本店 (已結業)

平時到將軍澳，只會逛逛地鐵上蓋的商場，原來在將軍澳地鐵站往海旁方向, 行數分鐘步程，竟然有一間新開的高級居酒屋。居酒屋的佈置放滿一排排的小狐狸，加上深木系列的設計，令人頓時感到置身於日本的神社⛩️！半熟溫泉蛋配海膽三文魚子 $85 - - 用料有海膽、三文魚子和溫泉蛋，加埋靚靚的食用花，吸睛指數極高，味道更是無得輸！免治雞肉棒$45/黑豚肉卷紫蘇葉$35/牛舌串燒$45 - - 三款串燒當中我最喜歡吃免治雞肉棒，點埋蛋黃醬汁就更香更滑；黑豚肉卷紫蘇葉都很有驚喜，因為平時很怕紫蘇葉的味道，但烤熟再配埋黒豚肉，卻散發出獨有的香氣；牛舌烤得啱啱好，但如果是厚切會更有口感。唐揚雞翼$48 - - 雞翼外皮炸得香脆，點些沙律醬和七味粉就更美味。蛋黃漬牛油果大吞拿魚腩他他$210 - - 用有外表又有內涵來形容這個他他就最貼切了，內涵有蛋黃漬牛油果大吞拿魚腩，外表加上魚子醬、食用花和貴氣的金萡，價錢雖然略高，但值得一試。廚師發板壽司六件$168 - - 六件的廚師發板壽司都是當天最新鮮的空運海鮮, 壽司飯米粒圓潤晶瑩。海鰻天婦羅$148 - - 原條的海鰻天婦羅，炸漿金黃又香脆，份量足夠三至四人分享

呢排成日要過將軍澳做野，行開行埋見到呢間新開餐廳好多人，就約埋同事一齊試試佢裝修好有feel, 好似去左日本傳統居酒屋，地方都好大，卡位都好闊落我地一行6人，坐低即刻嗌野食半熟溫泉蛋配海膽三文魚子 海膽同三文魚子好新鮮宮崎南蠻炸雞同我平時食既炸雞唔同，佢係一塊雞扒，唔係雞粒，好juice，上面個醬好食！手羽先 我每次食居酒屋都一定會食既雞翼，好好食！ 牛舌燒得唔夠脆，我偏好香口少少既雞皮夠脆夠香口雞腿肉同雞臀雞腿肉唔錯，雞腎就feel唔到佢燒過咁，但都唔會難食

將軍澳真係愈開愈多新餐廳，所以前一排先試咗呢間新開嘅日本居酒屋 - 本店！就好似一般嘅居酒屋一樣，佢食物的種類比較多元化，我我今次就試咗幾款唔同嘅菜式！先來原個日本菓子蕃茄沙律，蕃茄多汁而且去咗皮，配埋海量既吞拿魚，都係一個幾好嘅開胃菜！呢個日本生蠔伴海膽三文魚籽柚子醋，日本生蠔新鮮而且厚肉，幾滑，配埋海膽同三文魚籽，完全係將個生蠔提升到另一個層次！加埋酸酸地嘅柚子醋，食完都有種滿足感！銀鱈魚西京燒，西京醬汁醃得入味而唔鹹，而且肉質得好滑同皮脆，完全唔會話過老，都唔錯！海蝦天婦羅真心幾好味，海蝦好新鮮，而且炸得外脆內juicy，肉質亦非常爽口同好大隻，熱辣辣食真心一流！鯛魚日本土鍋飯，魚嘅鮮味落晒落啲飯度，令成個飯都變得更加有味，而且鯛魚肉質結實重魚味，成個飯整體來講食落都好飽足！甜品方面都幾驚喜，焙茶焦糖燉蛋焙茶味幾香濃，同埋都幾滑，都值得一試！

同屋企人中午試吓呢間新開張幾日嘅居酒屋，我哋叫咗四個set，可以一齊share食日式咖喱吉烈豬扒飯，個吉烈豬扒炸都唔錯，個咖喱汁幾正，微辣幾開胃，應該是師傅自己調製，唔似其他舖頭買現成，好食雜錦串燒丼，雞肉為主，幾香口，個日式串燒汁幾好味五色魚生丼，魚生新鮮厚切大大片，都唔錯12件Omakase Set, $320來講質素算唔錯，有馬糞海膽有拖羅，OK 散叫個燒雞翼好好食，皮脆肉嫩，有驚喜環境開揚闊落，裝修都幾有心思，員工服務有禮貌，餐牌種類算多，價錢合理，食材新鮮，烹調味道幾好，唯一問題係上菜時間比較慢，呢方面真係要改善，不過新開張都尚可原諒。

見有新舖頭，廚師又有睇頭，今日lunch特登嚟試吓。約定12點前打電話黎book枱，冇人聽，不過大概12點到，就有職員打返電話你話係咪想訂枱，訂咗12:30pm四個人，餐廳嘅面積唔算細，有吧枱有卡位，佈置以木為主，又掛咗一啲燈籠，有日本feel。午餐只係得定食，想叫a la carte都冇，Set lunch Menu上面有兩個不能提供，所以選擇唔係太多。先嗌左煎茶，$12位，問清楚有冇得添飲，係有嘅，不過真係冇乜茶味。嗌咗四個套餐，等咗一陣就嚟咗三個，個sukiyaki就之後先至到，不過都唔係話等得太耐。食物嘅份量普通，賣相亦都冇乜驚喜，不過整體食材質素唔錯，環境亦都舒適，服務都OK，雖然試業期內有八五折，價錢比起附近嘅其他日本餐廳的確係貴咗啲，所以個CP值相對拉低左，唔知道佢嘅晚餐Menu係點樣，下次要試吓佢哋嘅晚餐，先至可以試吓真啲，睇吓佢係咪真係有料到。

自從將軍澳開左donki 之後，附近開左好多新食肆，今次就試左呢間新開既居酒屋 - 本店。原個日本菓子蕃茄沙律 $65以日本夢浪漫蕃茄（Amera）入饌，色澤鮮艷的原個番茄大隻飽滿 juicy，酸甜平衡，味道天然無添加，營養豐富。佐以絲絲吞拿魚肉、紫蘇葉加上爽脆青瓜，清爽輕盈又醒胃。鯛魚日本土鍋飯 $298由於土鍋導熱速度較慢，熱度都是慢慢滲入鍋裡，所以製作需時，原鍋上蒸氣騰騰，從頭吃到底都可保持溫暖熱度，加上份量十足，足夠兩至三人享用。鯛魚肉質豐厚細嫩，富有白身魚的清爽鮮甜，土鍋慢煮不怕高溫破壞食材的蛋白質而變得鞋口，以柔和的熱度釋出鮮味而不會過腥。煲出來的珍珠米粒粒圓渾分明，口感軟糯，味道清雅幽香。

For a city filled with a multitude of eating options, Japanese cuisine has always had a special place in Hong Konger’s heart!  Named after its Michelin-trained Japanese chef Yusuke Kitade, IZAKAYA BY K is the one-stop destination featuring authentic Izakaya specialties with a contemporary and chef’s personal twist.  Staying true to their authentic Japanese Izakaya promise, they served a fantastic selection of foods from appetisers and skewers to sushi, sashimi, tempura, oden and jet-fresh seafoo

見新開好似唔差，所以訂位試！一入到去，冇茶畀你，要畀錢嫁！一杯煎茶$12 （有添飲）一杯綠茶$20 （冇添飲）汔水$48um...茶要畀錢唔緊要，但杯煎茶真係冇乜味😢😮所有嘅食物價錢都係貴嘅，比得上尖沙咀嘅居酒屋，心諗應該唔差嘅！叫咗火炙和牛、三文魚刺生、串燒、魚鮫、廚師發板壽司、卷物、天婦羅！和牛...一般 勝價比低刺生...放題嘅刺生好食過佢串燒...燒得岩岩好魚鮫...偏咸壽司...啲飯散開哂天婦羅...好食唔多粉環境...靜靜地 夠闊服務...唔差不過比較慢要有少少耐性🤭

又試將軍澳南新店喇！今次呢間都係日本菜，weekend lunch 經常爆滿。好似話廚師團隊係有米芝蓮背景，真係帶有少少期待試呢間店！一早訂左位，去到出面都有人等緊，入到去終於知點解咁難book。台係有好多，地方亦好大，但係得幾台客食緊，唔知係咪因為新開張嘅關係，暫時唔招待咁多客呢？環境好大，台同台之間保持一定距離，我地被安排坐喺卡位，好似一個包廂咁，有少少私隱度，坐得非常舒服🤗去到有幾個餐都賣晒。我地叫左一個雜錦串燒雞丼同埋一個季節刺身定食。每個定食跟一碗味增湯、沙律、漬物同埋飯。漬物都幾好食，有牛蒡同埋蘿蔔。連一向唔好漬物嘅同伴都清哂，仲食埋我嗰份🤣雜錦串燒雞丼($100) - 裡面有3串串燒，分別係雞肉、雞腎、同埋豬腩肉。雞肉麻麻地，反而雞腎同埋豬腩肉幾好食！裡面全部食得出真係燒過，燒嘅時間啱啱好，肉汁完全保留，尤其豬腩肉，雖然叫雞丼，但係豬腩肉最好食！米飯好香係日本米，有少少應該係照燒醬汁係飯面，好開胃！唔知係咪太開胃，略嫌份量較細。季節刺身定食 ($158) - 裡面有兩款魚同埋蝦。刺身都幾新鮮，魚刺身唔知係乜嘢魚，有一款幾得意，好似炙燒過咁。雖然好食，不過無侍應介紹，就咁放

最近將軍澳新開的日本料理， 期特已久lunch走去試試， 但令人大失所望！首先， 午餐餐牌上10個餐有3個都唔供應， 我們點了銀鱈魚餐同刺身set, 侍應已提醒我地燒魚需要20分鐘， 諗住15分鐘都可以等下，點知刺身set 食完等左40分鐘都未上個鱈魚set, 追左佢地幾次，個個都話跟緊，到最後我地趕住返工取消鱈魚set埋單走人， 本身餐廳客人唔多，40分鐘都上唔到菜講唔過去，加上佢價位唔算低...雖然最後餐廳話唔收錢,但趕住返工又唔夠時間食晏，令人難以接受！希望餐廳日後會有所改善！