影片
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
試過無數串燒鋪，木屋燒烤絕對係我心中嘅「深夜食堂天花板」！從旺角店食到新開的將軍澳店，每次約埋班friend嚟chill都要book位！必點嘅蒜蓉燒生蠔一打都唔夠喉，蒜蓉香氣完全滲入鮮嫩嘅蠔肉，每啖都鮮到咬舌，生蠔都超big！招牌嘅蜜汁雞中翼表皮燒到金黃焦脆，咬開軟嫩多汁，甜鹹交織嘅醬汁完全顛覆我對雞翼嘅想象。最驚喜嘅係竟然有香港少見嘅烤茄子，鋪滿蒜蓉，茄子軟綿綿嘅口感加上惹味調料，成件事好夾！招牌羊肉串，一個字「勁」！環境好有煙火氣，上菜速度快。唯一缺點就係太受歡迎，周末等位有時要半個鐘以上，但為咗呢啲令人吮手指嘅串燒，完全值得！已經成為我同朋友嘅「飯堂」，週週都想去報到！
繼續閱讀
木屋燒烤石塘店真係正到爆！一定要同大家分享😆！講到服務，真係無得輸👍！一入門，職員即刻好熱情咁打招呼，笑到見牙唔見眼咁帶位、遞餐牌，有咩問題都好有耐性答。食嘅時候仲會主動幫手換碟，提供濕紙巾牙線，唔會令人覺得被打擾，細心到呢💯！環境都好正😍！裝修係原木風，望落好溫馨，空間闊落，枱櫈擺得好整齊，而且完全無油煙味！聽住輕鬆嘅音樂，歎住串燒，正到無朋友🥳！重頭戲嚟喇🤩！佢哋嘅羊肉串同鮮釀啤酒真係必試！羊肉串揀咗羊五個唔同部位，每啖口感都唔一樣！外皮燒到焦香，入面又鮮嫩多汁，咬落去即刻爆汁，香到停唔到口🤤！再配埋鮮釀啤酒，正到飛起🍻！古斯海鹽飲落好清爽，帶少少鹹鮮味，好解膩；混濁IPA麥香超濃郁！兩款入口都好順滑，同平時飲開嘅工業啤酒差天共地，一試就愛上！唯一小瑕疵就係鋪位有啲難搵🤣，星期五六日晚市好多人，好易要等位。建議大家想避開人潮，可以試吓晏晝去，或者夜晚十點後先去，咁就可以盡情享受串燒同啤酒喇🍢🍺！
繼續閱讀
木屋燒烤玩轉燒烤新派fusion！必試 金牌羔羊肉串嫩到無朋友，羊油焦香配埋孜然辣粉，一串羊5種口感食到舔舔脷！爆辣豬蹄真係辣界天花板，譚仔特辣兵團必挑戰，膠質燜到黏嘴又帶炭火香，辣到跳舞都唔肯停！最驚喜係 中式燒烤羊排竟然襯托翠綠蘆筍同爆汁車厘茄，油膩感即刻清零～ 大麥皮爾森炮塔3升裝霸氣登場，麥香醇厚似飲緊液體麵包，冰涼泡沫完美KO重口味！四款涼菜擺盤交晒戲，涼拌折耳根、香辣毛豆、草原大拌菜、手拍青瓜，全部用精緻碗碟上枱，即刻影相呃Like！由食物到環境完全擺脫街邊檔格局，人均兩舊水食到捧住個肚走，夠晒過癮！
繼續閱讀
木屋燒烤石塘店簡直係鬧市中嘅綠洲！入門就見到成間舖用晒薄荷綠做主色，店內佈滿綠植同乾花裝飾，木系餐桌配吊燈，仲有窗口位望街景，成個環境好似將春天鎖咗入屋咁，影相打卡仲自帶小清新濾鏡！最驚喜係衛生做得夠徹底，燒烤爐周邊完全冇油積，餐具用密封紙袋包好，連冷氣出風口都定期見到店員抹塵，食得安心又舒服。班後生店員個個笑容滿面，落單用手機又快又準，見我哋枱面花生殼多就主動換碟，仲會提點『羊肉串要趁熱食先正』，服務細心到加分！鎮店三寶絕對要試到盡——先講 金牌羔羊肉串 ，師傅手勢將肥瘦位分配得啱啱好，羊油滴落爐嗰陣『滋滋』聲已經贏晒！咬落外脆內嫩，孜然粉同辣味雙重夾擊，辣到嘶嘶聲都要繼續追串。配埋佢哋 七日鮮釀渾濁IPA ，麥芽香濃到似飲緊新鮮出爐嘅麵包湯，綿密泡沫慢慢帶走油膩感，呢個配搭真係 冇得輸！最抵死係鹽水花生 ，滷到連花生衣都入味，鹹香軟糯，食到手指都舔埋。晚市仲有特別福利，店長會邀請熟客入 VIP WECHAT群，第一手收到新鮮菜式上市同限時優惠。啤酒加燒烤，食到唔停口！西區見少買少嘅燒烤店真係唔好錯過
繼續閱讀
本身可選擇辣或者唔辣，而家不能選擇，全部都係辣，而且好辣，完全唔岩小朋友或老人家食。上深圳食，深圳木屋都可以選擇唔辣，不過最近我已經轉咗食遠古燒烤，好食好多，仲平好多。木屋而家咁堅持辣口味，留俾岩食辣既人去，祝生意興隆！
繼續閱讀