412
7
6
港鐵佐敦站 D 出口, 步行約8分鐘
繼續閱讀
營業時間
星期一至日
全日休息
以上資料只供參考, 請與餐廳確認詳情
食家推介
農曆新年嗰排，屈得係屋企太耐，同女朋友去咗南丫島行山，之後就過咗尖沙咀食火鍋。一入到去，餐廳唔算太多人，但反而冇平時咁人迫人坐得仲舒服左。今次老闆親自招呼我哋，推介左個海鮮餐俾我哋，仲有自己落手落腳幫我地蒸海鮮。今次嘅海鮮餐包括鮑魚，海蝦，蚌等等，我見材料都非常新鮮，食落去好Juicy，有咬口。我自己其實非常鍾意食海鮮火鍋，因為佢最能夠帶出海鮮嘅鮮味，去到最尾海鮮嘅精華仲會滴落去下邊嘅粥底入邊，煮埋個粥食簡直係一流。雖然呢排大家可能都唔係咁想去食火鍋，但我又覺得只要注意個人衛生的話，食火鍋應該都冇大問題嘅。
繼續閱讀
朋友推介尖沙咀呢間有蒸氣，咁啱今日客人比較少，所以店員招呼都好好，每一碟都會幫我地處理，調校好時間同埋收碟嗰啲。叫咗呢個二人餐，揀咗個最平嘅餐，食物選擇唔係太多，有七款海鮮，兩款丸，同埋一款菜，盛惠每位328加一。沙包蜆好細隻，而且得幾隻，好彩冇沙。日本元貝都係比較細隻，味道都算幾清淡，得少少鮮甜，係比較高質嘅海鮮。薑蔥蒸鮮魷好味喎！好濃海水味，而且質感非常之好，第一次食咁好味嘅蒸魷魚，可惜唔係個餐單入面。美國桶蠔一人一隻，都幾大隻，蠔味唔太出，唔會有腥味，不過都唔算好出色。大連鮑魚蒸咗之後好細隻，加咗啲蟲草花上去但係冇乜味，蒸得有啲耐所以非常之韌。金銀蒜蒸勝瓜以為有咁多蒜應該好濃味，點知都係還好，好在勝瓜本身甜。手剁豬肉丸同手剁墨魚丸一人兩細粒，都幾彈牙同埋食得出係正宗手剁，唔錯。湯底揀咗鮮螺竹絲雞，雞同埋螺頭都係非常之細件，亦飲唔到應有嘅味，原本以為會吸收晒海鮮嘅精華，但係飲唔到海鮮嘅清甜，完全唔知發生咩事。最後食完好肚餓，份量太少，呢間野嘅調味都係比較清淡，價錢算偏貴，環境還可以，食材都係中規中矩。
繼續閱讀
尖沙嘴去了這麼多年，都沒有走進這條小巷來覓食，這次我發現這裡有我想吃很久的海鮮蒸氣火鍋，馬上要來試一下。餐廳很大，但是桌子不多，因為每張桌子都很大，中間放了一個大大的蒸鍋，而且每位客人都有很寬敞的位子，令人坐得很舒服。前菜有脆花生和麻辣青瓜，份量很多因為都用了小碗來裝。麻辣青瓜很好吃，相對偏辣；花生用了鹽炒，可以在等待海鮮熟的時候吃一兩口。一開始會先附上火鍋醬料讓我們自己調配，有豉油、蒜蓉、炸蒜、蔥、辣椒這些基本配料。🍽沙包蜆+鮑魚沙包蜆超級鮮甜，吃得時候一定要這個連殼拿起來，然後將肉和湯汁一齊吸進口裡。完全不會有沙，而且清蒸能帶出它的鮮味。鮑魚比想像中大塊，沒有切成小件所以可以一口把整個鮑魚吃進去，很滿足。🍽海中蝦每人有兩串蝦，本來以為去殼會很麻煩，但是因為整得剛好的關係，蝦殼超離肉，基本上一咬就可以把整個蝦殼咬下來，很方便。蝦很大隻，啖啖肉，肉質彈牙，蝦味重。🍽蒜蓉粉絲帶子吃海鮮不能少的一定是蒜蓉粉絲蒸帶子。這裡的蒜蓉很多，連著粉絲和帶子一齊去下去很鮮，最重要的是這裡的帶子有我最喜歡的帶子裙邊，是其他餐廳都沒有的部位！咬下去脆脆的很好吃。🍽桶蠔這個美國桶蠔也是不能錯過，一端上來的時候就被它的size嚇到，因為真的很大隻跟很肥美。跟平常吃生蠔不同，蒸過的好像少了海水味，但是多了一種鮮，而且因為很厚身所以咬下去都很有質感。🍽姜蔥蒸鮮魷+勝瓜一大盤魷魚煮下去實在很滿足。魷魚雖然快熟，但是完全不會蒸得過熟，反而仍然彈牙。吃了那麼多海鮮就要吃菜去中和一下。🍽手剁豬肉丸和墨魚丸這個丸令人非常驚喜。真的是店家親自剁，因為裡面仍然吃得出新鮮豬肉和墨魚肉，完全沒有在外面餐廳吃過的。雖然沒有特別的調味，但是反而以新鮮制勝，而且肉質一流，比很多其他丸子彈牙。🍽南瓜雞粥我們選了南瓜雞粥底，一開始放了生菜料下去然後就靠各種海鮮的汁流下去，令它更鮮美。最後再煮多一會兒就可以吃啦！南瓜味十分出，而且整個粥的顏色也很美。粥煮得很綿，而且雞件也有每人2-3塊，南瓜跟雞的配搭就是無敵。一開始以為份量不會很多，但是最後我們兩個人一人可以喝到2-3碗粥，超飽肚的！🍽芋頭西米露當我們很飽的時候，竟然還有飯後甜品-芋頭西米露。我們當然不能錯過啦。這個不會只有死甜，淡淡的芋頭香配上西米露很好吃，是個意外的好ending！最棒的當然是全程有很好的侍應幫我們逐樣海鮮放下去蒸，完全不用自己下手控制時間和火候。
繼續閱讀
同男朋友行完山，肚仔餓，經朋友介紹下喺尖沙咀試左一間石鍋海鮮。同粥底火鍋有啲似，但係佢就係全部蒸嘅，非常健康，一啲都唔熱氣！而且食材都非常新鮮。我哋叫咗個海鮮套餐，加瑤柱粥底。有海鮮有蔬菜仲有澱粉質，非常健康🥰最欣賞呢間餐廳就係服務非常好，每一樣海鮮佢都幫你計時。所以全部海鮮都整得啱啱好，唔會生，而且亦都唔會太熟，全部野都好有條理好整齊👍👍👍佢每一樣海鮮都非常新鮮，雖然一開始係有整咗一碟醬料，但係佢本身嘅海鮮已經好有味道，建議需要沾醬食，不然會破壞佢嘅鮮味。另外佢嘅手打丸都非常一流，非常彈牙，而且你食得出係真係自己手打，冇添加！總括而言一間非常有誠意同埋好健康嘅餐廳！之後有聚會一定會叫多啲朋友一齊嚟食
繼續閱讀
係諾士彿臺上面原來有一條街有蠻多餐廳，今日帶住朋友黎試下近排好興既海鮮蒸氣火鍋。唔駛一大班人先食得，兩個人照樣可以食到新鮮既海鮮。餐廳很大，而且都有卡位比客人坐，私隱度都高d。當晚我地兩個人黎侍應都安排左一張大枱，坐得好舒服。我地叫左最基本既海鮮餐試下，因為都唔係好肚餓。餐前小碟有炒花生和麻辣青瓜，而且份量一點不少。仲會有火鍋醬料比我地，都係基本既豉油就蔥、蒜...因為海鮮本身好鮮，所以其實都唔需要太多醬料。我地揀左南瓜雞粥底，侍應會先將粥既材料放落去，一直煮到最尾再食。這裡的服務很好，一直會有專人幫手放海鮮，完全不用自己計時。鮑魚同沙包蜆很鮮甜，而且肉質飽滿。每人有2隻海蝦，因為蒸得熟的關係，蝦殼很離肉，非常容易剝開。蒜蓉粉絲蒸帶子不負眾望，蒜蓉和辣椒很吊味，而且帶子超大顆。很少會吃蒸蠔，沒想到雖然味道淡了，但是吃下去仍然很鮮味，而且本身很肥美，所以肉汁也很多。特別推介店家自己手打的豬肉丸和墨魚丸，和外面火鍋店吃的完全無唔同，墨魚唔會很假，吃得到粒粒新鮮墨魚肉，而且很彈牙。當然唔少得主角南瓜雞粥啦，吸收曬所有海鮮的精華後熬出來更加鮮甜。而且吃下去很綿，雖然一開始好像很少分量，但是最後每個人都能吃到2-3碗，超級飽！果然係要叫粥底，尼餐先算係美滿。
繼續閱讀