會所1號 郵輪堤岸 (已結業)

同老友識咗十幾年佢嘅大日子㸃可以唔去呀～係Mega box過去十分鐘到個場地專做婚宴～所以佈置得特別靚七時入坐～好期待十二道美酒佳餚乳豬皮脆肉嫩可惜比平時細舊咗～蝦球新鮮彈牙～什菌唔知去咗邊～配大白菜有D唔襯～如果配西蘭花會更體面～百花釀蟹鉗即炸即上枱～食到有蟹味～雖然好熱氣但好味～花菇扒瓜好入味菇味濃～鮑魚花胶紅燒味濃～鮑魚整隻上口感十足～吊燒鷄脆皮嫩肉～食落唔會“鞋”～雞絲翅濃濃鷄湯底味道吸引可惜翅好少～海鮮炒飯賣相吸引～飯偏硬～有蝦仁、蔥、瑤柱、蟹籽、蛋～食落幾夾～伊麵𧐢油味濃配雜菌一流～石斑蒸得剛好肉嫩～豉油唔會咸～泡芙係士多啤梨乳酪味～凍凍地好正～紅豆糕略甜～整體上水準可以但食唔飽

鲍參翅雞海鮮齊。味道合格。裝潢高雅。然而卻因食物上碟而大大失分。首先，沒有公筷也沒有匙，但卻沒有侍應分碟，怎麼吃呢，結果大家都小心奕奕拿著自己的筷子小心地夾。在一碟瑤柱圃及倒扣一碗椰菜伴碟。那一大碗型的菜是十分粗糙的伴碟相。另外因冇公筷及匙，有一個平時夾沙律用的䈤給大家自夾。 那感覺是很超怪雞的。還有上魚時，魚是未淋豉油的，令人感覺條魚很細，但接著侍應竟將條魚支解後一邊肉丶一邊骨才加上豉油。但又不是分碟，而是要自己夾。真是想不通。最後那查汁燕窩倒是很好吃，讃。

每次去酒樓飲茶，大家會點那一類點心多呢 ? 我到club one 會選擇蝦餃、燒賣、叉燒包，還會點選一些香脆可口的煎炸物，如春卷、腐皮卷或鹹水角。她們的款式多元化，我朋友之前品嚐過，她們的點心熱騰騰的，十分新鮮。　　我點了鹹水角，因為我愛吃糯米，食落口感煙韌，加埋餡料爽脆及香口，值得推介。她們的鹹水角內裏餡料有豬肉碎、韭菜、蝦米、冬菇、沙葛。更甚是炸至淺金黃色便成，口感脆而不韌。 她們的蝦餃，蝦肉彈牙多汁，配上煙韌餃皮，蝦餃是稱得上完美。皮薄如紙，半透如晶，身形半月彎，還有多摺梳子紋，如此精緻，可算是蝦餃之王吧，皮薄煙韌不黐牙，爽口鮮味兼彈牙！

琴日同朋友經過九龍灣做野，差唔多走到郵輪碼頭果邊的傲騰廣場，苦惱緊到底去邊度食LUNCH好。比我見到呢間ClubONE會所1号，平時去婚宴飲酒就飲得多，午市又真係未試過。叫左好多款野食，大部份都中規中距啦! 不過不提既係呢個石燒牛仔柳，牛肉入口勁林，入口唔會太粗，味道剛剛好。另外就係有我至愛既鹌鹑蛋燒賣，現家好多酒樓都無得食!!! (唔好意思，我未影相，已經忍唔住食左粒)最後一定要叫既係，椰皇燉蛋白，色香味俱全。一黎到未打開個蓋，已經聞到一張榔香，食落口最重要唔會太甜，我好怕太甜既甜品。諗返起…..都想去食多次….

3個月probation順利渡過，老細請食飯，太好了！又去樓下clubone食，今次係第2次食依間，仍然覺得好好味！今餐我係主角，當然要嗌我最鐘意食既野啦！總括來講我覺得依度既點心水準好好，某d點心可能要等耐少少，因為即叫即整環境好舒服relax，唔會好似一般酒樓又嘈又迫！服務都算唔錯，主動加水換碟，收碟都快，同事入左餐飲會籍仲有7折優惠，性價比好高，如果每個月都有得來食就好啦！

今日同事到ClubONE郵輪堤岸飲茶第一次試ClubONE本身唔係抱太大期望, 因為d人成日話去飲ClubONE d野好難食但試完真係有驚喜, 好味喎因為預先book左位, 所以一到就有枱唔洗等員工好貼心, 係早15分鐘打黎提我地已經ready左張枱俾我地, 早dd黎都無問題一去到己經有員工係門口迎接我地, 實在太好啦~一睇點心紙, 有好多唔點心同小食毎樣都點左d牛仔柳好嫰, 好鬆軟鮑汁雞腳炆得好入味皮脆肉嫩真心覺d野幾好食, 無人講咁難食而且場地好靚, 樓底好高好有氣派, 一d都唔逼, 環境舒適一定會再黎

假日又是飲茶天，友人聽說最近2015美食之最大賞結果出爐了。重點是看過官網，8月香港FUN享夏日禮期間去嚐得獎菜式會有八折優惠。這次就一如所願去了其中一家在其三類別都有得獎的Club One。對上一次去Club One已經是多年前跟家人去食團年飯，只記得裝潢不錯但價位不菲。最近看到自己中學那邊在這辦謝師宴，不禁有點驚訝，因為我們以前都是去酒店辦的嘛XD。　　一進去有點像花店的佈局，那大大片的落地玻璃超透光。看這邊應該是什麼宴會的入場處，大概是簽簽到，派派卡的位置。再走進一點就看到這個園藝牆，這邊全然可以作為典禮的攝影地，整個感覺細緻又高貴。　　另一邊就是主廳，即是主要用餐的地方，一整個長方形設計。空間闊落得很，不會有像平日飲茶又會櫈貼櫈，想郁動一下都沒有餘地的困境。想不到地方隔涉，但到來時竟有七八成滿座，出乎意料之外。　　餐點選擇頗多，間中附有照片這點還不錯，且款式好似會不時更改，算有新意。可惜友人指原來那些得獎作品只限分店供應，無緣一試。幸好她有預訂這家分店於2015香港國際美食大獎的銅獎出品－－三弄天篷。要三天前預訂，說是以三種特別煮法去烹調新鮮豬柳，不知道內藏什麼玄機呢？三弄天篷