影片
最近天氣係咁落雨 仲好記得上一個月仲有晚市堂食嘅時候 我同朋友兩個人上咗呢一間餐廳 可以戶外或者戶內燒BBQ 而且就算多啲人成班friend一齊上嚟都得 除咗成個環境夠晒大之外 提供嘅BBQ食材都好豐富 職員亦都好貼心好有禮貌首先講吓佢哋嘅食物先。春卷外皮鬆脆，非常好吃。豬頸肉少辣惹味，味道有別於一般燒烤的醬汁豬頸肉，大大塊頗有驚喜。羊排沒有羶味，味道特別，感覺像蒙古式風味，要剔挑的話則略嫌多脂肪翠玉瓜配上蒜蓉粒，配搭得宜，鮮甜多汁，非常有水準烘麵包加入牛油和蜜糖，燒到焦燻，外脆內軟，一試難忘！
繼續閱讀
想燒野食，又唔想去買一大輪野？想燒野食，又唔想要搭一大輪車？想燒野食，又唔想起爐加炭？✨位於旺角市中心晴朗吧既天台燒烤場就岩晒約埋三五知己燒野食💕✨我覺得喺呢個時候，衛生真係一個好重要既考慮因素，呢度既係食物全部細細包獨立包裝👍🏻👍🏻仲要唔洗自己行出去拎！乾淨滿分💯✨另外呢到個叔叔真係超好人，除左唔洗起爐，連加炭都有職員幫忙😊仲整既燒茄子同厚燒原塊豬頸肉真係超正💕💕不過大家記得記得最好上去之前book位，咁就唔洗驚上到去full左啦💪🏻因為價錢好抵食，從包埋野飲👍🏻👍🏻✨以下係我精心推介😋😋厚燒原塊豬頸肉蒜蓉燒茄子金沙骨羊架豬仔髀
繼續閱讀
難得天氣咁凍冇理由唔同朋友去食燒烤㗎嘛 我哋行下朗豪坊鬼死咁凍又想燒下嘢食但係又唔到喎 咁我哋即刻上網睇下有冇啲專人幫我哋整嘅網燒燒烤啦結果又真係畀我哋搵到 睇佢個價錢升價比好高又多嘢食 豬扒牛扒雞翼要燒烤嘅嘢食啲樣樣齊最正嘅都係個蒜蓉金菇同埋蒜蓉包用錫紙包住啲金菇真係充滿 炭燒嘅味道 最估唔到嘅係喺鬧市入面竟然可以有 BBQ 每樣食物佢都燒到啱啱好唔會太燶 入面好juicy 芝士腸去燒到卜卜脆 同埋啲丸銷到外脆內嫩 幫我哋燒豬頸肉嘅時候仲會幫我哋整埋一舊舊真係非常的貼心真心呢一間餐廳我真係會介紹我啲朋友嚟食
繼續閱讀
天氣開始涼就會好想燒嘢食… 咁啱同朋友講開… 但係大家都唔想行咁遠去郊區… 今晚比我哋搵到旺角睛朗吧有…一於試試佢… 一上到去燒嘢食嘅位置會响酒吧外面樓梯上多一層嘅天台… 位置唔算太大但勝在坐得舒服.. 我哋坐低然後個哥哥幫我哋開爐起炭…食物用密封袋包住乾淨又衛生.. 燒嘢食有嘅肉類都幾齊全… 有金沙骨、豬仔脾、雞翼、豬扒、豬頸肉、牛扒、羊扒、丸丸、芝士腸… 飲品仲係任飲㗎.. 金沙骨都幾入味… 又唔會太靭… 豬仔脾有少少香辣味..牛扒雖然薄咗少少但係都有肉味…最好味係佢個豬頸肉同埋羊扒😋羊扒有好重嘅羊肉味.. 哥哥話久唔久會轉肉嘅調味…佢見我哋玩得咁上下… 忍唔住開始幫我哋燒個豬頸肉 .. 豬頸肉好滑又夠入味..同埋佢夠厚身啖啖肉勁Juicy…燒到咁上下竟然落毛毛雨.. 好彩佢地有大雨傘… 岩岩好遮曬成長枱.. 超讚👍🏻佢仲有好好味嘅蔬菜包.. 有金菇、翠玉瓜同茄子.. 佢仲有孜然粉喺度.. 加埋一齊食.. 勁正😋提一提大家由於位置唔太大… 記得提前預約😉哥哥同你講如果自己又鍾意食嘅嘢亦都可以選擇自備燒烤食物.. 佢哋一樣會提供服務人頭收費包飲品… 鬧市裏面搵到咁方便嘅燒烤地點…又多個朋友既聚腳點啦
繼續閱讀
天氣涼左就會想BBQ, 想BBQ但又唔想去到咁遠 竟然比我搵到間係旺角鬧市中又可以自成一角既天台BBQ, 即刻約埋朋友去試下!!餐廳都近旺角站地鐵站 行5分鐘左右就到!好方便, 雖然地方唔係話好大 但夠哂約埋一班朋友包場BBQ 環境仲好正!上到去員工好有禮貌咁幫我地開爐 問我地食咩 有D咩唔食, 有時仲會幫我地燒埋, 員工幫我地開爐個陣有特別講炭係用左日本炭, 會比較易控制 真係好快咁開好火. 講番野食先 食物全部都係一包包真空咁醃製住, 所以都好衛生, 食物種類都有好多選擇 另外飲品櫃飲品都係任飲丸類講得出既都有魚蛋、墨魚丸、牛丸、龍蝦丸等等, 腸類就有芝士腸同廚師腸雞翼隻隻都咁大隻 唔同口味都好好食!雞扒員工有特別同我地講, 燒左有雞皮個邊先 咁就可以熟得黎又保住肉汁! 真係好好食!另外仲有蒜蓉牛油烤金菇同埋蒜蓉牛油烤翠玉瓜呢2個都係必食!! 烤完D金菇同翠玉瓜入哂蒜蓉牛油味 超好食!!最後店員仲幫我地燒左條茄子食 去得BBQ一定要整番條茄子食 店員整得好好食!!埋單唔洗300蚊一位 係旺角鬧市中自成一角咁BBQ 環境 食物質素都好好 值得推介!!
繼續閱讀