春芳號 (裕民坊YM²)

今日喺觀塘搭小巴，喺附近見到有一間春芳號，於是點了兩杯飲品，拎返屋企飲。1.地瓜珍珠奶茶地瓜珍珠奶茶的口感超滑，珍珠Q彈，香甜不膩，真是很滿足！2.玉荷青蘆薈蜜朋友叫的玉荷青蘆薈蜜清新爽口，放完工喝一杯好開心🤣蘆薈好有咬口，好鍾意食！3.還有一份火腿芝士多士火腿芝士多士，外脆內軟，火腿和芝士的搭配恰到好處，撐得剛剛好。整體來說，春芳號係手搖飲品方面都做得幾好不僅好喝好吃，還很有特色，下次經過都會再買。…查看更多

Lunch Time行咗去裕民坊個邊，比朋友引誘飲廢水，見到春芳號加少少仲可以有埋Toast，買埋返去做下午茶一流呀！.➜第一次試豆花奶茶，估唔到豆味都好濃郁！豬太郎仲加咗珍珠，一杯飲品有齊多款口感，爽呀！而黃金柚子茶同甘蔗檸檬都好啱夏天飲，清爽又酸甜，食完Lunch嚟飲都唔會太大負擔！.➜芋泥肉鬆吐司吐司外酥內軟，內餡是香濃芋泥同肉鬆，甜而不膩，濃濃芋頭香味加埋少少鹹嘅肉鬆，做下午茶一流！.➜紅豆芝士吐司鹹甜配搭嘅仲有紅豆芝士吐司，經熱壓嘅嘅芝士熱辣辣又拉絲，同紅豆餡融埋一齊，仲咬到一粒粒嘅紅豆，口感更豐富！…查看更多

裕民坊好似係唯一一間手調飲品😍🥤同埋屋企人食完飯一齊去飲返杯先🤣🤣夏天緊係要飲啲fresh啲嘅啦Menu有好多唔同種類嘅飲品🥤啲名仲好得意嗌左幾杯share一齊飲😋😋檸檬寒天評分：⭐️⭐️⭐️⭐️⭐️夏天飲真係超級正，酸酸甜甜好醒胃仲要有煙煙韌韌嘅寒天入口，口感非常好.柚見妃子笑評分：⭐️⭐️⭐️⭐️⭐️柚子味好重好正，仲有啲好似jelly咁嘅食下，令到整杯嘅口感昇華蘋果金鳳椰果青評分：⭐️⭐️⭐️⭐️⭐️睇到呢個好fresh嘅感覺，入面好香鳳梨味仲有啲椰果咬好有口感.紫薯珍珠奶綠評分：⭐️⭐️⭐️⭐️⭐️紫薯味好重而且珍珠好煙韌好有咬口.吐司熱辣辣個麵包皮好脆內餡好多，咬落去甜咸一齊好好食，兩種感覺又好match😋…查看更多

📍春芳號（觀塘）呢間外賣舖有吐司同手搖，今日放工買嚟試吓🥰🥰 即叫即製，賣相好靚好吸引😍🧋（凍）柚見蜜桃清新可口，融合了柚子的酸甜與蜜桃的香甜，口感爽滑，特別適合在炎熱的天氣中享用😚😚🥪芋泥吐司外酥內軟，內餡是香濃的芋泥，甜而不膩，帶來濃郁的芋頭風味～非常適合作為早餐或下午茶的小食🧋 （凍）桂花奶茶香氣撲鼻，桂花的芬芳與奶茶的細膩相結合，帶來一種獨特的飲品體驗。清新又不失奶香，好推薦😍🥪火腿芝士吐司外脆內軟，火腿的鹹香與芝士的濃郁相得益彰，每一口都充滿了滿足感，非常適合作為小食…查看更多

行街行到有啲口渴，黎到位於裕民坊嘅春芳號買啲台式飲品~  見到啲杯身畫得好靚仔，仲有唔同款，而且原來除咗台式飲品，仲有台式熱壓吐司點添。凍珍珠奶茶，珍珠粒粒分明，煙煙韌韌，奶茶非常香滑，茶味十足。凍柚見蜜桃，柚子加蜜桃，鮮果味爆登。凍柚見妃子笑，係柚子加荔枝，好清甜，解暑一流。凍甘庶青茶，甜得黎只有帶少少青草嘅苦澀味，非常潤口。我地唔夠侯再點咗吐司，吐司外圍烘得焦脆，芝士火腿餡十分流心，而芋泥肉鬆口感綿滑，加咗芝士更加creamy~…查看更多

自從有次係台中飲過春芳號之後就好鍾意佢啲野飲😍😍香港定價唔會太高又好飲！而家仲出埋吐司🍞好正😁。🥢地瓜珍珠鮮奶茶 $40地瓜味濃郁，珍珠咬落去有彈性，配合鮮奶嘅香滑，飲落去好有滿足感。甜度剛好，唔會太膩。。🥢甘蔗檸檬 $38甘蔗檸檬既甘蔗嘅天然甜味配合檸檬嘅酸味，飲落去好開胃。。🥢熱紫薯珍珠奶綠 $36熱紫薯珍珠奶綠真係好有特色，紫薯嘅香甜味同奶綠嘅濃郁味道配合得好好。熱飲嘅感覺令整體更加暖心，仲有珍珠喺入面，食落去好滿足。。🥢玉荷青蘆薈蜜 $38蘆薈嘅口感滑溜，搭配玉荷即係荔枝既甘甜，飲落去係一種非常舒服嘅感覺。。🥢芋泥肉鬆吐司 +$20呢個芋泥肉鬆吐司真係一個好嘅搭配！芋泥滑滑嘅，肉鬆嘅鹹香味令整體味道更加豐富，搭配脆脆嘅吐司，口感層次感十足，食完真係唔夠喉！。🥢火腿芝士吐司 +$17火腿芝士吐司就係經典嘅組合，火腿鹹香，芝士拉絲又濃郁，吐司外脆內軟，食落去好滿足簡單。…查看更多

春芳號的茶飲採用在地原材料及香醇茶葉製成，一直深受香港人歡迎，每間分店採用融合華麗現代感與懷舊復古風格，每一杯飲料都滿滿藝術感紫薯鮮奶綠$34紫薯鮮奶綠，紫薯清香不膩，仲有陣陣鮮奶餘香，入口唔會太甜蘋果金鳳椰果青$38 蘋果同台灣金鳳梨非常創新組合，台灣金鳳梨🍍 嫩滑無渣 ，甜美細緻的果肉橙柚青蘆薈蜜$38葡萄柚的酸甜加上荔枝的清甜非常香甜春芳號三文治都會係打工人唔錯選擇，購買飲料就可以優惠價加購，幾款台式三明治都好吸引，芋泥紅豆🫘滿口綿密；火腿芝士，芝士濃香…查看更多

觀塘裕民坊重建之後變成一個好靚既商場，仲有得涼住冷氣等巴士，而喺度插旗嘅春芳號，自然係我哋買手搖飲品消暑嘅首選啦！我哋分別叫咗四款飲品加一款小食，未試味道，已經被包裝驚艷了！幾個閨蜜一人一杯，好睇又好飲，影相一流呀～！杯嘅包裝非常有心思！有舊觀塘嘅景物，色彩繽紛🌈四杯都唔同顏色，勁靚！［珍珠奶茶］作為手搖飲品店必備item，珍珠奶茶控嘅朋友都話奶茶濃郁香甜，珍珠彈牙，好飲！最好笑係朋友飲完一杯都唔夠喉，話希望春芳號出一桶奶茶［紫薯珍珠鮮奶綠］另一位朋友都係叫咗有珍珠嘅飲品，珍珠堅韌好𡁻，紫薯味出乎意料咁香濃！奶綠口感絲滑！不過如果唔太好甜既朋友仔，建議揀少糖~［蘋果金鳳椰果青］炎炎夏日當然要支持吓熱帶水果啦！我叫嘅呢杯飲品就似足熱帶雜果甜品～椰果份量好足，每啖都食到果肉，甜到入心呀！［蘋果蘆薈青］另一位都係揀咗比較夏日感覺嘅飲品，蘋果同蘆薈都係好滋潤嘅食材，果然好！清！爽！！！蘋果既清甜同蘆薈果肉夾到啪啪聲！今年個夏天咁熱，大啖大啖咁飲呢個真係冰爽暢快透心涼！［紅豆芝士肉鬆吐司］春芳號仲有幾款吐司可供選擇，如果買飲品加購仲可以平幾蚊！吐司塞滿晒餡料，仲要係新鮮熱壓，可以一次過買到食物同飲品，夠晒方便快捷！呢款係比較少見紅豆肉鬆仲要加埋芝士，咁特別梗係要試試啦！邊邊烤得好香脆，吐司依然鬆軟，至於餡料就非常地咁充足！三樣餡料加起來係好夾！誠意推薦！值得一提係型格店員姐姐手腳好快，三兩下手勢就做好我哋order，仲幫我哋入好晒袋方便拎返屋企～唔駛點等就可以解到渴，加分！…查看更多

早放工經過裕民坊，搭車返屋企之前去春芳號買嘢飲比屋企人做下午茶🫖 發覺佢個多士 set with drink 感覺都幾抵，無論加咩嘢飲，都係均一定價，感覺幾抵玩。於是我叫左3個sets 三個set 自中、我覺得最好食係芋泥芝士🧀 芋泥味道大概係微甜，但裏面嘅芝士就有少少鹹味，兩者配搭都算幾襯。另外我覺得紅豆肉鬆都唔錯，都係差唔多嘅鹹甜配搭，加屸肉鬆其實都幾百搭。野飲上百香果蘆薈蜜都幾解渴，微甜都算ok :) 我喺屋企飲完一半之後又再加啲熱水落去都ok另一杯幾好飲嘅叫做豆花奶茶，係新出嘅。奶茶味甜感覺都幾正常，甜度有啲似茶餐廳凍奶茶少甜。在於奶茶加入豆腐花，粗飲管插到落底可以啜到，感覺有啲似食緊奶茶奶凍。…查看更多

夏日炎炎，每一刻都想飲手搖解渴。正值下午茶時段，便走到位於觀塘裕民坊商場的春芳號。布丁奶茶半冰少糖這款飲品融合了濃郁的奶香和Q彈的布丁質地，令人回味無窮。少糖的配方恰到好處，不會過於甜膩，反而可以更突出奶茶的醇厚風味；既清新解渴, ，帶有一絲甜意。是夏日消暑的好選擇。火腿芝士吐司 外層金黃的吐司，搭配芝士溶和火腿，增添層次感。每一口都飽含濃郁的芝士和煙熏香氣，讓人食指大動。紅豆芝士肉鬆吐司這款吐司同樣擁有酥脆口感，餡料的組合也別具創意。紅豆的香滑加上芝士的濃郁，再拌入鹹香軟滑的肉鬆，口中化開的感覺非常愉悅。整體口味均衡，無論是甜品還是主食，都能滿足。…查看更多

天氣暑熱 行到滴灑汗 周圍搵野飲解暑好彩行經裕民坊見到呢間台式飲品過江龍春芳號樓面好靚好吸引而且d野飲都幾多選擇仲要有d特別野飲 出面好少見既款式 所以買黎同家人分享😻叫左葡萄蘆薈蜜，地瓜珍珠奶茶，百香蘆薈蜜，檸檬紅茶，加$17仲可以試埋芋泥吐司同紅豆芝士吐司地瓜珍珠奶茶好特別 好濃蕃薯味 估唔到同奶茶咁夾 好岩我呢個蕃薯愛好者！估唔到吐司有驚喜 特別係紅豆芝士吐司 爆多紅豆 唔會太甜 仲要熱辣辣 用黎送野飲一流👍🏻…查看更多

位於裕民坊商場地下春芳號，裝修以花鳥主題，今次試左幾款人氣飲品！柚見妃子笑以柚子蜜為底加入少許蜜糖調製而成，酸甜適中，清爽宜人柳橙綠以橙汁為基底,配上綠茶，口感清爽不膩紫薯珍珠鮮奶則是以Q彈有勁的珍珠配上香甜的紫薯泥，綿密口感絕對係芋泥控最愛係春芳號買飲品仲可以優惠價換購春芳號吐司芋泥肉鬆吐司採用香濃的芋泥與鹹香的肉鬆完美融合，口感軟滑綿密。另一款火腿芝士吐司，芝士香濃醇厚，完美組合！觀塘協和街33號裕民坊YM²地下G2號舖…查看更多

夏天真係冇乜胃口食嘢，同個同事係商場食咗啲小食之後就行經呢到買飲品。見到啲都好有夏天特色嘅飲品，金鳳系列，葡萄系列，睇到都覺得冰涼吸引，我哋亦都揀咗個吐司一齊食。等飲品期間留意到佢哋嘅裝修都幾有藝術氣息，連啲飲品杯都經過精心設計，賞心悅目。葡萄蘆薈蜜粒粒蘆薈肉有咬口，配埋香甜嘅葡萄汁，令人飲到一啖接一啖，個人覺得夏天都係比較適合飲果汁／茶，但如果可以揀甜度就好喇。蘋果金鳳椰果青菠蘿味道非常清新亦都好香好突出，仲有蘋果嘅香甜味，兩者夾埋非常，而且仲有粒粒椰果咬下，真係非常滿足。飲到個口甜甜地啱啱好食啲鹹點揀咗個紅豆肉鬆吐司，烤得非常香脆，裏面嘅紅豆餡好多，係紅豆蓉同紅豆粒中間，夾埋肉鬆鹹甜，又有咬口，口感同味道都豐富，好食！…查看更多

今日lunch同同事一齊去附近呢間春芳號買肥仔水，慶祝星期五嘅蒞臨。未飲之前已經俾佢哋嘅包裝吸引住，好有藝術感同埋有特色，除咗茶飲之外，原來佢哋都有推出吐司，都幾吸引。我哋嗌咗三杯嘢飲，分別係紫薯珍珠鮮奶綠$40、地瓜珍珠鮮奶茶$40、豆花奶茶$34。 《紫薯珍珠鮮奶綠》 $40紫薯味都幾出，但係又唔會搶咗綠茶嘅味道，平衡得好好，而且值得一讚係啲珍珠好煙靭，有微微嘅黑糖味，揀咗微甜真係只有輕微嘅甜度，啱晒我。 《地瓜珍珠鮮奶茶》$40同紫薯一樣地瓜味都係幾突出，呢杯因為係奶茶，所以就冇綠茶咁香，但係整體黎講都好飲，甜度適中。 《豆花奶茶》$34呢個我哋轉咗鮮奶茶加$4，佢嘅豆花好香豆味，同埋好滑，好似食緊豆腐花，配埋奶茶真係幾唔錯。 另外我哋嗌咗紅豆吐司同埋芋泥肉鬆吐司，即叫即整好夠熱，餡料好多，好味！有機會帶埋其他同事嚟試。…查看更多

外賣下午茶返office🧋😆買飲品可享加配價換吐司，吐司要等5-6分鐘 因為即整佢哋店外觀唔錯 ，飲品杯好精緻 見比都好開心甘蔗青茶 - 店內人氣排行第三，微糖去冰，另外加咗桂花凍，甘蔗本身帶甜，可能無糖都夠，味道清香，推介！蘋果金鳯椰果青 - 呢款係固定甜度，個人覺得係偏甜，主要飲到清香嘅鳯梨味，仲有鳯梨肉，椰果都有1/4杯，青茶底味適中芋泥肉鬆吐司 - 台式的配搭，餡料幾多喎，啖啖肉鬆，芋泥甜度適中紅豆吐司 - 糖口味小朋友比較適合 怕肥女士就唔好😆…查看更多