28
5
2
港鐵太子站 A 出口, 步行約4分鐘 繼續閱讀
電話號碼
27882383
營業時間
今日營業
11:00 - 16:30
星期一至日
11:00 - 16:30
付款方式
現金
以上資料只供參考, 請與餐廳確認詳情
食評 (43)
等級3 2023-02-22
136 瀏覽
大隻仔今次覓食嘅店舖就係💥 春潤堂 💥 由於餐廳座位少,主打外賣,任何時間都有大量客人,為免阻礙餐廳做生意,大隻仔今日一早11:15 就到達餐廳食豬油渣麵,餐廳剛剛開門,大隻仔係第一個客人。😂😂店舖最馳名就係豬油渣麵,另外有賣碗仔翅、生菜魚肉、餃子、車仔麵等等。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 馳名油渣麵(細碗) $32上海麵配上大大小小10多粒豬油渣加上一粒花茹。花茹超級好食,但得1/4粒,夠厚肉,好香、好重冬菇味道。豬油渣非常好食,冇煮濃,冇苦澀味,外皮少少脆口,中間保留肥膏,咬落充滿豬油香,食完會想再食。上海麵冇煮過淋,湯底比較清淡,食完唔會口渴,加上菜脯拌均湯食更加滋味。(另可以大碗 $42)🔥 魚蛋+燒賣 $10😋 咖喱魚蛋(4粒)魚蛋本身算彈牙有少少魚味,但咖喱唔算太入味,可能啱啱開門關係,煮既時間未夠。😋 燒賣(4粒)蒸嘅時間足夠,燒賣比魚蛋好食。(另魚蛋$10九粒/燒賣$10七粒)溫馨提示:餐廳供應辣菜脯、鹹菜脯、麻油、酸醋,有需要可以添加,增加味道。老闆娘對客人有禮貌,小店經營一腳踢,多客人時候,大家需要體諒。 繼續閱讀
(以上食評乃用戶個人意見 , 並不代表OpenRice之觀點。)
等級4 2023-01-12
301 瀏覽
呢間油渣麵我細細個由媽咪帶我黎食,一路食左幾十年,老闆已由第二代接手多年,水準依然不變!依舊咁好食!每次都一定要食油渣麵同兩溝(即係碗仔翅溝魚肉)油渣麵嘅油渣軟硬適中,外面少少脆、𥚃面有肉汁,而且冇油益味!食個陣必定要加菜脯,有辣有唔辣,我重口味就食辣菜脯,咬落爽脆,撈埋麵一齊食真係好好味碗仔翅店員好細心會問你要唔要落醋、麻油、胡椒粉?我就落齊,魚肉煙韌同碗仔翅味道好夾👍🏻👍🏻小店用心做,值得支持🙌🏻🙌🏻 繼續閱讀
(以上食評乃用戶個人意見 , 並不代表OpenRice之觀點。)
日光日白,大角嘴英姐未開門。個人困咗咁耐,心思思想食返碗油渣麵。唯有專誠出去太子,去春潤堂買外賣。疫情期間,店主得返one man band、 所以堂食欠奉。近期食咗好多外賣店,食物質素都比唔上堂食。今次千里迢迢去到太子買,再坐車返屋企。回程大概半個鐘。但浸住咁耐,碗油渣麵水準保持一向高水平,油渣淋又不油膩。麵質爽口彈牙,豬腸爽脆又無異味。另加埋車仔餸魚蛋,腸仔,豬皮蘿蔔。真係一飽口福。三碗油渣麵,再加一碗車仔淨餸,夾埋都係$130 繼續閱讀
(以上食評乃用戶個人意見 , 並不代表OpenRice之觀點。)
等級4 2022-03-05
1036 瀏覽
位於大埔道嘅春潤堂,第一次試佢哋嘅豬油渣麵,湯底唔錯,而家唔覺口渴⋯今日叫咗豬油渣麵配豬皮,共銀$37;豬皮好好味,特別係佢吸晒D湯汁,正!豬油渣可以選擇淋或脆口,一個字「好味」!麵又好滑口,而且份量好大,夠曬飽肚,正正正⋯✌🏻 繼續閱讀
(以上食評乃用戶個人意見 , 並不代表OpenRice之觀點。)
突然突然,好想食上海麵,對腳就自動行左春潤堂,今次真係好專心,只點左竹笙同魚肉,上海粗麵,更係仲有最愛既辣菜脯~今次食麻辣湯底,要中辣,其實麻辣同酸辣湯的話,係配有少少韮菜,腐皮,同埋芽菜既.今次返到屋企乜都唔做,食左先~今日仲有廿三廿四既鐵觀音配埋,麻辣湯唔算辣,我覺得係菜脯既辣多D,不過都好好味吖.我親愛既上海粗麵,你好嗎?軟硬有致,彈牙,又似烏冬咁滑,真係好好食.竹笙寶寶,細細條,不過,上星期買乾貨果時,叔叔話今年d 竹笙貴左好多,一兩都成$60,所以, ok 啦^^hello,腐皮韮菜芽菜~個個都知我唔食蔥,就係除左春潤堂既魚肉,有蔥我都會照食既XDDDD真係唔知點解,哩D魚肉唔係真係全魚肉,但係就係覺得好好食,唔係間間都係做到咁,哩D 可能都同細過食過既記憶有關. 繼續閱讀
(以上食評乃用戶個人意見 , 並不代表OpenRice之觀點。)