木兆小品 (樂富廣場)

營業中

休息中

今日，去咗貴店樂富嘅舖頭食下午茶， 是日清明節，等候嘅人比起復活節假期多咗. 因為店舖等候嘅客人好多，店員話一人的話，一定要搭枱 ，因為去完買餸，成手嘢。 我同店員講，可以搭枱， 你地果度勁多2人檯， 係可以張檯近住圍欄， 畀我放個勾去掛住我手頭上啲野。 但係負責安排入店個員工， 呢位員工係負責收錢，戴眼鏡，束馬尾嘅， 態度實在好差，已經一肚氣。 入座後，要qr code掃單，但係因為個qr code掃嚟掃去，都掃唔到， 同我搭枱嗰個女士一樣掃唔到。叫員工安排人手落單，佢哋淨係一味講叫你掃 code, 有啲十問九唔應. 最終都安排到人去落單貴店咁嘅服務態度，我以後都唔會再嚟幫襯

一個人下午茶時間，入去禁飛等位，等左五分鐘就有位，但服務員問搭唔搭枱，我說不搭，然後佢講咁要再等下，暫時冇枱（其實明明係有二人吉枱）。唔緊要，對唔搭枱既食客要特別安排坐位係可以理解，如事者再等左十分鐘，部份食客陸陸續續起身埋單，又再有幾張二人吉枱，可惜服務員仍然不安排坐位俾我而俾左另外其他客人入座，問服務員咩事唔俾位我，佢支支吾吾冇答我，擾攘左幾分鐘佢都係唔安排（係唔安排而唔係冇安排）坐位俾我，最後係放棄離場。其實餐廳明明有搭枱/不搭枱既選擇俾客人，但安排上又對不搭枱既客人有*特別*照顧，咁點解唔講明餐廳所有餐枱係必須搭位？ 本來諗住近近搵間餐廳食個下午茶，最終都係選擇唔等走人去左另一間食服務員，間唔中企收銀位，戴眼鏡長頭髮有少少口音，都做左好耐架喇

今次外賣左佢嘅扒餐平均都係40-50，包埋嘢飲免加一！-香煎雞扒・火腿 半焗流心蛋飯 配蒜蓉汁雞扒都嫩，而且冇雪藏味流心蛋好好味🤤撈飯一流～香煎牛扒・雙腸飯 配黑椒汁牛扒都算淋唔難咬，而且都幾大塊～黑椒汁有啲辣🫣嘢飲檸檬茶甜度啱啱好，雖然冇檸檬片另一杯揀左麥可可個底好多粉未融而且超級甜，唔建議…整體而言：飯同配料嘅份量都好多，而且都有啲菇同紅蘿蔔完全夠曬飽！汁嘅份量都啱啱好撈飯都唔會好鹹-早餐同其他午餐款式都算多咖喱，粉麵，湯飯都有！平平地商場食個快餐都ok

攞了四人飛，但收銀員不停安排二人搭枱，結果等了又等也等不到四人枱，只是問一問這安排怎樣會有四人枱，結果還被收銀員無禮對待，態度囂張到一個點，雖然食物味道還可以，但日後想幫襯也怕怕

木兆小品因為搵小奶龍所以去左樂富，然後就去左樂富覓食，發現到抵食既晚餐😋💛原汁原味枝竹蘿蔔牛腩煲 $74牛腩好入味，好惹味牛腩份量又好多，好送飯佢遲左黎，所以蘿蔔有啲硬（炆唔夠耐）💛大澳蝦醬炒牛肉通菜 $71蝦醬唔算好均勻，但係份量多炒通菜夠鑊氣😋💛包飲品熱檸水幫篤埋檸檬，都幾貼心價錢：$145（二人）⭐️⭐️⭐️評分：8.5/10⭐️⭐️⭐️📍木兆小品 (樂富)樂富聯合道198號樂富廣場B區UG2樓U211號舖

第一次食到咁區咪對待嘅店！原本系被朋友安利了呢家嘅炒飯，開開心心嘅點了外賣自攞，冇想到剛進門就被甩臉子！要唔好直接把唔歡迎第一次嚟食嘅顧客寫喺門口呢？自攞嘅外賣因為唔清楚多問了一遍前台嘅小姐就翻白眼很唔客氣嘅把人往外趕，轉頭笑臉相迎其他人客，呢就算了；外賣到了畀其他人嘅都送出嚟就留我嘅嗰份喺店里，也唔講，准備問佢結果送完別人嘅轉頭就往店里走問都冇法問，抱着進門再問一下肯定會被唔客氣嘅對待嘅btw，餐品嘅口味還唔錯，服務真嘅太令人失望了！

皮蛋瘦肉粥。搭配嫩滑的瘦肉和香味獨特的皮蛋，給你一種濃郁的口感和風味。這道粥煮得濃稠，既可以作為早餐或宵夜，也是感冒時的暖胃良品。黑松露叉燒粒蔥花炒飯。這道炒飯以香氣四溢的黑松露調味，搭配著鮮嫩多汁的叉燒粒和蔥花，給你一種奢華的味覺享受。炒飯的米粒鬆散，每一口都能品味到黑松露的香氣和叉燒的風味。這道黑松露叉燒粒蔥花炒飯是一道美味而豪華的主菜，給你帶來滿足的食欲享受。四川麻辣牛肉炒飯。這道炒飯結合了四川菜的辣味和牛肉的鮮美。牛肉片經過短暫的炒煮，保持了肉質的嫩滑。搭配四川麻辣調味料和蔬菜，每一口都帶來濃郁的辣味和豐富的口感。這道四川麻辣牛肉炒飯絕對能夠滿足喜歡辣食的人的味蕾。

樂富食肆多, 而早餐選擇亦不少,唯獨未試過呢一間, 除咗西式早餐, 仲有腸粉,燒賣,蘿蔔糕 .........試咗腸粉,味道唔錯, 但份量偏少, 其實食完一個腸粉蘿蔔糕餐, 或者炒麵配燒賣餐, 基本上係唔會飽嘅，重點係蘿蔔糕，如果十分滿分, 佢只有七分燒賣亦都係, 比起街邊嘅燒賣略為遜色， 有點乾。 叫左兩個早餐，唯一有印象嘅就係炒麵，唔係做得比較好而係對比另外嗰兩個,叫做較為出色少少。場內如果食早餐其實仲有好多選擇，相信再嚟嘅機會唔大啦。

嬲到爆！今日11 45落order叫咗兩個餐，番茄牛肉飯同乾炒牛河，1211可取！十二點去到收銀姐姐幫我問廚房話單未有，都正常時間未到！(果時都未話order有問題)！等到1213再追，收銀姐姐竟然答我廚房話冇牛肉，叫我改單！冇病呀，半個鐘頭前落單你冇牛肉唔講，等咗半個鐘頭應該要攞嘅時候你先開始同我整張單話冇牛肉？！你點做生意呀！你咁忙唔好接單啦！改完單畫盡快整，最後要再等半個鐘！畀你去任何餐廳落order等半個鐘先至話畀你聽你剛才叫嘅食物冇曬，叫你再改你興唔興！改完個星洲炒米仲要得啲色水冇呢味道勁差！

位於樂富嘅茶餐廳，睇落去幾時尚乾淨。識過去嘅夜晚小菜，我哋叫咗牛腩炆枝竹，咕嚕肉，梅菜炆五花腩，質素正常。唯獨五花腩比較肥，冇乜肉食，牛腩炆枝竹牛腩比較細，不過味道正常。值得推介係佢杯咖啡，聲稱是即磨咖啡。咖啡味香濃，喺茶餐廳入邊算數一數二好飲。

平時遲過11點，好多餐廳都冇得食早餐啦，搞到食黎食去都係茶餐廳，今日經過見到呢間仲有早餐食，就想試下新野唔洗咁悶。早餐餐牌有西式款（火腿/腸仔/煎蛋/通粉），中式款（炒麵/蘿蔔糕/鹹肉糭），米線等，好多選擇。🐥香煎雞扒拼煎蛋火腿加厚多士🐥雞扒煎過龍，好乾身，好似食緊炸雞咁，不過好在冇雪味，火腿都係好乾硬，煎蛋就正常，厚多士幾夠軟身，唔會太乾，算係最高質個樣。不過店內其實唔係好多人，但係唔明d姐姐做乜咁緊張，好急，餐具冇又唔理，淨係一味自己走黎走去🤷🏻‍♀️🤷🏻‍♀️。係見叫做坐得舒服d，同唔洗再食平時食開食ge早餐先黎。評語：早餐選擇多服務中下價錢實惠

我今天下午訂了一個雞扒流心蛋火腿蒜蓉汁飯，但當我拿到外賣行了10分鐘路程，準備在辦公室好好享用的時候，發覺最重要的蒜蓉汁竟然不翼而飛了！沒有汁 這個飯乾癟癟，，請問怎樣好好享用，難道要我走10分鐘再大熱天的時候下回到餐廳拿回汁嗎！？

本身想嗌百搭之選 精選二人套餐 因為我哋想食海鱸魚🐟 價錢來講只係比晚市小菜套餐貴8蚊 但係就有條魚食 點知今晚已經冇晒魚啦 唯有嗌兩個小菜啦😂枝竹蘿蔔牛坑腩賣相唔算特別吸引 但畢竟只係一碟家常小菜所以賣相我都唔係太過高要求嘅 牛腩蘿蔔炆得好林 蘿蔔有入口溶化嘅感覺🥕 唔係紅蘿蔔嚟㗎 係白蘿蔔不過冇emoji可以代表咋😂 不過牛腩有少少碎梅菜扣肉啲碟係邪惡之選 份量唔係特別多 但係每件都好大件而且肥膏瘦肉分明 所以驚梅菜扣肉太肥膩嘅可以咬走啲肥膏🐷 梅菜非常好送飯呀熱奶茶呢個晚市精選二人套餐配埋兩碗白飯同埋兩杯熱飲 價錢來講其實幾抵食㗎整體來講兩個餸都幾好 所以搭正六點已經有好多人嚟買晚市外賣啦😺 雖然有返晚市堂食 但係有時覺得係屋企食都幾自在吖

大部分啲姐姐對客態度都幾好，但個肥肥地既男服務員一上嘢飲，成個杯飛跌咗，杯嘢飲耍到成張枱成個地，仲有我哋件衫褲都有奶茶漬，然後佢即刻去攞咗個地拖拖地，我哋問佢攞紙巾，佢先至死死地氣話等陣啦，再攞俾我地，然後又將個地拖打落另外一個職員嗰度，然後個男職員自己仲話佢好嬲，我哋都未嬲佢自己喺度嬲囉，之後佢自己顧住清潔個地下拖咗兩下就走咗啦，全程一句對唔住都冇，又冇問我哋有冇整到，其他職員都當睇唔到，冇幫到手, 成餐飯嬲住食，整體啲嘢食就好咸。米線湯底同炒面都係徧咸

放假有時都會同媽咪久唔久食呢間，😆因為好鍾意佢杯凍檸茶😍😍冇檸檬，唔駛篤但好好飲又香檸檬味😆😆同埋食物都幾好，幾好味！我最鍾意呢個肉燥飯，今次揀咗雞扒🤩🤤香口嘢，好食🤩又大碟！仲有佢聲稱係流心蛋嘅蛋😂😂重點想講佢個小伴碟菜，我勁鍾意食😆係啲木耳絲，雪菜😍撈埋飯食一流😋成碟啲料同個味道都超夾🤤🤤推介👍🏻👍🏻👍🏻另外碟乾牛河都好大碟！味道唔錯👍🏻好多芽菜😆正，牛肉都算多，不過就唔算大塊嗰隻🤣-香煎雞扒滷肉燥流心蛋飯 $50（餐加 凍檸茶 $2）-夠薑乾炒牛河 $51（餐加 熱檸水）