有名堂

經過呢間舖頭，突然之間好想飲茶，見到間舖頭好光鮮，望落張點心紙，收費實惠，所以就入咗去！下午茶，兩點到五點！仲有鐵觀音慢慢嘆！悠悠閑閑，嘆返一盅兩件，享受吓慢活生活！叫咗鴛鴦燒賣，同埋蜂巢芋角，仲以為每樣得一粒，點知真係有一盅四件，同埋三粒炸芋角！…查看更多

今晚去買外賣半隻燒鵝，回家打開，最大份的是鵝頸，鵝胸得三嚿，每嚿就如普通燒肉一樣大小，鵝髀得三嚿同樣似一般燒肉大小，找了很久才見貌似鵝翼的東西，小兒麻痹的鵝臂，其他是鵝背，徐了皮外就是骨，完全冇肉，汁和油就勁多，全盒連汁大概沒夠一斤重，我們三人食，每人只得三、四嚿食，咁就258元！我在其他燒味店買半隻燒鵝，一般三個人要食兩、三餐才能食晒，這間實在搵笨，千祈唔好買燒鵝，比燒鴨還細。本來就算，下次唔好再買就是，但越想越唔份氣，一於公告天下！…查看更多

Southside 係黃竹坑晚飯嘅地標選擇晚間黃竹坑係冇咩食肆可以選擇。一般都要嗌外賣。所以Southside 係一個好選擇:)有名堂 環境清潔 座位舒適價目合理 食物正常點餐用QR code送餐同執枱嘅職員大部分是年長級的服務可以的。味道有進步空間 今晚點選咗四款，其中酸菜魚味道怪怪 冇酸菜味冇辣味魚片份量比較少。但整體嚟講都叫OK的。下次會過嚟試午餐或者下午茶。支持香港消費支持香港飲食業。希望留言者多一點體諒 唔好加入太多負面情緒。…查看更多

有朋友回港探親，本人負責安排飯局，一行16人約平日晚食晚飯，預早打去訂枱，話全間酒樓得兩張大枱，咁我咪預早打去訂枱，竟然得到這兩個回覆，要6點或6點半到齊人才可以訂枱，7點都唔得，我話冇可能放得切工過嚟，佢一句話公司規定，我話真係到唔到，佢話咁你到時係apps度攞飛，全場得兩張大枱，我要攞飛等位咁我使鬼打電話嚟訂枱咩，可能人哋真係太好生意，唔願做我們呢單，我以後都唔會再去了，非常失望😠…查看更多

ＯＴ後是但入左間食晚餐，點咗幾樣菜，感覺幾唔錯。首先就係 薑蔥魚腩煲，魚腩煲入面嘅魚肉真係好嫩，配上薑同蔥，味道好香。雖然我一向對魚腩有啲挑剔，但呢度真係冇令我失望，啖啖肉。.跟住就係 山楂汁肉排，肉排外脆內嫩，加上山楂汁，酸酸甜甜，味道特別，好開胃。份量亦都足夠，2-3個人share都冇問題。.最後係 瑤柱竹笙燒豆腐，呢道菜亦都好出色。豆腐燒得金黃，吸收咗瑤柱同竹笙嘅鮮味，口感滑嫩，搭配嘅醬汁恰到好處，完全唔會太鹹。雖然係素菜，但味道卻好有層次，係一道值得推薦嘅選擇。.性價比係地鐵黎講係抵既，小菜$80-$100，食物味道不錯，服務態度未feel到，晚市8:00 入場得1/3。OPENRICE 其他人留言話有啲問題，例如茶包重複使用，外賣漏單等等，但我都冇遇到呢個問題。環境方面算特別大，地鐵商場黎講，台同台之間隔左好遠，坐位唔會好擠迫，整體感覺都幾舒服。…查看更多