春風得意 (已結業)

春風得意💲: 137 HKD評分: 7.5 /10👍🏼坐得幾舒服嘅點心店 地方細細 一家三四口 啱啱好雞扎火腿條變左南瓜條唔錯 雞都蒸得好滑 應該係係雞脾肉 鳳爪排骨飯排骨好滑唔錯鳯凰千層糕其實係兩個奶黃包壓扁左 個包比正常奶黃包實d 個奶黃多左d椰絲 唔錯叉燒腸無乜味 都好嘅姐係無乜味精 要加多d豉油 鮮竹卷就係鮮竹卷無乜得別本來想食埋佢個叉燒餐包 上次食過熱辣辣好香好好吃 點知今次去得太晏賣曬唯有下次請早…查看更多

朝早起身好想飲返個茶，但又唔想幫襯d出名大店，想揀間小店。記得之前經過九龍城，有好多婆婆幫襯，就試試吧。茶位$4一位，算平，細細間，坐到十零張台。又來懷舊系列公雞碗同杯。款式多選擇，價錢親民，飲餐茶都唔貴！香滑奶皇包($16)，半流心，有蛋黃香味。趁熱食超正！春風得意腸($26)，中間個心係炸的，有蘿蔔絲。脆脆的，但不是炸兩，好特別！梅菜肉餅飯($27)，我鍾意食粒粒飯，岩哂我！梅菜不太重，肉餅好味，因為有d肥豬肉！得意燒賣皇($14)，有豬肉，有蝦，不過不失，$7粒唔貴！呢間真係唔錯，埋單$90，下次會再幫襯！…查看更多

幫趁咗好耐，以前都好味的，但最近幾次，真心覺得越來越難食！叉燒腸粉的皮好厚，又少叉燒，春風得意腸除左皮厚外，裏面的油炸鬼仲好韌，味道同之前呢個招牌㸃心完全唔同！超級失望！春卷完全唔脆又係好靱，皮超厚，咬極都唔斷開，D餡又少，燒賣D肉好實，馬拉糕又係明顯唔同左，好死實多粉又唔好味！買左成兩百蚊㸃心最後只得一半落到肚，食到一肚氣！即刻同店家投訴，佢地話換左一部份廚房，唔知仲係咪因為食材貴左所以將貨就價！咁求其又難食嘅㸃心，唔會再幫趁！完全唔合格！…查看更多

九龍城泰國野雲集，但今晚想黎一點特別既，走左去食春風得意，食點心春風得意呢個名富有中國風既味道。入到去，裝修簡單，枱既數目不多，但卻坐滿食客。枱上既杯碗都有顏色鮮豔既雞做主題，令人印象深刻。叫左鐵觀音，茶不會太濃，咁就唔驚夜晚訓唔著兩個人，就叫左六樣野。先黎左一碟牛肉腸粉，腸粉好薄好滑，牛肉都一樣，滑而充滿牛肉味，仲有小小莞茜既香味，好少地方食到呢種滑度既腸粉，讚蝦餃一籠只有兩粒，但蝦餃既皮好薄，蝦係新鮮既蝦，咬落去好爽，正牛肉球不得不讚一下！牛肉球相當足料, 好鮮味, 試過部分餐廳配既喼汁太濃蓋過本身牛肉同配料既鮮味, 呢間個汁岩岩好燒賣既豬肉好香，面頭既蟹子都好香，蝦味重芋絲春卷，一咬好脆丫！春卷入面有一絲絲既芋頭蓉，仲有唔油膩最後仲有北菇滑雞飯，菇好滑好爽，雞肉既脂肪好少，而且啖啖都有肉，再加埋春風得意既豉油撈飯，好香，好正丫！黎九龍城食飯，不妨考慮下呢間點心舖丫…查看更多

九龍城特色小店林立，點心店就喜歡這一家。好：樣子實而不華的點心很鮮味，並非用濃濃的醬汁或一味靠鹹。鮮蝦菜苗餃蝦肉新鮮，菠菜的味道突出，好吃過一般大酒樓同類出品。桂花紅豆糕是個驚喜，糕頂的啫喱帶着桂花的香甜，糕身滿是一粒粒的紅豆和豆沙，填滿一口的是豆而不是粘米粉，足料之餘只是微甜，讓人食出豆香。店員服務也細心，我們一次過在點心紙上選了鹹點與甜點，鹹點先到，食到差不多，侍應主動問我們可以上甜點了沒有。這細節的安排很體貼，不像很多食肆般一股腦兒把鹹甜點一同上菜。可以更好：以大眾化的價錢做出這個水平的食物和細心的服務，實是令人感動和滿意。如果硬要找需要進步的地方，那或許是腸粉的皮可以做得薄一點。總的來說，良心小店，會繼續幫襯！…查看更多

趕番工，但遲到了，不過都值嘅，因為食左想食好耐嘅糯米雞！佢D糯米夠粘口，正呀！再食個招牌腸粉，我覺得普通！再食埋個春蛋燒賣，都係普通！三樣入面，糯米雞，好明顯贏哂！…查看更多

前文提要: 話說慢吞吞的我, 寫了這麼多年openrice食評, 剛剛才寫過第100篇...怕自己再偷懶無限期亂寫, 因此給自己訂了一個目標, 由101開始先寫10篇'俾笑面的', 接著10篇'俾OK'的, 其後10篇寫'俾喊面'的, 完成這個編排才隨便再寫, 這是我的planning; 進度如何呢?  幸好夾著少許衝線餘慶的心情'笑臉篇'已順利完成, 10篇OK亦已出了4篇, 這篇是第115了, 而且在電腦的相片folder中已編定了餘下所有OK篇的餐店...於此同時...看到一個共通點, 'OK篇'10間全是在九龍城區的, 即是這區要搵食都幾OK呢!  怪不得當大家搵食時很容易會來這個'食點'...嘻嘻...半個街坊的我都沾上點點光采!  題外話都寫那麼多, 所以我這麼慢才出到一篇, 哈哈!!! 早前寫完羊鞍, 當然輪到隔鄰的春風得意, 這是一間早七/晚十時半的點心店, 店面不大, 晚市我通常都先打個電話來留枱,  假期午市超過12:30就多數爆滿, 是這店的搵食貼士!  點心十幾元起有交易, 無加一, 算抵食  春風得意腸故名思意是鎮店之腸每次來都必叫但近來吃到有點悶悶地了...不過始終都算是'必食', 嚟到要叫呀~蝦餃大大粒, 蝦餃皮唔會一夾爛蓉蓉但又唔會'un', 一籠兩隻, 唔錯的一款點心!  懷舊點心鴨腳紥, 好味! 沙律明蝦角, 包到肥嘟嘟, 炸到脆卜卜, 必吃之一糯米雞, 大大隻, 饀料算多, 必吃之一...煎蘿蔔糕, OK啦煎韮菜餅, 都幾靚, 又係必食之一北菇棉花雞, 都唔錯生煎包, OK, 當然...南小館的好吃多了南瓜排骨蒸飯, 章魚肉餅飯, 飯粒蒸得唔錯, $26元, OK啦!叉燒焗餐包, 翰騰閣的好味得多, 這個一咬感覺到包身發得不算好, 新鮮熱辣放得入口咁啦...魚肉釀茄子,  雖則茄子大大件好抵食咁但魚肉煎得太乾身, 可叫可不叫鮮竹牛肉球, 鮮竹幾好味但牛肉無咩味, 又係可以放得入口 皮蛋瘦肉粥$20及蒸齋腸, OK可以...小籠包, 無咩湯汁, 一般啦...招呼方面, 一男一女樓面都算勉強照顧到, 今晚好忙無來主動收碟但招手要加茶加水攞碗仔辣椒醬都一一搞掂快手快腳無甩漏.  有時'茶癮起'及人少少我幾喜歡來這店或譚點這類點心專門店多過上酒樓, 因為一碟兩或三件可叫多些款式, 彈性大些; 可惜的是春風得意比起最初開店頭一年的水準已回落不少, 當時'精'很多, 現在就"OK放得入口咁啦"; 可取之處是店門幾乾淨、坐得舒服、 價錢亦算幾相宜, 好似今餐8個人五百零蚊叫到成枱點心, 作為晚餐每位計大概65元,  一家大小開開心心熱熱鬧閙、 點心夠熱夠新鮮而味道質素不過不失, 仲唔OK?!     當然...附近又有譚點又有點心居又有嘉豐...但譚點有少少轉咗型, 另外兩間就要去到至搵位, 人數一多已不在考慮之列; 我哋呢類打工仔, 好似今晚突發想同家人見個面食個飯飲個"夜茶", 叫屋企唔好買餸, 春風得意絕對是一個方便之選!   因這店晚市接受訂枱!  試想想十個八個家人企晒响條街迫响人家店門口唔知等幾耐至安排到位, 仲要'人齊至俾入', 部份人收工時間又有點參差, 前後腳差15分鐘本來都唔過份, 但唔駛返工的老人家拖住件細嘅, 唔通要佢因為"等齊人至俾入"叫佢地在街吹風或翳焗15分鐘?!  在這情形下, 方便就是首選!   所以我會去春風得意, 就係咁啦! …查看更多

哈哈哈哈，訓醒左就同朋友來嘆返一盅兩件，一直好想來里間，因為好想吃它既鳳凰千層糕(≧∇≦)。出面已經好少見有，它既蛋黃真是好香，不過就略嫌有點硬同乾身，但都是好中意:)牛肉腸粉(￣∇￣)，點皮好滑好正!!!!!讚其他個點就不過不失，，咩無特別。…查看更多

又放飯啦！今日放飯食咩好？不如飲茶啦！依間店距離公司兩條街左右，話遠唔遠，話近又唔近。但大熱天時，有咩吸引到我地去呢？再於佢個環境夠清靜同舒服！播着純音樂再加上乾淨的環境，令人食野都開胃啲！等等，個到有咩特別好食呀？米又係個啲點心……無錯！係又係個啲點心呀！但當然有啲係我覺得個到先好食啦！首先！就係柴魚花生咸骨粥，粥煲得好棉，而且咸味剛剛好！花生也很淋！配合蔥花，簡直一流！第二樣覺得好食既就係奶皇包！奶皇包當然要熱先好食啦！！！！！！咬開後見到棉棉的奶皇，真係好想食多個！奶皇包甜味剛好，又軟棉棉的，加上我個人認為大小剛好，不會太大食唔晒。第三樣覺得好食既就係小龍包！！小龍包係豬肉，而且咬落去超多汁，又好足料！依到環境好，食物又好！價錢都ok！茶錢一位只係$3，兩個人去食埋單都只係$133，而且都食咗唔少野下……所以抵去！…查看更多

七月的中午，陽光熾熱，走上街頭人彷彿一下子溶化了。到了九龍城，找到這間點心專門店，甫坐下，給枱上的小型雞碗吸引，明顯地，店鋪花了點心思。點了招牌點心「春風得意腸」，原來是類似炸兩，中間加入蘿蔔絲餡料，味道不錯。此外，焗叉燒餐包富色澤，賣相不俗。柴魚花生粥則粥底綿密，雞絲粉皮則皮太厚，煎藕餅則油膩了一點，可再改善。值得一提是服務。店員服務勤快，不斷給顧客沖水，中午繁忙時間，亦沒有刻意要求客人坐滿每個座位，令人吃得舒服。儘管門外有大人小孩數人，店員都能考慮平衡需要，才請求其中兩位女士坐過一旁 騰出一枱四個位子予等候的人客，服務不可謂不周到。店鋪服務，是靠細緻周詳的考慮，與客人真情互動的接觸，日積月累地提升及改善，絕非連鎖經營的機械式「七日鮮」式訓練可媲美。:)…查看更多

「吓，九龍城食乜鬼嘢甜品呀？ lunch 都未食！」原來住喺九龍城嘅朋友叫我飲新派又傳統嘅中式下午茶！「潮，食點心就食點心啦！咩新派又傳統呀？」一入到舖頭裏面，有種簡約舒適嘅感覺，環境裝修完全適合同朋友屋企人傾計詳談！而且全部嘅器皿都喺公雞碗公雞杯公雞茶壺，真喺又新派又傳統！食點心，又點可以冇燒賣同粉腸呀？所以我哋叫咗《得意燒賣皇》、《春風得意腸》同《章魚肉餅蒸飯》。聽收錢嘅哥哥講，原來佢哋嘅出品好堅持傳統做法，《得意燒賣皇》裏面嘅豬肉全部經人手打，不經機械！所以食落好有口感！同大型酒樓真喺有所不同。咁啱叫咗嘅 《春風得意腸》喺主打之一，亦喺佢地自家研發！用料應該喺腸粉包住炸兩，裏面再有軟淋淋嘅餡料！唔知餡喺乜，但只知咬落超有層次感，好明顯食到軟脆淋，按次序嘅口感！非常有創意同特意！最後依個 《章魚肉餅蒸飯》又喺一絕！ 章魚肉餅咬落非常彈牙，而且好有章魚鮮味！可見用料新鮮，師傅功夫一流。固然手打嘅餡料真喺零舍不同。喺依家商業社會嘅香港，每事都追求速度同電腦化機械化。傳統手藝，人情味嘅老店賣少見少。雖然依間點心舖唔喺咩百年老店，但承傳咗上一代嘅風味。少少嘅一餐真喺回味到細個時候，同屋企上茶居嘆一盅兩件嘅情壞。…查看更多

其實唔係成日係九龍城食野, 咁岩又想食點心, 行到呢間見到都多人, 所以就入去, 咁岩有人走,唔洗等位.價錢唔太貴, 叫左幾樣野, 招牌係春風蝦餃, 得意燒賣, 所以都叫左黎試下~仲有春風得意腸, 皮蛋粥, 咸水角, 落單後冇耐都後加左個古法馬拉糕.一開始d野都黎得好快, 春風蝦餃幾好味, 蝦都好大粒, 風得意腸入面好脆, 皮蛋粥都有鮮味!差唔多食左半個鍾, d野都黎晒, 但個咸水角同燒賣未黎, 問個呀姐幾時到, 因為仲有半個就要走, 佢答"蒸好咪到囉". 態度差! 其實可以幫我地睇下係唔係溜左單之類姐, 唔洗咁答呀! 因為怕埋單耐都照埋左張單先.再過多3個字, 咸水角黎左, 皮厚, 麻麻地, 再吹下個燒賣到未啦, 因為我未趕時間要走啦, 呀姐又答" 咁你未走囉" 好唔開心, 就算野食係ok都唔會再黎.…查看更多

收工後獨自一人又去食宵夜，今晚來了【春風得意】食點心，位於九龍城福佬村20-22號道上，之前逛街都經過幾次，經過時我也是被公雞碗及一些舊式的暖水壺的display吸引了我去留意此店，店外放了一些點心紙，那樣我拿起看一看，點心款式不算好多，但價錢都好大眾化。店內地方不算好大，大約坐廿至三十人，地方樓底都幾高都不會覺得焗促，天花板上更掛上了吊風扇及木製的枱櫈更增添懷舊氣息，除了懷舊的氣氛之外，小店的另一邊的牆身更是漆上淺紫色，感覺都幾舒服時尚，中西合壁的裝潢真是好有趣。點心都是即叫即蒸，此店更強調點心製作沒有加上味精，更讓食客食得更是健康。牆身上黏貼了一些紙介紹了今天的推介，例如叉燒餐包、腊味飯...... 餐具是最有心思，用上懷舊的雞公碗及杯，令人最吸引之處。點了的點心都好快送上，來我介紹一下.....春風鮮蝦餃($13兩件)的餃皮也算晤薄，但蝦肉就不算好大粒飽滿，蝦肉都爽口夠鮮。雞球滑大包($19)用的是雞脾肉，雞肉算嫩滑，但薑味較重，內更有臘腸，有蛋香，可是個包身不夠鬆軟，有點實。 :(  春風得意腸($24)的樣子有點似炸兩，腸粉皮都拉得夠薄，內有薄薄脆口的炸腐皮及蘿蔔絲，炸腐皮的脆口夾雜蘿蔔絲的口感真是有趣。入口有腸粉的細滑、脆口的腐皮、再加上蘿蔔的爽口，入口的層次真是好豐富。而且又不會好油膩。 :) …查看更多

之前才說過近期沒帶小友喝茶吃點心，沒想到經過上次去完"點一籠"之後，今個週末與小友的撐檯腳午餐飯局，吃的又是點心....小友上堂的地方就在龍城附近，吃飯的地點當然便在這個除了自家屋企以外最熟悉的地段了...位處於福佬村道的"春風得意"，年多前曾去過一次，水準是soso的。相隔多時，不知食物是否有改善呢 ?每次喝茶前都會問小友喜歡吃甚麼....每趟他都答道 : "义燒包"....於是乎首次就點了一份义燒餐包。小弟最不喜歡的就是塗在包頂上的糖漿....說老實話，是不用那麼重手吧 ?!弄得好像在吃甜品一般....不過其他項目如包身及餡料都做得不俗 --- 前者軟綿吃完後像一咲風似的；後者是真的吃到細粒义燒，醬汁亦不調得太乾身....菜心淥得太淰已是不會好吃的了。吃這味只是志在有點菜蔬纖維下肚而已....有小友在場的日子，怎能沒有燒賣押陣 ? 幸好餡內蝦肉含量不多，可以放下心讓小友成件啪入口。肉啄得夠紥實而肉汁也算豐盈，也是不錯....捨棄了常叫的鳳爪排骨而轉要了馬蹄肉餅飯。飯炊得有點偏硬不夠軟熟對小友是一個難題來的:(。幸好舖面的肉餅很夠厚身而彈牙，肉本身也挺新鮮的再加上有爽口馬蹄粒的點綴，所以亦未至於全軍覆沒的...隱然認為食物水準是比上次來時更有改善。在同區有好幾間點心店競爭底下，這個當然是好現象了...…查看更多

八號信號除下之後，鬆弛又不用上班，我們就決定出去走走。其實已預計到有不少餐廳還未開門，所以我們就選了食肆比較集中的九龍城，心想怎樣都會有一間半間餐廳開吧！大部分的泰菜館都沒有開，由富豪酒店那邊一直走，幾乎走到最後一條橫街，才被我們發現了這點心店。其實都有留意過這家點心店，開業應該有一年以上，但來到九龍城又不會吃點心，所以一直沒來試。將近下午三點，來吃點心的人不少，我們還撞到無線藝員羅樂林呢。店心選擇不多，不太吸引我們，只有興趣試試押上店名的春風得意腸，而鬆弛就另外點了蝦餃和腐皮卷。每位茶錢只是$3，還算便宜，只是我們點的香片泡過一陣就開始苦澀。蝦餃。一籠兩粒，澄麵餃皮不算晶瑩，一口咬下來，裡面的蝦餃餡就從另一邊掉了出來，好一個皮肉分離，至於味道方面是不過不失。鮮蝦腐皮卷。腐皮看起來好像炸得很鬆化，只可惜油膩非常，剩下的油鋪滿碟底，吃完之後感覺相當邪惡。不知道是腐皮包得太厚，還是還未炸得透，中間的部份有點韌，要用點力才能咬開中間的腐皮。春風得意腸。非常巨型的腸粉，每件都有半個拳頭那麼大。似乎很久沒有吃過這點心了，印象中腸粉裡面是包著春卷或者腐皮卷的，不過這裡包的是油炸鬼、腐皮和蘿蔔絲。油炸鬼不夠脆，中間的腐皮應該是炸的吧？但現在的腐皮都被蘿蔔絲浸腍了，整體失去了春風得意腸該有的脆脆口感。另一方面就是伴吃的豉油，不知為何特別的甜，因為蘿蔔絲本身都已經帶甜味，醮過豉油之後整件腸粉都甜甜的，味道有點奇怪。既然稱之為春風得意，理論上這個點心應該是做得最出色最好的，但就今天所試，水準只屬一般，雖然跟別人的不同，可說是有點創意，但味道和口感方面都真的要改良一下才行。…查看更多