望月樓

營業中

休息中

這個酒樓第一試，因外觀吸引，外觀壯麗，樓底很高，所以入去一試。四人，飲了一個杏汁豬肺湯，好喊。還有，吃皮蛋菜心炒牛肉，這個算是咁多個餸最好的一個。還有，焗魚腸，個面好咸。唔飽，加一個豉油皇炒麵，唔夠鬆，味道不太夠。啫啫唐生菜🥬。這個最不行，根本無啫啫聲，又多水，不行。雖然食物不理想，但值得讚是服務，侍應服務有禮，且顧客為先，我哋反應杏汁豬肺湯咸，他們也主動無條件取消。但這個酒樓食物價錢不便宜，相對食物水準，不太值。

心情低落，又係食好西之時。見呢間中餐新開，試下。未入去巳經覺得出面個裝修好靚，入到去，正，有5*酒店枱與枱之間嘅安全距離，一般中式酒樓燈火通明，呢間暗暗地，我like。叫左燉豬肺湯，好好飲，明顯真材實料；鵪鶉蛋燒賣，隻鵪鶉蛋吾係係粒燒賣上面，係饟左係粒燒賣入面，燒賣上面再加咸蛋碎，呢個食法好新鮮；炒龍䞿賣晒，轉左做露荀炒帶子，呢個就一般，無驚喜；蘋果义燒酥，呢個配搭好新奇，仲要係蘿白絲酥果種酥皮，其實我比較喜歡傳統既义燒酥果種味同皮；豬膶牛肉炒豆苗，個牛肉無肉味，豬膶就好滑。上菜都頗快。兩位盛惠8百幾，又無我想像中甘貴喎⋯⋯可以encore

望月樓，好雅緻名，化作公子哥兒，拍吓把扇，入去尋春！中式古雅，樓頂深棕色木樑，點解尋不到月兒踪影？我個人好喜歡金色，餓金，一見2個古味金色圓形茶壼(潮廳一樣)，兩眼法光，如果真金，唔知幾多萬，襯埋暗色背景，要有射燈，份外省鏡~月光。食具白色底，靛藍月雲飄散其中，有雲破月來花弄影，有意思，妙啊！先來古法蒸粉果$38，粉皮挺身，圓碌碌，飽滿，沙葛爽口，蝦米香，皮通透,味宜適中，多些芫荽葱更好，跟住小籠包，肉鮮多汁，見汁在皮內盪下盪下， 小心夾起易爛而漏，兩樣都用六角形籠上，潮流潔淨，精彩在於醬汁小碟，金色綑邊內裏戴花，閃閃生光，豪氣精緻，想起月兒像檸檬！蔥花脆炸兩腸粉$48，油炸鬼較硬，粉皮滑，顏色晶亮，賣相顏色，雖不花花碌碌，平實韻味！义燒蘋果稣$48，餡飽滿，蘋果蓉香，不是千層穌皮薄，是蘿蔔絲穌皮，少蜜汁香。蛋白杏仁茶$48，用特別及別緻的瓦器盛上，雖不雕花貼金但平實，仍味到杏仁精，較甜，滑有加奶（前日天廚在陶源食同樣，無咁滑可能無奶，但無杏仁精，一樣香，但賣$29，量少而稀少少，口感佢較喜歡）賞月，要有美相伴，where?

得知又一城開了一間行高檔路線的中式餐廳，很想試一試那裏的點心質素。原來假期訂位有點難度，提前一天訂位最早也只能是下午1:30，但始終想試一下那裏點心的味道，結果接受了下午1:30的訂枱安排。到了餐廳門口，再等了一會，終於可進場了。看到點心紙，有好多點心都想試，結果點了一批，又追加了一批。整體來說，點心做得很精緻、有水準，餐廳的服務態度也不錯，唯一就是性價比低了一點。不過一分錢一分貨，如果追求高質點心，試一次也無妨！