最掂燒味 (廣福道) (已結業)

一向都好鍾意食燒味，聽到同事極力推薦呢間燒臘店，特登過嚟買，睇吓係咪真係咁好食😆呢間舖頭好乾淨，而且有好多透明櫃，一入到去已經見到有好多燒鵝。叉燒係必食的，經過店員推介，我選擇左腩叉，佢比一般嘅叉燒肥少少，食落去係爽脆的，調味亦都非常好，算係我食過最好食嘅叉燒之一。腩仔亦好出色，個皮脆卜卜，滿口油香，口感鬆化，送飯一流！另外買多咗個五寶飯，超多餸，全部燒味都好好食，另外仲送嘢飲，性價比超高！…查看更多

今日放工冇咩心機煮飯路過見到「最掂燒味」，燒味掛出黎好靚仔所以被吸引，靈機一觸就立即入去買燒味加餸，咁就可以懶一日唔煮飯一入鋪內，我即刻明白點解燒味咁靚原來燒味是即時在鋪內製作咁新鮮熱辣每日仲會有唔同優惠最好嘅係可以WhatsApp 69394033預訂燒味真係方便曬要返工嘅媽媽！今次買左半斤脢頭叉燒叉燒一入口非常驚喜肉質又腍又滑，充滿玫瑰露甜味下次再買燒味加餸我一定會再Encore!滷水鵝下庄滷水很香，拿了一點來撈白飯好好味鵝肉質地也不錯滷水鴨下巴兩份十二隻首先價錢超值$20一份有六隻特意買多啲鴨下巴，給家人送酒用我都食左兩隻配飯吃因為剛才已講過滷水出色所以鴨下巴味必然會好肉質軟滑真心推介俾大家！頭先我7點到鋪，其實食物已賣得七七八八同埋有唔少客人入內買食物加餸真係諗多一陣就咩都賣曬了所以預先訂購食物真係方便我地，唔駛驚放工去到鋪咩都賣曬。快到母親節，大家可以當日早上預訂燒味，當晚返屋企加餸就真係Very good 啦！…查看更多

上前兩日同朋友去左大埔踏單車，經過廣福道聞到呢間燒味香噴噴，忍唔住停底買左野今晚幫屋企人加飯餸。滷水鵝$138/斤滷水鵝係自家工場製做，師傅建議我地中意食肉既，可以選擇上裝，鵝胸位啖啖肉，咬落口滿滿鵝脂香味，口感嫩滑，食完唔會好口渴，絕無味精！燒鵝拼燒腩仔雙拼飯 60燒鵝同樣係自家工場每日新鮮製作，燒鵝燒得肥而不膩, 咬落去皮脆卜卜，燒腩仔一樣燒得香噴噴，肉質散發住陣陣既炭火香氣，用黎配白飯食一流。叉燒（半斤）69肉質肥瘦平均，口感食落好林，燶燶地既邊仲有淡淡既木香味，每一口食完都回味無窮 …查看更多

💥新鮮出爐燒味檔今晚即興母親節飯食燒味 就去左斬料 揀咗呢間新鮮出爐😊即時製作👍👍店後面有工埸即時自家制 連醬汁都係自己調味😊即叫即斬可以電話whatsapp預訂 幾方便職員好好態度🫢五點幾多都開始多人排隊等候 見有車既都可以過嚟經過買 後來都知道原來都近太和站添逢禮拜一至日有唔同嘅優惠叫左📌頭抽豉油雞🐔屋企人都話雞好滑呀 好味😋📌掛爐燒鴨🦆好滋味🤭小朋友最鍾意食📌懷舊腩叉🐷阿妹鍾意食叉燒🤣 夠腍身 📌鹵水豆腐 阿媽醉愛👍🤣📌鹵水鴨下巴幾入味😊🏷️最掂燒味 📍大埔廣福道11號地舖#大埔 #燒味 #外賣店 #即時製作…查看更多

今日同朋友去咗大埔行山行完之後梗係買啲手信返屋企慢慢嘆啦，經過廣福道嘅呢間最掂燒味 見佢吊起一隻隻滷水鵝超級吸引，於是就買佢啦滷水鵝叫咗下庄 佢係計斤兩去買價值$120 外皮索晒滷水汁嘅味道 夠香唔太鹹 用嚟送飯一流，皮下脂肪唔太多 證明隻鵝有運動 整體上都唔太肥 女士都啱食 肉質細嫩有咬口 仲有好多肉汁貴妃雞半隻 閃令令嘅雞皮加上淡淡的淺橙色 令我食指大動 雞肉夠晒嫩滑 雞味濃郁懷舊腩叉 叉燒唔係鮮紅色都係第一次見 佢係淡淡的啡紅色 證明落嘅色素唔多 夠晒健康 雖然係豬腩位，不過肥肉都唔多 肥瘦適中有咬口 加上蜜汁甜甜地 細路仔啱晒呀…查看更多