影片
開飯介紹
富麗堂皇的中菜酒家，集團式經營，可作婚宴及宴會場地，供應高質點心及粵菜。
繼續閱讀
營業時間
今日營業
10:00 - 16:00
18:00 - 23:00
星期一至日
10:00 - 16:00
18:00 - 23:00
公眾假期
10:00 - 16:00
18:00 - 23:00
以上資料只供參考, 請與餐廳確認詳情
位於銅鑼灣星海薈設計非常高貴華麗😍一進店旋轉雲石樓梯，浪漫水晶燈加埋大量玫瑰🌹花怖置，超適合婚宴場地，新娘子喺到進場一定好夢幻。呢到樓底高地方闊落，亦非常之適合公司周年，家庭聚會，來梗父親節仲推出左唔同嘅套餐添，你地都快啲訂位孝敬下爸爸👴🏼啦。瑤柱鮮蝦菠菜餃(3件）$44呢到嘅點心全部自家製架😋👍🏻保證真材實料，大大隻菠菜餃，望落脹卜卜，非常足料，餃子皮薄煙煙韌韌，鮮蝦彈牙。沙薑豬手粒$58Size一口一粒👍🏻非常好，冰冰涼涼，而家天熱🥵食岩晒，香而不膩，皮爽肉嫩。紅燒皇子乳鴿$68乳鴿皮脆肉嫩，咸香入味。XO醬炒腸粉(煲)$58腸粉Q彈，炒得鮮香濃郁。田園蒜蓉鮮蝦春卷$44炸到脆卜卜，內有蒜茸同鮮蝦，非常香口。青瓜拼木耳$58青瓜清甜爽脆😋👍🏻酸辣汁非常開胃，木耳口感柔軟。鮮芒果布丁(凍)$44濃郁嘅芒果🥭香氣😋👍🏻味道柔滑清甜，加埋花奶一齊食，口感更加順滑。生磨蛋白杏仁茶(熱)$38杏仁味道非常香濃😋👍🏻甜度適中，好少酒樓有得食，相當特別。
繼續閱讀
今日同朋友去左銅鑼灣食飯，一入到嚟見到環境寬敞舒適，中間有一個華麗舞台，做婚宴或者宴會場地好fit！最近端午節都有推出優惠禮卷呢！ 招牌白胡椒蟹焗飯 $368一大煲胡椒蟹焗飯上枱，個飯表面放咗一整隻嘅肉蟹，白胡椒醬汁就另上，俾客人自己調整想落嘅份量。焗飯乾身，飯粒粒分明，最底下仲有啲飯焦添，拆開蟹殼，唔係空心既嗰隻蟹，表現有一層薄薄嘅炸衣，畀白胡椒醬汁包裹住，食落啖啖肉，白胡椒香氣明顯，令蟹肉鮮味十足，撈埋飯一齊食不得了 瓦𦉘豉油雞 $168呢款係新品，又係用瓦煲一大煲上枱，新鮮整好仲喺度冒煙，雞件油光嫩滑好入味，係食到豉油嘅味道但又唔會太鹹，份量多到嚇親，三至四個人分都好夠食 奇味芥末沙律大蝦球 $148呢款係春季嘅推廣菜式之一，蝦球表面嘅炸衣薄身，均勻被芥末沙律醬包裹住，入面嘅蝦球厚肉，加埋帶甜味芥末沙律醬，食落開胃唔油膩 金沙黃金蝦 $168同樣都係春季嘅推廣菜式之一，呢款金沙黃金蝦成隻蝦炸得金黃酥脆，被香濃嘅鹹蛋黃醬包裹住，連蝦殼都可以食，真係好邪惡丫！
繼續閱讀
星海薈 (銅鑼灣) Lee Gardens 放假同未婚夫瞓到自然醒，然後去銅鑼灣食點心，仲咁岩係下午茶時間，會抵食d🥳 ✨蟹粉小籠包叫左一人一籠，一咬落去蟹粉滿滿，而且皮薄好多汁，加左蟹粉比平時原味小籠包多一份鮮甜😋 ✨蜜汁叉燒由於好想食叉燒 於是叫左一份～ 外面燒得焦香，係半肥瘦，上面加了蜜汁，清甜不膩，好岩餸飯食😍 ✨瑤柱蛋白炒飯我地就真係叫左飯🥰 炒飯飯粒分明，加左翠玉瓜，每啖都食到瑤柱絲👍🏻而且份量都幾大喔～ ✨薑黃咖喱土魷唔係每間酒樓都有得食，難得有就叫左一籠～ 果然無令人失望😍 土魷質感岩岩好唔會太淋又唔會太硬，底層仲有咖喱薯仔，perfect match ar💕 ✨招牌胡椒濃湯灌湯餃呢款係必食喔！平時係上湯，呢個係用左胡椒濃湯😍 食完暖笠笠好補身😚 ✨蟹籽燒賣皇大大粒燒賣，入面包住半肥瘦豬肉，比較傳統既做法～ 除左點心，原來呢間酒樓仲有盆菜可以訂購，係全年供應～岩晒大時大節訂番屋企同親友一齊食😋 另外農曆新年就到，酒樓已經推出了各式各樣賀年糕點，可以開始預購🥳 大眾點評都仲有優惠券，真係好抵食～ 呢間酒樓都好適合一大班人食團年飯又或者做婚宴場地，因為樓底好高，空間感大，裝潢華麗，一入門口有靚靚旋轉樓梯可以影靚相，又有舞台👍🏻 想知多啲詳情可以click入去Website ： www.thestarview.com 📍地址：銅鑼灣波斯富街99號利舞臺廣場5樓 (港鐵銅鑼灣站A出口)
繼續閱讀
朋友係外國返黎香港度假同倒數，當然要搵間高質美味嘅中菜慶祝下餐廳裝潢富麗堂皇，店內環境寬闊大堂設有舞台，設有大量座位，仲有靚靚打卡樓梯非常適合團年晚餐、公司週年聚餐、用作婚宴場地近排仲可以優惠價享用招牌白胡椒肉蟹焗飯及其他菜式咁鐘意食蟹嘅我，又點可以唔黎試下食物方面 :招牌白胡椒肉蟹焗飯 : 螃蟹肉質飽滿，蟹鉗肉質鮮嫩入味，以白胡椒烹調方法，帶出陣陣胡椒香味，蟹身配搭胡椒味道濃郁，微辣惹味，底層焗飯帶有少少焦香，吸收曬蟹汁及蟹膏嘅味道，夠曬惹味遠年陳皮燒鵝伴陳村粉 : 燒鵝燒到外皮香脆，肉嫩多汁，底層陳村粉吸收曬滷水汁及鵝油嘅精華，非常美味川式酸菜煮深海龍躉球 : 龍躉片煙韌彈牙，份量非常多，加入酸菜、木耳、蘿蔔去浸煮，味道帶酸辣入味蟹粉小籠包 : 小籠包一籠一客，皮薄餡靚，餡料豐富，入便仲有大量蟹粉蟹肉，相當足料，仲爆曬汁得獎金磚脆豆腐 : 豆腐炸得色澤金黃，外脆內嫩，惹味中嚐到鬆軟滑溜的感覺，乾身唔油膩，果然係得獎小食仲有預售新年盆菜，價錢都相當抵大眾點評都有優惠券
繼續閱讀
【銅鑼灣必食點心】花海樓梯打卡！父親節一家人飲茶首選🎉呢間位於銅鑼灣嘅酒樓真係不得了！一入門口就被超巨型水晶燈同花海樓梯震撼到裝潢華麗到連TVB Weekly都推薦做星級婚宴場地打卡位多到影唔停📸 今次同屋企人試咗佢哋嘅手工點心絕對係真材實料，老師傅每日新鮮製作！✨必試推薦✨《雪山叉燒焗餐包》外皮酥到掉渣，入面蜜汁叉燒多到瀉《瑤柱鮮蝦菠菜餃》咬落成隻蝦彈出嚟🦐 《紅燒皇子乳鴿》皮脆肉嫩，爆汁程度誇張最驚喜係《蘿蔔千絲酥》酥皮層次分明，蘿蔔清甜無渣家人食到豎大拇指👍父親節帶爸爸嚟食保證開心！《金珠鹹水角》外脆內糯，滿滿肉餡流出嚟《櫻花蝦蕊花炸兩腸》《乾鍋醬金錢肚》咪濃入味《蟹籽燒賣皇》原粒蝦比例仲多過豬肉大大粒《鮮淮山蟹柳棉花雞》棉花同雞柳滑又淋而家大眾點評有優惠券可以領人均百多元就食到米芝蓮級數點心無論係家庭聚會、公司春茗定擺婚宴呢度嘅巨型水晶燈同高樓底都夠氣派今個週末帶同家人嚟個點心盛宴
繼續閱讀