會所1號 萬濤 (已結業)

拉釘結婚了，恭喜恭喜，招乎唔到，食多兩舊、飲多兩杯，千奇唔好客氣！慣性囍宴都等要到九點先開飯，想餓死朕咩﹗囍宴前走轉尖沙咀金湖隊碗牛腩麵打定底穩陣喇。七半到達會場，立即開波飲兩啖啤酒開開胃，大會指定啤酒藍冰！真 Ice 流砂冰。往年曾試過 8 位 1 席都已非常經典，從來未試過 5 位 1 席爽乎呀，預計好飽好飽。李拜銀、黃格仙、宅男甲、哈佬喂加埋我，想食幾多有幾多，抵呀。不過最後加埋攝師及化師，湊夠 8 位好意頭，變成 8 位 1 席嚕。瞄瞄菜單都係基本那些，心裡有數。遁例進場、演講、播片、咀咀，開飯喇﹗鴻運脆皮乳豬，百年難得一遇，宇宙最強！滿分無得彈，就算頂級酒店中菜廳都未必有如此高質美豬供應呀！皮脆肉嫩暖笠笠，肉香多汁性感誘惑，半肥瘦散發淡淡香料芬芳，加兩滴乳豬醬更如虎添翼！不其然連食 6 件都唔夠喉，豬腳都被我全部沒收。野菌泡蝦球，配上湯紹菜神奇創新，還各據一方，河水不犯井水，得意有趣。觀賞性極高，超重份量，唔怕您唔飽。爽甜紹菜一片片堆得整齊有序，菜甜味出眾非凡，幾疊幾疊的塞入嘴，簡單的調味，爆汁爆水香醇濃郁。大大碌的蝦一粒已塞到我嘴仔脹卜卜，滿足地趙。蝦肉爽爽，鹽啤得不算過份

人手不足！入錯單！亂七八糟！除了叉燒好少少之外其他都好難食...一個字差。家人一致同意不再來！十年前跟十年後完全不一樣了！後悔當初提議想去試一試 唉！😟😟😟

一號，是會所一號，果然有派頭！氣勢逼人，教人震攝，就是被它的氣場吸引，入去，都想測試下它們的食物也是否一樣震攝，它是位於石門站，近馬鐵站，走路不需幾分鐘，會所一號萬濤，改名極具霸氣又攝人，有大哥風範！黑松露海鮮炒飯:有濃烈黑松露味，細粒的米飯也炒到企身，不腍口，也算入味，但欠料，也值70分！黑椒燒鵝: 色澤對辦，香味也有淡淡餘香，肉味ok , 算上等肉，皮ok脆，跟大酒家燒鵝比，仍有進步空間！蝦蝦: 大隻，蝦處理過，不算太膠，也有點點鮮味。皮算薄，有白透紅感！叉燒腸: ok合格，沒太大驚喜，皮略嫌少厚！叉燒包:蒸上來頗熱，叉燒料也，醬也未到流瀉境界！一句到尾，4佰元都不用，仲可以點！

結婚到哪裡擺酒，永遠是新人最頭痛的問題！我之前來過沙田的ClubONE萬濤參觀，今次再試試它們的晚宴菜式～ClubONE萬濤走典雅清新風格，感覺時尚大方，最多可容納24席，適合年輕人舉行小型婚禮。晚上來到萬濤的晚宴，這裏無論是裝修還是餐具擺放亦有別於一般的茶樓，令人眼前一亮。 鴻運脆皮乳豬先上傳統婚宴的第一道菜－－脆皮乳豬！乳豬烤得剛剛好，上菜時還是暖的。皮十分脆，顏色漂亮，肉肥瘦適中，吃下去不會感到肥膩。 侍應會幫忙分餸，我們坐着等吃就可以，好方便呢～ 野菌泡蝦球蝦球大大粒，咬下去非常彈牙，蔬菜亦非常新鮮。 百花海皇卷中式飲宴中，我最喜歡吃炸海鮮卷了～這款海皇卷內含什果、鮮蝦及帶子，十分鬆脆可口。 珊瑚扒翡翠新鮮蔬菜上加上蟹肉碎，簡單又好吃～ 雲腿雞絲燴花膠湯羹熱度適中，內含一絲絲的花膠和雞肉，雲腿亦令味道提升不少。 清蒸海石斑石斑魚肉嫩滑多汁，配上白飯簡直一流～ 翡翠蠔皇鮑片鮑片算是大塊，再配上蠔油汁十分惹味～ 脆皮吊燒雞雞皮薄而脆口，可惜煮得有點過龍，雞肉再嫩滑一點更好。 不過不失的砂窩雞絲飯和龍芽花菇炆伊麵。 甜品不是傳統的紅豆沙，而是意式泡芙酥和蓮子百合紅豆糕，令人有驚喜

自己同身邊朋友都踏入適婚年齡，所以近期不停收到炸彈XD 除咗有朋友訂定今年5月喺Clubone時尚康山擺酒之外，我喺1月尾亦去咗沙田萬濤飲舊同事果餐。我都係第一次喺Clubone飲，原來侍應係會幫忙分餸的，因為我果檯我只認識4-5位前同事，有人分埋餸就食得冇咁尷尬啦~鴻運脆皮乳豬第一味例牌係乳豬，皮夠脆但有少少肥，每人分咗兩件之後仲有幾件剩低，夠食有餘啦。 野菌泡蝦球野菌就唔係好多，反而似甜豆炒蝦球先係主角，蝦球大隻又爽口，而且味道清淡唔會以濃醬汁為主，有時好怕去飲每個菜都加XO醬。甜豆雖然同荷蘭豆好似樣，但甜豆嘅豆莢會比荷蘭豆肥厚D，味道又甜甜地。 百花海皇卷外皮炸到鬆脆又夠熱，我一向都鍾意食海皇卷，咬開中間有好多菠蘿酸酸地十分開胃。本來都希望有人唔食炸野，我就可以分多件，可惜個個都食晒XD 珊瑚扒翡翠原本以為係珊瑚蚌炒西芹之類的物體，原來係蟹肉扒菠菜就真。白色醬汁落咗好多蟹肉去煮，食到啖啖蟹肉嫁！而且菠菜個莖係中空狀態，所以更易吸汁！ 雲腿雞絲燴花膠去飲我一向都不太熱衷於食翅，用花膠仲好過魚翅啦，環保又養顏。唔好以為金華火腰絲就咁放面會唔入味，雲腿甘香味其實10級濃郁撲鼻~ 清蒸海

人長大了，開始要面對人生不同的抉擇。讀書如是、工作如是，愛情也必如是。最近一直忙著為即將舉行的婚禮尋覓場地，在一番轉折下很榮幸獲邀來到位於沙田萬怡酒店的ClubOne萬濤參加婚宴試菜式活動，品嚐這間近年崛起的婚宴集團菜餚是否合意。甫進入會場，便看到一座令人想起周星馳在國產凌凌漆中唱「李香蘭」情景的白色鋼琴，以及歐陸風情的花花牆，十分吸睛。白色的佈景也充滿歐陸色彩，帶點文青風味。場地採取長廳設計，約可坐滿24席。眾賓客與主人家之間的距離較為親近，相信在這裡的婚宴氣氛必定很熱鬧。婚宴最重要自然是好意頭。第一道菜便擁有具霸氣及意頭於一身的「鴻運脆皮乳豬」，在新年前夕吃上特別有格調。乳豬的外皮烤得金黃爽脆，皮下的脂肪十分豐厚，入口鬆化惹味，咬下去時那清脆的「卜」爆裂聲充份體現廚師的功力。第二道菜是野菌泡蝦球。平常在婚宴或大典宴會吃的蝦球一般都是配上西芹。ClubOne萬濤的這道菜一反傳統，以野菌加上四季豆作為配搭，吃起來味道協調，每一口鮮蝦的味道都滲著一絲絲野菌的滑嫩口感，十分好吃。在粵菜中，所有以蝦膠製作的菜式也通稱「百花」。這道百花海皇卷自然就是內有蝦膠的海皇卷。其表皮炸得色澤金黃，外頭的

Club One 會所1號👍對於我來講，是一點兒也不陌生呀！都因這幾年來，大多數的家庭樂聚都會樂聚❤在Club One 會所1號的其他分店的啊！😁😁😁今晚，我們來到了沙田城門河畔，位於石門站萬怡酒店內的Club One會所1號萬濤來樂享啊！😁😁😁萬濤，裝飾給人們是那樣的清新的感覺，最多可客納24圍枱，非常適合小型婚禮，場地設計走小清風，有別於其他傳統酒樓的華麗風格，適合年輕新人在此一舉婚宴的啊！💕鴻運脆皮乳猪紅紅赤赤的鴻運脆皮乳豬全體，體積可不小的啊！外皮脆口，內層肉嫩兼帶有汁的，嘗到口裡，實在是香口也有油滋滋的滿足感覺呵👍野菌泡蝦球此青翠欲滴的蜜糖豆及菌類，伴著肥美、鮮甜的鮮蝦球，清丶爽丶甜兼又盡健康Feel的啊！😁👍百花海皇卷外層皮，像是有麵包糠而又是脆脆的，內裡又為感是暖暖兼軟軟，酸酸甜甜的滋味！😜珊瑚扒翡翠有像珊瑚花那樣美的 汁，夠滑嫩地拌著碧綠青青嫩綠的波菜，有美感兼上健康的👍雲腿雞絲燴花膠昔曰多數有雲腿的湯，總是會有些兒咸的呀！可此萬濤的雲腿雞絲燴花膠，那味道恰到好處的啊👍清蒸海石斑石斑魚，魚肉溫度夠熱的，肉嫩滑無比，不錯呀！😁翡翠蠔皇鮑片香氣是那麼地撲鼻而來的鮑片，令人

城門河畔擺婚宴~其實有好多選擇ga..今次就來到萬怡酒店ge..萬濤！新酒店。。大堂好靚呀！萬濤門口~有部好靚ge鋼琴呀！裡面可以擺到廿位以上呢！事不宜遲。。起菜喇！鴻運脆皮乳豬！一睇就知香脆~食！超脆超香呀。。切成一塊塊，入口最正！之後。。野菌泡蝦球！明亮的蝦球俾翠綠包圍~食球！wow~炒得鮮味美！食d豆。。好爽口！食點菇，好香~冇草味~正！再來。。百花海皇卷！金金黃黃，一人一件！mmm..入口香脆可口！入面充滿沙律雜果及蝦仁~啖啖好味！上湯喇~雲腿雞絲燴花膠！濃濃的湯~正！魚來了。。淸蒸海石班！肉好滑~好清好有魚味~如果再大條點就更好了！來來來。。翡翠蠔皇鮑片！即食啖鮑片~好淋~ 好有味呀！汁都好濃好味！菜吸收了鮑汁~就咁食定送飯都正到爆呀！雞來了！脆皮吊燒雞！上檯就好香了~食件~好脆口喔。。燒得香！單尾來了~龍芽花菇炆伊麵！花菇好大粒喔~一啖花菇一啖麵先~mmm..汁又多又濃~和菇和麵好配合呢！來到甜品了~意式泡芙酥和蓮子百合紅豆糕！泡芙酥一個個好可愛~充滿cream~軟棉棉呀！和蓮子百合紅豆糕！一尊一尊的~充滿紅豆，好滿足呢！

今次嚟到一間最多可以容納24位，周圍都有好多適合小型婚禮嘅裝飾，場地方面都係走年輕嘅路線，最適合而家年輕嘅新人，令到成個婚宴都好清新。 第一道係鴻運脆皮乳豬，豬食落去外脆內軟，配搭埋砂糖混合，簡直係天衣無縫，同埋成件事好鮮甜唔會話好好老。 而第二道我最鍾意嘅餸係野菌炮蝦球，佢唔止有冬菇，仲會有好多唔同嘅蘑菇，佢搭着蝦嘅鮮甜令到本身唔使落好多調味料，冬菇啲鮮味都出埋黎。 再黎係百花海王卷，係一個炸物嚟嘅，被炸到金黃色，暖粒粒好好食，開埋我最鍾意嘅卡夫醬，簡直係天衣無縫。 加上，去婚宴又點可以冇清蒸海石斑，服務員好貼心咁幫我地開邊，拆肉，幫我地分好每一道餸，佢事又唔算多，但正正就帶出石斑新鮮嘅魚味。 而咁多款甜品當中，我最鍾意嘅係蓮子百合紅豆糕，佢唔單止有祝福新人連生貴子嘅意思，紅豆糕好實，一邊嘅紅豆有好多，又好食又有好好嘅寓意，正呀！

無懼吉日，婚宴半價＠ClubONE萬濤 妹妹打算明年結婚了，正在物識埸地，早前去過Club One 的開放日，參觀了埸地後非常滿意，老人家想在沙田那邊搞，多間Club One中萬濤最近，早幾日就邀我陪他到ClubONE萬濤食飯試試看～ 結婚要擺酒一濶三大，ＵＮＤＥＲ一萬一圍基本上選擇不多！ＣＬＵＢ ＯＮＥ有個推廣是無懼吉日，婚宴半價！！！我們不迷信，不介意在非吉日搞，因此這個推廣非常之吸引～ ClubONE萬濤，位於沙田全新開幕的Courtyard by Marriott商場入面 石門地鐵站走過去不過１０分鐘，非常方便，入面裝潢很華麗，高貴大方， 拍照區是粉紅色主調，天花鑽石造型吊燈讓人眼前一亮，適合舉辦各類中西式婚宴酒席、雞尾酒會、午間證婚盛會 頗濶落的～ 原汁原味的裝修其實也不錯，當然可以再加錢去做一下佈置啦 鴻運脆皮乳豬野菌油爆蝦球雲腿雞絲燴花膠 珊瑚扒翡翠 清蒸海石斑 翡翠蠔皇鮑片 百花海皇卷脆皮吊燒雞砂鍋海鮮炒飯龍芽花菇炆伊麵意式泡芙酥蓮子百合紅豆糕 $5,888 非吉日婚宴半價 ，其實頗抵食的，至於最後價錢是多少我就不太清楚，因為婚宴始終有好多細節是未計進去吧

位於沙田萬怡酒店商場1樓的ClubONE River View (會所1號 - 萬濤), 主打廣東菜，亦是婚宴擺酒的熱門場地。有朋友在這酒樓擺酒，可以試試這餐廳的菜色。🥂這裡的裝修以白色會主調，燈光充足明亮。順帶一提，每枱也會有侍應分菜，分好後再放到食客面前，較為衞生。🥢鴻運脆皮乳豬上桌了，乳豬切得方方的，頗為脆口，更可以點上甜醬，分菜後每人約有兩塊。第二道為野菌泡蝦球，蝦的size頗為大粒，口感彈牙，草菇片和蜜糖豆的味道清新，不會炒得太油膩。下一道為百花海皇卷，一人一條。海皇卷的外面脆卜卜，裡面則是味道微甜的雜果沙津和蝦仁粒。珊瑚扒翡翠的味道不算太鹹，吃完較為香口的海皇卷正好可以中和一下。雲腿雞絲燴花膠的質感濃濃，充滿骨膠原，感覺滋潤。材料不算很豐富，但味道也不錯的。下一道菜為淸蒸海石班，魚肉頗為嫩滑，味道也不會太鹹。本身是愛吃魚皮之人，如果皮上的魚鱗能清得更徹底便更理想。再來的是翡翠蠔皇鮑片，鮑片的厚薄剛剛好，頗有𡁻頭，吸了鮑汁的生菜也鹹鹹香香的。個人最喜愛脆皮吊燒雞的味道，雞炸得剛剛好，不會過生或過老，口感嫩滑，雞皮也是脆脆的。這餐廳的菜式也是較為傳統的婚宴菜色，當然少不了砂窩雞

適逢朋友Plan緊結婚，於是小妹就同好友同佢嘅屋企人試婚宴菜式，呢日嚟到「沙田萬怡酒店」會所一號「萬濤」試菜，原以為主打中式婚宴嘅場地好老土，點知一入到嚟就覺得好小清新，感覺西式元素多啲。個場唔算大，因為係專門為年輕人打造嘅小型婚禮場地，好友嘅親戚朋友唔算多，所以揀呢度應該啱啱好，大概擺到24圍，唔會太舖張，又唔會太失禮。到咗試菜環節，連甜品總共有12道菜，有齊鮑魚、花膠、石斑、乳豬等婚宴必備菜式，講到呢度，你會問：「咁翅呢？」其實依家好多婚宴為咗響應環保，都唔會將魚翅納入菜單中，而好多年輕人亦因為想環保啲，而唔再食翅，呢個亦係大趨勢。不過如果老人家堅持要食翅先架勢，廚師都係會將其中一味餸改做「高湯海味翅」，令家中老人家感覺舒服啲。由於朋友同屋企人都係環保之人，所以都好支持「冇翅婚宴」。第一道「鴻運脆皮乳豬」，乳豬燒得啱啱好，外皮香脆，皮下黏著一層豐腴嘅脂肪，食落雖然邪惡感十足，但係勝在膩感唔高，係一個好嘅Opening。「野菌泡蝦球」比較清淡，可以中和第一道乳豬嘅微膩感，蝦球晶瑩剔透，爽口彈牙，野菌清香，相信賓客會鍾意。「百花海皇卷」外型極似炸鮮奶，食落外脆內軟，點啲沙律醬食，酸甜有

Club one去過好多間，特別屋企人都擺過幾次壽宴。今日嚟依度唔係飲壽宴，而係飲喜酒。主人家唔算大擺宴席，20圍到請親戚同熟既朋友。依間club one係係萬怡酒店內，叫萬濤。新開不久，所以我都係第一次嚟依度。裝修以白色同粉色鮮花為主，簡單但都fancy少女心，小清新風！鴻運脆免皮乳豬紅眼睛的乳豬好意頭，一隻仔既野。乳豬皮連住小肥同豬肉，微溫。乳豬皮脆身，中間既油少少油，接受到既。豬肉就軟林，痴住油份！野菌泡蝦球是蜜糖豆，甜甜蜜蜜喔！蝦球份量好多，蜜糖豆都係一座小山。重點係有最美味既醬 蝦醬添鮮同咸香味。蜜糖豆爽脆，草菌就林d，配合下清得嚟一d都唔野少。蝦球爽口都彈牙，幾好。百花海皇卷金黃色一排，古代黃金咁。外皮好脆，但唔熱辣口。內部有菠蘿 椰果同蝦粒，爆醬沙津醬在內。珊瑚扒翡翠蟹肉配菠菜，份量中等。蟹肉一絲絲好滿溢嫁，但就咸左啲。菜就翠綠帶菜甜，爽係加分。咁多都可以保持爽身。雲腿雞絲燴花膠，後尾先知可以轉高湯海味翅！環境有環境食法，老一輩都可以滿足到。一大鍋，感觀不錯！有麻油香味，但不搶鮮！花膠小巧帶咬勁，雞絲就林身夠補身。加入左金華火腿就比較濃味，有咸勁。清蒸海石斑好多香蔥係魚上

公司高層ET請我o地尋日(26-1-2018 Fri)o係呢間食晏,一共3圍,我o地條team自己一圍,叫o左:1. 雪山叉燒酥我食o左半個,外脆,叉燒香甜同鬆軟,OK.正常o既有:2-9.  蝦腸,蝦餃,燒賣,特色炸腸,蝦膠蘿蔔糕,南乳雞中翼,南乳排骨,脆麻花10. 灌湯餃好耐冇食灌湯餃喇,辛勞o左一年,係時間食返啲好o野,灌湯餃大大隻,湯o既味道比較清淡.但隻餃就好有味,夾埋o黎食就o岩o岩好,內裡有蝦仁,瑤柱,假蟹柳,重有啲翅.11. 龍躉球煎麵龍躉球滑,味道都o岩o岩好.12. 椒鹽九肚魚白雪雪,唔辣,粉漿厚,食唔到魚乜滯.13. 法式燉蛋蛋滑唔太甜,但膩就一定.我冇食到o既有:14-19. 春卷,唔知咩辣河, 時菜牛肉球,紅油抄手, 桂花糕同蛋白杏仁茶.環境:呢日都算清涼,但冷氣不足o既問題一直冇改善,依然有啲焗,不過佢o地5月應該會搬.

今日(5-12-2017 Tue)vendor過o黎請食飯,book o左o黎呢o度,我o地一共13人食,vendor叫o左:1. 雪山叉燒酥我同月同事ZC share食,唔知係咪肚餓,覺得佢好好食,微暖,外脆,甜度又o岩o岩好. 味道: 5分2. 菜心大大棵,唔會太腍.味道: 4分3. 小籠包一啲都唔小,內裡o既肉汁多,但外皮頂部厚啲同有啲硬.味道: 3分4. 南乳排骨外脆,但味道只留於表面,唔入味.味道: 2分5. 南乳雞中翼呢個比南乳排骨好食,因為入味. 味道: 5分6. 唔知咩蘿蔔糕面上有約一厘米厚o既炸蝦膠, 蝦膠彈牙; 蘿蔔糕太鬆散;蝦膠o既味道搶晒.味道: 3分7. 豉汁鳳爪好腍,好入味. 味道: 5分8. 豉汁排骨肉鬆,味道又o岩o岩好味道: 3分正常o既有:9.-11.蝦餃,燒賣, 番茄湯鮮竹卷味道: 3分12. 春卷捧上o黎時已經幫我o地剪開,我都留到好後至食,呢個好脆,而餡料味道正常.味道: 3分冇食到o既有:13.-15. 腐乳生菜, 特色炸腸,蝦腸抵食係2.5分上次食評: https://www.openrice.com/zh/hongkong/review/