春水堂 (新都會廣場)

今日喺葵芳新都會廣場行街，去咗台灣老字號茶飲店 春水堂🧋，佢哋就係發明珍珠奶茶嘅始祖，不定期朝聖一下！我叫咗杯珍珠茉香奶茶，少冰微糖，真係一試傾心 😍。茉香奶茶茶底用上茉莉綠茶，茶香清新自然，入口有淡淡花香🌸，配上香滑奶味，比例剛好，唔會太膩。微糖版本甜度啱啱好，保留茶香之餘又唔會太淡，少冰仲令茶味更突出，飲落去好順喉 🍵。珍珠係細粒款式，煙韌有咬口，唔會太硬或太粉，每啖都好有節奏感 😋。店舖環境寬敞舒適，坐低慢慢歎都好chill，間店出飲速度都算快，唔使等太耐 就有得飲👏。以大約$40蚊嘅價錢嚟講，味道、質素、氛圍都好有水準，春水堂真係值得一試再試 💯。…查看更多

全店咁多吉位，安排我坐擺水，杯等位置，每次staff在我面前走來走去，開櫃閘櫃，張枱都震，又大聲，食唔落飯，煩到我都想拍枱駡街，仲收我10%服務，乜嘢服務？其他客staff有主動倒水，我杯水，等10分鐘無人倒，我自己倒嘅。舉手叫人幫我搬嘢去新枱，盲又聾，扮睇唔到行過，又係我自己搬。啲服務越嚟越差豈有此理，垃圾，唔會再食呢間嘢。啱啱寫咗email去台灣總公司投訴。最衰自己，lunch peak, 間餐廳仲會剩40%位，應該都伏㗎喇，仲走入去:(…查看更多

下午3：30-5：00一排椅唔比客人坐，只准員工用膳坐，問取匙羹和杯時，又話d杯只供職員用又冇尾音和唔耐煩，只是撥一撥冷風機葉，職員想剎人大罵，今時今日態度係趕客走。…查看更多

本來諗住睇話劇之前輕輕鬆鬆開開心心食一餐叫咗一個酥炸豬扒便當：豬扒好乾，好硬叫咗個肉燥菜：真係好油呢一個價錢，呢一個品質，不太能接受唔知係咪呢一間分店嘅issue ，之前食過春水堂是OK的…查看更多

本篇食評主要分享用餐服務體驗，喺呢個經濟低迷嘅市道，到底一間餐廳幾唔夠人先可以容忍呢啲惡劣態度嘅員工站喺前線對待客人呢？經我哋用餐體驗後逐點慢慢分析俾你聽！星期二既下午四點幾，店舖冇乜客，門面冇職員招待，企咗喺門口差唔多30秒，因為金色頭髮嘅女侍應眼光光望住我哋，彷彿懷疑我哋來意咁款，攞咗枱之後，就展開我哋嘅惡劣服務體驗之旅啦！😎因為接下來都係由同一位金髮既女員工「招呼」我哋！1:入嚟食嘢要訓練觀察力：叫咗兩杯餐飲，兩個麵，同埋一個小食，第一杯餐飲嚟到，放低就咁走咗佢，我哋問返最近我哋張枱個位侍應，用一個完全冇尾音嘅語調話我哋聽杯嘢係邊杯，唔到2分鐘第二杯凍飲嚟到，依然放低枱面一話不說擰轉身走人！做人最緊要堅持態度，抵讚👍🏼2:埋單儲積分，唔早啲講就俾人鬧啦🐒到埋單嘅時候，發現枱頭有一部the point既QR Code機，我女友問客氣地佢有冇得儲埋分，金毛待應面露難色，接下來就同我女友講：「下次早啲講吖嘛……！」嗱，大家呢度要認清楚，尾音係好長！企喺側邊嘅我當堂都反應唔切突然其來嘅突襲，埋完單之後唯有就提高音量咁「唔該哂你喎真係！」黎回應佢！享受完呢一個惡劣服務體驗之後，我哋搭車上去深圳行街食飯，當堂係個極度強大嘅對比！我理解嘅，今時今日服務行業請人好難，仲要請個正正常常嘅就更加難！但都希望貴公司認真諗諗係咪重要擺呢啲人幫自己倒米，咁就連我哋呢啲一個月起碼食兩三次春水堂嘅人都唔想再入黎比佢招呼啦！…查看更多