月來月好 (已結業)

第一次lunch去外賣，我一早知道熱飲要加6蚊，咁冇問題呀。去到落單，我話加杯熱奶茶，落單嗰職員態度好差同好大聲話：「熱飲要加6蚊wo」慌死我唔知要加錢，會同你拗咁。你溫馨提醒客人熱飲要加錢咪得囉，6蚊俾唔起咩等緊外賣嗰陣，嗰職員拎個外賣話1號餐，我話：「係我係我既」，佢又好x串咁話：「咩係我呀係我，你係叫咩餐嫁？」要我嗡嗰餐既全名，慌死我白撞呃你嗰餐，態度又差。第一次忍唔住係open rice俾差評就係俾你！

今天中午我來找飯吃，逛到這家店，一眼就看到了菜單上的，粟米肉粒煎蛋飯，因為很想吃蛋，就點了它，點的是外帶，然後我就回家了。回家之後飢腸轆轆的我期待滿滿地剪開了袋子，拿出了飯盒，吃了兩口白米飯，突然意識到裡面沒有煎蛋，我就是想吃蛋，可是裡面卻沒有蛋，我真的很失望，很難過，食不下咽了。我累了我累了真的累了，沒有人能懂我，沒人能理解我面具下的脆弱，破防了我真的破防了。字數還一定要二百字才肯我提交，我真的好傷心好難過好累啊，我飯都不吃了在這裡打字

爹哋喺呢間店買咗叉燒同鹽焗雞兩樣夾埋$88叉燒正常發揮鹽焗雞未放入口 聞到陣味已經想嘔陣化學味令我同爹哋一嚿都唔想食食咗一兩嚿就已經冇再掂唔知係咪壞咗照賣 黑心食店！總括然而係我食過有史以來最難食嘅鹽焗雞寧願唔食 唔想食壞身體 希望今晚食完佢啲叉燒唔會肚痾完全不推介大家幫襯呢間店👎🏼👎🏼👎🏼👎🏼

開頭見公司附近見到有依間野就上OpenRice睇吓啲食評啦，啲食評寫到好差所以就冇諗住Lunch食呢間。但係公司附近食黎食去都係得嗰啲嘢食食到厭左，有一日有個同事建議食就去試吓啦，咁第一次食係叫佢當日嘅精選午餐食，叫左個豆卜蒸排骨，唔錯喎🤩大大碟加碗飯先係$48然後發現隔離枱有人食緊啲酸菜魚同埋小菜唔似係精選午餐入面嘅嘢，一問原來都可以嗌晚市嘅小菜，咁之後我就同班同事食lunch叫佢哋啲小菜一齊食，唔錯喎！真係冇食評寫到咁差！可能大部份食評都係外賣，同埋佢啲燒味其實我真心都唔想試🙈因為樓上間酒樓啲燒味好得，所以食燒味我地都有另一個選擇！講返呢間啲餸先我哋今次嗌嘅小菜樣樣都唔錯！午市9個人叫咗九個餸，大嘅酸菜魚加咗6個飯九杯嘢飲埋單先$880！不過最好食飯前早一個鐘打去留定啲餸，堂食先點嘅話都要等幾耐下

好嘈，廚房同樓面互相教人做野燒味部60分，保持交貨水準。文武吧70分，比較有心。廚房40分，一般般。樓面20分，好似嘈交咁。食物50分。整體都合格。價錢70分。比較平宜。哩個位難做，都要俾下面試下，但俾錢買難受。

趕時間 又食晏時間 求其搵間無乜人既餐廳食啲野 我知間餐廳本身主打燒味 我又唔想食燒味 諗住嗌個三絲炒米粉都應該系正常野無死啦…我唔知系個侍應將炒字寫成個炆字…定師傅將個炒字睇成炆字🤦🏻‍♀️哩碟野無可能叫三絲 炒 米粉。碟野一到 我望左兩分鐘 侍應話系米粉 🤦🏻‍♀️我都知系米粉 但系系咩米粉🤦🏻‍♀🤦🏻‍♀️米粉底煎炸過 好硬 再加上一pat勁多芡既火腿絲芽菜同無味既肉絲基於我趕時間 我就食左兩啖 味道不予置評 然後用左大部分時間 打哩份第一篇嘅食評

今天晚上六點多去買叉燒加鹽焗雞，佢張紙寫一隻雞加上半斤叉燒，就$75。但實俾半隻雞➕叉燒，因為佢話我要切雞，就少半隻。但收錢阿姐就照講一隻。記得唔好切，一切就少半隻。佢切工好值$。

經常路過，從未試過，以為門面比較低調，原來入去之後，內裏都挺為寛敞，卡位幾張，中間亦都有不少枱，兩旁亦都有電視機，據聞在足球賽事期間還會直播。這天看到餐牌輪換到10幾號，終於有廈門炒米，就內進一試，米粉炒得沒有什麼味道，炒完都不覺得有鑊氣，配料當中有叉燒、蛋、蝦仁、韭菜、洋蔥、五柳菜、竟然還有橋頭?所以說廈門炒米真的各家餐廳都有所不同，這兒的，輕微酸，沒有什麼特別味道，大部份米粉都沒有顏色亦都沒有什麼味道，叉燒乾瘦，蝦仁細粒，五柳菜偏少，而且不消5分鐘便端來，是非常求其隨便的一碟炒米。熱鴛鴦，竟然一段來，頂上就有一條短頭髮，衛生情況欠穩妥。如果吃過炒米午餐，大約$40多$50 ，應該到禾輋那間陸記，那兒的廈門炒米正斗得多。連同上面那間海南雞飯，似乎在這幢樓宇的餐廳，都是質素欠佳，比較求其隨便的餐廳。

今晚餓餓地，落嚟食宵夜，因為都凌晨三點幾，附近食肆都關門了，無選擇下就入咗去。其實之前都食過幾次，次次都係食豬扒蟹王麵常餐+凍飲 $50 (都唔算平)，但今次因為太夜，只剩廚房炒嘢，咁我就求其叫咗個干炒牛河凍奶茶，盛惠$62，其實都貴，不過覺得廚房即炒貴少少都可接受啦。約五分鐘後，碟牛河到啦，望落幾得，心諗咁夜都比我食到碟咁正嘅牛河，真係好欣慰 😭😭，點知食咗兩啖，原來成碟嘢係無味嘅，啲河粉無味，啲牛肉更加無味，係一啲肉味都無，好似用水沖咗好耐嗰啲咁，完全淡而無味，如果合埋眼食，你唔會知道嗰舊係肉囉。本身都對茶餐廳呢啲凍肉無要求無期望，但估唔到佢啲來貨差到咁啫。😢😢 $62 食呢碟垃圾真係嬲嬲哋，呢碟真係我呢世食過最難食嘅干炒牛河。

《芯怡餐廳》 #食在沙田📍沙田橫壆街1-15號好運中心愉林閣地下19B號舖-玩完盲俠行返返沙田 太早無車 得佢開24小時 就食埋先走啦早餐：🔹五香肉丁麵 $30 包熱飲價錢不過不失 味道正常😂 肉丁係平時食嘅味 份量都唔小 有時d餐廳比3粒再加d油就算😒 （我真係有食過難食嘅正香肉丁！）公仔麵軟硬都適中 算係咁啦 我自己就加左辣椒油 都幾香不過無野食嘅時候不要要求太多🍴6/10

以前中學係附近讀書,經常過黎呢間茶餐廳食lunch,以前好似叫鴻運,記得佢之後都轉左24小時營業,有聽阿媽講過佢有燒味買,今次再去見到原來名都改左,可能太耐無行過🤣今次我都係奉阿媽之命去買燒味,因為抵同好食過樓下街市,買左鹽焗雞半隻拼半斤叉燒,只係$62!鹽焗雞有少少咸味,又唔會乾爭爭,好食!呢度點睇都唔止半斤叉燒睇落好柴皮諗住好硬,點知食落係淋身,正呀最怕食到痴晒牙,叫左阿媽以後出開沙田都可以買黎食下

外卖了乳猪叉烧饭，谁知乳猪变烧猪，完全吃不下口. 叉烧还可以，我用48买了碗20的叉烧饭... 乳猪吃了一块，很难吃，只好放弃. 为了凑够80个字 很无奈 本来就是简简单单的评论 ..

這餐廳已開業幾年, 桌面的調味品尤其胡椒粉不足, 幾張枱才一樽, 要食客和樓面拿來拿去, 即使之前提醒過也沒有理會. 食物和服務也只一般, 和開業時比較每況愈下...

星期日沙田番工，成日要唸快揾位同經濟好味野，係沙田呢間餐廳見到都幾多一人食客，似番工人仕多，經濟實惠，伙記仲好友善好好人，問佢拎碗湯都冇，呢個價錢呢個質素，我都黎番呢到。今日一心想食椒鹽豬飯，就叫黎食下先，又熱又夠鑊氣，仲要豬扒分量夠晒多可以食到尾，吾係得一舊仔要就住食，一上台見狀試完，下次可encour呀～唯一個吾夠完尾就係吾夠辣，連我食得吾辣都食吾到辣味，如果加辣少少就perfect拉。叉完電又繼續番工了

叫咗雪菜肉絲炆米，乾牛河，但熱到個發泡膠盒咁樣囉⋯⋯有冇咁可怕呀？我唔介意俾多啲外賣盒錢，但我介意熱到溶成咁嘅發泡膠盒軟到似張紙，真係活左咁多年人第一次見，食物味道係正常嘅！