木屋ラーメン

屋邨嘅價錢 正宗日式拉麵嘅味道🏢木屋ラーメン🌐 青康路12號長康邨康泰樓地下4號舖💭中午去咗青衣長康邨嘅 木屋ラーメン 食午餐，呢間小店雖然唔算好大，但人氣真係唔少，成個午餐時段都有人排隊，街坊都好捧場。🍜 拉麵體驗我叫咗一碗叉燒拉麵，配料有：- 半隻溏心蛋，蛋黃熟咗少少- 幾塊日式叉燒，肥瘦適中，唔會太油膩，完全唔嚡- 麵質適中啱啱好，偏幼身- 可以揀多蔥，絕對係加分位- 竹荀夠腍身，好食🥣 湯底方面湯底清而不淡，飲得出係用蔬菜同肉/骨慢慢熬出嚟，冇味精死鹹嗰種感覺，飲落口好舒服。…查看更多

終於有機會食到這家拉麵餐廳。我們在外面排隊了一會兒，雖然需要排隊，但等待一陣間都非常值得。拉麵湯頭非常濃厚，讓人一吃就愛上。慢煮鴨胸軟嫩可口，味道相當出色，與拉麵搭配得恰到好處。這裡的老闆也非常友善，讓人感到賓至如歸。餐廳的環境十分舒適，讓人可以輕鬆享受美食。整體來說，這次的用餐體驗讓我非常滿意，不僅食物美味，服務也很親切。值得一提的是，這餐廳的CP值非常高，價錢好抵，又好食，值得推薦給朋友，並期待下次再回訪。…查看更多

今次嚟到青衣長康邨，無意中發現咗間木屋拉麵，只係 $55 就食到一碗高質素嘅日式拉麵，真係超值！💯🍲我哋叫咗魚貝湯叉燒拉麵，拉麵湯底睇落清澈，但其實味道相當濃郁，有層次又唔過鹹，飲晒都唔會口乾。湯頭帶有淡淡魚介香，同醬油完美融合，👍真係有日本風味！🥩叉燒有驚喜，三大片厚身叉燒肥瘦適中，肉質嫩滑唔鞋口，滲出微微鹹香；🍳溏心蛋流心剛剛好，蛋味香濃，蛋白唔過熟；配上蔥花提味又解膩，口感更加豐富。🍜麵條屬中幼麵，彈牙有咬口，掛湯力亦唔錯。加多罐凍飲坐低慢慢嘆，感覺悠閒又滿足～⸻🌟 食評評分：•味道：⭐⭐⭐⭐⭐•價錢：⭐⭐⭐⭐⭐•賣相：⭐⭐⭐⭐•環境：⭐⭐⭐🌟⭐️•回頭率：💯💯📍青衣長康邨 木屋拉麵🕐 時間方便，適合平日晚餐／放工宵夜💬 推薦比鍾意拉麵又唔想荷包大出血嘅朋友！…查看更多

被推介嘅區內美食，據稱長年以來時時刻刻都係排長龍。公司就搬，把握時機，放工即刻專程搭車去試。唔洗排隊喎！用好期待嘅心情去等食。可惜冇我本來想試嘅乾貝湯揀，應該係改咗餐牌，而家冇得俾人揀，每日只有一種湯底，今日得魚乾湯；但我唔覺有魚味，好彩唔油膩，都算好飲嘅，有啲似某即食麵牌子嘅湯底味道囉。拿，係咪好食到要長期排長龍就見人見智喇，不過以$55嚟講，又真係算物有所值嘅，都乜得好挑剔啦。同埋老闆兩公婆服務態度係幾好嘅。…查看更多

🍜 食評：講真，喺青衣屋邨入面搵到間似模似樣嘅日式拉麵店，真係有啲驚喜！「木屋ラーメン」唔算大間，裝修簡單，但勝在夠晒地道feel，坐低食碗拉麵，有啲似去咗日本街坊小店咁。 ✨ 必試推薦1. 慢煮叉燒拉麵 - 個湯底真係冇得彈！飲得出係熬足時間，濃得嚟唔會太鹹，仲有淡淡魚乾香。叉燒唔會太肥，麵質爽口，荀量好多，鍾意食荀嘅我覺得好加分！ 2. 慢煮鴨胸拉麵 鴨胸肉質好林，湯底同叉燒嗰碗一樣。特別一提加白飯免費，用呢個湯頭嚟整個泡飯都幾好食，幾特別！📌 其他點評：- 服務：老闆同老闆娘都好nice，落單後好快有得食。 不過要留意呢間淨係收現金。- 等位：平日傍晚六點嚟等10分鐘左右，一嚟見到鋪頭未開已經有約十個人係門口排隊。-店內環境：店內牆壁有唔同嘅相片同手寫留言，仲有唔少高手嘅畫作，滿滿嘅人情味係入面 💡 小貼士- 如果肚餓可以加飯，免費嘅！ - 湯底我今次去食只有一款，不過我覺得都好食。 如果係想嗌兩碗唔同味嘅試吓嘅話，呢間未必啱你。-枱面有支柚子味嘅芝麻，味道清新，口感脆脆地好得意，推薦大家可以試吓：-啲碗事前會浸暖水/熱水（我唔太清楚溫度），所以上菜時我覺得個碗都幾熱下，怕熱嘅朋友/小朋友就要小心啲。總結：呢間「木屋」真材實料，價錢合理，喺青衣算係難得嘅好選擇。如果想食碗用心嘅拉麵，又唔想同人逼，呢度絕對值得嚟試吓！ 評分：4/5 🌟（好味抵食，街坊價錢） …查看更多

佢嘅質素我覺得係同味千拉麵嗰類型差唔多，但係性價比高，原本係呢街市嘅一間小店變成而家有一間舖頭，叉燒拉麵唔錯，唔夠食又可以畀少少錢加底，都係平民工人飯堂，日本都有唔好食嘅拉麵嫁！我就食過啦！…查看更多

吹大左 睇佢近排幾hit又排隊但真係冇乜特別 等好耐先上菜 真係「慢煮」免費加白飯 不過話冇哂唔推 湯好淡 多蔥 。比多左2細條 。 麵質比較硬屋村開 新開……慢煮肉係ok la 不過出面好多都有…查看更多

今次嚟到青衣食超人氣排長龍嘅木屋拉麵呢個都可以話係青衣名物開喺邨屋裏面，地方都叫做有啲偏僻但係完全唔影響佢嘅客流量同人氣今次去大約等咗15分鐘，入到去就會見到牆上有好多客人嘅簽名同埋字句好多客都大讚佢哋嘅拉麵好食 而且重點係價錢真係好平，55蚊一碗慢煮叉燒拉麵，湯底我揀咗元貝湯而且追加配料都只係$10，就有3-4塊叉燒/鴨胸，認真抵食好誇張而且好特別嘅係佢哋有拉麵加白飯呢個食法而且白飯係免費，見到隔籬附近都好多客人咁做，好特別坐喺巴bar位見到老闆製作拉麵嘅過程，雖然要等一段時間，但見到老闆嘅用心不停用撈面嘅西chok 乾拉麵嘅水份拉麵上枱嘅時候外型好靚仔叉燒食落好嫩滑，肉質偏瘦，唔會有好明顯一大嚿肥豬肉元貝湯好清淡，帶點鹹味，同平時食嘅拉麵湯底好唔同，味精嘅感覺冇咁重，麵條幾有咬口個人覺得有少少中式嘅錯覺（雖然食緊日式嘢）不過最令我留意到嘅，其實係舖頭同倫理街坊之間嘅感情熟客都會同老闆同侍應傾偈，帶住一家大細過嚟食另外場內過嚟食嘅人年齡層都好廣，有小朋友年輕人更加有老人家 食完仲會影埋即影即有相貼喺牆上，寫上打氣字句，呢種街坊情懷的確係幾窩心…查看更多

新店開張後經常大排長龍，唔急住食，等熱潮稍為冷卻後，平日晚上17:40到，可以排第一。新店流程有別過往，安排座位，畫紙仔，即時俾錢，等食。慢煮叉燒拉麵（$55）加鴨胸（+$10）本來諗住加多隻蛋，但晚市不能，可惜。呢期湯底係元貝湯，所以三選一無意思。因為用餐當天只有老闆一人，所以先處理好所有人客嘅點餐及收費，先開始煮麵。由入坐開始計，大約15分鐘後，拉麵上枱。先試一啖湯底，味道同舊店分別不大，醬油湯加少少元貝鮮味，味道不錯（飲咗接近成碗，之後都無勁口渴情形），但今次就好似油咗少少（都可以接受）；叉燒有四片，肉質軟嫩，味道不錯（但好似比舊店時細塊咗同無咁厚）；鴨胸有三片，肉質同樣軟嫩，味道亦不錯；溏心蛋有半隻，蛋白軟滑，蛋黃少許流心；荀大約有五條，雖然仍算爽口，但今次煮得腍咗少少；最後拉麵，仍然是偏幼身嘅白直麵條，煮嘅時間控制很好，麵條唔會太腍，有咬口，沒有鹼水味。結論：食物質素保持水準，店內空間大咗，坐得舒服啲，亦都感覺衛生啲。但因為轉咗入大舖，加價就預咗，由$45變成$55，還是可以接受的，但就應該會比之前幫襯嘅次數減少。食完見到門口人龍都仲有十數人，雖然熱潮叫做稍為冷卻，但人流睇嚟仍會持續一段時間，遲多一排人少啲再嚟幫襯。…查看更多

拉麵性價比高 最鐘意食鴨胸 應該要加2份 海鮮湯好味 成碗飲曬 感恩今次唔駛排隊🥰 上次排咗好耐🥲今次老闆娘仲邀請影相 但驚阻住佢🤧下意識拒絕咗 冇影到 希望老闆娘見到 可以下次影翻🙈…查看更多

終於試到屋村入邊嘅拉麵店 lunch time佢都幾多人，不過舖頭得兩個人做算係咁上下 拉麵煮得好煙靭 幾有口感適合鍾意食硬啲麵嘅人 另外叉燒同鴨胸嘅質素同出面80幾蚊一碗嘅材料有得揮 整體嚟講拉麵係好食嘅，而且價錢平唯一不足之處係地方唔係好就腳同冇嘢飲賣 不過老闆娘都好歡迎我哋去隔離啲士多買 …查看更多

今日，放假到青衣長青這間拉麵試試。當天只有元貝湯供應，選了多蔥，鴨胸肉加少少七味粉更好味另加了 $10叉燒/4片 左右。免費加白飯，白飯 有分大/中/小的份量，用拉麵湯來送飯很唔錯。不怕不夠飽。整體都好味👍🏻玉子燒$20，填好點菜紙之後，要準備現金，可是玉子燒機器壞了，今天不能提供，可惜。兩人經營的拉麵店，平日去到，中午12:30到門口，不小學生哥，排隊半個鐘左右。填好點菜紙之後，要準備現金，店內只收現金。…查看更多

之前book mark咗佢嘅前身木屋小食店（https://s.openrice.com/QrbS0HS4900~dhGMFphHq~ukrQAAA），亦喺2023年頭，曾經嚟，點知咁啱，嗰時重係新正頭，間舖未開，之後一直都無緣嚟食。到20-2-2025老公send條link講呢間，睇埋內容，正正就係我想食嘅木屋小食店。到22-2-2025（Sat）晏晝，亞姨嚟咗，咁我哋就又專程嚟食啦，點知等車等好耐，我哋接近3點嚟到冇人排隊，我哋入去想搵位坐，老闆話唔好意思今日有事要早收。又係咁？已經係第二次，三個人一齊嚟到冇得食。到今日（22-3-2025 Sat），我同老公回收完物資後，特登搭車嚟，只係開舖半個鐘，已經有長長人龍，一場嚟到，唯有排隊等。等咗10分鐘，條龍開始郁，由頭到尾，等咗40分鐘入得，不過都要等佢哋上晒之前客人嘅麵後，至一次過收新客人嘅單嚟煮。呢喥嘅選擇少，同今日只有元具湯，所以好快就可以揀好嘢食，揀好都要等咗好耐至落單，原本要埋$20.00嘅玉子燒，但呢日冇，於是都係試晒佢兩款拉麵，油麵就冇得試，因為真係只係冇湯嘅撈麵。落單後即時收錢，落完單當然係繼續等煮好，亦當然要等好耐，因為全店只有兩個人。等到端上嚟喇，先飲啖湯，好濃元貝味，真材實料，鴨胸肉嫩，蛋黃味道好濃郁，叉燒唔乾柴，麵嘅口感正常，唔怪等咁多人嚟食呢間。老公有要白飯撈湯食，我就覺得正常冇問題。環境：有bar枱同普通枱，好彩排到我哋係普通枱，枱係好闊落，冷氣又充足。抵食係3.5分…查看更多

舊舖是朋友的介紹，當時試過之後已驚豔不已，未幾竟然收到的落閘的消息，相當失落。最近喜見新店的重現，小人大喜即去也。小人如常的一定叫的叉燒拉麵，配料叉燒、流心蛋、荀絲統統有齊！叉燒確實燒得好好，即使是肥的部份亦可輕鬆入口，肉質又夠鬆，一碗有好多片呢，滿足矣！荀絲軟硬恰當，生蔥絲更是勁香，無法不加分！麵條都很講究，灼得軟熟度剛剛好，有咬口而不過硬。鹽味湯底絕對不比日式專門店的差，鹹淡適中，反之更為清爽，省卻了大部份的油膩感！期望店子繼續經營，小人繼續光顧。…查看更多

近期成网红店 專诚由港島轉兩程車一探究景。12:20分到 排了差不廾分鐘可入場。下單到麵上枱也差不多廾分鐘。点了义烧拉麵另加鸭胸肉 盛惠 $65大元。总体可以 性价比高。- 湯底是貝湯 加醬油 可能今天的煲汤材料有D不太新鮮 有些微怪味。坐在吧枱上 聞到味道也不太好聞。- 麪條普通 可接受。-义烧夠冧 语錯 也比足3，4塊- 鸭胸也夠冧 但可惜冇乜鸭肉味。- 流心蛋做得唔錯議見：- 兩人一脚踢 成卅人嘅場 人手肯定唔夠 生意咁旺值得投資 用App 落單和支付 減省工序。- 清潔衛生是一問題，再忙也要用清潔剂抹枱。枱面太油 令整体感覺衛生不好- 湯匙 應和筷子一樣 預放在枱面 厨司放完义烧 再拿湯匙 令匙柄非常油 食客也成手油。- 最後問攞牙簽 但沒有提供。也沒有纸巾。呢D小節看似不重要 但.....…查看更多