星級好德來小籠包店

營業中

休息中

搬左新鋪終於有機會一試Lunch Time爆場要排隊（豬公最唔喜歡就係排隊搵食…）排左一陣就截龍最正阿姐叫龍尾個對情侶同想排隊嘅食客講已截龍😑個環境係一個企理嘅茶記，燈光鮮明QR落單，無水提供低消$8要杯茶(真係純粹一杯熱茶）飲完仲要麻煩叫阿姐斟，有點煩上海春卷熱氣十足外皮炸到乾爽脆卜卜配濕潤嘅蘿蔔蓉配料咔嚓咔嚓食得過癮三色百頁卷係今餐MVP甘荀芹菜粒鮮甜爽脆混入麻油香清新解膩黃橋燒餅懷舊小食跟春卷折然不同外皮酥化包有香蔥火腿蘿蔔蓉最重要加上豬油加持邪惡就是香小籠包皮薄多汁但肉餡有點散排骨湯麵排骨有厚度麵底普通排骨有質感肉汁稍欠上海粗炒普通但個麵條夠粗夠長食物味道唔差小食反而比主角出色以食物環境服務埋單茶位再加一綜合以上我覺得價位偏高，性格比低對於我就覺得有點名過於實#星級好德來小籠包店 📍佐敦彌敦道216-228號恒豐中心LG樓下15-16號舖 #dcb食在香港 #dcb吃喝玩樂 #dcb佐敦 #食在香港 #香港美食 #美食 #佐敦 #佐敦美食 #上海菜 #黃橋燒餅

諗住支持小店，見佢搬去地鋪，就去支持下。一入去無咩人以為仲早，揀左擔擔麵同4粒小籠包。黎到擔擔麵見到d 菜莆切到接近雞蓉甘，唔係掛，$80碗比幾條菜莆都無？算跟住黎小籠包，唔知係咪用大陸醋，隻味好假，仲要薑絲都你條？我唔望比5條薑，但3條都有怪，無囉。個皮似急凍番蒸，舊肉細到我以為食緊蒸包皮😱所以無甘大個頭唔好帶甘大頂帽，減低份量，加價，要顧客埋單幫你鋪租令香港人北上消費餐飲界都有責任

雖然鋪頭個名有小籠包，但每次黎到呢間鋪都只會叫一樣，就係炸豬扒!佢個炸豬扒可以話係好過九龍區80%餐廳。個皮超脆，成吋厚，仲要超多肉汁。雖然要80蚊一碗豬扒麵，不過塊扒真係超大塊，所以都值得黎食。至於其他野就味道都ok ，但價格略高。質量跟其他餐廳相距不大。所以每次黎都只係會叫豬扒麵!!!!!!!!店舖不在Foodcourt層，係地面下一層，位置比較隱蔽。店舖客人亦不太多，無須等位，侍應亦很有禮貌。

啲麵炒得勁韌啲菜炒到淋到一pat pat 成百五蚊一礙俾啲咁嘅嘢人哋食太過分貴唔係問題唔好食完全唔想食成間嘢淨係小籠包食得㗎咋服務OK 但係張單無啦啦加多樣嘢兩條友$500其實應該400搞掂，佢用機落單都可以加多樣嘢落去大家小心啲好在朋友有check單，如果唔係傻豬豬嗰啲或者遊客都白俾咗錢

餐廳位置方便，位於恒豐中心，佐敦地下鐡站一出就到。餐廳服務員友善。茶錢$8位；如果要水，唔知收唔收錢？午餐：1） 小籠包，皮簿，推介👍🏼👍🏼👍🏼👍🏼除左小籠包，其他食物好普通，有D失望。2）紅油抄手，皮厚，麻麻地3）酥皮酸辣湯，打卡靚，味道麻麻地4）上海粗炒，好普通，冇特別

一睇完小阮條片第日就嚟咗，唔知係咪大家都係咁，所以嗰日門口排晒長龍，好在12:15左右到達無幾耐就有枱坐低拿拿林點晒嘢食，上菜速度係偏慢嘅，都聽到隔離枱投訴，但原來廚房有個爐壞咗，同埋啲姐姐非常好態度又有禮貌，不停過嚟加茶，仲會話唔好意思要等咁耐當日去到已經無晒最想試嘅上海粗炒，途中亦見到越嚟越多嘢sold out於是就叫咗呢啲：1）小籠包 - 真係幾正，多汁而個汁好香，皮唔厚但小心夾的確唔會穿，舊肉少少偏散但可接受2）鍋貼 - 個底脆嘅，但層皮略嫌有啲厚，汁個味同小籠包差唔多，但係舊肉實淨過小籠包，呢點唔錯～3）無骨熏魚 - 食晒成碟總共有一小舊骨，但個味好好👍🏻皮脆肉嫩4）烤麩 - 超正！一定會再食😍😍個汁啱啱好唔會太甜，烤麩質感少少煙靭唔會過硬5）蝦多士 - 脆就基本嘢，有蝦+蝦膠，而且好足料+大舊，可以兩人share一嚿6）排骨拉麵 - 少少失望，因為小阮大推，但係個麵質太淋，豬扒雖然大份+脆但粉太厚，加埋好多時食呢類排骨嘅通病-乸過嘅肉質，淋但係個人麻麻呢種假淋（比人夾晒啲排骨先記得影😆）7）上海炒年糕 - 調味啱啱好，各種材料個味好平衡，唔會太多汁/太咸，年糕係軟身嘅，但比

晚上6:30已經在店門外等侯，進入餐廳後先後點選了小籠包及其餘熱食，上菜速度極慢，用膳一半時，陸續聽到店員話什麼什麼食物售罄（當時才七點多）門外亦排了極長龍，然後陸續聽到附近食客抱怨點了餐接近40分鐘都還沒有上菜，才發現部份餐點也售罄（當中包括小籠包，上海麵，酸辣湯等） 此事門外仍然排着長龍（我相信大部份食客也是為了品嚐他們的招牌小籠包） 之後陸續有食客先後離場（坐上位之後什麼食物都沒有到就離開了） 最後職員們也匆匆趕走門外排起長龍的食客。（當時坐7:30）職員態度也欠佳 絲毫沒有半點道歉這間店在網上是過分吹捧，除了招牌小籠包算是中上之外，其餘食物（上海麵，酸辣湯，炸豬扒…）都只係以劣食形容 平均90元一份食物的餐廳質素如此低劣 店舖也細間 食物質素差勁 職員態度欠佳

以前喺舊舖都成日去。佢啲小籠包同埋啲麵係全港最，甚至乎好食過中環灣仔啲高級上海菜會所。之前佢閂咗好失望，因為真係搵唔到好似佢咁好食嘅上海麵同埋小籠包。成日揸車經過都諗住睇吓佢幾時開返嗰日心血來潮上OpenRice check點知見到。佢嘅小籠包係必食。皮薄同埋size啱啱好。唔會一用筷子夾就穿咗個皮同埋永遠都有好多湯喺入邊。蔥油拌麵係我食雲泉香港最好食。蘿蔔絲酥餅即叫即炸熱辣辣。上海粗炒直程係食到浸鑊氣。真係好開心佢開返。

炸排骨炸豬排表面的粉薄薄所以不油膩，即叫即炸熱辣辣，炸到金黃酥脆，肉質鬆軟，份量充足雪菜蝦仁蘑菇麵濃郁的湯清淡而不失風味，蝦仁很多隻，用料十足，配上雪菜和蘑菇十分滋味小籠包上海傳統小籠包，薄薄的餡皮包住鮮嫩的肉餡和湯汁，超級好食咕嚕肉咕嚕肉係最愛既菜之一,啱啱好一口一粒，肉質肥瘦啱啱好，外脆內軟，酸酸甜甜非常開胃，用新鮮菠蘿不是罐頭菠蘿今日落住大雨，一出地鐵就到，完全唔洗淋一滴雨，下次一定會再來幫襯

蒸銀絲卷外軟內藏一條條的銀絲，質地細密，口感濕潤有彈性油炆筍清脆爽口，完全冇筍嘅苦味三色百頁卷新鮮豐富蔬菜，清新亮麗美味健康，營養滿分無骨燻魚外酥內軟，火候啱啱好，醬汁濃郁，令人忍不住一口接一口上海粗炒粗麵口感煙韌，椰菜炒至軟身，豬肉絲軟腍， 整體香味俱全蝦多士蝦肉爽口彈牙，真係啖啖肉，多士炸得好脆口鹹蛋黃鮑魚外殼酥脆充满咸蛋黄的香味，鮑魚很有口感油泡羅氏蝦羅氏蝦隻隻脆卜卜，蝦肉Q彈啖啖肉紅燒肉一道令人懷念的經典菜，肥瘦適中，肉質軟嫩，入口即化，醬汁濃郁蔥油海蜇花爽脆的海蜇爽囗彈牙，香蔥麻油味香濃杏汁焦糖燉蛋甜品叫咗杏汁焦糖燉蛋，很濃滑，唔會太甜一定要試總結：坐得舒服，服務好。從舒適的用餐環境到精緻可口的美食再到優質的服務，令人驚喜，要揾一間所有野都好食嘅餐廳真係好難。合理嘅價錢就食到正宗嘅上海菜

招牌小籠包👍皮薄汁多酥皮酸辣湯酥皮焗得金黄剛剛好可惜酸辣湯太咸上海炒年糕一上枱賣相驚人必食鍋貼正正常常黄橋燒餅👍搬咗新店第一次光顧！可惜員工服務麻麻！打著星級，但食物又不及舊舖美味！！

以前喺後邊條街食過，價錢適中味道可以。今次有朋友話我知，喺恆豐中心LG重開，於是去試吓。睇完餐牌，發覺價錢居然和翡翠小籠包相若。但裝修只是一般的茶餐廳質素。仲要收加一。睇個樣應該捱唔住。唔係香港人北上，而係你咁嘅質素收咁嘅價錢。奉勸老細一句，睇吓人哋翡翠小籠包收幾多錢，你再衡量吓自己啲嘢同人比較值得收幾多錢。唯一要讚的是夥計，會自動同你加水。小籠包同鍋貼，味道可以。擔擔麵就水汪汪咁樣。高力豆沙都可以，豆沙餡裏有少許桂花味道。

餐廳位置方便，地鐵佐敦站一上就係恆豐中心，唔洗日曬雨淋店員親切有禮服務好好成日過嚟斟茶 烤夫香香甜甜，嚼起來有彈性，濃重的醬汁從孔裏滲出，回味無窮醉雞雞肉鮮嫩白香，入口即化，汁水充足，帶淡淡酒香必食鍋貼煎得金黃香脆，餡料新鮮肉汁豐富上海春卷即叫即炸，炸得夠脆，冇油膩感黃橋燒餅燒餅色澤金黃，外觀美觀，外皮酥脆，不油不膩上海炒年糕口感軟糯，配撘東菇同蔬菜，份量充足蘿蔔絲酥餅一咬落去滿滿的蘿蔔𢇁，酥餅十分酥脆銀芽鱔糊份量充足，入面有好多鱔，鱔嘅比例出奇地多。鱔肉爽口入味，芽菜索曬汁流沙煎堆咬一啖煙煙靭靭流沙餡咇曬出嚟，冇油膩感，甜度適中糖醋排骨炸得啱啱好，外脆內軟，酸酸甜甜的醬汁，加上新鮮菠蘿洋蔥青椒十分下飯招牌小籠包皮薄餡靚，一咬落去滿滿的美味湯汁和嬾滑肉餡

舊店常客知道係恒豐重開，興奮期待！！一打開餐牌，嘩！價格貴左20-30%起。。。好的，因為對舊店有信心，俾一次機會懷念下。上菜，每碟餸比起舊店平均縮水1/3，數學差的我計晤到即係總數貴左幾多%。。。🫠呢碗麵5啖都無，計埋加一差不多一百蚊，無味晤好食！三個人點了八個餸一杯茶一枝豆漿，埋單差不多7百，吃了個空虛！永遠無下次！亦明白點解星期日晚市甘清靜！

小籠包皮薄好食 蘿蔔絲酥餅 鬆脆可口上海粗炒沒什麼驚喜且價錢太貴很多菜式需要預訂 建議預早詢問店家，先做功課預訂最後，整體價錢偏貴建議作出小量調整或者增加一些套餐選項