影片
本身住附近，舊時呢度得一間晶苑，雖然唔好食，但間唔中都會去，自從百佳對面開左間潮家，我地屋企就改左去潮家，今日公眾假期，由於唔想等咁耐，兩間都拎左籌，睇下邊間快d，最後去左晶苑....食完後好後悔.....無去起碼一年，諗住一年後會唔會有所改善....答案係無，甚至更差....只有鳳爪同煎腸粉正常，煎蘿白糕表面過燶，內在削pat pat，雞札未食過咁難食，炒米粉見到個樣都唔開胃，d粉灰灰地色的，菠菜蝦餃入面d菜係一條條的，炸魷魚酥炸到乾晒，又幼又硬，菜肉包皮厚餡少......整體食物質素極差，係我有生以來食過最差的！點解咁差o既酒樓都仲可以生存到﹖唉....快d開多間酒樓啦~ 呢度真係太少選擇喇！
繼續閱讀
開年飯揀左個location近老人家既地方.叫左個八人餐1) 拼盤, 唔記得影相 - 一般2) 蒸魚 - 一般, 但已經係全部菜最好食既一道3) 瑤柱豆苗 - 一般4) 髮菜蠔豉 - 一般5) 雞 - 一般6) 翅 - 一般7) 冇內涵既炒飯 - 一般8) 生果 & 甜品 - 一般 食左都唔知係咩既甜品...由於呢餐唔使我俾, 所以只係知本來話1188一個餐, 埋單一千四百幾... 算啦, 又要茶芥又要加一... 總算係飽既, 只係冇野係好食架囉......
繼續閱讀
和朋友一家都係食個家常便飯, 一行8人來了他樓下這餐廳.其實自己都係好少o黎將軍澳呢.地方都係一般酒樓格局, 冇咩特別.看看menu, 唔想諗, 都係食咕嚕肉, 粉絲什菜煲, 蒸條魚等.另填鴨好多人食, 特價後又似ok, 所以都叫了.其實所有飯送都中規中矩, 咕嚕肉都幾多舊, 什菜煲夠大夠份量, 清清地.蒸魚很好, 要讚, 絕冇問題.另鴨皮ok 脆, 點d 醬, 卷起食, 尚算ok, 係d 瓜太少了.服務係慢d, 但也好有禮貌, 冇大問題.我們走果陣, 門外仲要等位, 幾多人呀...
繼續閱讀
噚晚幫阿爸搞生日,係晶苑個度擺1圍半,其實我地總數有20個人,有d係細路仔,唔係食咁多野,叫半圍就得啦.半圍價錢$950講番我地叫既菜式,大致一圍同半圍既菜式都一樣,只有少少既出入,冇乜大改變,我地半圍有咩食,詳情如下 :鴻運乳豬半隻 - d皮好脆,但d肉,超肥呀....我從來都未試過食咁肥既乳豬,但阿媽話佢地個枱既乳豬ok喎,唔係咁肥.醬皇翠玉雙蚌 - ok米網龍鳳卷 - ok 個網唔油原籠蒸海蝦 - ok,新鮮,d蝦肉有彈性金蒸蒸元貝 - d元貝好細隻,好似未發育咁,d蒜茸粉絲味道幾好海皇花膠翅 - 味道ok,我2家姐話,咦...真係有翅仔喎,咁...咪真材實料囉瑤柱蟹肉浸勝瓜 - ok,不過太大碟,後尾送去阿爸個枱,阿媽話呢碟幾好味晶苑一品雞 - d親戚話好味道生炒糯米飯 - 生炒點解食落去,有少少濕,係咪驚佢炒唔熟,所以落多咗少少水清蒸老虎班仔 - ok,6-8人食岩岩好,條魚算新鮮魚滑米線 - 2家姐話,d魚滑ok,仲有我發現半席同一圍既份量係一樣,我2家姐話,呢d野唔值錢,所以俾咁大窩我地食囉甜品紅豆沙 - 冇食,太飽....亦冇問佢地好唔好食仲有生果西瓜,6罐飲品
繼續閱讀
今早打風, 一大家人去飲早茶, 9點落到去, 機乎滿坐, 幸好剛有張大桌空了.叫左20碟左右, 都係D基本野, 山竹牛肉 - 我次次都叫, 唔會太肥, 好滑, 加D"GIP"汁食, 正! 之前再添了一籠蝦米腸 - 第一次叫, 好滑粥 - 不過不失牛白葉 - 我次次都叫, 第一碟幾好食, 爽, 新鮮, 第二碟唔知點解就太軟, 冇乜味....(奇)奶黃包 - 包很鬆軟, 奶黃味道又好腸粉 - 一般, D皮都滑早上服務員不多, 好多時都係自己去加水算數, 埋單要自己去卑錢附近冇乜酒樓, 晶苑機乎假期都滿坐
繼續閱讀