10
0
1
港鐵上環站 E1 出口, 步行約4分鐘 繼續閱讀
電話號碼
28809828
98858057
附加資料
Set lunch 供應時間為:星期一至五 1130-1500
營業時間
今日營業
11:30 - 23:30
星期一至日
11:30 - 23:30
付款方式
Visa Master AlipayHK 現金 八達通 銀聯 JCB BoC Pay 微信支付 雲閃付 PayMe
其他資料
網上訂座
加一服務費
以上資料只供參考, 請與餐廳確認詳情
有關獎賞計劃
食評 (14)
等級4 2024-02-24
0 瀏覽
回港的朋友想食中菜,據聞這家館子不錯,遂與友同試。餐廳雅致整潔,氛圍舒適寫意,予人開揚的感覺。開茶後,店員同時送上餐前小食花生豆乾青瓜粒,先開一開胃口。兩個套餐的前菜都是四喜烤麩和紹興酒糟醉雞。烤麩夠入味,有嚼勁,卻又不靭;醉雞酒香尚存,雞肉細嫩,是一道恰宜的前菜。套餐一是咕嚕肉與雞湯小雲吞。豬肉塊頭大,肉質腍滑,裹着酸酸甜甜的咕嚕汁跟爽甜的菠蘿同食,醒神醒胃。雞湯小雲吞的雞湯醇厚芳香,好像雞的精華都煮了入去!雲吞的皮薄而滑,細細粒容易食,份量剛剛好。套餐二是孜然羊肋骨和四川擔擔麵。三件羊肋骨肉質軟綿,孜然的味道完全滲了進去,非凡的惹味!而四川擔擔麵的湯有頗濃的花生醬味,沒有辣味,喝下順喉。麵條較粗,軟硬度恰好,細細碗可以秒速清碗。我們另外要了客蟹肉粟米羹。粟米羹本身的鹹甜味拿捏得很好,不覺落了很多生粉芡,加了蟹肉簡直錦上添花!朋友都給了讚! 繼續閱讀
(以上食評乃用戶個人意見 , 並不代表OpenRice之觀點。)
新年太多聚會,食🍔🍕🍗都食到厭。一於試吓呢間中菜新餐廳!開頭以為去錯地方,環境好舒服好似去食afternoon tea咁。門口仲有搖椅打卡位!等齊人時叫左杯Mocktail 嘆住飲,酸酸甜甜好開胃,中間舊冰成個波咁好可愛閨蜜聚會緊係要邊飲邊傾,朋友叫既Cocktail都好吸引!下次我要試🌹!新年關係有套餐,每碟都擺得好靚!份量就真係唔大碟,岩哂雀仔胃又想試多幾款菜式最驚喜係中間個招牌扁皮鴨,跟埋個鐵板可以兩邊辣下塊皮先包,熱辣辣食真係好脆口本身套餐有蛋白杏仁茶,忍唔住叫多個炸蛋糕一齊share,個酥皮好好味好滿意既一齊,服務唔錯,叫左個花茶一齊飲,會有個燭台坐熱,侍應會不斷幫我地添,真係好體貼 繼續閱讀
(以上食評乃用戶個人意見 , 並不代表OpenRice之觀點。)
等級1 2024-02-15
0 瀏覽
約同事食開工 Lunch服務好,用心做食物,質素好,擺盤有心思,位置一流,裝修優雅,仲有打卡位一個 Set Lunch 有前菜,前菜既醉雞好入味,主菜有小菜類,同事叫左咕嚕肉同黑松露蘆筍炒帶子,我叫回鍋肉,主食有點心又有飯麵類揀每款菜味道唔會太濃,都係啱啱好,擔擔麵既香辣唔係死辣,好好味,不過略嫌湯既本身唔夠杰,蘆筍炒帶子超好食,帶子大大粒,超值,小籠包皮薄湯夠熱,讚~同事仲大大力讚鮮搾果汁,粒粒果肉無欺場,覺得叫果汁係精明值得再黎值得推介 繼續閱讀
(以上食評乃用戶個人意見 , 並不代表OpenRice之觀點。)
等級1 2024-02-14
0 瀏覽
菜品价钱好好贵,一上嚟就推销饮茶,唔饮茶水连白滚水都冇得食,而且食完之后即刻做住你面将餐具全部收跌,好似喺赶人个样,明明有好多吉嘅位置都唔排队,服务心情一般,唔系一次愉快嘅食饭体验 繼續閱讀
(以上食評乃用戶個人意見 , 並不代表OpenRice之觀點。)
等級1 2024-02-08
416 瀏覽
早前經過收到餐廳派的傳單,午餐望落都好似幾豐富,初初以為係西餐廳,意外地係食中菜!好奇睇睇睇佢哋嘅晚市餐牌,貌似份量都幾多,適逢臨近新年,就同屋企人試吓!裝修有啲日式風格,門口更有個好靚嘅打卡位難得一聚又冇揸車,今日就試吓揀雞尾酒,睇得出調酒師花嘅心思,特別係呢杯lemon pie,真係好似食緊檸檬批咁,上面嘅裝飾原來全部食得!竟然係龍鬚糖老人家揀咗花茶,仲有個暖爐仔座住壺茶食物賣相精緻,剩係蛋都可以令人不停打卡醉鮑魚要讚一讚,花雕酒釀好香好入味!咸蛋蝦球都幾大隻,性價比高,媽咪一向嘴刁都讚酸菜魚魚肉再嫩滑啲就更好,但睇返張單咁大兜先$288真係抵食!店員推介火方,但我哋又想食菜就轉咗火腿津白,果然冇介紹錯,火腿有驚喜,童叟無欺又係大大片,蜜味十足!因為老人家想食翅就加左一份,又係大大煲,店員仲不時睇睇需唔需要加湯,好細心!重頭戲係嚟試佢嘅招牌片皮鴨,雖然見唔到佢片鴨,但服務加分,且份量充足,提供熱石板俾我哋keep住鴨皮香脆同熱辣辣,我哋食得慢仲幫我哋換板店員仲推介咗花雕焦糖布甸,呢個配搭真係聞所未聞,個個掛住食已經唔記得咗要影相,味道竟然出奇地夾,明明好飽都想食多兩啖!臨走到門口打卡,店員好熱心咁幫我哋影咗好多幅,傾咗幾句先發現原來餐廳新開張,服務真心係抵讚,不停幫我哋清枱面啲紙巾垃圾,check 住需唔需要幫我哋換碟,又加湯仲斟埋茶,所以都想留個好評讚下! 繼續閱讀
(以上食評乃用戶個人意見 , 並不代表OpenRice之觀點。)