星薈

營業中

休息中

星薈晚餐令我非常愉快，父親節套餐的食物質素相當出色，食材十分新鮮，讓人印象深刻。餐廳環境良好，坐在窗邊可以欣賞到維港的迷人夜景，為整個用餐增添了不少情調。套餐中的上湯澳洲龍蝦伊麵，湯底鮮甜，龍蝦肉質彈牙，麵條吸滿了湯汁，讓人一口接一口。黑松露炒蚌片玉帶則香氣四溢，原隻帶子新鮮，黑松露的獨特風味與蚌片的鮮美完美融合。紅燒海皇大生翅的呈現也相當精緻，翅膀的膠質感濃郁，滋味讓人回味無窮。清蒸海星斑保持了魚肉的鮮嫩，搭配的醬油使其更加美味。而蠔皇六頭鮑魚富貴盆則是極品，鮑魚鮮嫩，醬汁濃郁，讓人欲罷不能。當紅炸子雞外皮酥脆，肉質嫩滑，絕對是家常菜中的佼佼者。最後，比拳頭更大的蛋黃寿桃包的甜點則是完美的結尾，口感細膩，讓人心滿意足。總之，這次父親節套餐不僅令我驚喜，更是一次難忘的美食之旅，強烈推薦！

做左幾十年人。去過咁多唔同既餐廳。冇試過一間餐廳可以如此對待客人。今日難得可以齊人。一行9人既提前做冬的晚餐聚會。掃興加憤怒而回。1／ 訂枱安排混亂：早一星期訂枱。而晚餐前一日致電提醒餐廳。但去到竟然說沒有訂枱記錄。訂枱出現錯誤2／ 由於訂枱出錯, 餐廳安排我地去戶外露臺位置飲住野，食住小食等枱。話好快會有枱，結果喺戶外吹風吹左1小時先安排轉入去室內3／ 轉入去室內發現一開始有一張聲稱已有客人預留的10人枱。1小時前客人未黎。1小時後依然都未有人坐。吉枱一張4／ 終於可以食晚飯，點完菜。上菜速度比食法國餐慢。一開始上了兩三道菜後。等了起碼半個小時。才有兩碟炒清菜送上。如下圖。這兩個清菜，係追左3次先有。好珍貴。條魚骨放左喺枱度半個小時以上5／ 最可怕係，在等待途中。侍應生通知炸子雞賣晒，要轉另一款雞。但半個鐘頭後。再走過黎話連另一款都冇。要我地轉乳鴿6／現場經理態度惡劣。說話態度極度不友善。言語間好似漏左訂枱係我地既錯。追上菜進度時更加係以敷衍態度處理今日既經歷喺我從來未遇過咁差。差到我忍唔住要分享呢個體驗。呢個餐廳唔只係香港飲食業既污點。而係一個污垢。連累整個行業。難怪香港要推行禮貌

這次的「兩皇一后大閘蟹宴」真的超划算！六人份的套餐，每一道菜都充滿濃濃的蟹味，絕對值回票價！首先，蟹粉蒜茸包和鮮拆蟹粉小籠包絕對是全場焦點！小籠包每一顆都用上整隻蟹，蟹肉超鮮甜，再配上蒜香，咬下去的那瞬間，湯汁在嘴裡爆開，真的好吃到讓人想尖叫！接著是金瑤花膠雞絲羹，湯頭濃郁得很，喝一口就能感受到滿滿的高級海味，溫暖又奢華。而清蒸大閘蟹就是這場宴會的主角！每一隻蟹都鮮美多汁，簡單的清蒸，把蟹的鮮味完全帶出來，讓人忍不住一隻接一隻，根本停不下來！再來是蟹粉翡翠蝦球，這道菜真的絕！蟹粉和蝦球的搭配天衣無縫，口感豐富又有層次，吃一次就想再來多幾顆！還有降霜黑醋肉，酸酸甜甜的味道剛剛好，吃完之後嘴裡還帶著一點回甘，非常值得一試。然後就是紅燒乳鴿，乳鴿的肉質鮮嫩多汁，香氣滿滿，完全不油膩，吃完真的會忍不住想再加點一份！當然還有不能錯過的蟹粉蒜蓉包，手工製作，包子皮鬆軟、內餡飽滿，一口咬下去就是滿滿的幸福！最後，餐後還特別貼心地準備了薑茶湯圓，溫暖又甜蜜，再搭配六杯新鮮橙汁或紅酒，真的是完美收尾，讓整個用餐體驗更上一層樓。

星薈既大閘蟹套餐，分別有一人餐、四人餐同六人餐！今次同屋企人每人叫咗個一人餐，包括咗兩皇一后嘅大閘蟹，共三隻！蟹公重約5兩，母蟹約3兩！首先就係蟹粉蒜蓉包，呢個食法都幾創新！香脆蒜蓉包上面加上蟹黃，別有一番風味！鮮拆蟹粉小籠包，非常juicy，湯汁充滿蟹粉鮮味之後就係花膠雞絲羹同蟹粉蝦球鍋巴！彈牙嘅蝦球上面加咗蟹粉，鮮味倍增！之後就開始上大閘蟹，大閘蟹係食完一隻之後再叫佢上下一隻，咁樣就唔使驚凍晒，所以大閘蟹打開都好多膏啊食完大閘蟹之後仲會有一個蟹黃撈飯同埋上湯時蔬，最後就有薑茶湯圓驅寒，整個套餐都幾多嘢食！

最近發現一間餐廳，竟然可以一次過享受每人三隻江蘇大閘蟹，仲有一系列蟹粉菜式，還可以邊食邊欣賞維港的夜景，實在太正了！🌃 呢間中菜廳一向係食大閘蟹嘅熱點，提供正宗江蘇大閘蟹，今次套餐每位可以食到兩隻皇蟹和一隻母蟹，公蟹重約五兩，母蟹約三兩，質量一流！👌套餐人均只需$588（晚餐），$529（午餐），六人仲有買五送一優惠，真係非常抵玩！🎉 套餐包括八道菜：蟹粉蒜茸包 🥖鮮拆蟹粉小籠包 🥟蟹粉蝦球窩巴 🍤花膠雞絲羹 🍲大閘蟹（2皇1后）🦀🦀綠悠襌蔬 🥬禿黃油伴飯 🍚薑茶湯丸 🍡紅酒或橙汁 🍷🍊其中，我最鍾意嘅係蟹粉蒜茸包，蟹粉醬沾得剛剛好，搭配酥脆的蒜茸包，口感一流！🤤 而小籠包更係一咬就爆汁，蟹粉味濃郁，令人回味無窮。💖大閘蟹每人三隻，真係爆膏，每隻都食到黏糯嘅白色蟹膏，滿足到大家對大閘蟹的渴望！😍 另外，四人餐多了蟹粉翡翠蝦球和紅燒乳鴿，六人餐更可以試到降霜黑醋肉，外脆內嫩，味道酸酸甜甜，開胃到不得了。❤️

如果你想要一頓舒適的大閘蟹盛宴，星薈的套餐絕對值得一試！他們提供一人餐、四人餐和六人餐的選擇。這次我和家人每人點了個一人餐，裡面有兩皇一后的大閘蟹，一共三隻！蟹公重約5兩，母蟹約3兩，肉質鮮嫩，膏脂飽滿。套餐的開胃菜是創新的蟹粉蒜蓉包，香脆的蒜蓉包裡夾著蟹黃，口感獨特，讓人驚喜。接著是鮮拆蟹粉小籠包，咬下去湯汁四溢，蟹粉的鮮香回味無窮。隨後上桌的是花膠雞絲羹和蟹粉蝦球鍋巴，彈牙的蝦球搭配蟹粉，鮮味十足，令人食指大動。大閘蟹的上菜方式也很有趣，吃完一隻再叫下一隻，這樣蟹肉不會變冷，打開蟹殼後，豐富的蟹膏讓人垂涎欲滴。最後，套餐還有蟹黃撈飯和上湯時蔬，結尾是薑茶湯圓，暖身又能完美收尾。整體套餐內容豐富，讓人感到非常滿足！

🍂 秋風起，食大閘蟹的季節又來啦！ 😍今次我泥到鴻星和東海食大閘蟹套餐~大閘蟹有兩皇一后，蟹公重5.5兩，母蟹約3.5兩，肉質滑嫩！香濃的蟹黃配上鮮嫩多汁的蟹肉，味道真係無得輸，食完真係意猶未盡！特別推薦他們的蟹粉小籠包，每日手工製作，蟹肉的鮮甜和湯汁交融，咬開一口，滿嘴都是濃郁的蟹香，真係超級有誠意啊！🥟蟹粉蒜蓉包係必試的招牌小菜，蒜香味十足，蟹肉搭配香脆的包皮，每一口都令人心滿意足！🦀

食物微凍，大閘蟹質素唔新鮮，兩個人，共6隻蟹，6隻都係水準以下，無蟹味，最後嘅蟹乸質素先比較正常，蟹肉唔新鮮，有少少霉。除大閘蟹之外，其他餸菜上菜十分慢，又突然一下子全部餸一次過上晒，蒜蓉包及鍋巴的蟹皇醬只有薑味，蔬菜係白菜仔，拌飯係紅米飯，同樣都係同一個蟹皇醬，紅米飯好濕，唔多熱，只有微溫。薑茶湯丸只有薑味，連甜味都無，只得辣………服務態度亦都唔理想，職員好多，但全部都只係企係度，嗌幾次同揮手先有反應，態度亦唔太禮貌。

嬲咗，我真係嬲咗！搞到我要寫第一篇食評😡鴻星集團星薈大閘蟹二人餐真係伏到一個新高度，千祈唔好去。話說我睇完馬田嘅片，喚起我對鴻星大閘蟹餐嘅回憶，於是透過Openrice 買咗星薈大閘蟹二人餐嘅coupon。20/10打電話去訂咗2/11位，過程順利，雖然星薈無打來confirm 檯，但我認為唔係間間餐廳會咁做。2/11準時到達，點知原來當日有婚宴包場，分店負責人員事先無知會令我白行一趟不特止，重謊稱有打過比我只係我無接聽，想將責任推在我身上！翻查電話記錄，除20/10我致電分店訂位嘅打出電話外，分店並未曾致電我。即使真有致電而我未接聽，難道不能留口訊？員工疏忽但推諉責任，實在唔要得😡😡😡2/11無得食，錢又比咗，唯有即場改book 3/11，有講明係用openrice coupon。3/11到達後，侍應帶我哋去set 咗食蟹用具嘅位坐，但問咗茶之後無人來幫我哋嘟coupon 亦無其他表示，以為係因為即叫即蒸所以等等等，原來係無幫我哋落過任何單，我哋之前叫2個灌湯餃都漏咗無落到🙄進食期間，已經覺得味道麻麻、食材質素欠佳都唔緊要，半路侍應竟然來收走我哋個滾水茶壺，話唔夠茶壺用，拎咗去比另一

主要吃蟹，逐隻上，第一隻公唔得冇蟹味好似番蒸唔新鮮，第二隻蟹公比較似樣，第三隻乸都係唔得，有陣味吾新鮮（每人三隻蟹，2皇1后）其他食物好一般，感覺唔係即整嘅，溫度只係暖不熱。全餐最熱係個湯圓。鴻星做大閘蟹做到這個質素係失望，只此一次。服務欠奉，食蟹要求換碟，西裝男竟然攞四隻碟埋嚟放在枱上，心諗自助餐咩。出餐緩慢，可能叫做配合食蟹速度？我寧願佢冇其他餸俾幾隻有質素嘅蟹。全餐正常速度食用2.5 小時。泊車飛只肯比2小時， 最後又偽又西先比多一小時。加一茶介後二人共食左$1113.20個人吾太建議。

大閘蟹宴包三隻大閘蟹，第一隻有少少異味，感覺有鹼水味，亦都有和朋友確認過，大家第一隻都係唔精神，第二第三隻就合格，似乎有鋪排過！另外小菜方面都係蒜蓉包窩夫飯+1湯匙蟹粉，老實說沒有蟹味，而且感覺很揸流攤，飯加蟹粉是凍的，朋友非常不滿，但侍應亦有即刻換掉，再來D飯仍然是凍，蟹粉就連匙羹好熱，好似叮返熱咁。(圖中飯並無食過，每人送來份量就是這個)侍應服務中規中矩地方寬敞，但係食物非常普通感覺沒有誠意，應該不會再次幫襯！

想去睇多啦A夢無人機表演又怕逼人，朋友share咗比我喺星薈嘅多啦A夢無人機宴，二話不說即時訂位😆😆😆套餐每位$788(兩位起)，有以下嘢食:上湯波士頓龍蝦奇趣元貝皇姬松茸燉花膠湯當紅荔枝丸併蔥燒牛柳粒松露香煎銀鱈魚綠悠禪蔬原隻鮑魚燴飯楊枝甘露價錢已包茶位及加一，最重要當然係有大大個window seat可以睇無人機表演，想睇得清楚d仲可以上埋去天台添👍🏻我哋到嘅時候仲未開始表演，餐廳就先來第一款菜式 - 龍蝦，開邊龍蝦非常方便，一拮就成嚿龍蝦肉起出來，入口新鮮彈牙，仲有腳同鉗，拆出來啖啖肉，大讚👍🏻食完龍蝦就夠鐘睇表演，基本上大家都上去天台希望睇得清楚啲，而餐廳亦都會配合暫停上菜，等大家睇完表演返到來舒舒服服咁食，唔怕啲餸凍晒🫶🏻要特別讚下個元貝皇😍，原本嘅煮法係有一pai綠色汁烤焗，但因為有位腌尖大少😏，我哋就即管問下可唔可以走汁，餐廳好好咁幫我哋變成香煎，表面脆皮內裡嫩滑，好有驚喜，更加體驗到細心嘅服務❤️燉湯非常足料，大大塊花膠滋補養顏🤭，蔬菜同鮑魚燴飯都一樣出色🙌🏻🙌🏻最後以涼浸浸嘅楊枝甘露作結，無論係無人機表演定係餐飯同樣令人回味無窮😋😋

今日同朋友一齊飲早茶，未試過有咁差既體驗，服務態度十分之差，比張單侍應之後佢黑口黑面，想問佢野，佢馬上話幫你加左單架啦，我都唔係追佢單，成個場冇開冷氣熱死，唔會再次幫襯。

樓面對啲熟客就有講有笑嘅，生客就一般啦，男經理鞋口鞋面，講嘢冇尾音；舉手舉到手軟先有人見到你，亦冇主動加水。定位係比鴻星高級，但連紙巾都冇供應要走落樓下7仔買。叫咗乳鴿，手套又要問先肯俾，大佬呀，唔係同我講因為環保吓嘛。食物方面就中規中矩無咩驚喜，鳳爪夠淋入味，炒米粉乾身但冇咩鑊氣，果碟普普通通灼菜心要$68十條都唔知有冇，賺到盡。點心逐件計價錢，有好有唔好啦。食少少嘢人均都要200幾，總括嚟講- 冇下次。

星期六中午去到人流唔算多，見到環境咁靚以為會好貴，後尾知道佢係鴻星旗下所以每日都有折，三個人埋單$560生日正日得到最靚嘅角落位👍🏻最衰嗰日天氣唔好，環境同景色有驚喜。個露台都可以隨心出去行同坐✨講返嗰日有啲失望嘅係半個鐘先至有兩舊蘿蔔糕食😮‍💨侍應服務有啲失望，茶水唔夠熱，碗碟唔太乾淨，點心配嘅醬汁都係後到，永遠叫唔到人幫手⋯值得一讚嘅係佢有好多點心可以按件叫，另外炸鮮奶同黃金豆腐都係有驚喜失望嘅係，我知道唔係奉旨，但係生日正日去到完全連壽包到唔送🥲