景霖正宗四川麻辣米線 (已結業)

我係超級鍾意食米線嘅人，一諗唔到食咩就想食辣。有時我覺得如果湯底夠正，我係唔會介意啲餸差少少，調返轉反而接受唔到啲餸OK但湯底唔得，因為食米線最緊要都係個湯底。今次響外賣速遞叫咗呢間米線鋪，但我諗大家唔使真係食、淨係睇賣相、都估到湯底咩水準。首先我係叫麻辣中辣，先想像一下麻辣嘅湯底係圖中咁嘅顏色。開估，唔麻但食得出係有輕微辣嘅，整體偏淡，配料少：少肉碎少芽菜etc。自選餸係正常嘅，所以唔排除你食其他湯底，會覺得冇問題。但我覺得失望。

下午已經兩點嘅時候唔知食乜好，打開個app見到呢間近近地，叫自己做正宗四川麻辣米線，就去試一試先。過咗兩點就到下午茶優惠，$40兩餸米線加一盒紙包飲品。平呢其實就算不上，諗唔到食咩都可以嚟試試。下午茶set叫咗兩餸，豬腸同雲吞，湯底可以揀清湯或者四川麻辣。我揀咗四川麻辣嘅五小辣（係最低辣度）。可能平日下午茶無乜人，好快就有得攞。湯底雖然唔覺得真係四川麻辣，始終咸多，但都係有少少麻，可能下次需要叫辣多一級。雲吞只有2-3粒，同埋只係一口雲吞嘅size，唔係特別好食嘅，可以嘗試下另一款餸。反而豬腸令我感到驚喜，唔會有臭豬同埋腥味，而且唔會太肥，好怕食完仲有好重豬油味係個口到，如果唔追求豬腸有大量脂肪嘅話，豬腸絕對可以一試啊！

職員在下單時只想快速收錢，顧客每加一樣，就不斷講：「又唔早講」，好似幫襯多d是顧客罪過，又或者下單是需要機關槍式講才可以？雖然屬於市集舖，但不用如此無禮吧？！見其他市集店鋪職員沒有她的無禮，見她生意一般，旁邊日式店較她生意好多了，絕對需要檢討。取餐時發現連跟餐(下午茶)飲品也沒附，問到也是顧客問題⋯⋯因為唔早講後來見到她下完單就坐下吃麵，莫非打擾她了？食物方面：炸醬是一早盛起，不熱；香草雞翼偏油偏乾

星期六黎大圍上堂，放lunch黎呢邊搵野食，好多餐廳好難揀，最後揀左食米線店舖雖然細細，人手唔多，但供應唔同款式既米線～兩餸連野飲（加10蚊），盛惠$51，呢個價錢不過不失既～等左5分鐘左右就有得食！我揀左酸辣湯底，最小辣，個人認為湯底幾好飲，辣得幾有層次，唔係死辣；而配菜都幾足料，酸菜都夠酸，不錯～～至於我揀既豬潤同魚腐，前者有五小片，但味道麻麻地，比較鞋口，而且未辟到腥，唔太好食魚腐就加番分，係新鮮既，唔似譚仔果d又細舊又冧哂

小妹其實一直以黎都有舖米線癮， 每個星期總要食一次米線，品嘗下米線既湯底 而身住大圍既小妹，當然要嘗試下大圍區既米線。 今晚入到搵食市集，見到不少食客食緊景霖 既米線望落大大碗。就試下啦～今晚order 酸辣湯米線， 2餸， 炸醬，金菇湯底夠哂熱燙燙雖然叫左酸辣，但其實都唔太酸，不過味道都不錯， 喝後不會太涸喉米線煮得不會太”冧“，原條爽口炸醬值得一讚， 量多， 肉碎有咬口，而譚仔既炸醬係凍冰冰， 而呢個係有溫度，所以與米線一齊食，不會有譚仔那種強大溫差感。金菇太少了，不太抵食。老闆娘推介柚子話梅蜜，跟米線加10蚊味道酸酸甜甜， 感覺解喝清新

做完yoga唔食太多野, 又嚟左搵食飯堂食少少野~今次試下呢間米線, 之前見親都係酸辣湯, 今次見到佢有清湯就試下啦~我哋嗌左個自選三餸米線, 生菜, 蟹子丸, 同埋加8蚊嘅帶子。之後店員話爭一粒蟹子丸, 換個芝士蝦丸比我哋試下......我哋兩個人share食, 兩粒丸計(一餸), 以呢個價錢嚟講,好似貴左啲, 一人分到一粒丸, 好冇滿足感。仲有嗰個芝士蝦丸, 明明就係芝心丸, 但我印象中嘅芝心丸係冇蝦嘅成份, 抱住諗住試新野嘅心態, 去食返一粒由外到內都係以前食過嘅野, 有種被騙了嘅感覺😔好彩最後粒帶子都算新鮮, 米線個量都好多👍🏻 但呢個價錢, 我會揀其他野食🤔

食過兩次覺得譚仔仲好食過佢 不過啲料都ok價錢都可以 飲品唔洗錢 芝心蝦丸流晒芝心出黎都好味 雞肉無咁入味 炸醬太辣 搵食市集太難選擇食咩 唯有揀食呢間 服務態度真係好差 個阿姐語氣唔該好啲啦賴巴閉咁 我都未講完就咁快打斷我 下次都唔想幫襯佢

聽朋友說這裏的下午茶很抵食，辜且一試。從未行入這裏，原來這是一個類似food court的地方，有不同的食肆擺檔。但採光不足，又開了很强的冷氣，感覺不太舒服。叫了兩餸米線，5小辣，配紙包飲品，索價不過是$38,確食抵食。等了5分鐘，店員叫號碼取食物，拿了食物便隨意找個空位進食。所以這裏基本上是沒有甚麼的服務可言。今次的配餸係腩肉加魚腐，分量都充足，米線大大碗，跟小量韮菜，芽菜，酸菜和腐竹。米線不够韌滑，而且很削；湯底不够濃郁，辣但不酸，味道很淡；腩肉厚切而且形狀很不一致，一大塊脂腩呈現眼前，令人難以下嚥；魚腐係普通貨色，不好吃也不難吃；韮芽都燙得過熟，失了清爽的感覺，腐竹是一塊炸腐竹，有别於其他米線店的鮮腐皮。老實說，這是一碗平庸得過分的米線，不會列入我的推薦名單。但如果只想填飽肚子，當吃碗普通的粉麵，亦未嘗不可。

開左都一段時間啦，今日下午做完野番到大圍，肚餓又唔想同人迫，就緊係買外賣番屋企到食啦。今日，我終於黎左景霖到買米線食。平時聽就聽得多，今次都係第一次買黎食。由於都5點幾，我就去買左個下午茶米線食。兩餸係做緊38元，都好抵架啦!Well等左唔係好耐就買到！拎左反屋企後。我就好快手食。我覺得其實同一般米線無乜分別，不過大圍黎講，又無三哥，無乜米線店，難得有呢間，又真係幾好。同我叫左豆卜，同湯一起好正。雖然無乜特別，不過呢個價錢就有米線食，都真係執到架啦！

餐廳就在大圍站對面， 搵食市集地下最入一間， 比較隱蔽。 星期六下午食客比較多人， 一樓沒有坐位， 可到二樓坐， 位置比較多。 下午茶， 出奇地超值， 比較其他米線餐廳某哥/某仔，平喎。 仲以為下午茶餐會份量好少， 或減少份量， 但係上枱時， 發現份量係比一般米線大碗。不過， 我不是米線控， 點了清湯與小朋友一齊食。 米線湯底選擇較少， 只有三款。 餸款式都有很多選擇。排隊點餐時見， 所有食客都點了雞翼， 跟餐只需加$10， 好抵， 所有都點了香草味雞翼。見到細細隻～食落口， 超級好味， 個個都叫係有原因！ 香草香味，嫩滑雞肉，多汁豐富。 一定要試， 推介！

.呢間店米線到到食都ok ，價錢又合理。當然，講到最抵食就緊係下午茶餐，兩個餸，仲有兩隻燒雞翼，都係30多元。先講雞翼，因為有些香草燒，所以係更香，咬落雞肉又多汁。米線質地一如往常都是唔太腍，彈牙，份量好夠飽。腩肉切得夠薄，好爽口。

以前喺佐敦返工成日都食架！而家大圍都開咗一間，勁正！可以成日食啦～我最愛炸醬米線，清湯底$33，大大碗！配菜有腐皮、韭菜、芽菜！唔食得辣嘅我都食到！個炸醬少少微辣，好香口！配埋清湯底中和返個辣味！魚腐墨魚丸麻辣米線$39嘩！勁多配菜~湯底選擇咗五少辣，只有小小辣味～好開胃！魚腐同墨魚丸都OK～每次來食都叫香草雞翼！必食架！佢勁香口！好好食～肉嫩多汁！食完仲想食多個，停唔到口！勁滿足！食到好飽～佢哋有下午茶好抵食架！仲送埋飲品！

一直都好想黎試下新開既搵食市集，今晚終於黎睇下有咩好食，原來係有兩層高，大約有十幾間唔同食物種類既舖頭，最後我選擇左食米線。要左一個過橋米線，食物一到既時候真係嚇左我一跳！！無諗過係咁大碗，而且有好多配料，有魚蛋、炸醬、腩肉、炸菜、雞肉、火腿等等，總之一般米線有既料都有。腐皮吸收晒d湯所以好好食，但腩肉就鹹左少少，同埋米線唔太夠兩個人食。不過整體上黎講都算唔錯！！

新開嘅大圍巿集明顯主打年青人巿場，入面主要換係日韓台嘅餐廳。除左二樓間冰室，其他都係好似food court咁嘅形式，自己買自己拎…… 以呢個外賣店款，自助形式嘅食法，價錢普遍都五六十蚊以上先食到一個冇飲品嘅正餐… 其實真係唔平， 同係餐廳食差唔多。喺角落頭發現有呢間景霖米線，$55大大碗 過橋米線！ 如果細食嘅人分量足夠兩個人食， 好似某間米線專門店咁，乜嘢餸都有啲大大碗！ 湯底夠濃味不過有啲偏鹹， 五花腩好似食燒肉咁好鬼咸而且好乾， 其他魚蛋雞肉腐竹等等都ok嘅 ，叫做係又平又飽肚啦

📸#tagnshare大圍篇《身邊總有米線🍜怪》-景霖米線分店越開越多。兩碗米線加埋四隻香草雞翼先$100，價錢唔算貴，份量都唔少! 景霖米線偏粗身似桂林米線，試左雲吞雖然唔夠大粒但大隻🦐搭夠! 雞翼等得耐左d，即烤既👍🏻，香草🌿味超濃。#五小都覺得辣#求推介米線食咩餸-大圍朋友有口福啦!🙆🏻‍♀️ 火車站對面開左個搵食巿集，類似foodcourt ，入面有超過10間唔同種類既食店😋-🙋🏻‍♀️高妹小編- 👇🏻地址👇🏻.景霖正宗四川麻辣米線 (大圍)大圍村南道45-47搵食市集地下6號舖