月爐．端燒

營業中

休息中

爐端燒一直深受大家歡迎，只系香港真系好少見，難怪旺角月爐 · 端燒深受大家歡迎，同朋友坐低一陣都見到有吾少熟客幫襯。✿ 春夏二人前 $488✨桃太郎番茄雜菜沙律清新開胃，蕃茄夠清甜。✨先付兩品玉子同漬物，玉子本身夠清甜，沾上蛋黃醬更滋味💛✨日本厚岸生蠔生蠔非常清甜又吾腥🦪肉質肥美，呢個真系幾高質。✨ 三文魚籽吞拿魚蓉迷你杯及刺身四品三文魚籽吞拿魚蓉迷你杯，三文魚籽鹹香十足🧡吞拿魚蓉軟綿💖刺身四品系三文魚，甲紋魷魚🦑劍魚腩，喜之次，劍魚腩魚油甘香肉質微爽，喜之次肉質嫩滑，魚脂四溢。✨串燒五品盛串燒即叫即燒，五品都算豐富，有免治雞肉棒，鹽燒牛肉，阿波尾雞翼，粟米，翠玉瓜。免治雞肉棒食到一粒粒免治雞肉，口感十足😊阿波尾雞翼好大隻，皮脆肉嫩🐔粟米十分清甜🌽翠玉瓜比想像中高質好多，做到好多汁。✨海膽櫻花蝦素麵海膽好新鮮，櫻花蝦本身又充滿日式風味。素麵偏幼，湯底系蕎麥麵湯底，好開胃。✿ 鹽燒牛小排 $58油脂分佈均勻，牛肉味香濃🐮肉汁豐富。

呢間位於旺角鬧市但又寧靜街道既餐廳主打日式串燒同定食，裝修走木系和風簡約路線，坐得舒服。我哋叫咗兩個 lunch set： 🔹 牛肉雜菜湯稻庭烏冬 🔹 燒鳥八品盛配迷你烏冬牛肉烏冬果個set好出色！烏冬係幼身果種，口感彈牙，唔會煮到爛晒；湯底係清湯底，但味道唔淡，啖啖都飲得出用咗雜菜同牛肉煲出嚟，好清甜又唔油膩。評分：👍🏻👍🏻👍🏻👍🏻/5而燒鳥八品盛真係抵食！$88 就有 8 串唔同部位嘅雞串燒，包括雞芯、雞腎、雞喉管等少見部位，每串燒得剛剛好，唔會太乾，仲保持到肉質嘅嫩滑同油香，真心值回票價🔥！評分：👍🏻👍🏻👍🏻👍🏻/5Lunch set 仲包咗前菜同茶碗蒸，茶碗蒸滑得嚟唔會水汪汪，蛋香都幾突出，屬於中上水準。評分：👍🏻👍🏻👍🏻/5另外見佢有做買一送一生啤，我哋都加單叫咗兩杯七寶生啤，冰凍爽口，配串燒一流🍻！整體嚟講，午餐 set 抵食有水準，環境又唔迫，可以慢慢食慢慢傾計，下次想試晚市燒物同清酒！整體味道指數：😋😋😋😋/5性價比：💰💰💰/5環境：❤️❤️❤️/5服務：✅✅✅/5

位於旺角鬧市白布街寧靜小巷餐廳裝修精緻典型日式居酒屋風格設有吧枱座位可以欣賞到師傅即席烹調菜式冰春夏二人前 $488桃太郎番茄雜菜沙律清新開胃，蕃茄好清甜，朋友大愛！竹先付兩品✨玉子同漬牛蒡玉子沾上蛋黃醬，簡簡單單既搭配已經好好食。漬牛蒡鹹中帶點微甜，幾特別。日本厚岸生蠔口感Creamy，肉身厚肥，蠔肉甘甜鮮味較突出。三文魚籽吞拿魚蓉迷你杯及刺身四品✨三文魚籽吞拿魚蓉迷你杯 三文魚籽漲卜卜，好飽滿，滿滿魚油滲進口中，咸香十足！吞拿魚蓉口感綿密，份量女仔食就岩岩好！✨刺身四品分別係三文魚、甲紋魷魚、劍魚腩同埋喜之次。 我最鐘意甲紋魷魚口感爽脆彈牙，味道鮮美。喜之次肉質細膩，油脂四溢。串燒五品盛串燒即叫即燒：五品都幾吸引，分別有免治雞肉棒、鹽燒牛肉、阿波尾雞翼 、粟米、翠玉瓜。✨免治雞肉棒 食到一粒粒軟骨，肉質軟腍帶點爽口，沾上香濃蛋漿，滑口惹味。✨阿波尾雞翼 燒到外皮香脆，嫰滑香口。✨粟米🌽 多汁又清甜。✨翠玉瓜 口感爽脆，同樣都好多汁。海膽櫻花蝦素麵海膽好新鮮，綿密細膩。素麵係極細日本乾麵條，口感滑順，配搭蕎麥麵湯底同埋櫻花蝦，開胃清新。鹽燒厚切牛舌芯 $58牛舌芯真係好厚切，肉味香濃

今次我去咗月爐、端燒，起旺角地點真係好方便，即叫即整嚟講價錢唔貴，而且選擇好多，幾乎每樣都想試。叫咗三文魚燒飯糰，外脆內軟，三文魚同三文魚火籽一d都唔會腥，加埋蛋黃醬一齊食簡直係完美！跟住係燒脆皮白鰻魚，皮脆得嚟肉質彈牙，食過一次就難忘，份量仲要好多好抵食。雞皮就係我最愛，香口之餘又有啲油脂，咬落去口感一流。另外，油揚免治雞肉卷同黑豚荔枝卷都好推，雞肉卷口感豐富，荔枝卷則帶有一絲清甜，真係好好味。至於塩燒厚切牛舌芯，調味適中，口感爽彈。仲叫咗份鵝肝多士～鵝肝厚身，搭配吐司口感非常好最後，叫咗燒菠蘿當甜品，又甜又多汁。整體嚟講，月爐、端燒無論係食物味道、環境都好唔錯下次，再來試其他！

星期五晚無安排，揾倒依間喺旺角食評唔錯，最近的食評都係讚佢有驚喜又高質，而且佢星期五都有位，所以就同朋友去試下。點知去完之後有驚無喜，而且癲覆左我對高質嘅認知，感覺中伏！ 最不能接受嘅係刺身唔新鮮，叫左條目仁奈魚刺身，雖然d顏色係正常，但食落口感係霉dur dur咁，一d都唔新鮮。生蠔無鮮味，而且佢6隻入面d肉無一隻係連住個殼的。串燒亦都係麻麻地，無咩味。咁多樣食物只有牛舌係唔錯，其他就真係再平都唔會試，日本野唔新鮮好大鑊。平，但係食物質素咁差，真係唔係我杯茶。無下次

🥢 春夏二人前 $488🥢 桃太郎蕃茄雜菜沙律沙律菜半和風醋汁，醒胃，蠔形蝶好精緻。-🥢 先付兩品先付分別係牛蒡/玉子燒-🥢日本厚岸生蠔即開日本生蠔，大大粒好飽滿，上面有幾粒柚子啫喱，新鮮肥美💕😃-🥢 三文魚子吞拿魚蓉迷你杯飯少少，但上面鋪滿三文魚子同呑拿魚蓉🫣每淡都食到三文魚子，一咬爆開好幸福🥰-🥢 刺身四品分別有三文魚、吞拿魚、油甘魚、魷魚🦑三文魚腩肥美油潤，吞拿魚鮮甜無筋，油甘魚魚油香濃，魷魚輕微火炙過好易咬，全部切到厚薄啱啱好，入口即溶！-🥢 串燒五品盛五串分別有翠玉瓜、牛油燒粟米、自家製月見免治雞肉棒、雞翼、牛小排，火候控制得剛剛好，當中粟米非常清甜，厚切翠玉瓜清爽。店家雞肉採用日本德島阿波尾雞，免治雞肉棒咬落有雞軟骨碎，沾埋蛋汁最正。-🥢 海膽櫻花蝦素麵有2大舊海膽，海膽鮮甜，素麵爽口彈牙，冷面夠晒冰凍好岩夏天食🥰-🥢 甜品甜品係啫哩作結，荔枝/青蘋果味，唔會太甜👍

同朋友慶祝生日，見呢間餐廳評分咁高（Google 4.8分！），滿心期待去試，結果有啲失望⋯⋯ 我哋叫咗個二人餐，但上菜速度快到有啲離譜，未食完一道，下一道已經上咗，搞到食得好趕。 🍽️ 食物點評：✅ 生蠔：新鮮好食，加埋特製檸檬啫喱，味道幾特別！ ➖ 刺身普通，冇咩驚喜，正常發揮。 🐦 串燒味道OK，但上菜時已經唔算熱，可能因為未食完上一道菜，放多陣就凍咗，扣分。 🍜 海膽櫻花蝦素麵精緻，幾有驚喜，不過對我嚟講鹹咗少少。 ❌ 甜品（桃味蒟蒻）最伏！一入口係假桃糖水味，蒟蒻本身又冇味⋯⋯ 環境服務：▪️ 坐吧枱下層，得兩三枱客，冇乜氣氛可言▪️ 上樓洗手間先發現樓上滿座，氣氛明顯好啲▪️ 侍應冇主動添茶，叫完先加...仲要係凍茶總括嚟講，食物質素有好有壞，但以4.8分嘅高評嚟講，我期望會更高。可能我哋撞正唔好彩？不過朋友生日飯搞到咁，真係有啲掃興⋯⭐ 個人評分：3/5（唔算難食，但唔值4.8分）

係旺角買完野搵餐廳食飯行過呢間居酒屋，見有lunch set 望落都唔錯就試下叫左兩個set都包沙律，湯，main 同甜品首先黎到既係脆皮燒白鰻魚飯，冇諗過條鰻魚咁大塊，食極都仲有，燒得好香好脆估佢唔到。然後嚟咗個火炙海鮮丼，入面有三文魚同埋幾種唔同嘅白身魚，所有魚件嘅油脂都好豐富不過啲飯可以處理得再好啲。最後要讚吓嘅係啲Staff反應好快同埋好helpful，雖然冇乜表情但係每次想加茶或者係拎餐具都好快應機！抵讚

很有日本旅行感覺的串燒店我們一家五人訂了枱安排了樓上的雅座是很漂亮偽塌塌米位置每台客人有足夠的距離店內燈光和音樂也很有氣氛這裏的串燒雞特別出名有提供稀有的部位全部都燒得很好吃，價錢亦合理特別推薦雞脆骨，雞頸肉，燒明太子，燒三文魚飯團，牛肉壽喜燒鍋他們連普通的蘆筍和烏冬也做得特別好吃！其實還有很多餐點都想嘗試，但可惜這間餐廳實在太受歡迎了，到了八點的時間已經大部份款式都售罄，只好下次再來光顧！所以如果想來吃的話建議訂枱！

日式席前廚房，即點即燒即食🤩串燒出類拔萃❤️日式風味，每款串燒都係鹹中帶甜，精緻美麗。🍆日本燒茄子兩塊紫色燒茄子上灑上木魚碎，和風口味又香又軟。🥩汁燒伊利比豬鞍豬鞍肉質鬆化，燒汁厚厚塗上，一口肉一口啤酒不過份咧。🥓汁燒五花腩五花腩肥瘦相間，沒有不好吃的道理。🐥阿多美手羽燒雞翼~我~鐘意食😜🐔大蔥雞肉串 🐷豚肉露筍卷燒蔬菜配肉，清甜又Juicy❤️🦪煙肉包生蠔煙燻味包裹海鮮鹹味，外脆內軟好滋味。🍙🍘燒飯團系列見沒什麼碳水，特意點了原味和風和三文魚口味的燒飯糰。紮實飯團以醬油燒香，好滿足。🍲牛肉壽喜燒鍋串燒吃多了也會覺得乾口，喜燒鍋正好有熱湯濕濕口，而且有優質有肉和蔬菜更均衡健康。那片肥美牛肉沾滿蛋黃，溫潤舒暢。

充滿人情味嘅「月爐．端燒」發現近「旺角東」火車橋隔離有一間靚靚居酒屋，果然無揀錯💕一入到鋪頭就聞到香𠿪𠿪嘅串燒味😊 原來係分上下兩層，上層係日式榻榻米，我哋星期四晚去到已經滿坐（主理人話最好預早兩三日訂位）今次我哋坐下層係bar枱，可以睇到廚師即席料理，又可以同主理人Chole談天說地，開懷暢飲，香港好難得咁有heart❤️做嘅餐廳。嚟到居酒屋，梗係要串燒配美酒啦！我哋叫咗幾款串燒，欣賞廚師好有耐性烹調，全部都燒得好好。特別特別特別係燒雞皮（無先炸後燒）好有心機，耐心等候，係與衆不同！唔叫實走寶！鵝肝多士$$68，鵝肝一啲都唔苦，唔會太咸同埋太油膩，味道係啱啱好，燒起熱辣辣夾多士真係絕配。串燒白鱔@$68，白鱔夠新鮮，燒起嚟皮脆肉厚，脂肪香噴噴，好在老公點咗一人一串，太滋味！推介佢哋自家秘製香印葡萄酒@$48一試難忘，連平時唔好日本酒嘅老公都飲到❣️感謝一下主理人Chole嘅招待，樂在其中，坐bar枱其他食客都傾得好開心。

之前上網見到呢間日本餐廳嘅lunch set好抵70幾蚊就包晒前菜到甜品，仲要係坐落喺旺角，真係好抵食咁咁啱上星期六同朋友去旺角行街，就去試下真係好有驚喜。餐廳門口嘅裝修好靚，完全睇唔出原來每人$80就埋到單入到去朋友就叫咗溫泉蛋松露牛舌飯$78我就叫咗吉列豬扒芝士定食$88呢個價錢已經包咗前菜，一個胡麻醬沙律，一碗味噌湯，一個茶碗蒸，一份主食，同埋一個甜品。佛心價呀茶碗蒸係非常足料，意料之外。之前試過食外面成四、五十蚊一個嘅茶碗蒸都冇呢個咁足料。個沙律啲菜都新鮮好食，配上胡麻醬非常之開胃主食我哋兩個都覺得係性價比好高，朋友個飯就勁多塊牛舌，我個飯就勁大塊豬扒，而且有拉絲嘅芝士呀！本身我哋都唔記得有甜品。已經食到好飽，突然間問我哋幾時上甜品嘅時候我哋都嚇咗一跳但係佢個甜品係完全唔肥唔漏，超清甜嘅巨峰提子味啫喱～好好食總結：呢個價錢食到呢個質素嘅午市套餐冇得彈

晚餐，我們來到旺角《月爐端燒》居酒屋🏮。這間店是JAS認定指定店，使用德島縣有名地雞「阿波尾雞」食材，對於岩岩去完四國的我們，更加有情意結💕。 支持「阿波尾雞」，我們點了一人一隻「阿波尾手羽」，皮脆肉嫩，口感一流😋。「雞胸脆骨」同「雞尾」都好入味，啖啖驚喜🎉。 當然，點小得「原條金頭鯛刺身」呢！魚肉鮮美🐟，真係令人回味無窮✨。 廚師仲推介必試「原條牛舌心他他燒」🔥，牛肉他他就試過，牛舌就第一次試，估唔到都幾大份喎！牛舌心嘅口感好特別，有嚼勁又唔會太硬，配上特製醬汁，真係絕配💯。 最後再來多份燒菠蘿🍍，非常鮮甜，真係一個完美嘅結局🌟。

日本嘢真係百吃不厭 早兩晚食完刺身壽司 今晚繼續做「哈日族」食日本菜🤣🤣 🍢鹽燒牛舌心/豚肉蘆筍卷/味噌大腸啤酒🍻全日買一送一 配豬大腸👍 牛舌心亦柔軟-🍤海老秋葵入射推薦呢個佐酒小食‼️ 製作方法夠晒特別 絕對係師傅嘅心意之作🤓 秋葵清清地 釀入蝦滑再燒香 口感都唔錯-🥪鵝肝多士厚鵝肝件煎得香噴噴 一啖入口 油香滿溢 邪惡又滿足呀😅-🥩西京燒牛仔骨🐷汁燒伊比利豬鞍第二輪係食肉 牛仔肉嫩滑 醬汁甜甜地 有肉鮮又有油脂甘香 相比之下 豬鞍比較濕潤 肉汁多啲 近骨位嘅肉味最濃-🥘關東煮最後呢round嘅材料鼎盛 一定飽肚😬 魚板蒟蒻柔韌有口感 昆布高湯吸收鰹魚同蘿蔔味 入口份外清甜

屋企附近有間特色日本小店經常都會同朋友果然聚餐午飯推出丼飯和烏冬套餐真系好抵食👍性價比好高套餐包含沙律和茶碗蒸各一火炙海鮮丼好吸睛的海鮮丼，有帶子，三文魚和魷魚等新鮮食材，再用噴槍將其表面炙燒，呈現出火焰般的效果～每種海鮮經過嚴格挑選，炙燒後的帶子和三文魚真系一級棒👍確保每一口都是極致的鮮美牛肉雜菜湯稻庭烏冬滿滿的一碗烏冬，肉味湯底濃郁，肥牛唔會太肥熟度剛剛好，加入洋蔥昆布和菇類，令整碗烏冬清甜美味😋讚岐烏冬爽口彈牙，保留了日本風味青蘋果乳酸梳打水青蘋果和香濃乳酸菌結合，個人最喜歡的搭配～棉密微氣泡增加口感層次，係夏天最清爽消暑嘅氣泡飲料