朝牛 (天一商城) (已搬遷) 新店位置

叫外賣叫成$70一個餐 但個份量少到喊😀 啲牛同烏冬既份量就好似7-11一碗烏冬撈咁少 完全同價錢唔成正比 個份量似係平時岀面廿幾蚊咁🙄 間野真係好似另一個食評咁 不可一不可再😃

早兩日屋企人生日 諗住去試下 。跟住佢嗌咗一件300克 極黑和牛價值三百七十八元但我哋食到嘅只係一半，另一半全部都係筋，完全咬唔到 ！！！咁嘅價錢都唔挑筋，攞出嚟賣 真係搵笨！其實呢啲做 斷克計價錢賣嘅肉扒， 平時喺出便食，每一件肉都係好容易入口，啖啖肉挑曬筋。但係佢咁樣300克 只係食到150克 完全係覺得搵笨咁樣變相佢個價錢378元只係有150克， 係咁嘅地方食簡直係天價。。。一定冇下次亦都唔會推介朋友嚟食，好失望。

一份西冷一份肉眼兩份都好多根，有超過一半既肉放入口咬左好耐都係咬唔開比左二三百蚊 食落肚既肉得幾舊張圖入面右上角隻碗就係食到一半既時候影靱到咬唔開總結我係唔會再食

同朋友約食飯，聽聞開咗無耐，就去試下。餐牌幾得意，有飯有扒有小食，扒可以跟餐，幾抵$148（美國肉眼300g+跟餐有飯有沙有沙律）我覺得唔錯，有牛味，肉眼難免個邊有少少筋，整體食落係幾juicy 叫左5成熟，因為石板上，所以可以叫生少少（3成左右）上菜幾香，有蒜蓉汁、生蒜同wasabi可以點牛扒。環境都唔錯，坐等舒服，唔會去到好逼，鋪面唔係好大。因為最近疫情關係，用咗膠板分開一枱一枱。整體來講，抵食，可以一試。

由農曆年到現在，每星期返工足六天(甚至七天~沒有 Home office)。趁公眾假期，外甥女小雅邀請我們去試食物，當然賞臉去到這間餐館，我喜歡餐館的 "整潔"，"企理"。先試小吃，金菇，山葵都好吸引，特別是它們的醬汁，內子吃得津津有味。還有串燒和燒腩肉，在我而言，好有水準到午市的主菜，我們點上滑蛋鷄扒，吉列豬扒，還有半生熟的吉列牛扒 (額外奉上鐵板作處理)，這個我喜歡。餐館的食材，員工的禮貌接待，我對這間餐館，有一個深刻的好印象。未知內子幾時和我試試它的晚餐，我絕對期待呢！

今次第一次食呢間餐廳，食物質素好差！叫外賣送到過黎，時間算快，叫咗三個吉列牛午餐定食，加埋運費約HKD70一個餐，本來已經預咗外賣冇現場咁好食。一打開個顏色已經唔對路，發黑嘅肉色，中間仲有啲紫，以前食過幾次第二間嘅吉列牛，熟咗嘅顏色完全唔係呢隻色，差好遠！之後鼓氣勇氣嘗試擺落口，食落去似壞咗既味道🤢，仲有啲膠膠地嘅味，而且硬到咬極都咬唔爛，陣味好怪，唔點汁係完全放唔落口，點咗都係勉強放落口！菜同湯我就唔評，全個餐味道最正常係個幾盒白飯。我唔知係因為係外賣啲肉先係咁定點，但我一定唔會再食，未試過有咁差嘅體驗，差評！！

朝牛門面普通，但勝在香味吸引我！平時好多人要等位就唔想食，但今日無乜人，即刻入去食番餐牛先！餐廳雖少，坐位又唔多，大約得五、六張枱左右，但坐唔得好舒服，唔逼！個menu好特別，好似武林秘笈咁！有好多種選擇！我同我個friend分別揀咗一份日本安格斯牛扒200g及一份美國肉眼牛扒300g，加$10仲有份沙律🥗、味噌湯同一碗白飯！我哋仲order咗烈燒五花肉、山野秋葵同宮廷鵝肝做前菜。烈燒五花肉好精緻，味道非常濃。望落好似好油，但食落又唔油膩喎！越食越覺得好好食。再嚟碟宮廷鵝肝，香口、惹味！山野秋葵配埋沙律醬食，好match，清新！跟餐嘅沙律🥗配柚子汁，好開胃呀！而白飯採用珍珠米，粒粒都好飽滿！原來佢哋將牛扒放喺燒熱咗嘅石板上面，好香！但由於安格斯牛扒油脂多，所以不斷彈油，等咗好耐啲油仍然不斷彈，我終於忍唔住啦，一邊忍受啲油繼續彈一邊食，真係好好食，牛扒唔靭，五至七成熟啱啱好，好Juicy！旁邊有碟醬汁、Wasabi同生蒜！將生蒜放喺石板煎一陣，再夾住一口牛扒，正！加杯香橙蜜桃沙冰，夠解渴，可惜沙冰打得唔夠滑，飲到最尾得返好大舊冰，溶唔哂！我偷食我個friend一舊美國肉眼牛扒,對比安格斯

新開還在試業中，叫左個400g 肉眼扒，再加$10有飯與沙律🥗，我是一名為為食之人經常食，難得天水圍小區能做出如此水平相當不錯👍🏻，一間極細小店，先講肉眼牛味不錯，冇鬆肉粉梳打粉腌壞塊扒，原汁原味，師傅亦煎得恰到好處，食到最尾尾依然粉紅色，要講缺點只說麵豉湯味道較淡，有待改進，其他相當好希望下一次去會有更多驚喜