影片
以上資料只供參考, 請與餐廳確認詳情
從朋友口中得知，荃灣路德圍有間小店芝麻雪糕好好食，從一個不為食的朋友口中聽到，相信真的有其吸引力，於是決定假期一試⋯⋯當日大概5時，未算多人排隊，於是就跟大隊試吓啦⋯⋯門口大大杯芝麻雪糕模型，就知止乃招牌項目。在等候期間看見燈牌還有其他產品芝麻控過到來，相信除咗雪糕還有很多吸引項目。布甸和豆漿都很吸引，可恨嘅是，筆者當日不是直接回家，否則一定大包小包⋯⋯店員除了安排雪糕外，還塗上芝麻醬在雪糕面，真心覺得為這雪糕加持外，還很有儀式感呢⋯⋯大概5分鐘後終於到手了，單單看外表就十分吸引，甜度適中，唔算太甜，濃濃的芝麻香，那個芝麻醬帶點點芝麻的苦澀味道，作為一個芝麻控，必須被這味道俘虜。還有這個芝麻雪糕筒，簡直是一個完美的結合。吃完雪糕打算買芝麻卷回家，殊不知他們話6:00pm才開售，於是到附近超市行一陣，回來時已大排長龍，於是放棄了⋯⋯隔了數天，心有不甘，於是在一次非繁忙時段，平日的時候，又比筆者買到，吃過後又不外如是，未知係咪自大過期待呢⋯⋯整體來說真係暖心芝作，芝麻軟雪糕，好味會回頭。
繼續閱讀
前日（15-2-2025 Sat）晏晝，同老公食完晏同甜品後，行到過嚟呢邊，見天氣熱熱地，就索性行埋嚟之前老公想食嘅呢間買芝麻雪糕食，嚟到時見到有人龍，但都照排隊啦，見到唔止有年輕人排，重有中年，甚至老人，竟然咁吸引。喺等嘅時候，睇吓menu有咩買同價錢係點先，排到舖面，見到有個電動石磨，磨𡁵芝麻漿出嚟。到我哋喇，我就買咗三樣嘢，$18.00嘅黑芝麻豆漿，$28.00嘅黑芝麻軟雪糕同$25.00嘅流心黑芝麻布甸，原本都想買埋杯庄硬雪糕返屋企，但我哋冇冰袋喺身，怕會溶，所以唔買啦。買完食得，黑芝麻軟雪糕面上淋咗啲黑芝漿，食落，黑芝麻味道夠濃又唔太甜，口感係軟滑，感覺輕盈唔太heavy。5分返到屋企，即刻雪住唔兩樣，到食完晚飯，就攞流心黑芝麻布甸食，呢個味道都濃唔太甜，但唔算好滑，可能始終會有小粒，而流心餡杰到好耐至滴到一滴（Openrice取消咗上載影片功能，令我唔可以上載芝麻流心慢慢滴落嚟嘅片），流心份量唔算多。4.5分最後黑芝麻豆漿，到夜啲至攞出嚟放暖少少飲，買嘅時候，店員有問要無糖定低糖，我揀低糖，倒出嚟時唔杰，飲落，芝麻味唔太濃，豆味，好似冇乜，成個飲落口，似水還水，芝麻還芝麻，溝唔埋分開嘅感覺，唔通因為少甜？我哋覺得唔好飲。0.5分不過為咗健康，始終低糖會好啲嘅。
繼續閱讀
最近喺荃灣發現咗一間黑芝麻控嘅終極聖地 —— 暖心芝作小店！呢間小店專注黑芝麻甜品，堅持用傳統「九蒸九晒」工藝，將黑芝麻嘅濃香發揮到極致！🌟 黑芝麻軟雪糕係必試之選，入口絲滑，芝麻香氣濃郁撲鼻，甜度恰到好處，微微嘅堅果餘韻讓人一試難忘，絕對係回頭之作！每一啖都似喺品嚐黑芝麻嘅精髓😋另一亮點係黑芝麻菲林卷 ，每日限量製作，每人限購一份，搶手到爆！菲林卷內餡Q彈煙韌，甜而不膩，完美適合作下午茶小點或飯後甜品☺️▪️黑芝麻軟雪糕 $28▪️黑芝麻菲林卷 $25/盒 （限購)
繼續閱讀
這裏生產的芝麻水好好食，一點都不濃，十分絲滑，回去問店員為何這麼絲滑，她說因為用了優質的芝麻，而且部機又勁，所以磨到冇渣便這麼絲滑了，我恍然大悟，原來以前食的其他店的芝麻水都是用劣質芝麻所以才那麼醬，我真係上了寶貴的一課，希望這裏不要阻止我出這評論，等大家看了都買一樽芝麻水就好了。
繼續閱讀
朋友講話連發哥都去排隊幫襯的米芝蓮推介人氣店暖心芝作，今日趁住經過荃灣都去買嚟食吓，除咗芝麻卷，仲有石磨芝麻糊，同芝麻雪糕。聽講係每日手工限量製作，用石磨芝麻糊搭配純正馬蹄粉，蒸製後再卷出菲林形狀，係久違咗嘅芝麻卷，芝麻味香濃又彈牙，真係幾好食嘅，又唔會覺得好甜，上面仲要有啲芝麻，不過就嫌太細卷，一個人一陣就食晒一盒😋今日趕時間，淨係買咗芝麻卷，下次有機會再食埋個芝麻糊同埋芝麻雪糕🍦聽講都幾好食。
繼續閱讀