景逸軒 (已結業)

今日來到紅磡metropolis 嘅海逸酒店裏食lunch,呢度地點方便，中心地段，環境清靜，傾計一流嘅地方，今日食左4點點心，之前有啲都未食過，今日食左炸南瓜，南瓜係幾好食，不過我唔中意大油膩食物，流沙奶黃飽就真係好好食，蛋黃真係慢慢流出來，不過提提你，小心熱親咀🥰🥰🥰,蒜蓉粉絲蒸鮮魷真係超級香😋😋😋💯💯💯，真係唔係間間酒樓有得食，仲有食紅油抄手，呢個肉質鮮甜👍🏻👍🏻，最後梗係食椰皇😄😄😄

今晚來到景逸軒dinner,有訂位，今晚食咗四個菜，佢嘅孖寶好抵食，我地叫左個孖寶B,有蒸大連鮑魚和砂鍋疆葱加拿大生蠔，鮑魚都算大隻，味道不錯👍🏻👍🏻，砂鍋疆葱生蠔🦪就真係無得頂🥂😋😋，極力推薦，叻外叫左海鮮雜菜煲和咕嚕肉，海鮮雜菜煲裏面有粉絲，蝦、帶子、魷魚、貴花蚌等，算係抵食，又要啲菜食下咁👍🏻👍🏻，咕嚕肉都係我最鍾意食❤️❤️，今日整體來說算幾好，兩個人都差啲食唔晒。無叫甜品🍮

今晚因為office做training 做夜左，所以揀咗景逸軒，貪夠近，行過嚟幾分鐘搞定，今日都係叫左個二人餐，再加少少嘢，不過今次個二人餐就麻麻地，原因係啲龍蝦好咸👎👎👎，加上連伊麵底都無👎👎，最初由288嗰啲加埋麵底錢都無現在咁貴👎👎👎👎，仲有條星斑仔，現在價錢貴左，啲菜式又差左👎👎👎👎，唔怪之得得幾枱，係有原因，之前平日夜晚都座8，9成滿，仲有侍應問我地要唔要椰皇燉蛋白，平時一早無晒，呢個餐下次唔會再食

今日又來到景逸軒Lunch,疫情下真係無咩地方夠呢度闊落，座係度真係食得安心又放心，今日都食左幾多嘢，有叉燒酥、蒜蓉蒸鮮魷、棉花雞、雪山叉燒飽、海蜇頭、蝦餃，甜品還有杏仁茶和桂花糕，真係飽到上心口，講返啲嘢食，今次唔知係咪廚房個蒸爐有問題，鮮魷和棉花雞都唔熟，同侍應講，佢哋都好好，即刻全部換過，都係值得加分，鮮魷幾入味，棉花雞都好滑，叉燒酥又香口，無得頂，最正我都係覺得食甜品，桂花榚唔太甜，好甘香，杏仁茶唔使多講，皇牌產品👏👏👏

今日weekend 又來到紅磡景逸軒飲下茶，今日兩條友都算食得多嘢，首先食個小食海蜇頭，少少麻辣，好爽好，不過份量真係少左啲，加埋一成50蚊鬆啲。跟著食左個蟹粉小籠包，堅正，汁多肉嫩，好易入口，跟著再食柚子蝦餃，其實無咩特別，係比傳統嗰啲蝦餃少咗一粒，我情願食返傳統嗰啲，另外用200積分換左兩隻乳鴿，最抵係呢個啦，跟著再吃紅油炒手，呢個點心其實係好食，但太多餃啦，最後梗係唔少得食返個椰皇燉奶，絕對無偷工減料

閒日中午，本來想揾任食，朋友話其實價錢差唔多，唔緊要，又咩都試下。車泊樓下，兩個人唔會飲好耐，最終冇抄。柚子鮮蝦餃(大點)皮好林又粉，個餡料又縮埋一舊，認真麻麻，得個樣。茶果子鮮蝦多士 （38元三件）還好！沒有特別，可能本身都沒有很喜歡。甘筍鹹水角 (中點）本身好中意食鹹水角，形狀差到甘筍型咁，打咭都可以。蜂巢炸香芋炸得香脆，好食鳳爪Standard. 冇乜特別總括而言，味道沒有特別出色，環境也一般，價錢也沒有特別平貴。

今日又來到紅磡景逸軒食午餐，今日真係要食返餐好，12:30左右到，無訂位，啲員工都好好招呼👍🏻👍🏻👍🏻，值得一讚，今日食左蜂巢炸芋角，我從來未試過，估唔到咁好食，好香；蜆芥鯪魚球必食，好彈牙，今次食左花膠灌湯餃，真係要連湯都飲埋🤣🤣🤣，真係熱辣辣咁上；仲試下菠蘿咕嚕肉，份量算幾足料👍🏻👍🏻🥂，最後梗係唔少得要椰皇燉奶啦，一早同侍應講落定兩個，點知佢落左一個，好彩仲有後補，總算唔錯

家姐在景逸軒飲過好多次茶，大贊點心做得出色、坐得舒適，我們今日坐在窗旁位置可以欣賞靚景，留意到枱與枱之間相隔有一定的距離，在抗疫時期亦可以食得安心呢款黑松露鮮蝦春卷，香脆可口，脆卜卜，蝦味十足再配埋矜貴嘅黑松露，好好味柚子鮮蝦餃，賣相可愛，餡料非常新鮮，咬落爽口又彈牙再叫咗一籠點心拼盤，有5款不同的點心，包括有好足料嘅水晶蝦餃、大大粒嘅蟹子燒賣、味道清新嘅姬松茸野菌餃，仲有幾款造型可愛嘅甜點，特別喜歡這個紅菜頭玫瑰饅頭，我覺得所有食材夠晒新鮮，好滿足

最近度度酒樓都割喉式減價😯出去食一餐分分鐘仲平過自己煮！———————————————.🔸澳洲龍蝦 $2500/5斤 (💡7.5/10)澳洲龍蝦價格一向高企但聽講最近平左好多😳而呢個價錢係圖中2碟份量龍蝦啖啖肉 肉質非常爽口😌再簡單用上湯伊麵墊底完美配搭🙆🏻‍♀️.🔸牛肋條 (💡8.5/10)睇落平平無奇但牛味卻出奇地濃郁😍而且炆得好淋 同時又有烤過既氣味超級有驚喜🥳🥳.🔸炸帶子 (💡5/10)外面皮唔脆 而且醬汁甜甜地味道唔太夾😖.🔸黑毛豬叉燒 (💡3/10)比較失望既一道菜😟好難得食到唔好食既叉燒肉質韌 乾身 又鞋烚烚🙁味道都好一般 仲差過街邊買個啲👎🏻.小插曲：因為限聚原因所以人數分咗兩枱但店員擅自將餸菜份量全部 x2（除左龍蝦）令到最後比多左錢又食唔晒！！

今日晚上8:00到景逸軒食四人飽魚餐，連加一茶錢都係800有找，即係每人200都唔使，認真超值，首先鮑魚賣相和質感一流；瑤柱蛋白炒飯炒得好乾身，一啲油嘅感強都無，簡直一個字形容 perfect 🤩👍🏻👍🏻👍🏻，包你第二間餐廳都好難食到咁嘅質素，條海星斑肉質好鮮味，好嫩滑👍🏻🎉🎊🥂，燒黑毛豬肋骨就都係正，重點是即燒👍🏻👍🏻😋😋，功夫湯夠火候，熱辣辣；最後是杏仁茶做甜品🍮👍🏻😍🥂🦞，一定會再返去食

今日兩人去紅磡景逸軒個個lunch ,12:30左右去到都仲有大把位，今日食左金泊燕窩蛋撻仔，蛋撻好鬆脆，蛋好香好滑；柚子鮮蝦餃夠特色，其實只係個皮橙色，我會中意食返傳統蝦餃多啲；xo醬石窩腸粉好新鮮熱辣，好入味；韓式煎釀三寶係幾特別，因為裏面用蝦來釀，不是用魚肉，食落好爽口，特別是配埋個汁好野味。最後不得不提就是一早落左椰皇燉雙皮奶，超正，總括來計都算食得超值。但有樣嘢酒店做得唔好就係要食滿600先可以有免費泊車2小時，建議泊商場好過

近排紅磡景逸軒推出左抵食二人或四人龍蝦餐，二人餐連加一和茶錢都係400左右，認真抵食。二人餐裏有上湯加拿大開邊龍蝦配稻庭烏冬，味道一流；豬前功夫湯就真係呢間酒樓特色，好夠火候，絕無味精，真係好鮮味；本人就食得健康啲，所以油浸筍殼魚就轉蒸魚，一樣咁好食；黑毛豬肋骨真係即燒，好好味😋😋😋😋，濃湯浸菜苗啲湯都好鮮，甜品仲有杏仁茶，總結括而然，每一道菜都係用心去做出嚟，在酒店裏面食飯來計簡直係超值，建議唔好walk in,預早訂位好啲。

今次中午二人去食左五樣嘢，雪山叉燒飽，味道真係一流；鹵水豬腳仔，好入味；雞扎就差少少，因為無一塊好食嘅肉；蜆介鯪魚球必食推介，堅正；炸蝦角又係好食，唔係好多酒樓有得食。由於我是金會員，仲有9折，抵，由12:30座到兩點半左右，本來想食多樣椰皇燉蛋白鮮奶，因為2:00先走去再下單，已經賣晒，建議如果要食的話，一定要落單時順便落埋幫你留起，然後叫起，咁就一定有得食，總結：這裡環境一流，員工招呼好，枱與枱好梳落，傾傾吓一流，下午收4:00

餐廳位於紅磡海逸酒店🏨裡面 環境幾舒適 又唔會太多人 係好適合同朋友食飯傾計的地方💬 龍躉佢地推出的龍蝦二人套餐好抵食🤤 只需$288(另外再加一同茶介) 小編即刻衝去試🏃🏻‍♀️1. 雪梨海底椰螺頭燉豬前赤功夫湯🍲上枱的時候用茶壺裝 仲以為係沖茶的🍵 原來裡面係湯 好特別 湯好足料👍🏻好濃郁 飲得出係老火湯 而且無味精😋 飲完唔會好口渴 幾驚喜👏🏻2. 紅燒脆皮乳鴿🕊️都算皮薄肉嫩 食落都叫做有Ｄ肉汁 但略嫌個皮唔夠脆 味道就不過不失💁🏻‍♀️ 唔算特別3. 上湯開邊焗加拿大龍蝦🦞(包伊麵底) 龍蝦🦞係開邊上都新鮮同爽口 而且好入味 加上有伊麵🍜做底 食完都飽左一半😋4. 大花尾龍躉兩味🐟- 金蒜雲耳蒸頭龍躉腩🐟蒜味🧄突出亦有木耳作陪襯 估唔到蒜頭同龍躉好夾 每一舊都鋪滿好多小蒜粒🧄 龍躉食落爽口彈牙 食完口腔內仲充斥住骨膠原既感覺❤️- 翡翠野菌炒龍躉球🐟龍躉🐟連同西芹不同的菇🍄炒埋一碟 龍躉依然入味 而且啖啖肉又大大舊 無咩骨 不錯👍🏻5. 楊枝甘露🥭🟡原本套餐係蛋白杏仁茶🍵 不過因為小編唔太鍾意杏仁味 所以就改左楊枝甘露 裡面有好多芒果肉🥭同柚子肉 幾好味 為套餐畫上完美的句號🔚

$288雙龍套餐，加埋一同茶茗，$356，抵食，可以一試，佢絕對對得起依個價錢！🤪一湯四餸一甜品，仲想點🤪.🦞上湯開邊加拿大龍蝦伊麵底 (4.5/5) 隻龍蝦啖啖肉，好新鮮幾大隻，啲鉗已經夾碎左啲殼，所以都好易食！配伊麵係絕配！🐥手把紅燒乳鴿 (4/5)上枱個陣熱辣辣，本身不太好乳鴿，因為有陣時會好咸同梅，依個完全無！雖然一開4，但都幾多肉下！🤪.雪梨🍐海底椰螺頭燉豬前赤功夫湯 (5/5)濃！好足料！好正！無得輸！全餐最正！💯💯💯💯💯連所有湯渣都唔放過！.🐟龍躉兩味(3/5)蒸蒜香龍躉貌相同味道都同過炒芹菜個碟，魚份量較少，味道無乜驚喜