星級好德來小籠包店

營業中

休息中

有youtuber 推介膽粗粗黎試小籠bell 價錢 52$ 4粒 小貴 但可接受very yum 皮薄 多汁 加埋一 $14.30一粒 間唔中食一次係ok 其他小食，粉粉麵價錢係有小小嚇親炒個上海粗炒 加埋一 $160 左右呢個價位但開係呢個商場（非歧視）有啲偏貴啵⋯⋯小食烤夫 $75 真心係大酒樓價錢 呢到裝修 人手 廚房 位置 都絕對唔係個回事😂茶芥 $8 一位 無問題但一壺茶都冇喺枱面，全部都係喺廚房斟出嚟完全係茶餐廳咁款 咁都好意思收茶芥？😂整體結論唔會回頭

嬲到第一次上嚟寫食評 而家香港人係咪冇味覺 咁難食都咁多好評 店內沒有供應水 😡茶又另外收費 😒座位又窄 😩小龍包過分吹捧 其他係難食 牛展得咸味 雞絲粉皮普通 紅油抄手積頭難食 😣好油又冇辣味又冇酸味 銀絲卷都係普通 不過就係即炸 鍋貼同小龍包一個味 🤷🏻‍♀️食完個口咸到想飲水 😖完全唔知點解會有咁多好評 🤦🏻‍♀️果然foodie kol 幫佢賣廣告 賣得成功 我哋唔好上當呀！千奇唔好去食！勸得一個得一個😔😔😔

小籠包都唔錯，不過午餐套餐$88 ，只有麵餐，只可選擇一款飲品，熱水都是其中一個選擇。我叫了豆槳就不提供水。其實，中午套餐選擇太少，沒有提供飯餐。店舖位置難找，熱水都要收錢，下次唔會再去。

好多人都推介呢間小籠包，今日收工特登過去佐敦試呢間上海食店。一入到去，覺得舖頭比較細，唔係幾好坐，不過食物款式都比較多，坐低毫無懸念會嗌咗小籠包先，另外仲嗌咗個上海粗炒麵。小籠包喺香港嚟講都真係食過最好食嗰間，有湯汁，肉都唔錯。不過好可惜，上海粗炒麵味道比較普通冇咩特別，唔夠鑊氣，總括而言，如果去呢間餐廳淨係會想食小籠包，其他就唔太需要啦。

這間店連自助水也不供應,開水也要收茶位費. 2個人食2百幾元,食物收費也不平宜,但自助水也沒有供應,不要怪人北上,这極的服務都是自己的問題,店铺真的要自我檢討一下

朋友介绍這家恒豐中心的上海店，原本在德興街，現在搬入商場內重點是他們的小籠包，今晚終於試了，小籠包真的好味道，皮薄，用筷子夾起唔爛，小籠包內有湯好熱，要小心鍋貼也好，熱辣辣，內裡有汁，要小心彈出。黃橋燒餅，熱辣辣，咬開睇到，入面是一片片的火腿，不是普通肉碎蔥油拌麵好好食，但係只是一個人份量，有點細豬扒好厚，大約1.2cm 厚，好好味炒菜都可以，整體來講都滿意，只是在佐敦食這個價錢，有啲貴，而啲姐姐好友善

搬左新鋪終於有機會一試Lunch Time爆場要排隊（豬公最唔喜歡就係排隊搵食…）排左一陣就截龍最正阿姐叫龍尾個對情侶同想排隊嘅食客講已截龍😑個環境係一個企理嘅茶記，燈光鮮明QR落單，無水提供低消$8要杯茶(真係純粹一杯熱茶）飲完仲要麻煩叫阿姐斟，有點煩上海春卷熱氣十足外皮炸到乾爽脆卜卜配濕潤嘅蘿蔔蓉配料咔嚓咔嚓食得過癮三色百頁卷係今餐MVP甘荀芹菜粒鮮甜爽脆混入麻油香清新解膩黃橋燒餅懷舊小食跟春卷折然不同外皮酥化包有香蔥火腿蘿蔔蓉最重要加上豬油加持邪惡就是香小籠包皮薄多汁但肉餡有點散排骨湯麵排骨有厚度麵底普通排骨有質感肉汁稍欠上海粗炒普通但個麵條夠粗夠長食物味道唔差小食反而比主角出色以食物環境服務埋單茶位再加一綜合以上我覺得價位偏高，性格比低對於我就覺得有點名過於實#星級好德來小籠包店 📍佐敦彌敦道216-228號恒豐中心LG樓下15-16號舖 #dcb食在香港 #dcb吃喝玩樂 #dcb佐敦 #食在香港 #香港美食 #美食 #佐敦 #佐敦美食 #上海菜 #黃橋燒餅

諗住支持小店，見佢搬去地鋪，就去支持下。一入去無咩人以為仲早，揀左擔擔麵同4粒小籠包。黎到擔擔麵見到d 菜莆切到接近雞蓉甘，唔係掛，$80碗比幾條菜莆都無？算跟住黎小籠包，唔知係咪用大陸醋，隻味好假，仲要薑絲都你條？我唔望比5條薑，但3條都有怪，無囉。個皮似急凍番蒸，舊肉細到我以為食緊蒸包皮😱所以無甘大個頭唔好帶甘大頂帽，減低份量，加價，要顧客埋單幫你鋪租令香港人北上消費餐飲界都有責任

雖然鋪頭個名有小籠包，但每次黎到呢間鋪都只會叫一樣，就係炸豬扒!佢個炸豬扒可以話係好過九龍區80%餐廳。個皮超脆，成吋厚，仲要超多肉汁。雖然要80蚊一碗豬扒麵，不過塊扒真係超大塊，所以都值得黎食。至於其他野就味道都ok ，但價格略高。質量跟其他餐廳相距不大。所以每次黎都只係會叫豬扒麵!!!!!!!!店舖不在Foodcourt層，係地面下一層，位置比較隱蔽。店舖客人亦不太多，無須等位，侍應亦很有禮貌。

啲麵炒得勁韌啲菜炒到淋到一pat pat 成百五蚊一礙俾啲咁嘅嘢人哋食太過分貴唔係問題唔好食完全唔想食成間嘢淨係小籠包食得㗎咋服務OK 但係張單無啦啦加多樣嘢兩條友$500其實應該400搞掂，佢用機落單都可以加多樣嘢落去大家小心啲好在朋友有check單，如果唔係傻豬豬嗰啲或者遊客都白俾咗錢

餐廳位置方便，位於恒豐中心，佐敦地下鐡站一出就到。餐廳服務員友善。茶錢$8位；如果要水，唔知收唔收錢？午餐：1） 小籠包，皮簿，推介👍🏼👍🏼👍🏼👍🏼除左小籠包，其他食物好普通，有D失望。2）紅油抄手，皮厚，麻麻地3）酥皮酸辣湯，打卡靚，味道麻麻地4）上海粗炒，好普通，冇特別

一睇完小阮條片第日就嚟咗，唔知係咪大家都係咁，所以嗰日門口排晒長龍，好在12:15左右到達無幾耐就有枱坐低拿拿林點晒嘢食，上菜速度係偏慢嘅，都聽到隔離枱投訴，但原來廚房有個爐壞咗，同埋啲姐姐非常好態度又有禮貌，不停過嚟加茶，仲會話唔好意思要等咁耐當日去到已經無晒最想試嘅上海粗炒，途中亦見到越嚟越多嘢sold out於是就叫咗呢啲：1）小籠包 - 真係幾正，多汁而個汁好香，皮唔厚但小心夾的確唔會穿，舊肉少少偏散但可接受2）鍋貼 - 個底脆嘅，但層皮略嫌有啲厚，汁個味同小籠包差唔多，但係舊肉實淨過小籠包，呢點唔錯～3）無骨熏魚 - 食晒成碟總共有一小舊骨，但個味好好👍🏻皮脆肉嫩4）烤麩 - 超正！一定會再食😍😍個汁啱啱好唔會太甜，烤麩質感少少煙靭唔會過硬5）蝦多士 - 脆就基本嘢，有蝦+蝦膠，而且好足料+大舊，可以兩人share一嚿6）排骨拉麵 - 少少失望，因為小阮大推，但係個麵質太淋，豬扒雖然大份+脆但粉太厚，加埋好多時食呢類排骨嘅通病-乸過嘅肉質，淋但係個人麻麻呢種假淋（比人夾晒啲排骨先記得影😆）7）上海炒年糕 - 調味啱啱好，各種材料個味好平衡，唔會太多汁/太咸，年糕係軟身嘅，但比

晚上6:30已經在店門外等侯，進入餐廳後先後點選了小籠包及其餘熱食，上菜速度極慢，用膳一半時，陸續聽到店員話什麼什麼食物售罄（當時才七點多）門外亦排了極長龍，然後陸續聽到附近食客抱怨點了餐接近40分鐘都還沒有上菜，才發現部份餐點也售罄（當中包括小籠包，上海麵，酸辣湯等） 此事門外仍然排着長龍（我相信大部份食客也是為了品嚐他們的招牌小籠包） 之後陸續有食客先後離場（坐上位之後什麼食物都沒有到就離開了） 最後職員們也匆匆趕走門外排起長龍的食客。（當時坐7:30）職員態度也欠佳 絲毫沒有半點道歉這間店在網上是過分吹捧，除了招牌小籠包算是中上之外，其餘食物（上海麵，酸辣湯，炸豬扒…）都只係以劣食形容 平均90元一份食物的餐廳質素如此低劣 店舖也細間 食物質素差勁 職員態度欠佳

以前喺舊舖都成日去。佢啲小籠包同埋啲麵係全港最，甚至乎好食過中環灣仔啲高級上海菜會所。之前佢閂咗好失望，因為真係搵唔到好似佢咁好食嘅上海麵同埋小籠包。成日揸車經過都諗住睇吓佢幾時開返嗰日心血來潮上OpenRice check點知見到。佢嘅小籠包係必食。皮薄同埋size啱啱好。唔會一用筷子夾就穿咗個皮同埋永遠都有好多湯喺入邊。蔥油拌麵係我食雲泉香港最好食。蘿蔔絲酥餅即叫即炸熱辣辣。上海粗炒直程係食到浸鑊氣。真係好開心佢開返。

炸排骨炸豬排表面的粉薄薄所以不油膩，即叫即炸熱辣辣，炸到金黃酥脆，肉質鬆軟，份量充足雪菜蝦仁蘑菇麵濃郁的湯清淡而不失風味，蝦仁很多隻，用料十足，配上雪菜和蘑菇十分滋味小籠包上海傳統小籠包，薄薄的餡皮包住鮮嫩的肉餡和湯汁，超級好食咕嚕肉咕嚕肉係最愛既菜之一,啱啱好一口一粒，肉質肥瘦啱啱好，外脆內軟，酸酸甜甜非常開胃，用新鮮菠蘿不是罐頭菠蘿今日落住大雨，一出地鐵就到，完全唔洗淋一滴雨，下次一定會再來幫襯