影片
吃完晚飯之後，還是有點餓，於是行咗去華都商場掃街，見到一間小店好光猛比較新淨，裡面有兩個後生仔，感覺唔似一般果d小食店污糟邋遢，於是我選擇幫襯佢地，我叫咗一份炸雞，然後佢就叫我選擇一款味粉，一共有三款味粉：不過我已經忘記了其餘兩款是什麼呢，因為我俾一款叫「九製陳皮粉」吸引住，於是我就選擇了九製陳皮粉配上炸雞，第一次吃的時候覺得九製陳皮粉的味道好似話梅粉，不過佢無話梅粉咁甜，偏酸少少。而炸雞就炸到表面脆卜卜，裡面的肉一d都唔乾，當陳皮粉配上炸雞吃的時候，酸酸甜甜的味道會令你一口接一口，停不下來，非常開胃好吃。
繼續閱讀
睇落去平平無奇嘅肉操飯竟然咁吸引今日早餐已經食咗一次但係夜晚都係忍唔住再食多次😂肉燥同飯同埋菜嘅比例係啱啱好唔會話啲肉燥太少食晒都未食完飯肉燥好嫩口唔會鞋颯颯啲肉燥汁鹹甜適中而且又有椰菜同埋粟米去中和肉操嘅膩粟米仲咬落去會有啲汁爆出黎而椰菜又係軟硬適中已佢$20咁嘅價錢來講簡直超抵！唯一美中不足嘅就係佢個碗太深啲飯太多而佢比嘅餐具又係膠匙羹唔夠長撈勻最底嗰啲飯大家都知膠匙羹用得太大力個匙羹會攣建議要問佢攞多一個匙羹咁先夠力撈勻最底嗰啲飯同肉操(已經好食到唔記得咗食之前影低😂😂😂食到就嚟完先記得)
繼續閱讀
今日經過屯門華都， 有間新開木人巷小食店，食物種類多， 我見咁多人排隊買， 我忍唔住要食番個腸粉套餐，小東主問我要什麼醬時， 我響度發緊夢，佢好耐心逐樣逐樣咁問我要唔要落， 超好人，$15腸粉有3粒燒賣加3粒魚蛋，腸粉好薄好滑， 加埋醬汁加芝麻,好味魚蛋雖然比較細粒， 但好有魚蛋味, 不會有粉感覺， 燒賣都比一般小食店好食， 真心推介店內還有其他 特色小食，各樣套餐價錢唔算太貴， 還可以加錢追加各樣小食， 下次嚟試埋其他小食。
繼續閱讀
有日收工陰差陽錯下由龍門居轉戰左華都掃街其實華都都好多選擇手抓餅 章魚燒 手卷反卷 冷面 燒賣魚蛋即使唔係天堂咁好味但性價比絕對OK街坊價錢街坊味道雖然咁講 但街坊價錢都可以有驚喜哀家見到「椒鹽炸茄子」即刻就衝埋去原來炸物係有3款味：椒鹽/陳皮/蛋黃醬炸物有茄子有猴頭菇有雜菇有秋葵...舖頭哥哥姐姐仲會推介下唔同選擇俾您最後叫左陳皮粉茄子+陳皮粉猴頭菇對於陳皮味粉係覺得幾新穎 酸完就甜好開胃友人就叫左椒鹽秋葵死命都唔食秋葵嘅當然都係唔食但聽到友人食嘅時間都「索索聲」都聽得出炸得非常乾身脆口但我偷食左幾粒椒鹽 係幾香口同埋炸野配椒鹽是天衣無縫的嘛食過返尋味 所以經過市中心都會唔覺意順路唔順路咁經過下華都順手咁買返兜茄子菇菇食
繼續閱讀
見依間小食店新開無耐都幾多人排隊，個menu都幾多野食簡，有腸粉、撈面依啲大路野食簡。我叫左個脆薯猴頭菇，之前未見過炸既猴頭菇，通常都係要黎煲湯，就買一個黎試下😅等左4-5分鐘就炸好，比想像中快。25蚊一個，都算公道。賣相都幾靚，唔會話炸到好黑，分量亦唔少，有脆薯角同炸猴頭菇，今次簡左椒鹽味，都幾惹味🤤個猴頭菇食落似雞肉，唔覺得食得齋，值得一試👍🏻 見佢可以簡陳皮粉/咸蛋黃醬，都幾得意，下次行過會試試佢😛
繼續閱讀