朗益燒味工房

營業中

休息中

嗰日係深水埗返工趕時間買飯 俾佢嘅價錢吸引左 🫶🏻抱住試吓嘅心態買個油雞燒鴨飯 點知又幾好食 多豉油、薑蓉不過飯量較小 女仔就啱晒 男仔可能唔夠食至於例湯就不過不失 有蘿蔔 肉 如果下次係嗰邊做嘢絕對會再食🤤大家係嗰頭可以試吓推薦🐼✨

賣飯盒嘅阿姐，做嘢冇效率令自己越做越𢛴，啲食客已經好有耐性慢慢等佢。自己落錯單又死唔認，又花多一輪時間鬧人，同埋解釋自己點解冇可能會聽錯，根本浪費大家時間。 其實老闆考慮一下，個員工咁得閒鬧人，倒不如賣多幾個飯盒賺多啲，已經唔評論食品好唔好食，咁嘅態度真係唔會回頭。其實啲燒味攤晒出嚟，係唔係可以報食環署？如果係嘅我會報，着緊公共衛生之餘，亦因為個阿姐令到人㷫烚烚，不平則鳴。請老闆正視一下員工嘅態度問題。

畀咗號碼我 又唔嗌號碼 整好咗又唔出聲 畀我嗰陣又唔叫我 又唔叫號碼 淨係伸隻手出嚟 欠咗佢㗎咩 做客人 反而唔該前唔該後 做員工嘅竟然咁嘅態度 有冇搞錯呀 係平 但都無用 基本做人禮貌都無 又唔係特別好食 絕無下次

要最平食飽一個大男人嘅就應該係燒味飯有幾間分店嘅朗益燒味工房咩話 最平嘅單拼20 雙拼22蚊 咁樣好難唔叫雙拼 收八達通俾錢拎個牌仔等陣門口呀姐態度友善開盒 油雞叉燒雙拼滿滿嘅一盒叉燒肥瘦適中 油雞唔係頭頭尾尾味道亦合格窮人恩物👍🏿滿足呀

劣質飯盒出自劣等員工的手善心老闆回饋社會但請着垃圾員工幫手趕客, 斬少D蛇多D玷污了老闆造福深水埗窮人的衣食特別是油雞, 甩皮甩骨, 多骨少肉燒鴨又燒得燶, 薄切又乾又鞋

烧肉鸡饭.(盒飯未食過架.)的烧肉畀邊位就预咗.始終18蚊價钱.雞肉很碎湿湿.只得幾嚿仔.好似斩落嚟啲净料咁樣.白飯比较多.啲餸够食半個饭.甘份量一只雞可以賣幾十個盒飯

📍朗益燒味工房 (深水埗)深水埗北河街54號地舖燒鴨油雞飯😎$15我諗全香港都冇人平得過佢哋，而且份量充足，味道都唔錯，真係幫到好多人慳到荷包🤣就算要燒肉同叉燒，都係另外加$3😋本來今日係諗住食茶餐廳嘅，但見到時間有啲緊，所以要食個快飯，結果就揀咗佢哋😆的確每次響深水埗諗唔到食咩嘅時候，好自然都會諗起佢🤣真係最平最簡單嘅選擇😆買完之後，就響附近嘅公園解決咗佢😏響等飯嘅時候，見到呢一盒，半隻雞加埋鹹蛋同菜嘅飯盒，竟然賣$28🤣真係好抵食

呢個年代同人講$15盒燒味飯，一係無人信，一係話「都唔知比咩肉你食啦」。老實講，$15有得食已經好好，仲想人地比西班牙豬叉燒你食？呢間朗益應該係深水埗老店，因為區內人個個都識，啅頭就係「$15外賣單雙拼燒味飯」！呢次第二次食，第一次係基隆街果間，當時已經有唔錯嘅感覺，呢次一樣保持水準本身我叫油雞飯，不過返到去食變左拼燒鴨，不過唔緊要，有得食就得啦！油雞嫩滑，有豉油香甜燒鴨冇脆皮，好瘦，肉乾少少，不過鴨味濃，瘦仲好夠健康，乾就應該係因為我拎左成個鐘先食另外飯量超多，一定夠飽呢個飯盒真係幫左好多人省唔少錢，雖然無可能日日食，但係一星期一至兩次我無問題，茶記都$40-50碟粉麵飯啦，夠幫襯佢兩三次

爆發第N波肺炎疫情後,已經好少出街食飯,最都係買外賣,其中買得最多外賣就係呢間深水步人人都識佢,20蚊有找一個飯盒,18蚊有叉燒有燒肉,一個人開飯,真係救星黎又大盒又飽肚,最重要係味道唔錯食過好多間平價燒味飯,最好食既配料一定係燒肉同叉燒,每一間斬料鋪,鴨或雞有時會食到斬好多骨位比你所以叉燒同燒肉係最穩陣既,有時仲會食到靚位,睇彩數今日既燒肉個皮就唔夠脆,但係肉既份量真係比得唔少,每樣都有5-6件,自己斬料18蚊都買唔到咁多料仲要搭多條菜比你叉燒有焦邊,食起黎無渣之餘仲幾夠入味,肉質都唔錯,亦夠鬆化燒肉份量多,但皮唔夠脆,但肉同肥比例一半一半,非常好食

早幾日出左西九附近做野,咁係6點前都未走得,係附近買埋D野再落街市附近買麵包順便買飯,見到15蚊燒味飯出名既朗益開多左一間分店咁呢間分店都有賣平價飯盒不過太夜就已經沒有叉燒賣,只剩燒肉同燒鴨紅腸選擇咁食燒肉會抵食D,啖啖肉,起碼肉都多D先~燒肉比較瘦,但食起黎味道唔錯,20蚊有找,真係無咩好投訴~仲有燒鴨,燒鴨味道都唔錯,白飯比得多,一定夠曬飽!!!白飯煮得幾好,粒粒爽身,唔會太濕淋淋唔好食下次會試埋其他款式

今日放工，經過深水埗買少少野。到左中午時間想搵下野食，見到一間燒味店前面勁多人排隊，預計有20-30人排隊。唔睇還好，一睇走唔到！原來個個都等緊外賣。雙拼燒味飯$15蚊，老老實實，香港地要食個飯平過$20蚊，今時今日應該搵唔到！仲要係雙拼，可揀雞，燒肉，鴨。所以我膽粗粗去買一盒。心諗，就算唔好食或一般貨式，$15蚊都唔算貴。但一打開，又有驚喜！飯量超多，燒味餸料十足！絕對唔似$15蚊貨仔！食左依一次都幾難去其他燒味店再買飯！

朗益燒味工房嘅平價燒味飯，真係平到整個深水埗無人不識，$15元一盒燒味飯，可選單拼或雙拼，都係同一價錢，而且加$6元仲可以配埋凍奶茶或凍咖啡，有飲有食加埋哂都只係$21元，超值！