影片
星期五午餐時間，行行吓搵食之際見到呢間cafe好靚而且環境舒服，又唔係太肚餓所以試吓由於放晏時間尚早，人唔多食物方面味道還好，飯團🍙不過不失，炸魷魚好食而且唔算油膩，份量偏少啱女仔，如果大食人士就未必夠食喇驚喜係飲品實在太正，好好味😋而且個樽好特別，飲完實在要留念🥰價錢方面同一般cafe 差唔多，飲品好飲而且大杯，可以接受👍🏻
繼續閱讀
服務態度差之餘飲品質素仲差，店舖老板慎重檢討下服務態度同飲品質素。去到舖頭問個店員有沒有黑糖咖啡，第一個店員沒有回答問題，他只說你排隊去收銀問， 到問第二個店員， 他在收銀旁邊，他也回答，你要排隊去收銀問。 但是這個問題是很簡單， 他們應該清楚知道他們的店鋪有沒有黑糖咖啡， 但他們的態度畀人感覺， 唔想做你生意。 只是問一個簡單的問題都要排隊問， 但是如果沒有黑糖咖啡就不用排隊做一啲無謂嘅事情。到最後沒有點到黑糖咖啡求其整兩杯嘢試下 但係味道勁難飲，冇下次。
繼續閱讀
黑糖奶茶($30)黑糖系列有大象樽，乳酸系列則是個像大益力多造型樽。可配珍珠、白玉或芋圓。選了芋圓，十分足料，差不多給了1/2杯都是芋圓😂蛋糕($48/2件)朱古力撻衝著可愛的小雞點的，味道正常，小雞馬卡龍比較甜及硬。苿莉荔枝戚風蛋糕倒是有點驚豔，蛋糕本身平平無奇，上面苿莉荔枝啫喱(?)卻味道香濃。總的來說，暫時選吃的食物味道正常，但店舖勝在有明確定位，食物造型上花心思。還未嘗其他可愛動物造型的食品，光看外觀已能勾起人的童真，感覺小朋友亦會喜歡😊
繼續閱讀
富士山芝士餅（$38)賣相：🐧🐧🐧🐧味道：🐧🐧🐧🐧芝士餅造型為迷你富士山，富士山上以糖膠花作點綴，賣相精緻可愛。味道方面，芝士餅口感軟身柔滑，有點像慕絲質感，入口牛乳奶味濃郁，甜度適中不會過膩，十分不錯。北海道牛乳5.0雪糕（$30)賣相：🐧🐧🐧味道：🐧🐧🐧🐧雪糕以透明膠杯盛載，滿滿一大杯，頂端附上雪糕筒一個，方便食用，不怕雪糕溶化導致弄髒。味道方面，雪糕牛乳味濃郁香醇，甜度足，雪糕質感香滑，喜好牛乳人士務必一試。輪候時間：🐧🐧🐧🐧🐧在平日下午4點幾購買，無需排隊輪候。即點即包裝製作，等候時間不長。環境：🐧🐧🐧餐廳裝修以富士山色調為主，設計簡約美觀。座位一半為沙發座，一半為普通膠椅，座位之間隔距比較窄。枱面面積較為狹獈，位置不太足夠。🐧❤️結語：富士山造型蛋糕美觀獨特，打卡良選。
繼續閱讀
喺MegaBox溜完冰之後口痕想食個下午茶，見到呢間Cafe嘅蛋糕賣相非常吸引就坐低咗。自選二款 $68呢個套餐可以喺價值$38以內嘅雪糕、蛋糕、同飲品之中揀兩款。我哋就揀咗富士山芝士蛋糕同伯爵茶拿鐵配白玉。富士山芝士蛋糕賣相好可愛，係免焗芝士蛋糕嚟，芝士味香濃，口感輕盈，如果餅底比例再多少少就perfect。嘢飲相比之下較為遜色，冇伯爵茶味，似港式奶茶多啲，唔記得嗌少甜，甜度極高。白玉正正常常，口感煙韌有糯米味。餐廳以富士山為主題，成間舖嘅裝修都係少女感滿滿嘅天藍色，而且每一件蛋糕嘅賣相都好精緻。不過餐廳係半開放舖位，環境比較嘈，同埋採用半自助形式，執枱清潔嘅頻率低少少。如果想嚟打卡都值得一試。
繼續閱讀