影片
以上資料只供參考, 請與餐廳確認詳情
食家推介
今日突然想試春嬌嘅法包，第一次試食佢嘅法包，食咗幾年其他飯、河粉都冇問題，手機落單後姐姐擺低個法包後我喺度諗點食呀又唔畀刀叉又唔畀紙巾，咁我過去問佢仲要係自己攞刀叉，個包底好韌切唔開，又要再行過去攞幾張紙巾揸住嚟食，入面塊豬扒仲有少少骨，個廚師可能放左假，今日嗰個師傅唔識整😞，可能係我唔好彩，埋單畀錢我同收銀姐姐講個法包唔得，阿姐隨便話過咗火，咁我照實同佢講個法包個底超韌切都切唔開，希望佢會同廚房講返，坑口區少有嘅越南餐廳，下次食到一個完美法包😂
繼續閱讀
今日過嚟呢邊睇醫生，諗住簡單食個河，越南河無死啦，叫左個雞絲扎肉河，一上黎聞到個湯味已經心感不妙，佢地無主動拎青檸辣椒仔，問佢地先俾，加完個湯勁淡無味，唔似平時食開嘅湯底，加埋魚露都好難食。唔明點解扎肉係出面叫貨都可以咁難食，一陣臊味，雞絲完全食唔出係雞肉，真係未食過咁難食嘅越南河，結果58蚊食左2啖河粉走人😵💫😵💫
繼續閱讀
坑口係美食荒漠想食東南亞菜係難上加難尤其係越南河基本上係好難搵到平時經開將軍澳都好少會入呢個商場但係估唔到佢入面有呢間都幾出色嘅越南河食入到去諗都冇諗就叫咗佢最出色嘅越南河食呢個河粉係乜都有所有佢哋牛嘅部份都有仲有一舊花膠牛骨湯湯底非常濃郁而且上枱時熱辣辣忍唔住一口接一口食食物整體嚟講唔錯越南咖啡味道一般有啲似即溶咖啡加冰下次會飲其他係呢個坑口美食荒漠入面搵到一間食越南河OK嘅地方真係好難下次口痕會再過嚟幫襯入到去坐嗰時 都係冇乜人算係坐得舒服
繼續閱讀
係明德商場 唔係特別平 50-60蚊lunch包飲品 可以揀綠茶/龍眼水 其他加錢揀左熱龍眼水 走甜 好多龍眼肉 正常ok志明咸滑肚雞湯粉 ($68)可以揀河粉/金邊粉/檬粉 我揀左金邊粉份量好多 軟硬度適中 都ok咸雞都算大份 有雞胸雞翼 咁都對得住個價錢咸咸地配粉食岩岩好 成個Set正正常常做尖人士可揀嘅健康之選😂
繼續閱讀
見到open rice 嘅評價都幾唔錯 就襯lunch 嘅時候試下啦 點知個湯碗無咩味，既無牛骨味又無魚露味，香料味都無咩。亦唔會俾香草/青檸/辣椒，同出面其他牛肉河差好遠…
繼續閱讀