春宵

今日媽咪生日，梗係帶佢去食好野！今次我就揀咗去過幾次嘅春宵！呢間餐廳唔單止環境靚，食物嘅水準都好高。每次都食得好滿足！✔️鮑魚海底椰瑤柱煲烏雞湯 🐓媽媽最識揀☺️，一叫就係最滋補嘅湯底！餐廳用咗成隻烏雞去煲🐓，入面仲有海底椰🥥，鮑魚🦪同瑤柱🦪，令到湯嘅味道鮮甜十足！✔️羊🐑羊肉🐑片勁大塊！羊肉味勁重，但完全唔會覺得膻。值得推介。✔️拿破崙響鈴🫘一碟有勁多件😍，將超脆超香口嘅響鈴浸落去火鍋湯底🐓，索晒湯汁之後再食，有另一番風味！✔️潮汕手切牛吊龍( 大 ) 🥩🐮呢個部位我都係第一次食，口感比較結實，但又唔會好韌。🐮肉味比較香濃。一食必定上癮。✔️白鱔片🐟鱔片🐟好新鮮，顏色晶瑩剔透。食落口就更加唔使講，口感爽滑彈牙。味道鮮甜。媽咪超like!媽咪對呢餐讚口不絕，話下次一定要再嚟！

屋企人成日話要打邊爐但想要特別啲嘅湯底加想食手切牛肉，今次就去咗間新開張冇幾耐嘅餐廳仲要完全符合佢地嘅要求！餐廳主打養生湯底，每一款感覺都好正！首先，湯底方面叫咗鮑魚花膠雞湯！真心有驚喜仲要係好足料，估唔到湯底真係有鮑魚同雞肉所以好入味。配料就叫咗果凍鴨血同蘿蔔片，兩款都係切好一片片。鴨血口感都幾似果涷而蘿蔔片就不過不失。肉類方面就叫咗兩款分別係潮汕手切牛吊龍同一口牛。手切牛吊龍叫咗大份嘅，真係好大份！3個人食都好足夠，而手切牛每一塊都好大塊同埋牛味好重仲要好淋。一口牛都好正，因為大舊啲需要煮耐啲就冇咁淋了但牛味都重嘅！

見網上d人話春宵招牌滋陰補身鴿子湯好好食，所以貪新鮮去左春宵食～首當其衝，當然係睇落大大份到奢侈級嘅新鮮南非鮑魚啦😎我放咗一大隻鮑魚落鴿子湯，湯底清而濃，索左d湯底嘅鮑魚勁好食，好食到我忍唔住嗌多隻！蜂巢豆腐，甜甜地，而且好有豆腐香，好特別！我從來未食過咁香甜嘅豆腐～根住我食田雞，咸咸地之餘好惹味～配料我叫左萵筍片同墨魚片，墨魚片好新鮮有咬感，萵筍片則爽甜～另外我都想讚下呢間餐廳員工嘅服務質素好好，親切有禮有笑容～整體評價：A，無論食物質素定員工服務態度都一流👍🏻

呢個鮑魚蟲草花猴頭菇排骨湯十級正，湯底清甜，最正係有我最愛食同平時最唔捨得食嘅鮑魚及猴頭菇！一咬落個鮑魚，點止好食咁簡單，幾百蚊好食之餘仲要唔係街邊一百蚊一盒細細隻嘅急凍鮑魚！猴頭菇好鮮味，喺香港食到咁鮮嘅猴頭菇，唔好話呢個餐幾百蚊，咁大隻咁鮮嘅猴頭菇，幾百蚊3隻我都覺得值！跟住試左潮汕手切牛頸脊～～啲汁一流，唔太油都唔太乾，岩岩好！小貼士：配埋啲喺湯底淆左一陣嘅豆腐&萵筍片一齊食，因為豆腐同萵筍片清得黎索晒啲湯底味，配搭牛肉就一濃一清，食得舒服又開胃！食火鍋點少得蝦同水餃，雖然只係配角，但質素一樣與別不同嘅好！甚至好到我諗緊，啲蝦可能唔係養蝦，而係海蝦！平民價錢，五星級嘅美食體驗，試問邊道搵？

所謂「春宵一刻值千金」，牆紙設計大膽新潮，符合春宵主題。 放工同朋友食火鍋放鬆下，仲有戶外地方暢飲酒嘆𝘚𝘩𝘪𝘴𝘩𝘢，加倍Chill。當日室內氣氛比較熱鬧，不過2 人坐喺卡位雅座，尚算可以一邊傾計慢慢食。另外，多人聚會可以包起唱k VIP房。鮑魚花膠雞湯雞湯香味撲鼻而來，仲係視覺上嘅衝擊，超足料。原隻嫩雞配合2大隻鮮嫩鮑魚，仲有養顏嘅花膠。 先品嚐花膠雞湯，濃郁得嚟唔會蓋過食材鮮味。 打卡過後，店員會交俾廚房處理，切開啖啖肉，大多都幾嫩滑。 潮汕手切牛頸脊 擺盤吸引，乾冰飄出仙氣。牛頸脊片片切得均勻同簿身，份量唔少， 色澤鮮紅，口感柔嫩。 唐生菜新鮮翠綠， 中和食肉嘅膩感。 日本稻庭烏冬口感彈牙，滲入濃郁嘅雞湯味。 食物質素定價中上， 不過單點火鍋嚟講食物同服務有啲水準。店員會主動加湯，仲幫忙潑去湯底嘅油份。

灣仔有間好出名嘅火鍋店，今日難得放假，終於可以去試吓！等我介紹吓佢嘅招牌菜俾大家！🌙炸月亮蝦餅🦐- 脆卜卜嘅外皮包住鮮甜爽口嘅蝦餅🦐。蝦餅炸到好乾身，咬落去外脆內彈，仲有好多汁流岀黎😍。超級好食😋🦪鮑魚花膠雞湯🥘- 絕對推介嘅湯底，入面有成隻雞🐓，仲有勁多嘅鮑魚🦪同花膠🐟，十分足料！湯底味道鮮甜，就咁飲都覺得好正！🥕蘿蔔片🥕- 蘿蔔🥕好新鮮，味道清甜多汁。食入口感覺清新。🐮頂級封門柳 ( 大 )🐮-打邊爐又點可以冇牛肉🐮，今次叫左頂級封門柳。佢嘅牛味濃郁，口感偏淋。有啖啖肉嘅感覺。👍🏻🐮韓牛三筋肉🥩- 雪花同牛肉嘅比例啱啱好😍，薄薄嘅牛肉🥩索左火鍋嘅湯汁。令到牛肉嘅味道更豐富。而且入口即溶。好食到不得了！

朋友係灣仔返工發現咗呢間新開嘅打邊爐話要一齊去食🤪當日平日嘅夜晚唔算好多人😗環境都好舒適而且坐得好闊落🤍我地都好鐘意食麻辣火鍋所以就叫咗四川麻辣鍋🙌🏻真係好夠辣同好麻就算食咗一段時間都keep到🌶因為兩個人食嘅嘢真係好有限只係叫咗少少🤏🏻 最推係潮汕手切牛頸脊牛味真係偏重而牛肉好嫩🐮完全係我愛嘅牛肉😚另外朋友想試就叫埋一口牛😋呢款牛味就冇咁重但勝在夠哂大粒同咬口更豐富😎而潮汕蝦尖丸見到好特別就叫了一上枱丸係一串串🫶🏻蝦都好重仲有6粒值得一試👄最後海中蝦就正常了🦐

呢間野新開張無幾耐就來試下。叫左個鴿子湯底,好味道。鴿子杞子好入味,先飲左個湯先,再加龍蝦入去,好鮮味,間中又食左鴿肉咁。好夠2人食。因為個湯底好足料,食物方面我地唔算叫左好多野食。手切牛頸肉都好正呀!連個PRESENTATION都令人印象深刻,可以保持到個鮮味,仲要係潮汕STYLE,特別特別!呢度個BAR好正!好搶眼仲好有特色,我地坐2人檯都好有私人空間,仲有個車仔放置食物。醬料仲好多選擇添!!

再次到訪用餐，因為慶祝朋友7月生日，選材加入咗新菜式。椒麻椰菜木耳豬肉餃，材料配搭好新穎。但味道唔錯，值得一試。今次飲咗自家製薏米水，名乎其實，真係好足料自家製嘅薏米水，勁多薏米仲有冬瓜，唔係一般響其他店嘅死甜得陣薏米味，係好似人地話紅豆沙起沙嘅感覺。佢地嘅服務態度都好貼心，連個邊爐打得耐有d油漬響湯面都過嚟幫你「畢」走佢，啱曬我呢d又懶，但對打邊爐又有要求嘅客人。同場加影咗一幕，隔離檯嘅花膠雞鍋湯底，呢個真係真材實料之冠，成隻雞落鍋。下次會再去試吓。

「春宵一刻千金」春宵呢個店名除咗夠晒特別之外，佢哋食物嘅水準同服務都值得推介俾大家，係一間好用心嘅火鍋店🫕 成個裝修好有Gimmick，酒吧位好似馬戲團咁，餐廳後面可以飲酒，夠哂Chill🧡封門柳 擺盤好吸引，中間既乾冰不斷湧出，令到啲牛肉睇落更高級。封門柳食落脂肪分佈平均，好嫩滑😽椒麻椰菜木耳豬肉餃 自家製手工餃子，餐廳每天新鮮手工製，超大隻！肉汁帶點麻椒香，皮薄餡靚，呢個非常出色，大家嚟到一定要試🫶🏻萵筍片 放落麻辣湯底非常惹味，好爽甜！春宵仲有好多打邊爐既必食配料，響鈴同貢丸都好好味🙌🏻

新開的一家特色打邊爐，完全係因為個湯底而去的，鮑魚花膠雞上面2粒鮑魚好大呀！就是觀感已經冇得輸，店員再三叮囑一定要飲左湯先，所以我們在什麼都沒吃的狀態一下就飲左２碗湯哈哈，的確是無味精又養生的湯底，很清甜。這邊的食物都非常用心的擺盤，看這個潮汕蝦尖丸，上菜就已經很打卡able了，佢亦都成為咗我成晚最欣賞既菜式，入面的蝦很大隻，而且新鮮彈牙，一口一個也不為過。再來叫了手切牛頸脊，肉是2人份量，最佳烹調時間是6-7秒就是最軟嫩的了！調料方面有很多，但我一定一定會加芝麻＋沙爹醬＋蔥，不得了真的很好吃！嚮鈴好好吃！是自己炸的，你可以看到大小不一就知道了，記得３秒就好拿上來了，非常香，小小脆，吸晒湯汁，真的是打邊爐必點小食。椒麻椰菜木耳餃一看到名字就知道是我的菜，麻麻的好香很開胃，厲害的是即使滾了很久，皮也沒有爛開，而且不厚，推薦。花技片真的不能放太久，會咬不開。萵苣片是我每次打邊爐都要點的，不過不是到到都有，這裡的算新鮮。最後可以吃雞，一整隻很嫩，但如果店員可以幫忙拆就更好。環境跟招呼真的很不錯，店員時不時就會來幫你加湯，也會走過來跟你聊天，感覺就是在一個Party裡面，店裡也有酒供應，晚上外

難得吃到潮汕手切吊龍雖然現在已經復常，可以返大陸食潮汕牛肉火鍋，不過長路瑤瑤不及在香港舒服吃，難得呢間「春宵」可以有得食，馬上行動約人來！招牌鴿子湯是推介，滋補絕對啱聽，湯醇味香，鴿子肉幼嫩。湯料仲有蟲草花、許多菇、元肉、杞子等，是後加的，口感依然唔錯！潮汕手切牛吊龍，就係鍾意佢粗豪，肉味濃，正如所想，好好口感！仲食咗很爽的鱔片、豆腐及菜。環境舒服，服務態度非常好，春宵一刻值千金，我都很喜歡這個名句。

❀ 春宵 #灣仔 ❀❗️有好多款養生湯底❗️——————————————————室内係火鍋店，裝修好似馬戲團🎠室外係打卡一流嘅後花園。餐廳火鍋湯底款款都係養生湯，無味精而且超足料，包括招牌補身鴿子湯、花膠雞等等🤩火鍋食材亦非常高級，有韓牛三筋肉、潮汕手切牛頸脊、海鮮等。.✷𝑀𝑒𝓃𝓊✷☞ 鮑魚花膠雞湯 $388☞ 潮汕手切牛頸脊 $248☞ 椒麻椰菜木耳豬肉餃 $88鮑魚花膠雞湯湯底清甜，有淡淡的雞香🐔因為加咗花膠，所以質地會更濃稠。內有原隻雞，熬到出晒味，但依然唔鞋口👍🏻另外亦有成四五隻大鮑魚，口感彈牙，難怪要將近$400🙈點咗潮汕手切牛頸脊，件件形狀不一，脂肪比例較高，所以入口比較腍，不過幾塊已經會飽，油咗少少🤔另外椒麻椰菜木耳豬肉餃亦唔錯，超大粒！包住滿滿嘅豬肉饀料，深透住麻香，仲頗多肉汁😋——————————————————✨整體味道: 3.7/5 ✨環境裝修: 3.8/5 ✨服務態度: 3.5/5✨性價比: 3.5/5 ✨再訪興趣: 3/5 .💞整體來講佢哋嘅湯底的確非常足料，而且唔加味精，未打邊爐之前可以飲翻幾碗🤘🏻用料上乘，所以價錢偏貴少少，而且可能剛剛開張，所以上菜速度較慢🙈

春宵一刻值千金✨剛剛試了－間試業樓上，間精緻火鍋店🍲，我最鍾意打邊爐，有時食任食都想帶屋企人/朋友，食返啲精緻特色火鍋！店員推介，佢哋嘅冇味精湯底，乳鴿湯底，飲返一啖－碗，先開始打邊爐！正Woooo, 真材實料完全冇味精，媽媽的味道，然後先開始落料，打邊爐🍲另外不得不讚佢哋嗰「手工即炸響鈴」，我屋企人，吃完又叫，好脆好新鮮⭐️⭐️⭐️⭐️⭐️話食過最好食嘅響鈴，而且連油麥菜都用料講究上乘新鮮！食精緻火鍋，最緊要火鍋最重要係靚牛，我今晚叫左潮汕牛肉同韓牛精緻火鍋，一定要叫我 最鍾意嘅象拔蚌刺身，爽甜 最特別就係火鍋完之後，唔使轉場，竟然可以直接出佢哋嘅，戶外露台 ，再飲兩杯，傾下計chill 下！坐下坐下，不自覺地同朋友打邊爐再飲埋嘢，由7點坐到12點店舖職員，主動招呼，講解，老闆娘親切熱情款待，直頭有賓至如歸嘅感覺，重點仲有包房可以唱K，我成班朋友真係可以玩到唔想走，唱到唔捨得走！😍😍😍真係推介一個咁舒服嘅地方！

近排朋友介紹左灣仔一間邊爐店叫春宵，真係春宵一刻值千金，呢度嘅嘢食真係好好食。先講講個環境，如果想同一大班朋友嚟玩，哩度有兩間房，可以開party又得，靜靜地聚會傾計又得，出面仲有露天位可以飲酒，不過今日嚟主要係打邊爐。店主推介鮑魚蟲草花猴頭菇排骨湯，所以我地就叫左哩個湯底，要誇張裡面有三隻鮑魚，猴頭菇都有兩大舊，個湯完全唔落味精超足料，煲滾左之後我哋即時飲左兩碗，湯底超甜。我地叫咗個潮汕手切牛吊龍，佢嘅牛味偏重，肉質鮮嫩又新鮮，同出面街果d急凍牛肉完全無得比, 正好多。椒麻椰莱木耳豬肉餃超推介，佢係黎度師傅每日新鮮自己包嘅餃子，好好味椒麻味好重，餃子爽口又唔辣。炸午餐肉，呢個真係好好味，啱上嚟係新鮮炸，浸湯食又得，就咁食都好好食。篙筍片好新鮮，大大片。蜂巢豆腐，叫哩個真係無得輸，尤其是湯底鮮甜嘅情況下豆腐索哂所有嘅湯汁，咬落去鮮甜嘅湯汁爆曬出來好好食。打邊爐當然需要飲下野啦，我地叫左個冬瓜薏米水，超清甜又滋潤，十分好飲。