星期捌 (已結業)

我一向很喜歡閒時又有mood就到樓上cafe坐一坐,靜一靜,享受獨個兒悠閒的感覺,初次來,第一感覺是很乾淨,很寧靜, 每枱都是長sofa, 即使一個都會有很放鬆而不孤單的感覺。order了一份沙律, 小食 + 壺花茶,通常樓上cafe的沙律或小食份量都極小,但三文魚雜菜沙律的份量足夠2個人享用, 雖然堆砌方面有點需改善, 不過都是用心之作。我較欣賞雞軟骨配蜂蜜黃芥辣醬, 雞軟骨即炸(需時約十多分鍾),口感都很好, 已成為我每次前往必吃的小食。至於花茶, 我選了桂花玫瑰茶,淡淡, 清清的花香,加上特別的燭台,望著小花在滾茶的一刻,相信你會愛上喝花茶。此處人流不多, 感覺非常好！

約朋友食飯，好久沒見，所以想找一些靜靜、可以坐久一點的餐廳，好好談談天。選在本區食，突然見到這間，首先個名幾特別，之後參考了個食評，回應是正面的，所以就拍板了。真是很難找，我們在那條街徘徊了2次，最後才見到那塊牌 " one more day"( 建議也寫上中文）。我們3人摸索著上樓，坦白說，樓梯有點暗、窄，上去是需要一些勇氣。但按了鈴進去後，就是一個寬敞又雅緻的cafe，門前門外兩種景象。沙發很寬闊，坐得舒服，播著柔柔的，十分適合慢傾。雖然餐牌選擇不多，但相信是一眾年輕經營者苦心所思的。我們叫了芝士焗薯蓉、呑拿魚長通粉、忌廉吞拿魚Rissoto、忌廉波菜海鮮Rissoto、以及茉莉巧克力、芒果冰、青蘋果蘇打。總括而言，食物中等，環境舒適，如果是大伙人包場聚餐，未嘗不是一個好選擇。

老公生日，當然要到開飯搵料。這店的名字特別，食評亦相當正面，決定要試試。青檸梳打：唔掂，無乜氣，好似飲緊藥水。 芝士焗薯蓉：芝士的味道與薯蓉好夾，賣相差，但可以一試。忌廉菠菜汁雞排長通粉：個汁好好味，雞扒煎到少少乾，有嚼勁，唯長通粉未夠熟，好硬。蜜糖雞翼：好好味，雞肉夠實又入味，一定要試。飲食之外，店內環境亦非常重要。冷氣被窗簾阻擋，開放式廚房，加上有情調的烏絲燈膽，熱上加熱。那個精緻的爉燭臺被冷落了，擺放在我們桌上的一角，令我們在黑暗中進餐。本來坐下不久，老公話要走，但我堅持要試幾款，支持小店嘛。唯一吸引我們留下來的，就是兩個在廚房忙忙碌碌，充滿熱誠的年輕人，為夢想而努力！

星期六想同朋友揾地方坐底hea下，於是就上左one more day。環境方面，地方十分寬敞，坐位同枱都好舒服。店員服務態度好好，會時不時問下有咩需要，仲會主動同我地講有boardgame玩。另外，game種類好多，好適合一班三五知己長聚一下，有game玩有機打。睇得出眾店員都好有熱誠，好想做好啲間cafe,呢種態度好值得讚賞。而家就講下食物方面先：總結而言，one more day既食物質素唔錯，絕對可以一試。而且環境好大，好適合朋友，家庭聚會。實在係元朗人值得去玩一個下午既地方。希望店主，店員們繼續努力！

一路以黎我都只係用openrice同埋open snap 搵食，都未試過寫comment，今次破天荒第一次為呢間新餐廳寫下評價啦。星期六、日通常都會搵下唔同既餐廳晚飯，用open snap見到元朗有新餐廳，其實係比佢個名「星期捌」(英文名One More Day) 吸引左，所以決定去試下新野

是日假期，想搵個地方靜靜地找一個地方看小說，Cafe係不二之選。睇咗Open rice，見到呢間樓上cafe就去hea下啦。但呢間cafe地址唔難搵，但樓下冇招牌，我以為去錯地方！好彩後尾打電話去問先搵到。上到去得一枱客人，地方幾闊落，枱都幾大張。估計應該冇乜人知道呢間餐廳。點咗一客鮮茄焗豬扒飯同一杯青檸梳打。埋單時老闆主動搭訕，講到原來今年三月先開張，有好多嘢都未準備好。又問我覺得有咩改善既地方，仲問我鐘意食咩即刻加落個餐牌到，哈哈感覺佢都好有熱誠，做食物都好有心機，仲冇收加一服務費添！老闆叫我帶朋友黎一齊玩，如果意猶未盡既話可以為咗客人夜啲閂門都冇所謂咼！見佢咁有心機，呢間餐廳我諗我會再戰既！