74
2
1
港鐵旺角站 E2 出口, 步行約5分鐘 繼續閱讀
電話號碼
98758389
營業時間
今日營業
12:00 - 22:00
星期一至日
12:00 - 22:00
付款方式
現金
食評 (80)
等級4 2021-03-22
552 瀏覽
全店只售賣四款食物 - 青木瓜沙律、海南雞飯、豬手飯同埋芒果糯米飯。選擇雖少但已經包括前菜、主菜、甜品。如果叫晒4款食物嘅話$100都唔洗。兩個人叫咗半隻海南雞,一份海南雞飯,一份芒果糯米飯,連飲品埋單$150內搞掂,咁嘅價錢喺鬧市嘅餐廳真係幾難搵。▫️海南雞飯 (HKD30) - 咪以為平嘢冇好嘢。呢份海南雞飯有份量亦有質量。皮爽肉嫩而且無骨。啖啖雞肉配埋店家自製醬汁仲好味。海南雞做得出色,油飯亦都一樣。飯粒分明,有淡淡嘅香料味。▫️半隻海南雞 (HKD80) - 我哋食好少飯㗎~所以叫咗半隻雞慢慢食。半隻海南雞塞滿成個膠盒,有雞胸肉、雞翼等部位,真係好抵食!▫️芒果糯米飯 (HKD18) - 馳名泰式甜品點都要一試!香濃嘅椰汁、煙韌嘅糯米再加香甜嘅芒果,一份價廉物美嘅芒果糯米飯就因此誕生。味道比大型嘅泰國餐廳更好味啊。雖然堂食客唔多,不過我哋用餐嘅時候見到都幾多人入去買外賣,目測海南雞飯同埋芒果糯米飯係最受歡迎嘅。我屋企人都好鍾意食海南雞飯同埋芒果糯米飯😆除咗堂食我哋仲買咗海南雞飯同埋芒果糯米飯返屋企俾兩位老人家食,佢哋食完都話正👍🏻⭐️No service charge 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-06
508 瀏覽
🍴青木瓜沙律12 蚊🥗木瓜切成幼絲食落好爽口 辣醬都算幾辣下 青木瓜好 juicy同辣醬好 match 🌶️再加上 用花生同蕃茄調味 🍅好正既餐前菜🍴芒果糯米飯18 蚊🍚🥭芒果好新鮮鮮甜 而且厚肉 糯米飯 用左白同紫糯米各一半 白糯米比較黏稠 同甜 紫糯米就冇甘甜 但糯米味出 d 😃 配少少 花奶🍴正宗水門海南雞飯 30 蚊🐥雞肉雞皮好爽 雞肉好嫩滑,雞既黃飯好香 而且飯粒分明 有軟林既蒜頭 香茅調味 所以飯食落好香 🍚好味🍴泰式軟棉棉豬手飯 30 蚊🐷🍚豬手同個名一樣真係好林 皮夠爽 中間嗰層膠質夠彈牙 連埋皮點 d辣汁更正 飯係黃飯 落左香茅都好味夠香😃#海南雞 #豬手 #泰國菜 #糯米飯 #青木瓜 #沙律Score 平均分 <8/10>Taste 味道:👍🏻👍🏻👍🏻👍🏻Present 外觀:👍🏻👍🏻👍🏻👍🏻Decor&Hygiene 環境衞生:👍🏻👍🏻👍🏻Value for $ 性價比:👍🏻👍🏻👍🏻👍🏻👍🏻Service 服務:👍🏻👍🏻👍🏻👍🏻~~~~~~~~~~~~~#曼谷水門雞飯 #旺角通菜街 1A至 1L號威達商業大廈地下 m號鋪 繼續閱讀
(以上食評乃用戶個人意見 , 並不代表OpenRice之觀點。)
對於一個因為為食所以搞到長期糧尾嘅人嚟講💸, 搵平靚正野食係每個月尾嘅目標嚟! 最近小妹發現旺角通菜街有間食海南雞飯激平, 簡直係做番十幾年前嘅價位🤣! 佢地只賣四大天王, 食哂4樣野都只係90蚊, 性價比極高😆! 青檸梳打🍋🥤青檸酸酸地, 加埋口感激爽嘅梳打感覺好清新!柚子蜜梳打🍊🥤味道酸酸甜甜幾開胃!青木瓜沙律🥗青木瓜絲口感爽脆, 醬汁酸酸辣辣🌶好惹味😋, 岩哂食得辣嘅朋友仔!正宗水門海南雞飯🐔以30蚊嚟講份量相當足, 油飯幾香, 飯質軟硬適中, 雞肉幾嫩滑而且啖啖肉, 沾埋個辣椒醬汁更好味😋!泰式軟綿綿豬手飯🐖同樣超級足量, 豬手肉質非常²軟腍, 膠質極豐富而且好入味!芒果糯米飯🥭堂食嘅時候已經見到有唔少人買嚟食, 仲要係幾個幾個咁買, 所以小妹同朋友都各自叫左一個嚟食, 落單後店員會為你叮一叮先, 打開蓋係好香嘅椰漿味🥥, 芒果食落好軟腍清甜多汁, 糯米飯用左白糯米同黑糯米嚟做, 令層次感同味道都提昇左, 加上椰漿帶一點點咸味, 咸咸甜甜咁幾好味, 推介😊! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-24
559 瀏覽
香港以水門為名的泰國館子不止一間,既以水門為名,就一定是主打海南雞。而這天我幫襯的,是在旺角開業,店子小小,地方隱蔽,裝修簡單,實而不華,售賣的主要只得四樣東西,菜式定價非常廉宜,但「海南雞飯」質素不差的這間「曼谷水門海南雞飯」。這間泰國小館子,除了原隻或半隻海南雞、原隻泰式豬手和少量飲品外,就只得「正宗水門海南雞飯」($30)、「泰式軟綿綿豬手飯」($30)、「青木瓜沙律」($12)和「芒果糯米飯」($18),店中一幅黑板上用粉筆寫著它們是「四大天王」,都幾有趣。這天我獨個兒來這兒吃飯,在「四大天王」中只單挑了地位最高,店舖也以之為名的「正宗水門海南雞飯」。當附近的海南雞飯店賣著四十五元連熱飲的海南雞飯的時候,這兒的海南雞飯只售三十元,賣相自然會簡單些,只以紙盒裝載,而且飯量也偏少,老實說,我是不太夠飽的,吃完海南雞飯後還到附近的「肥姐」吃了一串「大生腸」和「墨魚」才夠飽,不過這盒海南雞飯的質素可是不差的,雞肉皮滑肉嫩,油飯沒有雞那麼好,還可接受,才三十元,性價比可真不低。一客「海南雞飯」,一罐「可樂」,才三十七元,以今時今日的物價,還想怎樣? 繼續閱讀
(以上食評乃用戶個人意見 , 並不代表OpenRice之觀點。)
今天要幫媽媽出旺角拿東西,之前網上看到旺角有有超便宜的海南雞飯,今天就順便來試試了!餐牌可供選擇的不多,但最重要的是便宜,只要30元就可以吃上飯了,現在隨便吃個海南雞飯可能都要50元或以上了!一開始會給你兩個醬汁,左的是豬手醬汁,酸酸辣辣的,比較解膩!右邊的是給海南雞的,也是酸酸辣辣的但味道會比較豐富!正宗水門海南雞飯 (30元)雖然只是30元,但份量來說我覺得還是可以的,雞的量也挺多的,而且都切得比較大件的!雞皮黃黃的,看起來很有食慾,吃起來非常軟滑,而且不會感覺油膩!雞肉不會覺得老,很嫩滑,就算是雞胸肉,也不會乾和柴!而飯方面,這裡不是平常的雞油飯,這裡換成了薑黃飯,再加上了不同的香料下去煮,所以吃起來會有陣淡淡的清香,這個比較特別!不過考慮到價錢方面,這個性價比真的超高!泰式軟綿綿豬手飯(30元)這個豬手吃起來還真的是軟綿綿的,豬皮非常軟滑,但肉方面就是比較結實的,不過豬手肥瘦不錯,吃起來不會有油膩的感覺,味道方面是比較清淡的,口味重的可以搭配醬汁一起吃,會很下飯!飯是跟海南雞的一樣!海南雞(80元/半隻)因為我們的食量比較大,所以多點了半隻來,會吃得比較過癮!海南雞大部分都幫你去骨了,起來起超級方便的!雞肉也是保持水準的!青木瓜沙律(12元)這個作為餐前開胃沙律,味道不錯,酸辣的口感配上爽脆的青木瓜,還有配上烤過的花生,味道比較豐富!芒果糯米飯(18元)這個飯後甜點來說真的不錯,整個送到來的時候是微暖的,而且這裡很特別的下了紫糯米和白糯米,配上陣陣椰香的椰奶和香甜的芒果,吃起來真的不錯,份量也是挺多的,只賣18元,剛好為午餐來個作結也不錯!青檸檬梳打+柚子蜜梳打(12元/杯)這裡的梳打的氣泡量真的是非常足,感覺比平常喝的汽水也要多氣泡!青檸檬梳打喝起來就比較清新,而且這裡的青檸檬還會帶點甜!柚子蜜梳打就會比較香甜,感吃到柚子的味道!兩款的感覺都不錯! 繼續閱讀
(以上食評乃用戶個人意見 , 並不代表OpenRice之觀點。)