晴苑泰國海南雞

營業中

休息中

午市$53有個海南雞飯 有湯飲 真係好抵 依家食個飯都要60-80起 5字頭既餐見少賣少海南雞好滑 唔老唔un個醬汁酸酸 好好食 配飯會不知覺咁食曬碗飯 青咖喱都好好味 又係撈飯一流 😋😋😋

今次一間性價比高小店係食泰國野由當年埃華街食到過鐵樹街地方細左，味道依然不變泰仔老闆依然咀靚仔吹開水，泰仔老闆話地方細左反而壓力無咁大，做得舒服聽到莫名欣慰今次帶左3條友去開心share除左叫我好喜歡嘅海南雞飯同青咖哩外仲叫左炒金邊同豬頸肉煎蛋飯金邊粉唔係走貴食材路線反而重回基本味道取勝甜酸得宜，炒得有鑊氣簡簡單單蔥蛋絲雞絲芽菜花生碎…完勝豬頸肉一口一件，肥瘦相間，Q彈Q彈有炭燒香，隻泰式燶邊蛋仲要有點流心到我最愛海南雞同青咖哩，依然係個陣味道海南雞嫰滑，油飯分明有油香，軟硬適中青咖哩雖有椰奶，但只屬點綴形質感，辣味夠雞肉有腌過，加分，椰菜花配青咖哩夾到爆，索晒個汁。我真係好鍾愛青咖哩如果大家有好食嘅青咖哩，可以介紹下我🫶🏻最有趣跟餐個蕃茄薯仔湯出奇地會有媽媽的味道最後3位為食貓都非常滿意有時候朋友仔喜歡自己推嘅比自己發現新野仲開心最後希望老闆好生意健健康康舒舒服服！#晴苑泰國海南雞📍大角咀鐵樹街9號地舖#dcb食在香港 #dcb吃喝玩樂 #dcb大角咀 #食在香港 #香港美食 #美食 #大角咀 #大角咀美食 #泰國菜 #青咖哩 #海南雞 #炒金邊粉

一個禮拜幫襯左兩次噶鋪頭，好好味小店，性價比都非常之高，今次吃佐海南雞+豬臂飯，兩樣都有好好吃。仲配左醬汁，跟湯都熱辣辣。非常之好味。仲加23蚊有個無骨雞爪，分量都多上次單叫D野吃都出色。價格又便

晴苑泰國海南雞，前稱「晴苑泰國菜」，原址在埃華街經營十多年，雖然主打泰式海南雞(無骨)，但其他菜式亦十分精彩，喬遷之後第一次來，當然要試海南雞了，味道仍然是好，其他地方海南雞均有多少血和骨碎，但晴苑竟然完全沒有上述缺點，雞肉嫩滑不韌，配合酸辣醬汁，十分惹味開胃，油飯已經改良不會油膩，炸蝦餅熱辣皮脆内彈，難以挑剔。多年來食過不少泰國菜，由接近真正泰國本土到晴苑的「適量」改良，已經適當調整到不會「辣到暈」！以往在友人口中聽過泰國親戚煮的正宗泰菜，放近嘴邊已經感受到辣味，食落更有刺痛及麻痹感覺，因香港氣候和泰國不同，食物辣度需要調整否則食後會不舒服。如何調整正是一大學問，晴苑我是絕對信任，食了十多年，與老闆熟絡，對於生客熟客，招呼也是十分好！兼食物質素能堅持高質，本人絕對會經常來光顧！

咁啱發現呢度好似新開咗間泰國菜晚飯時間經過見到50幾蚊好平室內裝修光猛同埋都算企理 決定試吓同男朋友一齊食 我嗌咗個豬頸肉湯河$50男朋友叫咗個豬髀海南雞飯 $60 兩樣嘢都冇骨嘅最緊要係，味道非常唔錯，個豬髀嗰啲豬皮好入味 仲要附送咗平時必食嘅兩個汁醬，零舍開胃 黃油飯都唔錯 嗌咗杯$12嘅珍多冰 跟住$10一杯青檸梳打，海南雞飯配嗰個雞湯好好飲，又夠熱 好香嘅雞湯味道，跟住因為我覺得好好味，所以決定外賣$25要佢三個蝦餅返屋企食，個蝦餅就冇影到啦， 有個男士應該係老闆嚟嘅，非常友善，我問佢係咪新開佢話新開咗一個月左右，但係佢哋喺大角咀埃華街原來已經開咗17年㗎啦，不過只係搬咗個舖位過嚟，如果唔係我都冇發現呢間舖頭哈哈