,老公即質疑會不會是繃硬乾柴的貨色,我邊吃邊答道:「我的很好!」。他將牛腩放進嘴巴,數秒便吐出不柴,很軟腍的形容。雖然他的牛脂不及我的美,但他也認為不錯!論到一試客家鹹雞,老公第一時間說好!我隨即試了一件小的,噢 ......... 肉質扎實、富嚼感,鹹度適中,透出自家鹹雞的鹹香風格,好吃啊!一碗麵食擁有兩種美味主角,很難不為初嚐者帶來好感!香脆炸兩腸 HK$26老公是炸兩癡,不嚐粥,也趁機點了炸兩!不過對外賣來說,炸兩是挑戰上的挑戰。第一,做到新鮮酥脆的油條是一大難度;第二,經過運送程序,即使是脆香的油條也將被大打折扣,最基本已有兩重挑戰!果然油條全不香脆,幸好在軟腍以外,鬆軟的層次令口感不至於死沉沉。而豉油鹹甜調得平衡帶香,不過份量太少,吃了一半已顯得乾巴巴了!這回選對了「朱兆記」的牛腩與客家鹹雞,小店還有其他出色之作嗎?待康復香港後,我們親自到訪再探索與發掘!又一證明不要靠外表來「搵食」,街坊要時刻記著元朗是卧虎藏龍之地啊!*以上價格是「食物黑白貓」提供的售價,跟店舖的售價不一樣! 繼續閱讀
(以上食評乃用戶個人意見 , 並不代表OpenRice之觀點。)
等級2 2020-04-14
631 瀏覽
如果要我一個字去形容朱兆記既食物(尤其係坑腩河),咁一定係個 「掂」字!單單個坑腩炆得夠冧身入味,肉既位置夠靚,就已經值回票價,唔好話佢個湯仲要好夠濃,蘿蔔夠甜(問左先知我好彩,有時係菜底)當然食完會少少口渴啦重口味野,杯奶茶都好得!以前住附近有得日日食咁滯,依家搬遠左耐唔耐番黎食一次都仲係覺得好正,加上裝修完之後衛生好多,值得推介!🤤抗疫期間,難得仲可以食到唔同小店既美食,真係要好好支持下佢地,唔好個疫情過後得番d連鎖店食🤦🏻‍♂️ 繼續閱讀
(以上食評乃用戶個人意見 , 並不代表OpenRice之觀點。)
等級2 2020-01-12
719 瀏覽
朱兆記冇華麗嘅裝修而且仲有種日久失修嘅感覺。 普通人唔容易察覺佢嘅存在.但係食過一次就會返尋味. 尤其是酸辣牛腩米線,非常惹味而且份量充足,配上一杯濃滑凍奶茶簡直係最佳配搭。 茶味同埋奶味非常濃.正宗茶餐廳奶茶味。正呀。 酸辣牛腩米線用嘅係甜酸菜,所以唔似出邊嘅酸辣米線太辣或太酸既刺激。反而係甜甜惹味嘅濃厚湯汁。而且牛腩嘅份量非常之充足滿滿嘅一碗。煮得非常之入味及軟腍。 真係食到舔舔脷。平時食朱兆基嘅炸兩同埋豬膶腸一直都不錯的。腸粉軟滑, 但今次有少少失色,豬潤有少少鹼水味。呢間鋪頭味道好味,價錢抵,份量足,支持實力小店。必推介。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-12-21
463 瀏覽
這個老店,有麵和粥,雖然店鋪簡陋,但出品真的不錯。我最喜愛吃他們的水餃麵,水餃大大隻,內裏包着木耳,豬肉,蝦等,味道和小時候吃的一樣,令人回味,而且非常爽口,吃幾個已有點飽。而牛腩也出色,林滑入味,非瘦均稱,又足料,值得推介。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-10-08
501 瀏覽
是日放假,又同家姐&佢男朋友一齊揾食。由洪水橋出嚟,行到身水身汗都唔知食乜好 ╮( ̄▽ ̄"")╭結果經過朱兆記,就喺門口坐低咗。其實嗰日完全唔肚餓,一啲食嘢嘅意慾都冇🤷🏻‍♀️不過點都要擺啲嘢落肚結果我就叫咗豬扒粗麵,而家姐就叫咗碗豬扒河。豬扒新鮮炸,阿姐拎上枱時聞到好香,即刻感覺肚餓咗!豬扒隔肥隔瘦,唔係乾爭爭嗰隻,好👍🏻而粗麵都好爽,完全冇皂水味,讚!地方係熱啲,因為我哋坐室外,但都算係另一種風味(>^ω^<) 繼續閱讀
(以上食評乃用戶個人意見 , 並不代表OpenRice之觀點。)