14
6
2
港鐵銅鑼灣站 E 出口, 步行約3分鐘 繼續閱讀
所有分店 (3)
電話號碼
2332 9090
開飯介紹
皇室堡景逸軒提供精緻粵菜,令每位食客盡享食材精髓,景逸軒設有早、午市、下午茶及晚飯小菜,而景逸軒更絕對是婚宴場地理想之選,擁港島唯一空中花園,可供新人舉辦現場證婚。 繼續閱讀
營業時間
星期一至日:08:00-00:00
付款方式
Visa Master AE 現金
其他資料
網上訂座
有關積分
招牌菜
冰鎮鮑魚
食評 (28)
等級4 2017-01-18
743 瀏覽
今日朋友生日訂左一圍...份量多左因為因應返反人數! 初時我以為係普通中菜~但原來好有驚喜! 朋友訂左話份量會多d, 但我估唔到真係好大碟! 第一味炭燒牛筋骨已經令我好驚喜! 佢非常入味! 每一件都係厚切! 唔會生或太熟! 整到啱啱好! 賣相係勁吸引!第二味菜係西班牙一字骨 ...我覺得好似FUSION菜咁,好有驚喜!佢有D 蜜糖係面! 燒得好香! 又唔會肥!冇乜肥膏既!  好好味呀! 之後既餸有係櫻花蝦炒海參, 蟲草花螺頭燉湯, 芹香炒斑球,金銀蒜蒸頭腩, 上湯雲腿絲浸豆苗,脆皮太子鴿....櫻花蝦炒海參~海參炒得勁彈牙! 而且佢用櫻花蝦好特別! 蟲草花螺頭燉湯, 哩個湯係冇得頂呀! 味道勁濃! 足料又好味! 金銀蒜蒸頭腩同埋 芹香炒斑球都好正! 魚好滑呀! 我食左好多好多...哈哈! 上湯雲腿絲浸豆苗煮得好清甜! 而脆皮太子鴿炸得好脆口! 一d都吾會覺得佢油冧冧~ 好味! 最後當然唔少得伊麵同炒飯la!仲有生日壽包! 哩餐真係好有驚喜呀! 佢既餸菜又特別又好味!最啱一家大細或者做節黎食下小菜咁! 正呀!  繼續閱讀
(以上食評乃用戶個人意見 , 並不代表OpenRice之觀點。)
等級1 2016-11-20
1420 瀏覽
問佢點解出菜慢 佢話因為3張大枱 比本人感覺只為左大客而放棄細枱 隔離枱中好笑 差個大包 送到比客成個包都系豬手汁中問客要吾要 叫人加水聽到都吾彩你 真系比錢買難受 吾會再有下次 繼續閱讀
(以上食評乃用戶個人意見 , 並不代表OpenRice之觀點。)
等級1 2016-11-02
1504 瀏覽
太差的服務,埋單沒有得看單,沒有來的點心又不知有沒有収費。收銀那女仕好像我欠她錢,黑口黑面。I totally not recommend this restaurant, the service is terrible , no check will provide to check the price , and the cashier lady look like I owe her a lot of money, Hong Kong suppose is very good food and good service around the world , this visit really make a have a huge bad impression ! 繼續閱讀
(以上食評乃用戶個人意見 , 並不代表OpenRice之觀點。)
等級4 2016-04-05
5212 瀏覽
此文是小女子第150篇食評, 女人, 大事小事都要紀念, 150篇...人家濕濕碎, 肚裡無墨水的我真的有點難得!      (暗自計算一吓, 原來第100篇是在2015年3月9日寫的, 即是過去一年Post了50篇, 以我這個大懶人而言, 算可接受的了, 何況中間又停了好幾個月無寫 , 好~ 努力, 加油, 向200篇進發。。。Go Go Go~)150, 寫一間心水店吧!  反正庫存中尚有好些未出的食評, 就選一間我們都欣賞的, 是銅鑼灣的景逸軒~  而今餐, 是一餐生日晚宴, 盛惠HK$6,688 一席, 訂在超寬敞的貴賓房內~  先看看有些什麼好餸:牛肋骨不論在紅磡抑或銅鑼灣, 都已影了好幾次, 所以今次沒有影相, 皆因今餐母親大人為座上客, 她不好'相機食先', 本人當不敢太放肆, 不敢碟碟影, 只好選擇性影相, 而牛肋骨近年來在此兩店已吃了十幾廿次, 肉有肉味有肉汁、 次次都保持水準Very Good!    所以今晚要影'喜灼花竹蝦' , 一入口, 嘩, 快啲剥多隻  百花釀刺參, 有長輩在座的一款好選擇~  魚靚唔駛講嘢, 又彈又滑,一流飲番碗靚湯~ 好香呀~其實關於'有無翅'之討論, 本人覺得酒樓提供的翅湯真是未必滿足到大家, 喜翅者: 老老實實, 聰明煮婦會自己煲! 因為今時今日如果宴席銀碼唔夠大, 尤其是婚宴一皮嘢餐單樓下, 根本食唔到好嘢, 大家都明o架! 好幾次見到啲翅真係得嗰幾條碎濕濕咁寒酸不如你正正經經煲個湯俾我飲啦!   無翅論者: 近來有幾次食過某啲酒樓餐單為咗要扮有貴價嘢勉勉強強出個花膠燉湯, 但係花膠又唔係俾好嘢就扮上品, 哎,稀lum lum又試過、腥溫溫亦有喎, 搞咩啫?! ...咁不如。。。又係煲個湯啦!   寫嚟寫去我都係主張正正經經出個湯, 成本又唔駛好多, 但勝在實際!   好似今晚咁, 成班都是自己人唔駛客氣直接提議想飲個靚湯, 經理就幫大家寫個赤小豆粉葛鯪魚豬雜煲豬踭, 人人飲都讚好!!之後雞、飯、麵、杏仁茶都無影相, 而就一貫水準的好吃, 所以晚飯要食好啲、食豪啲, 景逸軒是我們其中一個心水選擇! 繼續閱讀
(以上食評乃用戶個人意見 , 並不代表OpenRice之觀點。)
等級2 2016-03-25
3086 瀏覽
性價比低的下午茶點心的賣相及味道,與地段,環境,價錢都不相符,絕對只係屋村街坊級酒樓的質素賣相扣分:一個精緻的賣相會令吃的人食慾大增,賣相不合格,味道非常一般,對在銅鑼灣呢個黃金地段,要求高少少一d都唔過份,好,再黎味道:炸雲吞及春卷,熱,脆,味道算是唔錯,粉果皮完全唔得,皮沒有煙un感,係一咬就塌下來,餡都較gel口,叉燒包味道ok, 只係皮太濕,食落去口感唔好,霉霉咁既感覺,我至愛的咸蛋黃壽包。公眾假期12蚊一個,呢個除左樣衰之外,都可接受,冇乜特別彈及讚的有燒賣及鳳爪,整體碟碟都熱,如果大中小點全部打8折,我會收貨,只係一切性價比低,下次唔會黎,除左做超特價 繼續閱讀
(以上食評乃用戶個人意見 , 並不代表OpenRice之觀點。)