木糠甜品屋

營業中

休息中

相约朋友去試試甜品！一家很住家式的店，有一雪櫃滿是凍甜品！小哥哥耐心地等我們點食物;一份飛碟+小食+即煮出前一丁+甜品，價錢非常相宜！老闆娘還說甜品全是自家製除雪糕除外！我們試了很有羌味的番薯糖水;微甜的付竹白菓糖水及木糠布甸！真好味！

-//位於銅鑼灣• 主打多款口味既木糠布甸💖位置係內街所以唔太顯眼🥺但甜品確實唔錯出名木糠布甸，朱古力、阿華田、榴連味等亦有冷熱糖水、雪花冰、西米露、果汁等🍉如果銅鑼灣食完晚餐，口痕都可以食埋糖水📍木糠布甸 $38原味木糠布甸最經典🔥好少見到有咁多口味布甸係用打發淡忌廉加煉奶製作💕再加餅碎一層又一層咁整😆味道好香滑，深受歡迎👏🏻雪凍過嘅cream好似雪糕口感，唔會話太甜選擇困難症人要注意，因為有14款味道揀😳📍芒果Pancake $45另外仲有榴槤，朱古力芒果，朱古力香蕉味每個Pancake皮好薄，包住香滑忌廉同芒果超甜芒果啖啖肉🥭最後買多盒俾屋企人食😍無論係大人定係小朋友🧒都一定會鐘意食🐒📍朱古力心太軟 $78心太軟係即叫即整，要耐心等🔥有幾款味道有伯爵茶、綠茶味🍵 穩陣啲都係叫朱古力味朱古力味好重🍫 聞落濃郁，但一定要快啲食切開會有朱古力流心瀑布，而蛋糕都好鬆軟配埋雪糕一熱一凍，口感冰火交融🔥好滿足甜品餐牌

在銅鑼灣吃完晚飯想食個飯後甜品的話，希雲街那邊有間甜品店。有中式糖水，也有台式甜品之類。若果是吃粉麵或是小食之類亦有，就想吃少少東西+甜品會是可以的選擇。店名叫「木糠甜品屋」當然要試試這間的木糠布甸吧。芝麻木糠布甸 (HKD 40) - 口感有點像雪糕那樣子。平時吃都會是用杯子盛著，這樣用碟上可見木糠布甸都幾結實。味道來說，芝麻味算是幾濃郁。雪糕窩夫．單球 (HKD 55) 選了雲呢拿口味的雪糕。除了雪糕和窩夫外，還有切了片的香蕉。自選芋圓系列 (HKD 68/選三款)在七款配料中選三款，另外再加一款糖水。這個有煙韌的芋圓、小丸除和白玉丸子，全都很有咬口，所以吃落非常飽。而且白玉丸子是配雪糕，豆腐口味的雪糕不錯，有濃的豆香。最後糖水選紫糯米就更飽肚。

好好味嘅木糠布甸。已介紹給朋友及同事食，佢哋勁讚。唯一缺點就係位置及座位。而佢哋出咗木糠蛋糕，平靚正，我買咗試食，連家人都話好好味，而佢哋嘅芒果及榴槤班戟，可以話皮薄餡多，又係另一個選擇

我食過好多間木糠布甸都係呢間最好味，我亦都介紹好多朋友及同事食。佢哋都勁話好好味。價錢又唔貴。大家若食好晚飯，不妨可以試吓呢間甜品，嚟之前打電話問下有無開。係啲位置及座位麻麻哋😅，我住喺新界區，都特登過嚟食

行遠啲食lunch，平啲，又好味希雲街有很多食肆免轉紅米飯好耐無食過銀魚仔多菜！可配飲品，甜品或中湯我揀了涼粉，又係好耐無食過付錢可用payme 或alipay 我用alipay, 我好禮貌問要否睇交易紀錄，店員反問我應用，答非所問！

放工嘅晚上去咗位於銅鑼灣嘅木糠甜品屋用餐 佢原來唔止有中式甜品食 佢仲有好住家味道嘅飯餸🥹啱哂我地呢啲唔常翻屋企住翻嘅都品嘗到住家菜😍😍當然唔少得美味嘅甜品🤤💮芒果班戟🥭皮薄都不在話下🥹芒果肉真係好足 夾心淡香嘅cream唔肥膩 每一啖都好幸福🥹🥹會話係黎到呢度必試嘅甜品!!😍💮原味木糠布甸😙木糠布甸同平常岀面食嘅口感唔同 呢個有淡淡的奶香 每層都有足料嘅木糠🤤💮蛋白燉3.6牛乳🥛呢度嘅燉蛋用日本北海道嘅3.6牛奶🥛所以特別香滑🤤 👧🏽覺得好食過岀面牛x公司!!可以一次過食10個🥹🥹🥹🥹住家菜仲有套餐 用優惠價加甜品添❣️如果住喺附近嘅朋友 或者經過銅鑼灣唔想食貴餐廳 記得嚟呢一度尋找地道嘅味道 或者同一大班朋友嚟呢度食飯後甜品啦😍

👍🏻芒果班戟 $45家庭式經營嘅甜品小店，主打木糠布甸、班戟同各款港式糖水呢度招牌item係芒果班戟，班戟皮蛋香重，唔會太厚帶點煙韌口感芒果新鮮厚肉大嚿，酸酸甜甜，塞滿晒成舊班戟，足料飽滿脹卜卜-👍🏻原味木糠布甸 $38睇鋪名就知呢個係另一款招牌，木糠比較細碎，粉粉脆脆嘅口感中間夾層嘅鮮奶油雪到冰凍，好似雪糕咁，整體入口幼滑creamy，淡淡奶香唔會太甜-👍🏻榴槤雪花 $64Base係椰汁西米露，加上大量榴槤肉、西柚肉仲有雪糕兩大球，呢度啲雪糕比較輕盈口感細滑似奶泡榴槤fans表示大滿足，非常足料-👍🏻楊枝甘露 $50用湯碗上嘅楊枝甘露，好大碗，大量西柚肉同芒果切粒，酸甜多汁質地濃稠杰身，比起一般楊枝甘露冇咁甜，食起嚟幾舒服-👍🏻伯爵茶心太軟 $78伯爵茶香突出，爆漿比較杰身但都有流心效果，配單球雪糕同紅豆-味道：7/10性價比：7/10-📍#木糠甜品屋 @sawdust.dessert銅鑼灣希雲街20號地舖

每次黎都係食芒果🥭班戟無試過其他野🤪芒果好足料夠哂大份兩個人食剛剛好次次食芒果都甜忌廉夠細滑班戟皮厚薄適中絕對係一件非常合格的甜品見除左甜品外仲有唔少小食同咸食選擇不過呢個舖位雖然唔係位於銅鑼灣地帶但附近都有幾間甜品店希望呢間港式甜品可以繼續落去啦——————————————————————————————————————————————————————-——————————————————-

🍴二人套餐 $80 揀三種甜品 (7/10)三色芒果糯米糍 (7/10)有三隻色分別係唔同皮，原味，朱古力味，芝麻，原味個皮都幾煙靭，唔會太更，上面，有啲椰絲，唔會太厚，入邊係一大粒芒果肉都好甜。木瓜雪耳 (6/10)有三舊木瓜同埋兩嚿雪耳，食落去都好清甜，不過雪耳同埋木瓜都未算好軟腍，但係OK嘅。原味木糠布甸 (7/10)食落去奶香味好足，唔會太甜，可能食嘅時候比較凍，食落去有啲冰嘅質感，食得出木糠係非常幼細，應該要攤一陣再食比較好🤣推薦指數: 7/10雖然份量唔算好多，味道係OK正常！不過夠兩個人過下口癮，啱晒鍾意多選擇，但係又想食少少嘅朋友！

木糠係我以前係附近返工都會行過去食晏，佢嘅午餐好有住家味道。前幾次行過，都打算過去食碗糖水，但成日都行過咗先記得。上星期終於專登行返過去，好好享受Me time!佢嘅下午茶menu真係好多選擇。可惜單人匹馬，不能眼闊肚窄。本來叫咗XO醬蘿蔔糕，可惜話賣晒，囉有半推半就叫咗雞翼雞翼炆得好淋，鹵水味濃椰汁西米露，好有兒時味道

行過唔好入去 咩都唔洗叫 食隔離嘅仲好 第一次食評獻咗俾佢 想想試下有幾好味就入去試下 逼我打最少80字 我淨係想同你地講 真係唔好專登嚟食 食完改變你三觀 可能我好誇張 木糠布甸有假奶味

今日去了送上祝福，一份心意，一份愛，祝願每人平安，看到義工們的勞苦，記念他們的出心出力，願祢記念。因為愛，所以甜，為了延續這甜，當然要到這間隱世小店，一間充滿愛的小店品嚐最出色的甜品。當中有我愛的榴槤系列：榴槤木糠布甸，榴槤雪花，冰山榴槤，榴槤pancake，榴槤糯米飯，珍珠榴槤奶，榴槤糯米滋。還有我愛的勁薑蕃薯糖水，銀杏腐竹蛋糖水。小食中最愛Godo辣燒賣，想起都流口水。但約了人去晚餐，只能快食，刺激一下味蕾。選了原味木糠布甸，層層分明，牛油味濃，忌廉十分軟滑，清新唔太甜，外賣人流不絕，服務員細心提示，回家後要放冰格雪雪，才更好味，這細心，又要加分要再找時間來享受。

好耐冇過過嚟木糠甜品屋，因為真係好少去到希雲街呢個地方，難得過嚟，就重拾以前嘅回憶，走去木糠甜品屋食一個糖水。木糠甜品屋最出名就當然係佢你唔同味道嘅木糠布甸以前都有食開，不過今次就帶咗個芒果西米露加涼粉，份量好足夠，正統嘅大件夾抵食。西米露入邊嘅椰奶好香滑，加嘅份量又唔會太多人嘅大小，椰子嘅味道啱啱好。芒果亦都大大份厚切！絕對唔孤寒。涼粉亦都唔係出邊一減就散嗰啲便宜貨，咬落去亦都好有咬口同煙韌 。而整體來講，晚飯後過嚟食一個糖水，一樂也，但留意番，佢糖水嘅份量真係唔細，有時可能兩個人share食一碗大既都好足夠。

在銅鑼灣用完晚餐後 想找到個落腳點跟朋友好好聊天 便選擇了木槺甜品店🍮 當天點了招牌的芒果班戟、木槺布甸、芒果西米露、魚蛋蘿蔔、泰式辣醬燒賣🥢芒果班戟🥭果然是真店之寶☺️芒果的比例很高 又很甜 （如圖中所示）忌廉的比例也恰到好處 不會過份甜膩 餡料被薄薄的班戟皮包裹着 夫復何求！木槺布甸🍮我們拍了一會兒照才吃的 果然名不虛傳 入口有如雪糕的質地 夠冰 不會過甜 餅碎不會掉到四處 非常非常好吃！泰式辣醬燒賣👅燒賣應該是金龍的 煙韌有豬油香 又熱辣辣🔥 泰式辣醬帶點花生醬的甜 然後就是蠻辣的😂😂😂不過也是好吃啦！魚蛋很大一顆 彈牙有魚味 不會太粉感 蘿蔔清甜無渣！咖哩比起泰式辣醬就較為淡口🍛 不過也是好吃！忘了為芒果西米露🥭拍照 但它好大一碗 芒果肉和汁在碗底 面層滿滿的椰汁🥥和西米露需攪拌均勻才吃哦(⁎⁍̴̛ᴗ⁍̴̛⁎) 很多芒果肉！！！！ 大愛🧡🧡🧡-小店經營 沒有什麼服務可言 也是可以諒解 衛生不錯 乾淨企理 食物質素很很 性價比高❤️‍🔥現在寫著寫著 心裡還是很想吃他們家的東西！！！