176
8
3
港鐵太和站 A 出口, 步行約10分鐘 繼續閱讀
電話號碼
26671888
營業時間
今日營業
17:30 - 21:15
星期一至日
17:30 - 21:15
公眾假期
17:30 - 21:15
公眾假期前夕
17:30 - 21:15
付款方式
AlipayHK 支付寶 現金
其他資料
網上訂座
餐廳運作模式 - B類
賞訂座積分
加一服務費
獨家網上訂座
當面支付
有關獎賞計劃
食評 (198)
等級4 2021-11-16
784 瀏覽
其實我成日都會路經呢間餐廳,而且亦收藏左一段長時間,但感覺要多D人去食先開心,所以遲遲未試。某個星期五終於約到屋企人陪我試😋,當晚6點3左右去到,場內已經半滿,以附近咁多食肆黎講,人流已經算唔錯。試新餐廳之前,我通常都會上網做功課,揀定D熱門食物,今次都唔例外。首先必點嘅係串燒拼盤,可以試哂豬牛雞串燒之外,仲可以試埋豬頸肉,岩哂心大心細嘅我😅。串燒拼盤 $148串燒麻麻,偏向乾身;豬頸肉中規中矩,肉質未去到好爽但又唔會好淋,不過份量唔少。辣椒膏豬頸肉炒飯 $72上枱果陣有少少失望,因為豬頸肉已經切成碎粒,雖然份量唔少,但存在感偏低。整體個炒飯幾唔錯,好有鑊氣,而且夠乾身,屋企人話最好味係佢🤤。鮮蝦炒金邊粉 $88本身唔係好想點金邊粉,事源有次係上水食過一個超難食嘅偽泰式炒金邊粉,而產生陰影後,就唔敢係新餐廳試金邊粉。不過今次見佢其他食物質素都正正常常,一於試埋佢。炒粉都好有鑊氣,加埋辣粉好惹味,蝦都爽口,不過無乜蝦味,而花生碎就有少少變味,盡量唔好撈埋黎食就無問題。冬陰功明爐海鮮鍋 $148呢個幾特別,明爐熱住黎食,冬天食岩哂。海鮮有青口、大蜆、蝦、魷魚,另外有大量秀珍菇,底部有粉絲。海鮮味道好一般,稱唔上鮮味,蝦無梅、蜆無沙、魷魚無雪味已經過關,呢個價錢唔會預佢用新鮮料。冬陰功湯偏甜,個人中意酸D同辣D😏。泰式墨魚脆豆卜 $58我好中意食長洲碼頭附近個炸魚肉釀豆卜,外脆內軟,所以對呢個墨魚滑釀豆卜充滿期望。可惜,豆卜大大舊,但墨魚滑釀少少,成舊野炸到裡裡外外都乾哂,入口乾爭爭,無墨魚味,只有豆卜味。當晚4位,人均$140,每碟野份量都算多,我地4個人share岩岩好。一致認為炒粉炒飯最好,夠鑊氣。 繼續閱讀
(以上食評乃用戶個人意見 , 並不代表OpenRice之觀點。)
木屋大排檔 (大埔)大埔大埔太和路15號太和中心地下27-28號舖下雨天唔想煮飯~去附近泰式餐廳叫外賣!可能6:00時間尚早~餐廳啱啱先開晚市~仲未有其他食客~落單後10分鐘已經入晒盒拎得!夠晒高效率!等咗陣睇個餐牌~餐廳用搞笑方法教大家讀泰文XD 影咗張相俾大家有興趣嘅睇吓😂泰式板煎蠔仔蛋🍳 $88蠔仔份量十足~而且粒粒飽滿!蠔仔清洗得好乾淨~冇食到沙粒👍🏻有時喺出邊餐廳會食到啲沙粒~搞到冇晒「引」😂 驚喜地佢唔係煎到一塊塊蛋餅~而係炒滑蛋!炒蛋火候掌握得啱啱好~唔會過老~夠晒嫩滑~仲食到有D蛋汁喺度🙈另外 餐廳加咗啲蔥粒落去炒滑蛋增加口感!個底疊左芽菜仔~撈埋一齊食幾豐富!燒巨型大虎蝦🦐(2隻)$68一打開外賣盒~已經聞到一陣陣燒蝦香味!虎蝦夠晒大隻~蝦頭仲有蝦膏!蝦肉唔會「梅」身~夠晒爽口彈牙!唔洗點醬汁已經覺得夠晒味~新鮮貨係唔同啲!黑醋芒果蟹肉沙律🦀🥭 $98係新鮮蟹肉絲呀!食落去覺得同平時罐頭蟹肉係唔同啲~芒果夠晒新鮮~酸中帶甜!車厘茄同沙律菜都好新鮮!黑醋嘅甜味加上芒果嘅甜酸好配合!焦糖菠蘿🍍($22*2)超抵食!一串焦糖菠蘿五大嚿~之前去日式串燒店食一串兩嚿都要成$30幾蚊~今次叫咗兩串已經有成大盒!脆脆焦糖片包住菠蘿肉~外脆內多汁~最好嘅甜品!餐廳裝修以東南亞風格為主~枱同枱之間有一定距離~搵日得閒嚟堂食傾吓計都幾好!CP值:7/10Lam脷指數:7/10 繼續閱讀
(以上食評乃用戶個人意見 , 並不代表OpenRice之觀點。)
等級4 2021-09-29
941 瀏覽
入夫家大埔同朋友夫婦食飯朋友話屋企附近呢間餐廳呢排都幾多人一於就試下佢咩龍料一早係Open rice book左星期六7點四位~去到門口見到有人排隊都好彩自己有訂枱入到去餐廳裝修有dd泰國風情偏暗又好有d酒吧feel~唔知前身係咪真係酒吧黎我哋嗌左7樣野加3杯啤酒~生蝦唔記得影份量有6隻,中規中矩椒鹽粟米🤔第一次食泰菜有得嗌呢個澳門名物味道ok,但唔夠椒鹽同唔夠鑊氣呢個鳳爪沙律not ok!!!個醬太甜又唔辣同平時食開既好大分別呢個酸辣湯蜆係小食list入面嗌小食list入面既野會送一杯泰生啤🍺個湯好飲,蜆肉偏細隻,好彩無沙要讚既係配料多,勁多芹菜墨魚餅 係全晚最好食既一樣😅冬陰公烏頭個冬陰公超奶。。重手左落椰奶如果配酸辣湯應該會好食d魚都大條,夠四個大人share!!臨尾嗌左個炒pat Thai我淨係試左一啖仔因為太飽了如果齋講價錢同上碟份量性價比確係高計埋味道之後就非常中等再計埋無乜招呼既招呼之下就無咩事唔會再幫襯多次🙃🙃值得一提係,餐廳上菜速度快過快餐但食物又真係熱架喎😂😂另外,要留意餐廳只收現金! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-08-10
83 瀏覽
一大班人開P 食黎食去都係KFx ,M記, pizza 果d 真係好悶同冇新意,所以就試下叫泰國菜,雖然健康程度就麻麻,不過起碼係新鮮煮出黎。目標餐廳門面好大,入面好多客人,好彩唔係堂食,否則要等起碼半個鐘。位置都算方便,係大中果頭,太和行一兩個字就到。揸車仲好,有好多咪錶位。入面個menu 超多頁,有選擇困難症就唔建議睇,一定睇成晚都未選擇好食咩。個外賣套餐真係好簡單,幫我地慳左好多時間。蠔仔炒滑蛋,蛋夠滑,好多隻蠔仔。份量十足椒鹽粟米,味道特別,唔太辣,有小小甜。青咖喱牛腩,個碗唔大,不過全面好多牛,送飯一流。唔辣,好香,有泰國風味,又多香料海南雞(半隻), d 雞好滑,啖啖肉,d 汁好match. 依到嘅份量分分鐘多過其他餐廳嘅成隻雞。必叫Pha Thai汁咕嚕肉, 唔食咕嚕肉嘅我,就好難講依個好唔好食。不過有眼你地睇,都係以分量取勝。黃咖喱牛腩,同青咖喱一樣,送飯冇得輸,d 牛又鬼死咁多,好似唔洗錢咁。d 肉一d 都唔un, 十分之有咬口。小食拼盤(大), 熱氣,不過咁大班人,一人一兩件,一d 都唔過份。份量十足,開party 一流。番到屋企都仲好熱。全部外賣都係用d 厚嘅外賣盒,保溫唔錯。馬拉盞炒一字骨,十分之重口味同邪惡。食肉獸必叫。好香口,唔un.大合照 繼續閱讀
(以上食評乃用戶個人意見 , 並不代表OpenRice之觀點。)
因為疫情關係減少咗出外飲食,諗住買個青咖哩牛腩加餸俾左$78蚊買一個青咖喱牛腩外賣,店員交俾我個陣見到見到份量得一半已經O左嘴返屋企打開睇,原來得5件牛腩,😡收我$78蚊得5件牛腩會唔會過份左D?一心諗住加餸,家人食得開心D,結果依家大家都冇曬心情,覺得份量太少畀人搵笨!😡打返去木屋大排檔反映情況份量,個店員仲諸多藉口,話呢個係例牌份量,我覺得不能接受!開店以來水準一路下降,豬頸肉炒芥蘭D豬肉係黑色變質變味不新鮮🖤,已經唔敢再食,依家連青咖喱都令人不敢恭維😡78蚊得5件牛腩,咁既份量無下次,再見!!!! 繼續閱讀
(以上食評乃用戶個人意見 , 並不代表OpenRice之觀點。)