春芳號 (昌隆工業大廈)

營業中

休息中

今日做完嘢，諗住去買杯手搖飲品返屋企，經過見到呢間嘢飲冇人排隊就行咗過去啦。呢間舖頭嘢飲選擇唔多，大多數係茶類飲品，今次試咗佢哋嘅桂花烏龍奶茶，點知就出事啦本身已經叫咗少糖，但係一飲係勁甜！佢嘅甜度係好似落咗10包糖咁甜！即係手搖飲品其實好難整到難飲，但係佢真係難飲到一啖都飲唔到落口……講真其實佢價錢唔算平，加埋珍珠要$36一杯，但係完全唔值呢個價錢！除咗錢之外完全諗唔到其他味道，完全想像唔到，如果正常甜係有幾甜，絕對唔建議大家過去呢度買嘢飲

每次買完呢間店既出品心情都會變好，因為隻杯實在喺太靚啦！！！🥳原諒我系顏值控當然除咗杯子，出品都好重要，喺而家大環境黑糖時代，呢類特殊嘅搭配組合（有紫薯、地瓜、桂花等等口味）實喺深得寡人嘅心，呢次系我第二次換呢個卡啦，只要滿10次就可以免費獲得一杯飲品，唔限銀兩，簡直太實啦。（不過如果另外加料仲系需要加錢嘅，因為我第一杯系桂花鮮奶茶，裡面冇包含珍珠，我另外加咗珍珠只需要俾翻珍珠錢就ok）每次都系唔同嘅杯，唔同嘅驚喜🥰仲也有之前既城市系列，我曾經獲得一個黃色嘅，我感覺下一秒就要登基啦🤣我經常去荔枝角店哩間，嗰度d店員都好好哦👍而且開門都好早，有時候可以買個吐司組合一個早餐都幾開心嘅🥰

Happy Friday! 食食下飯突然好想飲杯奶茶，醒起附近依間春坊號，即刻用Openrice落單，叫左杯半糖熱錫蘭奶茶，食完飯再落去拎，過程只需10分鐘，超方便。個杯既圖案設計夠哂有心思，顏色鮮艷，睇見心情都靚啲，奶茶好香好滑，茶同奶既份量岩岩好，唔會互搶味道，飲完即刻有番精神繼續做野。

一間位於荔枝角的台式茶飲店，因為附近係工業大廈，所以佢地營業時間係早上7:30！所以如果你突然一起身就想飲珍珠奶茶，呢間茶飲店幫到你！而且仲有吐司套餐！ _________________ 芋泥肉鬆吐司套餐 HKD20(原價33) + 桂花紅茶 HKD25 芋泥肉鬆吐司即叫即整，前後我都只等了4-5分鐘的時間，食物同飲品就出爐了，吐司邊脆身，芋泥味道較清，肉鬆甜身，作為早餐還算健康！桂花紅茶茶底濃，夠真材實料，飲得出有桂花香，夏天解暑的選擇！ _________________ 推介指數：❤️❤️❤️ (五個心心為滿分)

好冷的天气 最适合来一杯稳稳温温的奶茶了 恰好看见这家奶茶 之前没试过 就尝尝鲜了地瓜珍珠奶茶用地瓜制作的珍珠 和其他家不一样 算是一个特点啦 加入奶茶之中 没有把原本的奶茶混上地瓜味 而是纯纯的奶茶+地瓜珍珠 味道还是不错的 我点的少冰 全糖 味道刚刚好 我比较喜欢喝甜度高的 不喜欢那么浓的可以少糖紫薯珍珠鲜奶茶用紫薯制作的珍珠 虽然都是地瓜类 但是紫薯的味道会比地瓜更明显一点 本身的紫薯珍珠也会偏甜 鲜奶茶使得这杯奶茶更加好喝 一定要少糖了这杯奶茶哈哈 不然真的会有点腻

☺️ 小編依日約咗朋友食下午茶，但中午未見肚餓，而朋友又啱啱放工，就同佢食少少嘢，決定喺附近搵小食。［ 亂闖試飲試食 ］🍽 紅豆熱壓吐司 😋😋😋😋熱辣辣拎到手，分開見到紅豆蓉，未至於非常飽滿，微甜易入口。🥤 台灣烏龍茶 😋😋😋😋烏龍茶味濃，好大杯，而且外觀設計好適合打卡。午餐 💵 約港幣$30/人💁🏻‍♀️ 依間係外賣自取店，適合早餐及下午茶時段，或想食輕食嘅朋友叫嚟試下！🙆🏻‍♀️ 最後，喜歡嘅話，歡迎follow @foodirectory.hk ！

已經多次回購👍🏻👍🏻👍🏻玉荷青, 地瓜珍珠奶茶🧋推薦👍🏻👍🏻烏龍珍珠奶茶 🧋唔錯, 茶底超級香. 個杯又靚, 次次都唔同款🤣如果用Open rice 叫有9折, 用外賣平台仲有55折。同朋友share 叫, 超級底。🤣🤣仲有得儲印仔, 買一杯一個印仔, 吸滿十杯送一杯, 已經多次換購👍🏻👍🏻

熱壓三文治加手搖飲是校院回憶來的茶飲料有紅茶 烏龍茶 綠茶都可以叫無糖 適合要保持身材的女生熱壓三文治就是台北familymart限定的快手三文治味道還有時下的芋泥肉鬆麵包味現叫現做 拿在手上都是暖暖的

經過D2 place留意到對面開左間台式飲品店，除左有台式飲品，仲有台式熱壓吐司，類似飛碟三文治🥪男朋友叫海報上嘅骯髒奶茶，佢好簡單話都ok既。而我就叫 紫薯鮮奶綠 ，原本以為係紫薯泥先叫呢個，原來係無既😂飲落唔覺有紫薯味，每啖都有啲紫薯粉卡喉嚨🤦🏻‍♀️明明個杯好靚架嘛，好失望，不過我諗為咗個杯會比多次機會佢，下次會試下珍珠奶茶～紙杯圖案設計得好復古，款款都唔同，好鬼靚，打卡一流📸

飲過幾間茶飲店的桂花奶茶，只有呢間做到兩者平衡，不會太甜，又不會太漏，飲完會想再飲的一間三文治夾餅都好足料（已食完），有套餐價，超低飲，加埋都係$48下午茶一流

響荔枝角有好多唔同嘅珍珠奶茶舖頭，包括李圓圓、花斑茶社等等⋯⋯之前試過呢兩間嘅珍珠奶茶都覺得麻麻哋，咁岩又開咗間新嘅春荒號於是就買一杯試吓啦。我本身都好鍾意飲珍珠奶茶，見到佢逢星期一至五都有$20一杯嘅優惠，咁啱星期二係地瓜奶茶所以我就叫咗一杯地瓜奶茶再加珍珠，加珍珠加$5所以呢杯都係$25都好抵飲呀！地瓜奶茶都有少少番薯味，甜甜地而佢嘅珍珠亦都有咬口所以整體來講佢哋個性價比都唔錯，同埋呢間舖頭近我屋企所以可以再去幫襯。

哩輪日日想飲茶飲咖啡嚟提神但有比較健康嘅 當然揀好d嗰類安慰自己嘛😗茶比咖啡好小小咁多😅我用openrice外賣自取 落單效率好好落完單 距離 1分鐘轉個彎 路程😂就攞到👍👍我估係沖奶茶高手開嘅！anyway 味道、包裝、服務 everything is ok。

又見到一間新開業的茶飲店，立即買返杯先。紙杯超靚，要咗杯少甜紫薯鮮奶綠茶 $33，比較特別的地方是茶底有陣芳香味，幾清香，只是略嫌紫薯味不夠濃。呢度仲有星期一至五優惠：每日有一杯$20特價茶，另外都有台式熱壓吐司，下次再試😄

第一次寫食評，就係寫呢杯野，好似好誇張咁。🤣🤣🤣但係真係好好飲，所以要分享！夏日炎炎，好口渴，見到有間新開台式飲品店，就買左杯黎試。店員介紹左呢杯top no.1 既玉荷青蘆薈蜜。呢杯野飲入面有蘆薈粒、蜜糖、荔枝味既青茶，店員仲好細心咁幫我杯野飲少甜，甜度岩岩好。飲左一啖就覺得好清新，好好飲，好消暑，飲完腐後心情仲好好添☺️☺️仲有佢地既紙杯真係好靚好靚好靚呀！！隻隻都唔一樣嫁😍😍忍唔住想儲番set 😂😂😂

早前送小朋友上課，光顧過中環分店，買左玉荷青蘆薈蜜，荔枝味青茶，好多蘆薈肉，甜度適中，好大杯，可以同小朋友Share，個杯設計得好靚。估吾到，荔枝角開左分店，終於可以有多D唔同種類的茶飲店。店鋪仍在試業階段，基本格局和中環分店相似，都係比較高雅的配色裝修。這次沒有光顧水果茶，而係光顧了一杯傳統的珍珠奶茶好驚喜，奶茶順滑，帶有清幽茶香，珍珠Q彈，甜度適中(Order 左微甜，個人不喜歡死甜的奶茶)，遲D有機會再試埋我鍾意的芋泥肉鬆吐司。