影片
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
雲南過橋米線食評叫左一碗『雲南過橋』既米線餐，整體體驗同味道都只係一般，未能完全打動我嘅味蕾。首先講講賣相，過橋米線端上嚟時確實有啲吸引。佢分開3碟上，一碟係有配料既湯底，有豬紅韭菜芽菜豬肉碎既湯，，旁邊一碟係腩肉蟹柳炸醬冬菇雞翼等，每樣一舊，另一碟係花生🥜加撈左汁既米線。米線本身上左汁，有小小味，睇落質感唔錯，但係偏淋，無咬感，唔彈牙。但講到味道，就有啲失望。湯底係過橋米線嘅靈魂，可惜呢間嘅湯底略為平淡，缺少咗嗰種濃郁嘅層次感同香氣。試過將配料逐樣加入湯中，期待味道會有提升，但整體仍然係「唔咸唔淡」，未能帶出食材嘅精髓。價格方面，一碗過橋米線連基本配料要港幣$65左右，考慮到味道同份量，性價比只屬一般。
繼續閱讀
平時去尖沙咀有時都想食平民野星林居係我第一選擇湯底帶甜，但酸辣得嚟又岩岩好大腸好肥好夠味同埋叫左腩肉好肥好正最正係配料一大堆食落好爽又有層次米線好滑～係我成日會食嘅餐廳 推介👍🏻
繼續閱讀
星林居酸辣米線餐廳一直都係我嘅至愛，今次再去幫襯，叫咗兩個小鍋米線，一個係紫菜肥牛麵筋，另一個係紫菜腩肉、墨丸豬紅。雖然佢哋嘅選擇仲係好多，但係食落口嗰刻，覺得味道同以前有啲唔同。
首先講下紫菜肥牛麵筋嗰個，肥牛同麵筋嘅份量都幾足，紫菜嘅香味都仲係度，但係成個湯底就覺得冇以前咁濃郁。可能係因為佢哋想迎合更多人嘅口味，但係對於我嚟講，就少咗啲嗰種令人一試難忘嘅感覺。
再嚟就係紫菜腩肉、墨丸豬紅嗰個，腩肉同墨丸都幾好食，豬紅就稍微覺得有啲硬。湯底都係同第一個一樣，覺得淡咗啲。成個米線食落口，就覺得份量比起以前少咗啲，可能係因為成本問題，但係對於成日嚟食嘅我嚟講，就覺得有啲唔抵。
總言之，星林居酸辣米線餐廳雖然仲係保持到一定嘅水平，但係同以前比起嚟，無論係味道定係份量，都有啲退步。希望佢哋可以聽到客人嘅意見，喺未來可以做得更好。
繼續閱讀
自己一個人喺尖沙咀食飯 見天氣凍凍地就想食酸辣米線 OpenRice裏面搵到一間貌似好食嘅咁就入咗去試吓 點知有驚喜🤩明火小窩米線 35生根+8 龍蝦丸+8 蘿蔔 +10一嚟到 碗米線好多蔥 唔食蔥嘅朋友記得走蔥 好震撼😍因為我係蔥嘅愛好者 啖啖都係蔥同韭菜 再加上肉碎 少少辣普通酸 正😋生根有四粒 軟硬啱啱好 最有驚喜係龍蝦丸 本身佢同出面嘅龍蝦丸唔一樣 但應該俾錯章魚丸 但都值得一試👍🏻另外蘿蔔都有兩大嚿 而且好腍好甜總結：服務員好好 落單前會確認要唔要芫荽 好細心 呢間嘢我會再試多次😋😋
繼續閱讀
見好耐冇去今日去幫襯吓，真係失望。質素比數年前差咗好多，個湯好淡，食物亦都冇之前咁新鮮，衛生情況亦差咗，間舖頭都冇乜本地人去，整體嚟講係退步咗好多。今次係最後一次幫襯。
繼續閱讀