停左好耐無寫食評了
今晚同家人(3大人,1小朋友)去試吓食中菜放題 ,早前光顧過另一九龍灣分店放題 ,環境同呢間相差好大,起碼不是地板+硬板櫈。侍應 都有禮貌,而且主動收拾碟子及加水,又會提醒客人慢慢享用,用餐時間內都可落單,食物不會令人失望,但不會令人有太深刻印象
但牛𦟌特別入味,我連續落了3次單,每碟餸菜份量適中,可以慢慢品嘗大部分既菜式。 星期六晚食放題 不用$300,環境又舒適,不失為日式放題 的另一選擇,尤其與家中長輩同行
(以上食評乃用戶個人意見 , 並不代表OpenRice之觀點。)
與家人又惠顧clubone 維港皇宴,當晚叫了「鮮茄野菌濃湯雜菜煲」值得推介給專吃素菜顃客人,菜料十足又新鮮,份量亦足夠。場地寬敞,服務員 又有禮貌,裝潢又好時尚。還有一款「花膠元貝燉瓜脯」湯,材料足,二人份量$88,但可分4碗湯。湯水青青地,適合夏天飲用。
(以上食評乃用戶個人意見 , 並不代表OpenRice之觀點。)
日式放題 很普遍, 中菜放題 又有沒有試過呢? ClubOne維港皇宴推出的「粵。放題 」, 基本上以$277就能享逾$406的菜式!! 再加上地點就腳, 環境舒適及靚景, 都幾唔錯~
踏進維港皇宴, 門口位置非常寬敞, 始終是專營婚宴場地, 佈置也不俗.
再往前走, 整個大廳是海景的啊~ 感覺開揚, 到埗時正值日落, 看到醉人景致.
以下5款是每位入座就能獲送的菜式, 可說是非常回本! 包括: 金銀蒜蒸波士頓龍蝦(半隻, 原價$98) 蠔皇生扣鮑魚一隻(原價$98) 鹽香燒乳鴿(半隻, 原價$32) 蟲草花響螺燉老雞 或 濃湯竹笙大碗翅(原價$148) Movenpick雪糕或芒果布甸 以金銀蒜去蒸龍蝦, 鮮味突出, 肉質實淨, 鉗位都敲碎了, 吃時很方便.
鮑魚都算大隻, 軟滑兼帶少少黏牙, 以蠔油去煨, 是最慣常吃到的.
很久沒吃乳鴿啦~ 這份做得很惹味, 皮脆肉嫩, 基本上不需沾淮鹽, 味道已經相當夠.
到湯品類, 我選了滋補的燉老雞, 原汁原味, 碗內亦有雞件、蟲草花、螺頭及豬展肉, 好足料.
朋友選了大碗翅, 同樣地非常多料, 湯頭濃郁.
至於任點任食的項目, 包括8款前菜、16款精選小菜及8款健康小菜, 款款都吸引.
看到已口水流的是四川口水雞, 雞皮爽滑, 醬汁搭配惹味, 辣味剛好. 後面那碟青瓜海蜇及陳醋雲耳也很開胃.
沙薑豬手, 感覺就很骨膠原, 也是啊~ 雖說是沙薑, 但帶少許辣味, 吃得過癮, 吃完一粒就要追吃. 不得不讚, 豬皮夠爽口!
雞絲粉皮賣相稍為遜色, 粉皮卻夠煙韌Q彈, 我與朋友也吃不停口.
小菜方面, 我們點了7款, 超級喜歡秘製橙花骨, 幾乎粒粒都是骨連肉, 肥瘦均稱, 橙香醬汁緊緊黏著肉排, 好香口.
蜜桃咕嚕蝦, 又是另一款惹味菜式, 凡是有咕嚕汁的菜式, 都是酸酸甜甜, 然後加上大大隻彈牙蝦球, 完勝!!
食過兩道濃味菜式, 相比之下, XO醬炒蚌柳能讓味蕾稍作調整, 清淡爽口, 朋友嗜辣, 海鮮沾些口水雞醬汁, 味道立即提升至另一境界.
前菜吃過豬手, 小菜又點話梅扣豬手? 對! 不點的話就覺可惜啦, 因為扣得很入味, 特別喜歡那口感, 幾乎入口即溶而卻又非糊爛, 碰上開胃的話梅作醬汁, 很快就吃光一鍋.
店員端來一份荷葉, 咦? 我們有點了甚麼呢? 原來是大良污糟雞, 雲耳、紅棗及雞件都滲著淡淡荷香. 建議未吃就不要打開荷葉, 以保持溫度.
喜歡吃炒蛋的話, 不妨試試黑松露元貝炒滑蛋, 很多元貝, 蛋也夠香滑, 總之又是用料足!
最後, 啫啫芥蘭煲, 份量挺多, 惹味之選! 啫啫煲的醬料是香中帶微辣, 而那辣又一閃即逝, 絕不會令喉嚨嗆火, 重點是芥蘭的爽脆, 好味!
甜品 是movenpick雪糕或芒果布甸, 每位獲送一客.
粵。放題 是2位起計的, 而每位是$230(原價$328), 加一及茶芥後, 價格是$277. 由於小菜份量也挺大碟, 若二人吃的話, 可先點2-3款, 肚皮還有空間就再點啊, 不要浪費食物. 供應時間為6pm-9pm
(以上食評乃用戶個人意見 , 並不代表OpenRice之觀點。)
推介美食
四川口水雞
沙薑豬手
雞絲粉皮
橙香骨
蜜桃咕嚕蝦
XO醬炒蚌柳
話梅扣豬手
大良污糟雞
啫啫芥蘭煲
蟲草花螺頭燉老雞
濃湯竹笙大碗翅
蠔皇生扣鮑魚
金銀蒜蒸波士頓龍蝦
鹽香燒乳鴿
(以上食評乃用戶個人意見 , 並不代表OpenRice之觀點。)