木人巷 (已搬遷) 新店位置

首先講一下個Customer service，老闆超好人，好有禮貌，一個人一腳踢，等既時間係頗長，但係無因為咁而敷衍了事，個個Burger都新鮮整👍🏻Triple Cheese Burger～芝士～三種芝士包括Mozzarella,Cheddar,Parmasan Cheese，Cheddar Cheese既味較為突出，芝士醬香濃，對於芝士控，唔錯！～秘制BBQ醬～意外地夾！好多既Burger都會加Mayonnaise,Muster或者茄汁但係呢個burger發咗BBQ醬反而冇咁漏～牛肉漢堡～Juicy，但係略嫌個牛唔夠牛味，調味簡單都係加洋蔥碎咁，有d普通，不過夠厚，都可接受。～包～個包實在太驚喜，咬落去竟然係脆但係入面鬆軟，淡淡牛油味食得出有花心機去烘，值得一讚。～菜～至於個菜唔知係咪因為夜晚去食，唔太新鮮，但係又唔至於霉，勉強可以接受～整體而言～Burger唔乾，調味充足，芝士醬好食，但係略嫌普通。可值得一試支持本地小店，始終見到佢一個人踢晒腳都唔會馬虎了事，希望整到最好嘅美食比客人。雖然唔係話好出色嘅burger，但係睇在老闆服務態度超級良好嘅份上加上老闆真係好有心機，可以值得

唔明點解咁都拎得出黎賣比人？味道同賣相都有啲似中小學學校飯盒意粉無汁乾爭爭 配菜極少 啲蝦有陣怪味食左兩啖已經掉左咁都整得出黎賣 過到自己個關嗎？食物質素同味道都係極劣水平

意粉完全係白烚，無味！野菌完全無味！成個意粉好寡乜味都無，最慘我係叫外賣平台，想投訴又無電話！食到一半真心頂唔順想反胃。漢堡包Ok, 但太貴。個人意見，貼錢買難受，最慘投訴無門，仲要再貼錢買其他野食，真係好激氣。如果老闆睇到留言，我唔係要求退錢個d, 只希望有人會跟進下，改善下！

最近喺天水圍西鐵站附近開咗個鮮滙站，由於鐘意試新屎坑，站入面嘅食肆我幾乎試勻😂當中我最推介嘅係木人巷~雖然價錢有啲貴，但食物有西餐廳嘅質素喎，當堂覺得抵食添啦~Classic 經典漢堡（8 oz) $46漢堡扒又厚又大塊，生熟度啱啱好，加埋沙律菜同蕃茄，夠fresh夠juicy！正~跟套餐（田園沙律 & 藍莓奶昔） $15沙律菜好新鮮，醬汁竟然係橙汁？！味道出奇地夾~藍莓奶昔唔會過甜，夠香夠滑~👌帕斯圖蜆肉墨魚扁意粉 $52蜆肉好足料，扁意粉夠彈牙，不過之前食過佢嘅黑松露意粉仲正~

朋友帶我嚟食哩間新開嘅意粉。👻雖然位於food court，但水準不比外面獨立舖差，價錢合理。（因太肚餓，食到一半先醒起影相🤦🏻‍♀️）先講講牛油果大蝦意粉。雖然喺意粉入面搵唔到牛油果...... 但搵到翠肉瓜同棗(唔知有無認錯，希望有人解答。)😂。食材配搭夠新意，食落又幾好食幾夾。白汁亦濃淡適中，足以掛於意粉上，唔似外面稀過水/有粉味嘅白汁。意粉條條分明，軟硬適中。$48蚊嘅價錢我會再幫襯。✌🏻✌🏻跟住係羅馬生菜配香杏橙汁。生菜方面無嘢好講，正正常常。個汁食得出係舖頭自製，雖則稀咗少少，但味道上都夾，若然杰返啲會更好。最後係雪梨蘆薈水，兌了水太淡口，性價比稍低。總括而言，哩間舖頭嘅意粉水準高，價錢親民，絕對係唔想食連鎖店嘅日常醫肚之選。🤤🤤

早兩日，朋友新鋪係屏欣苑街市開張叫我過去幫手兩日做菜鋪散工。嗰度有個food court可以一試！ 叫左個蒜香炒蜆意粉， 味道都OK，價錢就超級ok! 大家下次可以去試試