17
0
1
港鐵尖沙咀/尖東站 B1 出口, 步行約5分鐘 繼續閱讀
電話號碼
26660613
開飯介紹
暹 (Siam) 是泰國歷史上曾經使用過的一個國名,因此本店名為「暹羅泰國餐廳」。 特色的料理以及環境為各位帶來全新的用餐體驗,本店除了提供傳統泰國料理,例如泰國著名的「泰式冬蔭公」、「泰式青/紅/黃咖喱」、「泰式炒金邊粉」等,亦有提供泰國火鍋,湯底主要為椰汁雞及冬陰公,配料為海鮮及肉類。另外,餐廳環境佈置充滿泰國特色,用餐時猶如置身於泰國,讓你於鬧市中渡過悠閒一刻。 繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
付款方式
Visa Master 現金 銀聯
其他資料
網上訂座
電話訂座 詳細介紹
賞訂座積分
有關獎賞計劃
食評 (20)
等級3 2020-05-25
339 瀏覽
重要既事係要係到翻譯一番,我平時淨係打英文comment, 今次真係太過嬲, 呢間野個女待應真係好唔掂,完全唔識講嘢。其實有個男既都唔醒目,我個杯冇晒水叫佢加水,佢就真係淨係加俾我,我朋友完全唔理🙄 (佢都已經放出黎俾佢㗎啦)我地2個O曬咀!至於嘢食方面,出得超級慢,逐樣野都要追,已經唔係好多枱!個蝦柚子沙律喊到死,好似到咗成支魚露咁。 叫個冬陰功海鮮湯粉最後嚟咗個冬陰功牛肉湯粉,(真係冇陰功)個女侍應仲要狡辯話我哋得冬陰功海鮮湯先有海鮮,佢真係唔好彩啦,我記性係超級好,即刻叫佢攞個Menu出嚟睇,佢識得道歉🤬個老闆就忙住招呼佢朋友。究竟佢係做朋友生意出面人嘅生意呢? interesting. Well...I have never had such a bad dining experience in the last 3 years. Their service was extremely bad. No one in the dining area most of the time even it’s not that busy. Don’t mention about the waitress could not communicate with their customers probably.When we first got it, they had never measured the body temperature of the customers during this COVID-19 period which had also mentioned in other comments here too. (I thought they would have improved it after that review but obviously didn’t!!!!)Their food was salty or too sweet especially their pomelo salad with prawn was super salty.... like added a bottle of fish sauce...Their dessert on the house was very very sweet....Only the prawn cake was ok.For the Tom Yum soup noodles, we ordered the seafood one but end up getting the beef one🙄🙄🙄.Then when I talked to the waitress, she said only Tom yum soup without noodles come with seafood then I asked her to get the menu over, and then she said “oh sorry, do u need to change that?’ Then I said no....Because it takes forever to get one dish out of the kitchen.....Don’t recommend. 繼續閱讀
(以上食評乃用戶個人意見 , 並不代表OpenRice之觀點。)
等級1 2020-05-11
219 瀏覽
很失望,叫了炒通菜顏色一啲唔鮮艷好似一早炒起放了很久味道太鹹,叫了半隻燒雞味道亦都太鹹,雞皮一啲都唔翠,顏色又唔好睇好似放咗好耐,叫咗紅咖喱軟殼蟹啲,蟹就一般,但咖喱唔夠香,全晚最好食係用來飲㗎呢嗰塊焗翠的麵包和椰青,員工服務態度還可以,人手唔夠他們很吃力,都算合格啦,衛生環境一般但在疫情中沒有跟我們探熱,杯碟額外做清潔。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-29
456 瀏覽
約咗朋友夜啲喺諾士佛臺, 食晚飯見到呢度有間新開嘅泰式餐廳,就入去一試。首先要咗個泰式炸蝦餅, 蝦餅好彈牙好煙韌, 加埋泰式辣椒醬食一流。要咗燒豬頸肉,泰式炭燒豬頸肉食得多, 但佢呢個醬汁好特別,酸酸甜甜食落非常之開胃。另外要咗串燒沙嗲,總共有六吋,分別有豬肉,雞肉,同牛肉。雞肉好嫩滑。牛肉都燒得好美味。冬陰功湯調味都非常之好另外要咗個飛天通菜,飛天通菜辣度同埋鹹度都啱啱好,最啱鍾意食通菜嘅我。總括而言,呢間泰式餐廳嘅環境食物同埋服務 都冇令人失望,喺呢一個大家都唔想出街嘅疫症時期, 我覺得都不失為一個好選擇。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-27
428 瀏覽
武肺橫行,真是街都不敢出。平日Home Office,假日留家保安全,但都不可能兩三星期日日如是,所以有時候晚餐都刻意不煮往外別吃,當俾自己抖抖氣。早幾日在尖沙咀同朋友行完街,搵地方吃飯,朋友在開飯啦中找到那間新泰國菜館,問我有沒興趣當個「試伏器」,唉咁耐沒出黎,試下新野都無妨。上到去環境都幾寬闊,可能是新開張加上又早到,六點晚上未叫旺場,我們仲揀左個睇電視的位置,超爽坐底就慢慢睇下Menu吃乜好,兩位女子胃小小都不敢多叫,就叫兩三款小吃小嚐一下。點了一個烤餅(Roti)及青咖哩牛肉,別小看那烤餅,超!級!香!酥!它有酥脆的表面,內有微微煙韌的彈性,點少少青咖哩汁,好吃到停唔到口,加上咖哩又好惹味,我們要叫多份來吃光所有咖哩汁。不得不提,這裡的菜也很足料,牛肉滿滿的溢出於青咖哩汁上,非常均真!再叫了一個香芒炸魚,本以為是黃色、普通日常芒果,原來是用上泰國青芒果。表面放上冰涼爽脆的青芒沙律,下面是新鮮炸起的原條鮮魚。冷熱交替的脆感,感覺好新鮮;沙拉的出現令炸魚變得沒太油膩,如果魚塊可更厚便是完美。最尾用上傳統的椰汁糕作結,要特別一讚,這裡除了地方大夠舒服,服務都相當親切,令久未出遊的我是晚體驗更滿足,好了又乖乖的宅下去。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-25
274 瀏覽
今晚約左舊同事食飯,去左食泰國菜,餐廳環境唔錯,在璀燦的吊燈飾下感覺典雅瑰麗,個場新開張無耐食客唔多,寧靜的環境私人空間十足好有包場feel好正。看看餐牌菜選擇多價錢中價,點了幾款菜都同樣滿意。生蝦刺身 $88賣相討好,鮮蝦六隻用杯仔裝住,蝦肉爽口彈牙,左右有酸辣醬汁以綠色較辣醮了好惹味,是一道美味令人開胃的頭盤。泰式拼盤 $168唔駛左揀右揀可以一次過食,五款小食各三件,香葉包雞大件兼肉嫩啖啖肉散發住斑蘭葉香,炸春卷細細條唔油膩,炸蝦餅細件一啖一口蝦味十足好有嚼口,炸雞卷外皮脆食落香口,但不及炸魚餅香料味四溢,食得啖啖滋味。泰式菠蘿炒飯 $98用上新鮮菠蘿清新口味,用料有肉鬆、腰果、三色雜豆、提子乾、魷魚、蝦仁和主角菠蘿粒,配料十足口感豐富,最愛食食下飯食到提子乾提升甜味,炒飯乾身粒粒分明,味道唔錯。馬拉盞炒通菜 $78份量幾多下,炒通菜唔算話好油膩又唔會太鹹,陣陣鹹香趁熱食係最好味的。 繼續閱讀
(以上食評乃用戶個人意見 , 並不代表OpenRice之觀點。)