札幌元祖北海道拉麵 (已結業)

晏晝時間，老公話想試下呢間，我咪諗住入去舖頭邊食邊等佢，佢話仲有十幾分鐘行到過嚟。行到入去，問有無兩位，個店員勁晦氣答我「無呀！出面等啦！」有啲不滿，都係行咗出去等。跟住有兩公婆嚟到話「咦要等位呀？」，我點下頭，佢哋就企响我後面。入面個店員（定老闆娘？）即刻衝出嚟拉個女人入去，仲話「唏入面有位呀唔使等呀！」得我知我係生客。嗰下嬲到即走，唔使旨意我會幫襯。

經常係長沙灣工作，所以夜晚好多時都係工作地點附近食晚飯，呢間日本料理都試過好多次，野食既質素當然唔可以同一些高級日本料理比，但價錢都十分大眾化，食物質素都唔錯，由其加追小食，20蚊3片三文魚剌身，都好好味，我至愛泡菜牛肉烏冬，$48抵過茶餐廳，原條鰻魚飯$88,不過個剌身丼就好似麻麻味道一般，另外值得一試係吉列朱扒定食及壽喜燒（今次無試)，都十分美味，佢地晚市好似得兩個師傅，所以人多時出品會較慢，要唔趕時間先好入去食

同朋友食飯,嗌個日式便當可以半個鐘頭之後先話做唔切,要我地轉.好心做唔切就預早同人講 ,仲要食物質素唔好,唔值得等. 最重要個員工態度好差，千其唔好幫襯，食爭鮮仲好。

行過一試 鰻魚飯叫左5分鐘都冇就到 拉麵等左一陣吾大耐到左 第2碗就15分鐘到先到 加左溏心蛋賣哂又吾講 問先話賣哂 吉列牛就🤷🏻吾好嘥錢食 啲炸粉有啲血係到又冇乜牛味最嬲係魚生放完係冰箱未解哂凍就拎出黎仲要等到最後食哂其他野先到到左仲有冰痴實左 叫人點食 同個丫姐講叫我放多陣 答完走吾切咁😨魚生黎架丫姐 解凍都吾係咁解丫 放到水都出哂都吾敢食點知有冇菌 一定吾會有下次

荔枝角一帶日本餐廳嘅選擇唔多但大熱天時 食日本嘢真係不二之選行過呢間見到menu有d冷烏冬、芝麻醬撈拉麵就入咗去2:30pm入座最繁忙嘅午市剛完冇咩客人一坐低職員就奉上呢杯凍飲唔知咩黎，望落有d核突飲落酸酸甜甜似係檸水+薑粉最後揀左食拉麵再加三文魚刺身未上菜職員就要求我轉坐近門口嘅枱話d同事要執嘢一轉完枱又話last order問我有冇嘢加跟手埋左張單先以為佢地趕住落場先咁趕點知轉頭有3枱2-3人嘅客人入座又唔見職員催佢地落單同埋單先🤷🏻‍♀️感覺服務不太良好😕三文魚刺身質素好一般不過$15/3片係抵食嘅醬油拉麵湯底的確幾油膩但醬油味唔太香片叉燒好厚切 個肉質好韌同嚡口拉麵麵底口感尚算彈牙埋單一百鬆d免收加一其實如果咁嘅服務真係收加一真係唔係好抵整體食物質素同服務都有待改善

呢間嘢真係痴線，離哂譜，今日lunch經過儘管同同事入去試下，我同同事都係叫咗拉麵同小食，由入去坐低1:05開始order，我居然1:50先可以食到個拉麵其他小食完全無嚟過，lunch時間都可以做到咁，一定唔會有下次，而且個拉麵好難食囉

經過餐廳見佢啲野食賣相幾吸引，就同幾個朋友入去食。價錢黎講就麻麻地吸引，不過佢有附送薑茶都叫做唔錯既。我點左吉列炸蝦飯，配茶碗蒸同麵豉湯。炸蝦唔錯，唔會好厚炸粉，但係個飯就比較乾。 同行朋友點左吉列牛，我就無試過，賣相就比較乾身。但整體黎講都唔錯既，價錢以lunch黎講就有少少高。

一早放工就去長沙灣附近打算食early dinner，周圍行見到依間幾抵食喎，又未食過咁就試下啦～睇餐牌好多野食，我老公就揀左壽喜燒Sukiyaki ($88) 配黑毛豬（食到一半先記得影）有5-6塊豚肉，烏冬，雞蛋烏冬好彈牙，份量都多，豚肉唔嚡，幾好食。而我諗左好耐就試下吉列牛定食($98)但係出到黎好似爭好遠咁，佢有飯，湯同沙律送。吉列牛睇相以為係medium，點知出黎似well done，靭左d，份量係多嘅。依個可能係我個定食送嘅，但係佢模上手係熱，但內面係凍嘅，我唔太習慣食凍嘅蒸蛋，所以我俾左我老公食。之前落單個時order埋15蚊3年三文魚刺身同$8一件三文魚壽司(共4件)三文魚刺身普遍料囉，但三文魚壽司（冇影到）舊飯好大舊，相反三文魚好細，刀功麻麻。以上套餐都唔包野飲。食左咁多野埋單$250左右，係抵食如果唔縑棄質素的話。

一家大小晚飯隨心選擇下到此食拉面，誰知落order接近45分鐘先有得食，一路等待時已知中伏，不斷有客棄權走人，野食方面我地叫左2拉面，1蒸籠飯，仲有一份三文魚刺身，所有野味道叫正常，可惜真係似冇心做，全部叫左走䓤走海苔都冇走過，最後三文魚冇出現，如果唔係帶住小孩唔想再揾，我都會走人……題外話，有位叫外賣青年可以企門口等左45分鐘，世間罕見……

未入門口已經比個裝修吸引，好似好勁咁，寫住係元祖北海道拉麵，小編估計應該幾好食， 最後冇失望所以推介比大家。今次就冇試拉麵，試左吉列豬。----------😋吉列豬扒定食 $68定食除左吉列豬扒，仲有白飯、味噌湯、蒸蛋、沙律、柚子茶。吉列豬扒份量多，炸粉適中，因為即炸所以好脆口，豬扒唔靭，仲有咁多款前菜食完都夠飽，$68可以一試。----------🔎札幌元祖北海道拉麵🚩長沙灣青山道456號地舖

荔枝角長沙灣嘅工廠大廈開咗越來越多嘅party House 同埋朋友聚會嘅地方 但係諗住永康街附近應該冇乜嘢食 但係竟然行行下見到呢間幾平嘅拉麵店😂 喺門口見到佢張餐牌寫住$58就有拉麵 因為太肚餓嘅緣故咁樣入咗去啦😂個門面睇有少少似日本嘅 但係入到去坐低叫咗一個特價拉麵 同埋一個辣既拉麵啦 同埋一啲小食... 首先講下個特價拉麵先 我哋就叫咗個豚肉拉麵 但係覺得個拉麵就比較油 同埋肉就比較少 只係得一片🙈😭 至於辣嘅拉麵呢 其實唔係好夠辣....小食方面 可能因為炸嘢 都正常嘅😂 冇話特別好食或者特別油感啦😂😂😂

見到個面門好有日本風味，我估食物都高質的（但其實是一般般），見價錢$58 有個拉麵，就入去試下。入到去，貫徹日本風設計。「札幌」，好似好高級咁喎。拉麵是最平的，$58 蚊。個壽喜燒$88 都好合理。魚生飯最貴豬豬。Wow 壽喜燒，咁樣一set 好吸引呢。啲肥牛的肥part 先變紅（why?)。肥多瘦肉少。菜好多喎，有2菇菇，2芋絲同一塊豆腐，2個作裝飾的紅蘿蔔片。真喺好肥，放咗個肥牛後，一邊是清澈的菜菜，另一邊已變成是「受污染」的脂肪湯。呢張相影得幾好喎，火光熊熊。但好快，啲燃料就燒晒，要叫店員refill。啲湯都好快無水，當時我仲有4塊肥牛未食。叫員店加，點知佢話「加湯要$20」我shock 咗，加湯$20 given 個鍋只是$88？... 見我咁shock，最後佢都有免費加比我，話「加少少啦～」。如果唔加湯，我會自己加水囉，到時連refill水都收錢？另外叫咗個sort of 全場最貴的魚生飯$148蚊，油甘魚賣晒，所以揀咗帶子代替。賣相好似新年福盒。靚靚。最後叫咗sort of 全場最貴的小食，燒銀鱈魚。貴過個牛肉鍋，over $110。但唔抵食，燒得太燶，有好多骨同好細塊。

多年前光顧的是去交易廣場店，當時真的是驚為天人，當時拉麵很大碗，配菜亦很滿滿，麵質湯底各方面都真的是驚為天人，多年後一直想再回味，知道搬了去荔枝角，雖然知道現在評價不高，今天路經也終於的起心肝光顧。對於現在此店湯底麵質配菜方面並無驚喜，當然亦不復當年勇，一半水凖也沒有，唯一的「驚喜」，就是斷估唔到作為拉麵靈魂的叉燒竟然像拖鞋般又鞋又’銀’；另外店內冷氣沒開，空氣侷促，光速吃完便要迅速離開比店，街上比店內更涼快！

.入面既店員好好人.見到我影menu, 就令埋便當個display我影XD.因為之前見格離台有叫, 好似好吸引咁,所以今次我一早就想叫呢款=D.一開始以為份量會好少, 但食食下都夠飽.呢個便當有沙律, 炸物, 刺身, 鰻魚飯, 好豐富!😍.最怕食到唔令既鰻魚係有骨，當然呢個冇事啦.黎個close up 先.另外更有埋小編最愛既茶碗蒸*v*.仲有湯tim,一d都唔hea,.更送左餃子比小編食😍.而拉麵餐包既三文魚壽司都好新鮮😋.環境❤️❤️❤️衛生❤️❤️❤️❤️人手❤️❤️❤️可逗留時間 ❤️❤️❤️❤️食物質素❤️❤️❤️禮貌❤️❤️❤️❤️選擇❤️❤️❤️❤️送菜速度❤️❤️❤️座位數量 ❤️❤️❤️❤️攝影環境❤️❤️❤️.5❤️為滿分.Around $80-100/person .

荔枝角的日式餐廳屈指可數，同事試過這間的拉麵後，被問好食否？回答均是「一般」，配合面上難色。明知山有虎，我偏向虎山行。來！挑戰一下！一入內被安排坐上較安靜的屏風雅座。有店員緊盯著，添茶加水，差不多想好吃啥，店員就剛好走過來給你落單了。服務尚算殷勤。這裡的餐牌大部分都有圖，除了這個「精選便當」，來！這挑戰一下這個冇圖的！精選便當($88)上枱一刻都尚算精緻，有茶碗蒸、麵豉湯、刺身、炸物、沙律、漬物和鰻魚飯。飽肚的不算多，就靠鰻魚飯了吧。這鰻魚一吃便知是廉價貨色，質量近乎放題食到那種。勝在調味不差吧。有些芝麻和鰻魚醬油，都當算入味，但說不上有任何炭火烤香或者肥美之感。茶碗蒸內有簡單的花菇、蟹柳。刺身未算肥美，但仍算新鮮。沙律爽脆乾淨，配的是日式酸醋。正常不過的麵豉湯。最好吃的反而是炸物之中的一塊蟹肉忌廉餅做得外脆內嫩，餡很綿滑。總結這個精選便當價錢不算貴，算是符合預期，整個便當中冇一樣野稱得上難食的。而且坐得頗舒服，可以再戰。